СДСМ повторно избра да ги кочи процесите наместо да понуди решенија – додека декларативно зборуваат за демократија, во пракса го блокираат Изборниот законик и можноста Македонците од дијаспората полесно да го остварат своето право на глас, објави пратеничката на ВМРО-ДПМНЕ, Ели Панова.

„10.000 амандмани против македонската дијаспора! Што има СДСМ против дијаспората!? Што толку им пречат граѓаните кои живеат надвор од Република Македонија!? Секој обид да се спречи волјата на народот е однапред осуден на неуспех. Може да го блокираат Собранието, но не можат да ја блокираат одлуката на граѓаните. На следните избори, наместо фактор, СДСМ ќе биде само статистика“, објави партеничката Панова на Фејсбук.

The post СДСМ СО 10.000 АМАНДМАНИ ПРОТИВ МАКЕДОНСКАТА ДИЈАСПОРА Што толку им пречат граѓаните кои живеат надвор, прашува Панова appeared first on plusinfo.mk.

Бројните закони коишто се носат во Собрание, а коишто се дел од реформската агенда, се закони кои го подобруваат квалитетот на живот на граѓаните – рече Ели Панова, член на ИК на ВМРО-ДПМНЕ и пратеничка, во гостување во емисијата „Заспиј ако можеш”.

Таа додаде дека исплатените средства од страна на реформската агенда претставуваат признание дека ЕУ гледа дека државата има капацитет и е способна да исполни.

– Законите коишто ние ги носиме во овој момент, коишто се дел од реформската агенда, но дел и од програмата на Владата, се закони кои општеството има потреба за нивно носење, тоа е најважно. Ние со факти и аргументи се бориме и затоа сме изморени да им се докажуваме на нашата опозиција кога зборуваат дека ништо не работиме. Ако ЕУ не вреднува позитивно, ако граѓаните не вреднуваат позитивно, ако отвориме Државен завод за статистика и ги погледнеме бројките, ако во исто време имаме пет автопати коишто се градат, ако гледаме дека се градат болници, се спасуваат животи, тогаш сфаќаме дека ние можеби не можеме да се промениме како држава преку ноќ, но работиме со засилено темпо, за да оствариме што е можно повеќе – децидна е Панова.

Панова истакна дека голем дел од законите коишто се дел од реформската агенда се веќе во собраниска процедура, а дел од нив веќе се донесени.

– Денес имавме последна расправа за Законот за оружје, којшто е дел од реформската агенда, на која што беа прифатени одредени амандмани, законите за јавнообвинителска и судска служба исто така се во собраниска процедура, истите се дел од реформската агенда, на нив има одредени забелешки, истите се поврзани со финансиски средства, но во исто време ќе направиме да се подобрат истите и да ги донесеме во исто време – посочи Панова.

Панова додаде дека во Собрание истовремено се носат и закони коишто не се дел од реформската агенда, но се потребни за граѓаните. Таа истакна дека Законот за царински тарифи за првпат се намалува царината на репроматеријалите и претставува директна поддршка за производителите.

The post СО ЗАКОНИТЕ ШТО СЕ НОСАТ ВО СОБРАНИЕТО СЕ МЕНУВА СЛИКАТА ЗА МАКЕДОНИЈА Во постапка се измени на законот за оружје, за јавнообвинителска служба, за царински тарифи… appeared first on plusinfo.mk.

Ели Панова, член на ИК на ВМРО-ДПМНЕ, во изјава за Алсат телевизија, а по повод 36-тиот роденден на ВМРО-ДПМНЕ под мотото „Македонија забрзува, наша обврска”, истакна дека поддршката од граѓаните е показател за нивното задоволство од работењето на ВМРО-ДПМНЕ, нагласувајќи дека партијата денес не одбележува само роденден, туку и 36 години посветеност и борба за македонските национални интереси.

– Самиот тој факт кажува дека народот е задоволен од работењето на ВМРО-ДПМНЕ, а тоа е и еден од нашите постулати од самото формирање. Ние денес не славиме само роденден на една политичка партија, тоа се 36 години посветеност, 36 години борба за македонските национални интереси. Биле тешки моменти, моменти во коишто сите мислеле дека нема излезност, но од друга страна ние сме се издигнале посилно од било кога и секогаш наш единствен интерес бил народот и тоа што тие го сакаат. За краток период од две години сметам дека направивме доста. Секогаш може повеќе и секогаш може подобро, но ние се стремиме токму кон тоа. Токму поради тоа денес славиме заедно со народот којшто не избрал да бидеме дел од Владата, да бидеме дел од парламент, да бидеме дел од институциите, ако потекнуваме од народот, треба да работиме за народот и само така можеме да успееме да одиме напред – рече Панова.

Панова истакна дека едно од клучните ветувања на ВМРО-ДПМНЕ било испраќањето на ДУИ во опозиција, оценувајќи дека со тоа Албанците биле ослободени од, како што рече, долгогодишен и репресивен систем на владеење. Таа нагласи дека Владата работи подеднакво за сите граѓани, посочувајќи ги инвестициите во образованието и инфраструктурата.

– Една од основните и првите работи коишто ја направивме кога дојдовме на власт ДУИ ги испративме во длабока опозиција. Тоа беше наше ветување и практично Албанците ги ослободивме од едно долгогодишно владеење на еден систем создаден од страна на ДУИ, којшто и ние денес сметаме дека бил репресивен и на одреден начин негативен за нив. Сметам дека работиме подеднакво и за Македонците и за Албанците, затоа што и Македонците и албанските деца денес имаат учебници во училиште, и Македонците и Албанците ќе се возат и се возат низ патиштата коишто ние ги градиме – рече Панова.

The post 36 ГОДИНИ ВМРО-ДПМНЕ СЕ ГОДИНИ НА ПОСВЕТЕНОСТ И БОРБА ЗА ДРЖАВНИТЕ ИНТЕРЕСИ Поддршката од граѓаните е показател за тоа appeared first on plusinfo.mk.

„Автократот од Форино треба да знае дека функцијата која ја врши е одговорна и бара сериозност, а не чаламење и инфантилно однесување. Илјадници граѓани секој ден зависат од политиките на владата, од мерките и проектите.

Разбираме дека ниту Ковачевски, ниту некој од СДС ќе се осуди да го искритикува Талат Џафери, затоа што сега молат за заеднички листи, ама сепак во име на интересите на граѓаните нека го посоветуваат да се приземји и да си го одработи достоинствено мандатот до изборите.

Филмот со пури, пијалаци, службени автомобили, обезбедување, затворање на пешачки зони и слично, говори за карактерот на Џафери, кој можеби го попримил од ликовите од подземјето со кои се дружел.

Ако по утрото денот се познава, Талат планира да „турка“ мафијашки стил на мандат. Тоа е уште еден доказ дека никогаш не било полошо во Македонија, отколку сега со СДС и ДУИ. Затоа важно е да ги поразиме“ – се вели во соопштението на ВМРО-ДПМНЕ.

Ели Панова, пратеник во Собранието и член на Извршниот комитет на ВМРО-ДПМНЕ на вечерашната емисија „Заспиј ако можеш“ што се емитува на телевизија Алфа рече дека Талат Џафери е човек кој не ги почитува правните норми и практикува самоволие, а таквото однесување од Собранието ќе го префрли во Владата.

– За тоа каков е Талат Џафери говори и тоа што го видовме денес. Прво рече не му е важно со какво возило ќе се вози, за по кратко време со автомобил да оди на плоштад за да пие кафе, рече

Панова посочи дека за ДУИ карактеристика е аздисаноста на таа партија и оти нивното однесување не е изненадување.

– Од нив може да се види само кршење на закони, на Устав, на сите правни норми. Од ДУИ само тоа го знаат и ништо повеќе. Оттука не можеме да очекуваме ништо поинаку и сега од Талат Џафери кој е сега премиер – рече Панова.

Панова укажа дека кога ќе се спомене името на Талат Џафери на сите им паѓа на памет 27 април, денот кога тој беше избран за претседател.

– За тоа нема запис, сите знаме каков беше изборот за претседател на Собранието. Тој фрли 35 илјади амандмани во контејнер кога опозицијата, ВМРО-ДПМНЕ се обиде да го блокира законот за јазиците. Неговото раководење на Собранието помина и во знакот на тоа како погрдно викаше по вработените во Собранието. Потоа има бројни закони со европско знаменце, ако апсолутно не беа на нив да биде тоа знаменце, истото беше само злоупотребено. На крај си направи извештај за својата работа од 250 страни – посочи Панова.

The post ПРВ ПРОЕКТ НА ЏАФЕРИ – ПАРКИРАЊЕ СО СЛУЖБЕН МЕРЦЕДЕС НА ПЛОШТАД! Ако по утрото денот се познава, тој ќе владее во мафијашки стил, вели ВМРО-ДПМНЕ appeared first on plusinfo.mk.

– Тоа што доминира во моментот е гневот, особено кон институциите кои што да речеме дозволиле да се случи едно вакво грозоморно случување. Се изгубија два невини животи и сега кажуваат дека тоа било изолиран случај, а притоа добиваме информации дека сите овие случувања се поврзани, во исто време има траги и во СВР Велес и во ОЈО, и во СВР Скопје, за одредени укажувања односно документи кои што алудираат на тоа дека доколку институциите ја завршиле својата работа, можеби немало да се случи тоа што се случи – изјави Панова.

Панова смета ваквите несакани дејствија започнале кога „пајакот“ бил виновен за удирање на полицајката, кога одговорност за пожарот во Модуларна болница бил виновен кабелот, како и за БЕСА Транс дека биле виновни царинарниците кои не извршиле контрола на автобусот.

– Сè почна кога крив беше „пајакот“, кога наводно пајакот ја удри полицајката. После тоа имаше неказнивост со пожарот во модуларната болница во Тетово, каде што беше крив кабелот. После тоа имате крива е царината што на БЕСА Транс бидејќи не извршила контрола на автобусот – вели таа.

Според Панова, во државата нема одговорност и казнивост, па затоа мафијашите и криминалците се сметаат за моќни и дека никој ништо нема да им направи без разлика што и да сторат.

– Сè додека во Македонија нема одговорност за ваквите настани, јас лично сметам дека се охрабруваат мафијашите и криминалците да хараат низ државата, и да мислат дека никој не им може ништо и едноставно на тој начин да сметаат дека што и да направат никогаш нема да бидат казнети – рече пратеничката.

На прашањето дали постојат докази дека МВР потфрлило во случајот со исчезнувањето на малата Вања, Панова истакна:

– Треба да знаеме дека постојат докази коишто ние ги гледаме од објавени постови во медиумите. Прво Панче Жежовски бил пријавен за исчезнат заедно со своето возило. Во СВР Велес постоело документ дека има пријава дека Панче исчезнал со своето возило. Зошто МВР не се обидело да го најде возилото за да може да спречи или евентуално при самиот влез на возилото во Скопје преку Сејф Сити да го лоцира возилото – рече Панова.

The post МАФИЈАШИТЕ СЕ ЧУВСТВУВААТ МОЌНО СО ОВАА ВЛАСТ Панова забележува дека во земјава нема одговорност и казнивост appeared first on plusinfo.mk.

Според Панова ако Владата сакала да ги подобри условите можела да го направи тоа до сега.

– Во 2010 е потпишан договор со банката за развој за реконструкција и биле определени 46 милиони евра, од заемот се повлечени само 21 милион евра и тоа во периодот на ВМРО-ДПМНЕ. Во време на актуелнава Влада нема ништо направено на овој план. Единственото нешто што треба да го направите е да направите план за тоа како да се подобрат условите. Ние сме држава во која има 386 избегани лица од затворите, нема казни за избеганите лица што значи се поттикнуваат да бегаат и слично. Оваа е четврта амнестија во овој период, а ништо не е направено – вели Панова.

Панова укажа дека е многу јасно оти во Владата нема единствен став за овој закон.

– Димитар Ковачевски рече ќе поднесува амандмани, Оливер Спасовски дека е против, Кренар Лога е решен да помине бидејќи очигледно го ветил на поединци. Судбината на истиот не се знае, но едно е јасно ВМРО-ДПМНЕ ќе го блокира, зашто тоа е закон со кој се амнестира криминал во државата, а тоа за ВМРО-ДПМНЕ е недозволиво – рече Панова.

The post РАСТОВАРУВАЊЕТО НА ЗАТВОРИТЕ Е САМО ИЗГОВОР Пратеничката Панова објаснува зошто ВМРО-ДПМНЕ ќе го блокира законот за амнестија appeared first on plusinfo.mk.

– Димитар Ковачевски и Артан Груби договарале и потпишале договор со „Бехтел и Енка“ кој предвидува услови за чие исполнување ниту еден од нив нема мандат. Според документите кои излегоа во јавност, Владата ќе треба да плати 53 милиони евра како пенали за неовозможување на 60 часовна работна недела, во рок од 45 дена од потпишувањето на договорот помеѓу Владата и „Бехтел и Енка“. Дополнително секој месец Владата ќе треба да плаќа над 2,1 милиони евра повеќе на име пенали, додека трае изведбата. Ова значи дека ако до 22 април не се донесе 60-часовна работна недела, Македонија веќе на 23 април ќе треба да исплати 53 милиони евра еднократно како пенали кон „Бехтел и Енка“ и секој месец да исплаќа по дополнителни над 2,1 милион евра, штета која Ковачевски и Груби ја направиле. Оваа штета може да се случи и истата изнесува фантастични 200 милиони евра. Ова се пари со кои можат да се купат лекови за ретки болести, да се изградат школи, градинки, водоводи. Тие го потпишале договорот, па сега го кријат под превезот деловна тајна, го држат далеку од очите на јавноста. Па се поставува прашањето што кријат Ковачевски и Груби и што не смеат да видат граѓаните? – рече Панова.

Дека Македонија треба да плати пенали потврди и Владата, која пеналите ги нарече зголемени трошоци заради продолжување на рокот на изведба, посочи пратеничката.

– Само со овој дел од договорот и Ковачевски и Груби се инкриминирале, бидејќи ја злоупотребиле својата службена положба и овластување и презеле обврски кои не се во ингеренции на извршната власт, туку на законодавната, на Собранието. Ковачевски и Груби не само што се инкриминирале, туку и прекршиле одлука на Уставен суд, кој по тоа прашање се изјаснил во јули месец 2022 година, кога изречно навел дека 60 часовната работна недела е неуставна. Се поставува логичкото прашање, зошто ЈО молчи, иако имаме признание од Влада и документи кои излегле во јавноста, а кои индицираат директна милионска штета за државата причинета од врвот на власта? Дали треба да се одлеат милиони за ЈО да почне да делува? За ова одговорност мора да има – рече Панова.

The post КОВАЧЕВСКИ И ГРУБИ ГО КРИЈАТ ДОГОВОРОТ СО „БЕХТЕЛ И ЕНКА“ Панова бара од Јавното обвинителство да отвори истрага appeared first on plusinfo.mk.

– Секој има право да конкурира, да се запише, да направи одреден успех, и да се рангира на одредена листа. Меѓутоа, за лица за кои што постојат сомневања, и притоа ДКСК отворила предмети, како што е на пример случајот со синот на Талат Џафери, за кој што излезе во јавноста дека всушност без завршен факултет полагал правосуден испит, и утре треба да биде обвинител или судија, е директен удар врз судството и обвинителството. Впрочем, како ние утре да веруваме дека некој од овие лица ќе дели правда, кога се отворила ваква дилема без да биде притоа затворена за јавноста и без да биде одговорено од институциите од кои што тоа се очекува – рече Панова.

Таа посочи дека довербата кај граѓаните во судството е драстично падната, и тоа е показател дека државата не се движи во правилна насока.

The post УШТЕ ЕДЕН УДАР ВРЗ ПРАВОСУДСТВОТО Пратеничката Панова за изборот на Џафери јуниор за обвинител appeared first on plusinfo.mk.

– Повторно оној истиот кој вчера овде креваше раце за победа овде од говорница затоа што не знаеше што друго да направи, избега. И повторно му дозволувате да избега. А согласно деловникот тој треба да биде тука, на кој да веруваме, кој да прашуваме, кој да не слушне, Османи кој што имаше десет различни изјави, кој што кажува протокол има, протокол нема, ќе ви го покажеме, нема да ви го покажеме, го знаеме, не го знаеме – потенцираше таа.

Ајде да видиме дали Ковачевски го знае тој протокол, нека дојде тука, нека седне овде, да нè слушне, нека ги чита коментарите на граѓаните кои што се надвор, вели Панова.

Панова го повика и Бојан Маричиќ вицепремиер за европски прашања, да дојде во бифето, потсетувајќи го дека ако ништо друго барем може да го посети собраниското бифе и да провери дали на менито има бифтек.

Панова изјави дека Ковачевски мора да присуствува на седницата и да им објасни на граѓаните уште какво предавство се спрема да го направи, бидејќи како што рече таа Ковачевски  е единствениот кој што требаше ова прашање да го реши во владата а не кукавички да го прати овде во собранието.

– А Маричиќ слободно може да се симне во бифе да види дали има бифтек. Нас ни треба да дојде овде Ковачевски, оној кој што го потпишал овој документ. И затоа овозможете веднаш да се појави овде, тој е единствениот кој што требаше ова прашање да го реши во владата а не кукавички да го прати овде во собранието – посочи Панова.

Не до се појави и избега, туку да седи цел ден овде заради тоа што граѓаните на Република Македонија седат по цел ден и чекаат за да видат уште какво предавство се спремни да направите, кажа Панова.

The post ЗОШТО МУ ДОЗВОЛИВТЕ НА КОВАЧЕВСКИ ДА ИЗБЕГА? Маричиќ да види во бифето дали има бифтек appeared first on plusinfo.mk.

Пратеничката констатира дека мнозинството предводено од СДСМ и од ДУИ, едногласно го одбило амандманот.

The post ДИСКРИМИНАЦИЈА НА ВРАБОТЕНИТЕ ВО ЈАВНИОТ СЕКТОР? Едногласно одбиен амандманот на ВМРО-ДПМНЕ за линеарно зголемување на платите appeared first on plusinfo.mk.