Катастрофалните поплави во Тексас однесоа најмалку 82 животи, меѓу кои на 28 деца, додека операциите за пребарување исчезнати девојчиња од летен камп продолжуваат трети ден, а стравувањата од нови нагли поплави предизвикаа дополнителни евакуации.

Шерифот на округот Кер Лари Лејта изјави дека само во неговиот округ загинале 68 лица, вклучувајќи 28 деца. Гувернерот на Тексас, Грег Абот, на вчерашната прес-конференција потврди дека има дополнителни жртви во други делови на државата, а 41 лице се водат како исчезнати.

Американскиот претседател Доналд Трамп изрази сочувство до жртвите и најави можна посета на погодениот регион в петок. Неговата администрација е во постојан контакт со гувернерот Абот, додаде тој.

– Ова што се случи е ужасно, апсолутно ужасно. Затоа велиме: „Бог да ги благослови сите што претрпеа толку многу и Бог да го благослови Тексас“ – изјави Трамп пред новинарите во Њу Џерси.

Летниот камп „Кемп Мистик“, христијански камп за девојчиња со речиси едновековна традиција, е меѓу најтешко погодените од поплавите. Според Лејта, сè уште се трага по 10 девојчиња и еден вработен од кампот.

– Беше ужасно да се види низ што поминале овие деца – рече Абот, кој во саботата го посети регионот и вети продолжување на напорите за пронаоѓање на исчезнатите.

• НАЈМАЛКУ 20 ДЕВОЈКИ ИСЧЕЗНАТИ ОД ЛЕТЕН КАМП Катастрофални поплави во Тексас

Поплавите се предизвикани од реката Гвадалупе, која се излеа од коритото по обилните дождови во централниот дел на Тексас на 4 јули, Денот на независноста на САД. Според началникот на Одделот за управување со вонредни состојби во Тексас, Ним Кид, три лица загинале во округот Барнет, едно во округот Том Грин, 5 во округот Травис и едно во округот Вилијамсон.

– Бројот на жртвите ќе се зголеми денеска и утре – изјави директорот на Одделот за јавна безбедност на Тексас, Фриман Мартин.

Според официјални извори, спасени се над 850 лица, вклучувајќи и некои кои се држеле за дрвја по невремето што донесе до 38 сантиметри дожд во регионот, околу 140 километри северозападно од Сан Антонио. Федералната агенција за управување со вонредни состојби е активирана, а хеликоптери и авиони на американската крајбрежна стража учествуваат во спасувачките операции.

ВО ПОПЛАВИТЕ ВО ТЕКСАС ЗАГИНАА 50 ЛУЃЕ Исчезнати се 27 девојки од летен камп

The post БРОЈОТ НА ЗАГИНАТИ ВО ТЕКСАС СЕ КАЧИ НА 82, МЕЃУ НИВ 28 ДЕЦА Сѐ уште се трага по девојчињата од летниот камп appeared first on plusinfo.mk.

Од партијата велат дека владата треба да им помогне на земјоделците да излезат од кризата поради сушата, а први мерки би биле да се прогласи елементарна непогода од суша и да се формоираат комисии во подрачните единици на МЗШВ за проценка на штетите од сушата.

Еве ги останатите:

1. Подрачните единици на МЗШВ во соработка и координација со водните заедници, јавните претпријатија кои стопанисуваат со водните ресурси и земјоделските здруженија да направат план како да се интервенира на местата каде што нема вода или е недоволна нејзината количина;

2. Намалување на цената на водата за наводнување, а кај земјоделците што имаат 100% штети, целосно ослободување од плаќање;

3. Користење на цистерните на комуналните претпријатија за наводнување;

4. Запирање со работа на малите хидроцентрали кои се наоѓаат на реки во критично сушни подрачја, и максимално користење на водата за наводнување во земјоделието;

5. Забрана за градење на мали хидроцентрали;

6. Чистење и редовно одржување на системите за водоснабдување;

7. Одземање на концесиите на системите за водоснабдување на приватните фирми кои вршат застои и нередовно снабдување со вода;

8. Субвенции за набавување на модерни системи за водоснабдување како капка по капка и вградување на водомери;

9. Изработка на стратегии за водоснабдување преку среднорочни и долгорочни планови, бидејќи глобалното затоплување и климатските промени во иднина ќе предизвикуваат се почести суши кои ќе влијаат врз земјоделското производство, а со тоа и на цената на храната.

The post ДА СЕ ПРОГЛАСИ ЕЛЕМЕНТАРНА НЕПОГОДА ОД СУША Левица предлага сет мерки за помош на земјоделците appeared first on plusinfo.mk.