Она што требало да биде обично излегување од паркинг се претворило во една од најскапите сообраќајни несреќи во Германија оваа година, со вкупна материјална штета проценета на околу 1,2 милиони евра.

Неименувана 22-годишна девојка со својот „мерцедес“ предизвикала серија судири во германскиот град Вертхајм, објавува швајцарскиот портал „Блик“, повикувајќи се на полициски извештај.

Според информациите, девојката го напуштала паркингот кај станиците за полнење електрични возила, кога се судрила со друг „мерцедес“, при што е предизвикана материјална штета од околу 80.000 евра.

Инцидентот, сепак, тука не завршил. Веројатно во шок, возачката продолжила да притиска на педалата за гас, по што удрила во станица за полнење електрични возила, предизвикувајќи дополнителна штета од околу 10.000 евра.

Непосредно потоа, возилото неконтролирано продолжило да се движи, ја пробило оградата на индустрискиот комплекс и оштетило инфраструктура во вредност од околу 2.000 евра.

Кулминацијата на инцидентот се случила кога „мерцедесот“ удрил во транспортен контејнер, во кој се наоѓал скап систем за складирање електрична енергија со контролна електроника. И контејнерот и неговата содржина биле сериозно оштетени, а штетата е проценета на околу 1 милион евра.

Дополнително, и возилото на 22-годишната девојка претрпело оштетувања во износ од околу 100.000 евра.

Според полициските проценки, вкупната материјална штета достигнува приближно 1,2 милиони евра. И покрај драматичната низа судири, во несреќата нема повредени лица.

The post НАЈСКАПАТА СООБРАЌАЈНА НЕСРЕЌА ГОДИНАВА Излегување од паркинг заврши со штета од 1,2 милиони евра appeared first on plusinfo.mk.

Со моќност од 588 kW (800 КС), 800 Nm вртежен момент, забрзување од 0 до 100 km/h за 2,0 секунди и максимална брзина од 320 кm/h, ова е „Opel Corsa GSE Vision Gran Turismo“. Таа е олицетворение на чисти перформанси и електрична иднина на „GSE“.

Од својата светска премиера, концептот со високи перформанси ја воодушевува публиката и е првиот концепт автомобил на „Opel“ што ги спојува реалниот и дигиталниот свет.

Но, како една идеја се претвори во толку импресивен концепт? Во возбудлива серија видеа на социјалните медиуми, „Opel“ сега ѝ дава на заедницата ексклузивни увиди во процесот на развој на револуционерниот концепт автомобил (епизоди од 1 до 3).

Во епизодите од 4 до 6, одговорните го покажуваат зачудувачкиот јавен одѕив што „Corsa GSE Vision Gran Turismo“ го доби за време на своите први појавувања на „IAA Mobility“ во Минхен и „Gran Turismo World Series“ во Берлин. Накратко: „OMG“! Како една идеја стана олицетворение на „GSE“.

– Постоеше постојано барање за повеќе воодушевување, за возбуда, за перформанси. И со тоа што го подигаме GSE на повисоко ниво, ние одговараме на заедницата на „Opel“ – рече потпретседателката за маркетинг на „Opel“, Ребека Рајнерман, во видеото. „Opel“ успешно демонстрира „RACE“ и „DRIVE“ во електричните рели-трки со години. Но, сè уште недостасуваше едно: „PLAY“!

Значи, задачата беше да се освои светот на игрите, со концепт автомобил кој мораше да биде извонреден во секој поглед и во исто време базиран на легендарен модел на „Opel“. Така се роди идејата за „Opel Corsa GSE Vision Gran Turismo“.

Но, како да се оживее? На крајот на краиштата, „Opel“ отвораше нови патеки во неколку аспекти со својот најнов концепт. „Opel“ дизајнираше многу сензационални студии, но никогаш чисто тркачки автомобил. А скокот од дигиталниот во реалниот свет беше исто така нов.

– Целиот тим беше возбуден и спремен за работа. Навистина сакавме да ги поместиме границите – објасни главниот дизајнер на напредни концепти, Флориан Тајс.

Првично, обемна развојна работа беше извршена во виртуелна реалност пред физичкиот дизајн да се оформи и вистинското возило, направено од лесни материјали, конечно да може да се склопи. 

Потоа дојде моментот: раководителите на „Opel“ можеа за прв пат да го видат готовиот концепт автомобил.

– О Боже! Супер емотивен момент – сумираше Тајс.

Попрецизно, поелегантно, потехничко и уште поемотивно: сите дизајнерски цели што се стремеа за време на процесот на развој беа постигнати. Тие придонесуваат за неспоредливите перформанси на оваа студија со високи перформанси. Она што ја прави посебна е тоа што сите детали можат да се видат и доживеат не само во реалниот свет, туку и во дигиталниот свет на „Gran Turismo 7“, еден од водечките светски тркачки симулатори. Понатаму, „Corsa GSE Vision Gran Turismo“ ја најавува следната генерација возила на „Opel“.

– Ова е одличнен момент, моментот на кој сите работевме повеќе од една година, кога конечно можеме да го откриеме автомобилот и да го покажеме пред целата публика – рече извршниот директор на „Opel“, Флоријан Хуетл, на светската премиера на „Opel Corsa GSE Vision Gran Turismo“ на „IAA Mobility 2025“.

Реакцијата на медиумите и јавноста на премиерите на „GSE“ во Минхен беше огромна! Ова се однесуваше и на уникатниот штанд на „Opel“ во центарот на градот, кој спои вистински возила со дигиталниот свет на „Gran Turismo 7.“ Накратко: Овој автомобил Ви го забрзува пулсот. Широко Ви ги отвара очите. Социјалните медиуми полудуваа.

По „IAA Mobility“ следеше „Gran Turismo World Series“ во Берлин. И таму, „Opel Corsa GSE Vision Gran Turismo“, ги воодушеви присутните, токму во срцето на меѓународниот настан за игри и социјални медиуми. Совршено место за да се демонстрира како реалниот и физичкиот свет се спојуваат и разгоруваат емоции.

– Нешто што никогаш не сум го доживеал. Извонредно – рече еден посетител, сумирајќи го совршено.

А извршниот директор на Opel, Хуетле сигурен: „Отворивме свет на нови можности!“

Во соработката со „Gran Turismo“, „Opel“ успешно и храбро почна да чекори по нови патеки, како што покажуваат реакциите на гејмерите и сите останати на саемот. Како што изјави легендата за игри и продуцентот на серијата !„Gran Turismo“, Икио Јамаучи: „Проектот ‘Vision Gran Turismo’ започна пред 12 години. И во неодамнешните напори за ‘Vision Gran Turismo’, размислуваме какви треба да бидат автомобилите во иднина заедно со производителите на автомобили. Во врска со овој ‘Opel Corsa GSE Vision Gran Turismo’, мојот впечаток е дека станува збор за многу реалистичен дизајн“.

Во овој поглед, најновата студија за високи перформанси од Риселсхајм веќе овозможува чекор увид кон иднината на „GSE“ и претстојните модели на „Opel“. Мисијата е исполнета!

The post 📽️ 📷 „OPEL“ ГО ПРЕТСТАВИ ЧУДОВИШТЕТО ОД ИДНИНАТА Новиот „Corsa GSE Vision Gran Turismo“ забрзува до 100 km/h за само 2 секунди appeared first on plusinfo.mk.

„Тојота“ ја подигна температурата во автомобилската индустрија со најавата за сосема нова солид-стејт батерија, која, според компанијата, ќе овозможи досег до 1200 километри со само едно полнење и враќање на полната енергија за околу 10 минути. Ова, ако стане реалност, би било историски пресврт – нешто што производителите на електрични возила со години го посакуваат, а купувачите го очекуваат со нетрпение.

 „Тојота“ има амбициозен партнер

Веста, која веќе се пренесува како „бомбастична“, доаѓа во момент кога глобалниот пазар на електрични возила бележи и раст и отпор. Голем досег и драматично скратено време на полнење се ветувања што звучат како совршена формула, но индустријата добро знае дека помеѓу лабораторија и салон за продажба има долг и тежок пат.

Во реализацијата на овој план, „Тојота“ не е сама. Јапонската компанија „Идемицу Косан“ веќе ја гради индустриската подлога за производство на клучниот материјал, литиум-сулфид, кој се користи во солид-електролитите. Погонот ќе биде изграден во Чиба, Јапонија и се очекува да почне со работа до јуни 2027 година. Со капацитет за материјали доволни за 50 до 60 илјади батерии годишно и инвестиција од над 140 милиони долари, ова е чекор што покажува дека визијата на „Тојота“ има сериозна логистичка поддршка.

„Идемицу“ планира и пилот-постројка уште до крајот на фискалната 2025 година, со цел да го намали трошокот на производството до ниво споредливо со класичните литиум-јон батерии. Ако тоа се оствари, комерцијализацијата би можела да стане реалност многу побрзо отколку што скептиците предвидуваат.

„Светиот грал“ во светот на електромобилноста

Солид-стејт батериите одамна се сметаат за „светиот грал” во светот на електромобилноста. Тие носат поголема енергетска густина, што значи подолг досег, далеку побрзо полнење и значително поголема безбедност, бидејќи нема течности кои можат да предизвикаат пожар. Покрај тоа, долговечноста на овие батерии е поголема – повеќе циклуси на полнење без значителна загуба на капацитет.

Но, колку и да звучи примамливо, масовното производство и ценовната одржливост се и понатаму најголемите предизвици. Како што предупредуваат дел од експертите, автомобилската индустрија веќе има горко искуство со технологии кои на хартија изгледале револуционерно, но во пракса се соочиле со непремостливи проблеми во производството.

Дали и ова ќе остане само на бомбастични наслови?

На интернет-форумите посветени на автомобилизмот, реакциите се мешани. „Тојота никогаш не покажа прототип. Ова е стопроцентна магла“, вели еден коментатор. Друг е уште поироничен: „Нема значење колку се добри батериите ако чини два милиони долари да се стави во автомобил“. Овие забелешки ја одразуваат растечката скепса – дека ваквите најави честопати остануваат само во насловите, без јасна траекторија кон пазарот.

„Тојота“, од своја страна, инсистира дека не станува збор за празни зборови. Компанијата вложува години во развој на солид-стејт технологијата и тврди дека моменталната фаза на тестирање е клучен чекор пред првите возила да излезат на патиштата.

И покрај тоа, набљудувачите потсетуваат дека ова не е прв пат „Тојота“,  а и други производители – да ветуваат „револуција за четири до пет години“. Овие рокови, речиси магично, постојано се поместуваат, оставајќи впечаток дека големата промена секогаш е зад аголот, но никогаш пред нас.

Ништо без функционални прототипи

Тука се поставува и прашањето на транспарентноста. Ако „Тојота“ навистина е блиску до решението, велат аналитичарите, тогаш треба да покаже функционални прототипи, детални спецификации и резултати од реални тестови. Без тоа, ветувањата ќе продолжат да бидат сфаќани како маркетинг, а не како најава на вистинска технолошка промена.

Во моментот, приказната за батеријата од 1200 километри и полнење за десет минути останува меѓу надеж и реалност. Инфраструктурната поддршка почнува да се оформува, а визијата на „Тојота“ е јасна. Но, од лабораторија до улица – патот е долг, а секој чекор е под будното око на индустријата и на јавноста.

Доколку успее, оваа технологија ќе значи пресвртница во начинот на кој гледаме на електричните возила – и ќе ги натера и најголемите скептици да поверуваат дека иднината конечно пристигнала.

The post „ТЕСЛА“ И КИНЕЗИТЕ НА КОЛЕНА ПРЕД „ТОЈОТА“? Нема појако од електрично возило со досег од 1200 километри и батерија што се полни за 10 минути appeared first on plusinfo.mk.

Македонија ќе биде првата држава во регионот каде насекаде ќе има достапни полначи за електрични возила, истакна вицепремиерот и министер за транспорт, Александар Николоски во интервјуто на ТВ Њузмакс Балкан.

– Тука сме пионери, заедно со Европската банка за обнова и развој моментално избираме консулатант кој што треба да направи студија и после таа студија да се имплементира. Мојата идеја е некаде на почетокот на вториот мандат на Владата на ВМРО-ДПМНЕ веќе Македонија да е Е-мобилна, односно да има можност за електрични возила буквално на секој агол во државата. Тоа е со цел граѓаните повеќе да не се грижат каде и колку е оддалечена следната станица за полнење, туку на едно пристојно растојание не повеќе од 10 км да има полнач – истакна вицепремиерот Николоски.

Во контекст на намалување на аерозагадувањето, вицепремиерот зборуваше и за планот на Владата за набавка на 120 електрични автобуси, од кои 80 ќе бидат наменети за главниот град, а останатите 40 за општините во државата.

Тој појасни дека првичниот тендер е поништен зашто што пријавениот понудувач не ги исполнувал поставените услови во јавниот повик.

– Сега работиме во рамки на министерството, идентификуваме како може да се зголеми конкуренцијата, а од стандардите нема да отстапиме, затоа што многу е лесно да купите дизел автобуси или автобуси кои што загадуваат, нашата цел е да купиме еколошки електрични автобуси кои што ќе ги исполнуваат сите стандарди, и затоа за брзо време ќе излеземе со планови во таа насока – додаде вицепремиерот Николоски.

The post ПОЛНАЧИ ЗА ЕЛЕКТРИЧНИ ВОЗИЛА ЌЕ ИМА НА СЕКОЈ ЌОШ Македонија ќе биде прва држава во регионот која целосно ќе се покрие со полначи appeared first on plusinfo.mk.

Продажбата на „Тесла“ на пазарот на ЕУ продолжи да паѓа во првиот квартал од 2025 година, со намалени регистрации за 45% на годишно ниво, покажаа податоците на Европската асоцијација на производители на автомобили (ACEA).

Во ЕУ, бројот на регистрирани возила на „Тесла“ падна на 36.167 во споредба со 65.774 во првите три месеци од 2024 година, што е најголем релативен пад во тој период меѓу големите производители на автомобили.

Продажбата на „Тесла“ во Европската унија падна за 36% во март во споредба со март 2024 година.

Тоа е продолжување на негативниот тренд за американскиот производител на автомобили во сопственост на милијардерот Илон Маск, иако падот е малку забавен во однос на почетокот на годината.

Помеѓу јануари и февруари, регистрациите паднаа за 49% на годишно ниво.

Групацијата „Фолксваген“ забележа благ пораст од речиси 5%, додека БМВ забележа скромен пораст од 0,4%. „Мерцедес-Бенц“, пак, забележа пад од 6,2%.

Севкупно, регистрациите на нови автомобили во Европската унија се намалија за 1,9% во првиот квартал, иако електричните возила (ЕВ) забележаа раст од 23,9%, достигнувајќи пазарен удел од 15,2%.

Регистрациите на електрични автомобили значително се зголемија во март во Германија, Белгија и Данска, а почнуваат да се зголемуваат во Шпанија и Италија, кои заостануваат далеку зад нивните европски соседи.

Од друга страна, тие се намалија во Франција (-14 отсто во однос на март 2024 година), каде уште се чувствуваат ефектите од намалувањето на еколошкиот бонус.

Сигрид де Врис, генерален директор на ACEA, смета дека овој напредок во електричните возила во Европската унија не е доволен за автомобилското лоби, што укажува на „цврстиот јаз меѓу амбициозните цели за декарбонизација и реалноста на побавно од очекуваното прифаќање од страна на потрошувачите“.

The post ЕВРОПЕЈЦИТЕ СЕ СВРТЕА КОН ДОМАШНИТЕ АВТОМОБИЛИ „Тесла“ забележа најголем пад на продажбата во ЕУ appeared first on plusinfo.mk.

Оваа одлука е донесена во време кога ЕУ воведе високи даноци за електричните автомобили од Кина, а Србија станува атрактивна локација поради договорот за слободна трговија со Пекинг.

Според Бранкица Зјалиќ, проект-лидер на ЈМЕВ Србија, одлуката за висината на инвестицијата ќе се донесе во следните два месеци и ќе зависи од тоа дали фабриката ќе произведува 3.000 или 5.000 возила годишно.

– Србија е мост меѓу Кина и Европа кога станува збор за продажба на електрични автомобили – изјави Зјалиќ за РСЕ.

Во октомври 2024 година, ЕУ воведе царини до 35% за електрични возила произведени во Кина, за период од пет години за да ја заштити европската авто индустрија од конкуренција на кинеските производители кои имаат државните субвенции.

The post СРБИЈА ЌЕ ПРОИЗВЕДУВА УШТЕ ЕДЕН ЕЛЕКТРИЧАН АВТОМОБИЛ Ќе го произведува кинеска компанија за извоз на европскиот пазар appeared first on plusinfo.mk.

Оваа независна студија ја проценува ефикасноста на возилата во реални услови на возење. Овие исклучителни резултати ја демонстрираат способноста на PEUGEOT да ја постигне својата цел: да биде лидер за електрични возила помеѓу мејнстрим производителите во Европа.

PEUGEOT Е-208 и Е-308 прогласени за најефикасни автомобили во Европа.

Секоја година, Ecotest што го спроведува престижната ADAC, независно ја мери ефикасноста на моделите кои се достапни на европскиот пазар. За оваа студија, ADAC ја мери потрошувачката на енергија на возилата во реални услови, во сообраќај.

На изданието на Ecotest за 2024 година, ADAC ги рангираше PEUGEOT Е-208 и PEUGEOT Е-308 опремени со 100% електричен мотор од 115 kW (156 KS) на првите две места од 84 тестирани модели. Третото PEUGEOT на овој тест, PEUGEOT Е-2008, опремено со истиот мотор, го зазема првото место меѓу SUV возилата, а помеѓу сите сегменти комбинирано, одличното шесто место.

Овие извонредни резултати ја покажуваат ефикасноста на 100% електричните модели на PEUGEOT . Тие се резултат на напорната и извонредната работа на инженерите и дизајнерите на брендот во сите сегменти: мотори, батерии, аеродинамика.

Трите модели PEUGEOT претставени на Ecotest 2024 покажуваат потрошувачка на енергија што поставува стандарди во нивните сегменти: 16 kWh/100 km за PEUGEOT Е-208, 16,3 kWh/100 km за PEUGEOT Е-308, 17,9 kWh/100 km за PEUGEOT Е-2008 за (бројки Ecotest, вклучувајќи ја загубата при полнење).

Овие PEUGEOT возила овозможуваат и опсег кој е меѓу најдобрите во нивната класа: 410 km за PEUGEOT Е-208, 413 km за PEUGEOT Е-308, 406 km за PEUGEOT Е-2008 (WLTP комбиниран циклус).

Како и сите 100% електрични PEUGEOT возила, и овие модели можат да се полнат од 20 до 80% за максимум 30 минути.

Со 12 модели, гамата на 100% електрични возила на PEUGEOT е најголема од сите европски мејнстрим производители и една од најефикасните. Најновото достигнување во електричната ефикасност на PEUGEOT е новата верзија со долг опсег на PEUGEOT Е-3008, каде е овозможен најдобар опсег од сите SUV возила до 700 км.

Со овие моќни адути, PEUGEOT ја потврдува својата цел да биде лидер за електрични возила помеѓу мејнстрим производителите во Европа. А за да ги поддржи своите клиенти во нивната енергетска транзиција, PEUGEOT ја подобрува својата „електрична“ гаранција. За сите свои 100% електрични модели нуди 8-годишна/160.000 км гаранција AllureCare* за целото возило, гаранција на батеријата до 8 години/160.000 km*, бесплатен ѕиден полнач за полнење дома и картица за полнење Free2Move Charge*, што овозможува пристап до 800.000 станици за полнење низ Европа.

*Во зависност од земјата

The post ПЕЖО Е-208 и ПЕЖО Е-308 ПРОГЛАСЕНИ ЗА НАЈЕФИКАСНИ ВО ЕВРОПА Лидери меѓу електричните возила appeared first on plusinfo.mk.

Според податоците на Норвешката автомобилска асоцијација (OFV), дури 88,9 отсто од новите автомобили продадени во минатата година беа целосно електрични, што претставува значителен раст во споредба со 82,4 отсто во 2023 година. Овој тренд продолжува да ја потврдува позицијата на Норвешка како лидер во зелена и одржлива мобилност.

Норвешката влада и автомобилската индустрија исто така промовираат зголемена употреба на хибридни возила, со 2,7 отсто од новите продажби што се „plug-in“ хибриди, кои комбинираат електрична енергија со фосилни горива. Овие бројки потврдуваат дека Норвешка постепено го намалува својот зависеност од традиционалните дизел и бензински мотори, кои сега заземаат само 3,1 отсто од пазарот.

Истовремено, иако има пад на интересот во декември, со 85,5 отсто од новите автомобили што биле електрични, трендот на пораст на продажбата на електрични автомобили во текот на годината беше стабилен. Од јули до декември, процентот на ново-продадени електрични автомобили бил над 90 отсто.

Од брендови, „Tesla“ продолжува да ја задржи лидерската позиција, додека „Volkswagen“, „Toyota“ и „Volvo“ следат на пазарот. Најпродаван модел остана „Tesla Model Y“, но продажбата е нешто намалена во споредба со претходната година.

Не треба да се изостави и брзиот раст на кинеските брендови, кои сега заземаат 10% од вкупната продажба на нови автомобили во Норвешка. Ова значи дека кинеските компании брзо се афирмираат на глобалниот пазар на електрични возила, предизвикувајќи конкуренција и за доминантните европски и американски брендовите.

The post 9 ОД 10 НОВИ АВТОМОБИЛИ СЕ ЕЛЕКТРИЧНИ Норвешка на патот кон иднината! 90% од новите возила се електрични appeared first on plusinfo.mk.

Сѐ што треба да направиш е да симнеш мобилна апликација да го лоцираш најблиското електрично возило, да го изнајмиш и на крајот да платиш по изминат километар или времетраење на возење. Се разбира, доколку со твоите соседи или колеги од работа се договорите возилото да го користите заедно, ќе поминете поевтино.

Зелена трансформација на метрополата

Верувале или не, ова ќе биде можно од февруари следната година. Веќе од март услугата ќе биде целосно достапна. Дали е на повидок електрична револуција низ улиците на Скопје?

Електричните возила се приближуваат на вашето блиско паркиралиште или улица блиска, веднаш до вашиот дом. Проект за одржлив превоз Скопје ја почнува зелената трансформација на главниот град, со воведување на системот на изнајмување електрични возила.

Овој проект, поддржан од министерот за животна средина Изет Меџити и од министерката за енергетика Сања Божиновска, треба да придонесе кон одржливоста на урбаниот транспорт. Тие веруваат дека овој проект, кој вклучуваат министерства и приватни компании, ветува ниски трошоци и заштита на животната средина.

– Имам автомобил на бензин и секој ден патувам до работно место и назад. Патувањето во една насока трае околу половина час. Свесен сум дека со мојот бензинец го загадувам воздухот, а и самиот возам во услови на еклстремна загаденост. Но, немам друг избор. Скопје нема квалитетен јавен превоз. Затоа, идејата да изнајмам електричен автомобил ми се чини привлечна, но само ако можам да го издржам тој „луксуз“. Сепак, семејниот буџет не ми дозволува да се расфрлам, па дури и ако тоа е во полза на животната средина – вели Скопјанец којшто деновиве слушнал за проектот.

Само 10 до 15 евра од Центар до скопскиот аеродором?!

Во февруари ќе се знае колку ќе чини изнајмувањето на електрично возило, но како што вели сопственикот на „Avant car“, Матеј Чер, тоа ќе биде поевтино од користењето на такси услуга. Така, на пример, од центарот на градот до скопскиот аеродром возењето со изнајмено електрично возило ќе чини од 10 до 15 евра.

Интересно е дека овој проект е уникатен во регионот.

– Со воведувањето на електричните возила, Скопје поставува пример за другите градови во регионот, како може да се комбинираат иновацијата и одржливоста за подобра иднина – додаваат од Министерството за енергетика.

Флота од 100 електрични возила

Проектот вклучува 100 возила од различни производители. Ќе можеме да избираме помеѓу мали градски автомобили и полуксузни модели. Се разбира, цените ќе бидат различни.

Електричните возила за изнајмување најверојатно ќе ги видиме и во универзитетските кампови. Ректорката на УКИМ, Билјана Ангелова, изразила спремност електричните возила да се паркираат и во кругот на Унверзитетот, бидејќи се претпоставува дека студентите ќе бидат меѓу првите корисници.

– Планирано е и организирање на заеднички средби помеѓу универзитетите и приватните компании за утврдување на техничките аспекти на функционирањето и полнењето на возилата – велат од кабинетот на министерката Божиновска.

Локации за паркирање и за полнење

Како дел од проектот, компанијата „Avant2Go“, постигнат е договор со неколку големи трговски центри, како „Веро“ и „Рамстор“, за обезбедување паркинг места и станици за полнење. Планирано е проширување на оваа мрежа во повеќе скопски општини.

Со цел да се поттикне користењето на електричните автомобили, компанијата ќе организира промотивни настани и едукативни кампањи за граѓаните и студентите. Преку оваа иницијатива, јавноста ќе има можност да се запознае со придобивките од електричните возила, како што се намалување на загадувањето и пониски трошоци за транспорт.

Што знаеме за словенечкиот инвеститор?

Компанијата „Avant2Go“, која веќе има успешни проекти во Словенија, планира да го прошири својот систем и во други делови на Македонија. Проектот ќе се развива како комплетно приватна инвестиција, со целосна соработка со локалните институции.

„Avant2Go“ е словенечка компанија за споделено користење на електрични возила (car-sharing), која е дел од групацијата „Avant Car“. Компанијата се фокусира на одржлив транспорт и претставува иновативно решение за урбаниот сообраќај, со цел да го намали загадувањето и да ги оптимизира транспортните трошоци за корисниците.

Компанијата располага со широка флота на електрични автомобили од различни марки, како што се „Renault Zoe“, „BMW i3“ и други модели. Сите возила се целосно електрични, што значи дека не емитираат јаглероден диоксид.

ОД ФЕВРУАРИ И ВО СКОПЈЕ ЌЕ МОЖЕ ДА СЕ ИЗНАЈМИ ЕЛЕКТРИЧЕН АВТОМОБИЛ Словенечка „Авант кар“ ќе го стартува системот во три општини

The post ОД ПРОЛЕТ СЕКОЈ ЌЕ МОЖЕ ДА ВОЗИ ЗДРАВО Ќе бидат ли доволно 100 електрични возила во Скопје? appeared first on plusinfo.mk.

Се смета дека дел од неволјите во Фолксваген ги предизвика слабата побарувачка, поголемата конкуренција и посилниот кинески пазар придонесоа за ситуацијата.

Фолксваген претходно соопшти дека поради слабата побарувачка во Европа, има неискористен капацитет за производство на околу 500.000 возила годишно во своите фабрики, што одговара на капацитетот на две фабрики.

Има и потешкотии во преминот кон електрични возила.

Работниците бараат зголемување на платите и заштита на работните места, а раководството ги принуди да прифатат целокупно намалување на платите од 10 отсто. Договорот директно ќе влијае на уште 10.000 работници во фабриките на Фолксваген во Саксонија, источна Германија.

– Фолксваген не беше подготвен да најде одржливо решение за спорот околу платите на преговарачка маса – изјави Дирк Шулце, шеф на ИГ Метал во источна Германија.

Синдикатот бара сигурност на сите работни места и фабрики. Главниот преговарач на ИГ Метал, Торстен Грогер, во понеделникот рече дека производството ќе биде „привремено суспендирано“ во сите погодени фабрики.

Тој додаде дека штрајковите се неопходни за да се зголеми притисокот врз раководството.

Фолксваген никогаш досега не затворил фабрика во Германија. Тоа го нема направено со децении или никаде на друго место во светот.

Штрајкови се очекуваат во фабриките во Волфсбург, Хановер, Емден, Касел-Баунатал, Брауншвајг, Салцгитер, Хемниц и Дрезден.

The post ВАКВА КРИЗА ВО ФОЛКСВАГЕН НЕ СЕ ПАМЕТИ Започна масовен штрајк, 120.000 луѓе можат да останат без работа appeared first on plusinfo.mk.