Државната комисија по жалби за јавни набавки по службена должност донесе решение за поништување на јавната набавка на електрични автобуси и електрични полначи, информира Министерството за транспорт.

-Министерството за транспорт согласно своите надлежности, предметната јавна набавка повторно ќе ја објави согласно законските прописи во најбрз можен рок – велат оттаму.

Министерствoто за транспорт преку овој тендер објавен во февруари годинава планираше да набави 150 електрични еколошки автобуси и 75 полначи.

Согласно планот за набавка, 100 автобуси се наменети за Град Скопје, а останатите 50 за општините.

The post ПОНИШТЕН ТЕНДЕРОТ ЗА КУПУВАЊЕ 150 ЕЛЕКТРИЧНИ АВТОБУСИ Министерството за транспорт подготвува нов appeared first on plusinfo.mk.

Министерството за транспорт денеска објави јавен повик за набавка на 150 електрични автобуси и 75 полнилници, со што државата прави нов чекор кон модернизација на јавниот превоз и намалување на загадувањето.

Според планот, најголемиот дел од возилата, 100 автобуси, се предвидени за Град Скопје, додека преостанатите 50 ќе бидат распределени во други општини низ државата.

Избраниот понудувач ќе треба да ја реализира испораката по фази: првите 30 автобуси во рок од шест месеци, потоа 60 во рок од 12 месеци и уште 60 во рок од 18 месеци.

Рокот за доставување на понудите е до 30 март 2026 година.

Од Министерството за транспорт велат дека инвестицијата е дел од поширока стратегија за почист воздух и поефикасен јавен превоз.

„Ова е дел од стратешкиот план за трансформација на градскиот сообраќаен систем и подигнување на економичноста на транспортната мрежа. Со оваа инвестиција испраќаме јасна порака во борбата против аерозагадувањето и подобрување на условите за граѓаните во користењето на јавниот превоз“, соопштија од Министерството.

Оттаму додаваат дека новите електрични автобуси, покрај еколошките придобивки, на долг рок треба да донесат и пониски трошоци за одржување и енергија.

Јавниот повик е објавен на електронскиот сервис за Бирото за јавни набавки и истиот може да се погледне на следниов линк: https://e-nabavki.gov.mk/PublicAccess/home.aspx#/dossie/fde19674-bc01-4b44-859d-a9202c88f3d3/1

The post РАСПИШАН ТЕНДЕР ЗА КУПУВАЊЕ НА 150 НОВИ ЕЛЕКТРИЧНИ АВТОБУСИ Скопје ќе добие најголем дел од еко-флотата appeared first on plusinfo.mk.

Премиерот Христијан Мицкоски денеска објави дека Владата донела одлука за набавка на 150 електрични автобуси, во рамки на договорот „влада со влада“ што Македонија го има со Унгарија.

– Нашата цел е да обезбедиме еколошки транспорт таму каде што постои организиран јавен превоз. Токму затоа ја започнавме постапката за набавка на 150 електрични автобуси, кои користат енергија без штетно влијание врз животната средина – истакна Мицкоски.

Според премиерот, Град Скопје, кој побарал 250 автобуси, ќе добие 100 електрични возила со 50 полначи, додека другите општини со организиран јавен превоз ќе добијат 50 автобуси со 25 полначи. Дел од средствата ќе бидат обезбедени преку кредит со тригодишен грејс-период и отплата во наредните 12 години, со иста каматна стапка како и претходниот договор.

Мицкоски нагласи дека електричните автобуси се дел од поширок пакет проекти за намалување на аерозагадувањето, кој вклучува и Градскиот воз, БРТ-системот и когенерацијата, и дека тие ќе придонесат за значително подобрување на квалитетот на воздухот во градовите.

– Со ова инвестираме во чист воздух и современ јавен превоз за граѓаните, а истовремено ја следиме и европската визија за одржлива мобилност – додаде премиерот.

Постапката за набавка веќе започна, а најголемиот дел од средствата ќе бидат обезбедени преку стратешкото партнерство со Унгарија, додека помал дел ќе се покрие од државниот буџет.

The post СКОПЈЕ И ДРУГИТЕ ГРАДОВИ ДОБИВААТ 150 ЕЛЕКТРИЧНИ АВТОБУСИ Мицкоски најави нови еколошки возила за јавен превоз appeared first on plusinfo.mk.

Иако често се смета за земја со застарен јавен превоз, Македонија во 2024 година се најде над европскиот просек по број на автобуси по жител, покажуваат најновите податоци на Евростат и Државниот завод за статистика.

Со 3.690 автобуси и моторни автобуси, Македонија има по два автобуси на 1.000 жители, што е повеќе од европскиот просек од 1,6 автобуси на 1.000 жители. Во Европската Унија, во 2024 година биле регистрирани вкупно 737.142 автобуси, вклучувајќи тролејбуси и минибуси.

Македонија пред Германија и Холандија

Податоците покажуваат дека Македонија се наоѓа пред неколку големи европски економии. Холандија има само 0,5 автобуси на 1.000 жители, Германија 1, а Австрија 1,2. Највисока стапка во ЕУ има Малта со 4,6 автобуси, пред Луксембург (4,0) и Естонија (3,7).

Во регионот, Македонија е во златната средина зад Албанија (3,8), Романија (3) и Бугарија (2,8), но пред Србија (1,8), Хрватска (1,5) и Босна и Херцеговина (1,3).

Возниот парк во Македонија се подмладува побрзо од ЕУ

Особено значаен е податокот за обнова на автобускиот возен парк. Во 2024 година, во Македонија биле регистрирани 379 нови автобуси, што претставува стапка на обнова од 10,2%, речиси двојно повеќе од европскиот просек, кој изнесува 5,1%.

Во Европската Унија, најголема обнова има Луксембург (11,6%), додека на дното се Бугарија (0,7%), Полска (2,4%) и Унгарија (2,5%).

Сè уште доминира дизелот

И покрај обновата, еколошката слика останува проблематична. Од вкупно 3.690 автобуси во Македонија, дури 3.609 се на дизел или 97,8%. Само 63 автобуси се на бензин-гас (1,7%), а електрични се само 15, односно 0,4% од вкупниот број.

За споредба, во ЕУ во 2024 година биле регистрирани 6.746 автобуси со нулта емисија, што претставува 17,8% од сите нови автобуси, процент повисок дури и од електричните патнички автомобили.

Повеќе автобуси, помалку автомобили – македонскиот парадокс

Додека бројот на автобуси по жител во Македонија е релативно стабилен, бројот на автомобили во Европа драстично расте. Во ЕУ, бројот на патнички автомобили се зголемил од 506 на 578 возила на 1.000 жители во последната деценија.

Македонија, со 319 автомобили на 1.000 жители, сè уште е под европскиот просек, но бележи силен раст – од 180 автомобили во 2014 година на сегашното ниво.

Експертите предупредуваат дека токму тука се крие шансата: повеќе инвестиции во модерен и чист јавен превоз, наместо следење на европскиот тренд на сè поголема автомобилска зависност.

The post МАКЕДОНИЈА ИМА ПОВЕЌЕ АВТОБУСИ ОД НЕКОИ ЕВРОПСКИ ЗЕМЈИ Еве каде сме на листата според Евростат appeared first on plusinfo.mk.

Советот на Град Скопје денеска ја одржа третата седница посветена на советнички прашања до градоначалникот Орце Ѓорѓиевски и директорите на скопските јавни претпријатија. Советниците поставија низа прашања поврзани со сообраќајот, јавниот превоз, работењето и финансирањето на јавните претпријатија, како и со исполнувањето на обврските кон граѓаните.

На седницата беа побарани информации за заостанати плаќања во „Комунална хигиена“, долгот на Општина Кисела Вода кон ЈП „Лајка“, проблеми со чистотата и сообраќајните решенија во повеќе делови од градот. Прашања беа упатени и за модернизацијата на јавниот превоз и намалувањето на старите автобуси кои загадуваат.

Советниците побараа одговори од градоначалникот за состојбата на сообраќајните раскрсници на улиците Павел Шатев и Фредерик Шопен кај Симпо, на улицата Црниче, како и на улицата Востаничка. Дел од советниците од Левица посочија дека граѓани иницирале барања за поставување сообраќајна сигнализација, семафори или „лежечки полицајци“.

Советниците исто така поставија прашања за причините за доцнењето на исплатата на платите и регресот во „Комунална хигиена“, иако биле обезбедени дополнителни средства преку ребалансот на буџетот.

Прашања беа поставени и за модернизацијата на јавниот превоз, бројот на инспектори за контрола на нелегални горења, транспарентноста при именувањето директори во јавните претпријатија, како и за финансирањето на инфраструктурни проекти во општините Сарај и Чаир, вклучително улицата Цветан Димов и обиколницата во Сарај.

Во врска со јавниот превоз, градоначалникот Ѓорѓиевски најави дека наскоро ќе биде распишана тендерска постапка за набавка на 80 нови електрични автобуси.

– Од она што е досега постојано информирано и за јавноста, беше распишана тендерска постапка која пропадна. Верувам дека многу брзо ќе биде повторно распишана од страна на Владата, и наредната година граѓаните на Скопје конечно ќе добијат 80 нови електрични автобуси, кои ќе придонесат за подобрување на амбиенталниот воздух во главниот град – рече Ѓорѓиевски.

Тој додаде дека е потребно системско решение за работењето на јавните претпријатија.

– Не треба да чекаме милостина, како што било во минатото, туку да создадеме систем кој ќе овозможи самостојно напредување на јавните претпријатија. Ќе дадам сè од себе за тоа да го реализираме – нагласи градоначалникот.

Во однос на инспекциите, Ѓорѓиевски најави зголемување на бројот на инспектори за животна средина.

– Бројката што ја имаме е мала, но тоа не значи дека не постапуваме. Контролите се вршат редовно, како во индустриските капацитети, така и во домаќинствата. Ќе продолжиме со оваа активност, но ни се потребни дополнителни инспектори – додаде тој.

The post СКОПЈЕ ДОБИВА 80 ЕЛЕКТРИЧНИ АВТОБУСИ Советниците прашуваа за секоја улица и секој проект, Ѓорѓиевски одговараше appeared first on plusinfo.mk.

Според него, проектот од стратешко значење за општина Струмица, од кој денес сите жители имаат јасни економски, еколошки и сообраќајни бенефити, бил инициран од Општината, изгласан на Советот и спроведен преку формирање Јавно сообраќајно претпријатие, јавна набавка и целосна имплементација.

„Верувам дека сите овие чекори се спроведени според важечките закони. Истовремено, потенцирам дека лично јас, а се надевам и сите наведени лица за кои постои сомневање дека сториле кривично дело, стоиме на располагање на сите надлежни органи со цел да биде појаснето како е спроведен овој проект, кој денес беспрекорно функционира“, напиша Костадинов откако МВР соопшти дека против него е поднесена кривична пријава за набавката на електричните автобуси.

На крајот додава дека не би сакал да дава политички коментар.

МВР денеска поднесе кривична пријава против поранешниот градоначалник и уште пет лица за злоупотреби во постапката за јавна набавка на електрични автобуси.

„СВР Струмица до Основното јавно обвинителство поднесе кривична пријава против К.К. (35) од Струмица поради сомнение за ‘злоупотреба на постапката за јавен повик, доделување на договор за јавна набавка или јавно-приватно партнерство’, против Д.П.С. (61) од Струмица, К.Б. (37) од Богданци, Л.Ј. (63) од Ново Село и Л.Ѓ. (62) од Струмица за ‘несовесно работење во службата’, како и против Г.П. (58) од Скопје поради сомнение за помагање при извршувањето на делата“, соопшти МВР.

КРИВИЧНА ЗА ЕКС ГРАДОНАЧАЛНИКОТ НА СТРУМИЦА Костадинов е осомничен за купувањето на електричните автобуси

The post КOСТАДИНОВ ВО ЖЕСТОКА ОДБРАНА Ги отфрлам сите обвиненија за автобусите во Струмица appeared first on plusinfo.mk.

Поранешниот градоначалник на Струмица, Костадин Костадинов, заедно со уште пет лица, се сомничи дека вмешале нерегуларности во постапката за набавка на 10 електрични автобуси во вредност од речиси 430 милиони денари, со што, според полицијата, можеле да ја загрозат безбедноста, квалитетот и реалната вредност на возилата.

Случајот се однесува на тендерот за електрични автобуси за ЈСП „Струмица-Транспорт“, каде што според истрагата биле прекршени правилата, изменети тендерски услови и овозможено лице без соодветни стручни квалификации да учествува во целата техничка постапка.

– Со оваа постапка биле набавени автобуси во вредност од 429.933.595 денари, а отсуството на стручен надзор ја доведува во прашање квалитетната и безбедна реализација на јавната набавка – велат од полицијата.

Истрагата покажува дека Костадинов ангажирал лице кое немало потребна лиценца „А“ од областа на електротехниката, но сепак му ја доверил целата техничка документација – од евалуација до надзор.

Дополнително, спецификациите во тендерот биле речиси идентични со карактеристиките на автобусите што подоцна биле набавени. Според полицијата, тоа укажува на можност за претходно договарање.

– Тендерската документација била составена така што одговарала на конкретен модел на електрични автобуси – истакнува полицијата.

Директорот на ЈСП „Струмица-Транспорт“, Д.П.С., без да утврди дали постапката е законски водена, го потпишал договорот за електричните автобуси. Во исто време, комисијата за јавни набавки – К.Б., Л.Ј. и Л.Ѓ. – го одредила истото неквалификувано лице за надзор на целиот проект.

– Во постапката учествувало лице со лиценца Б, кое ниту смеело, ниту имало квалификации да врши технички евалуации, надзор или реализација на договорот – велат од полиција.

The post КРИВИЧНА ЗА ЕКС ГРАДОНАЧАЛНИКОТ НА СТРУМИЦА Костадинов е осомничен за купувањето на електричните автобуси appeared first on plusinfo.mk.

Транспортниот хаос во Скопје, според вицепремиерот и министер за транспорт Александар Николоски, може да се реши само со паралелна реализација на три клучни проекти – Градскиот воз, новите електрични автобуси и системот за брз автобуски превоз (БРТ).

– За да го решиме транспортот, треба да се направат трите работи паралелно. Едно е возобновувањето на возниот парк на ЈСП со електрични автобуси, второто е поврзувањето на приградските населби со центарот преку Градски воз, а третото е економичен урбан транспорт, трамвај без шини – изјави Николоски во гостување на Топ Тема.

Тој објасни дека трите системи мора да бидат меѓусебно поврзани за да функционираат како единствено решение.

– Ако функционира само еден од нив, ќе го имаме истото што го имаме денес – додаде Николоски.

Министерот нагласи дека Градскиот воз веќе се реализира со засилена динамика, а првата линија ја поврзува трасата од Зелениково преку Драчево до Новата железничка станица.

– Овој проект е преголем и премногу значаен за Скопје за да се користи во кампања. Затоа промоцијата ја направивме по изборите. Првата линија е долга 25 километри и ги поврзува Зелениково, Драчево, Лисиче, Кисела Вода, Аеродром и Новата железничка станица – истакна Николоски.

Тој додаде дека втората линија ќе почне напролет, од Миладиновце преку Илинден и Маџари до Нова железничка, а третата линија ќе се протега од Нова железничка преку Скопје Север и Ѓорче Петров до Волково и Радуша.

– Во моментов ги менуваме дрвените прагови кај Драчево кои се поставени пред повеќе од 60 години, односно меѓу 1963 и 1969 година. Тоа покажува колку оваа инфраструктура била запуштена – рече Николоски.

Николоски најави и изградба на бајпас околу Скопје, со кој дизел локомотивите и товарните возови повеќе нема да влегуваат во градот, со што ќе се намали загадувањето.

– Ќе се набават и нови возови, а постапката ќе започне две години пред завршувањето на брзата пруга – додаде вицепремиерот.

The post ПРОЕКТОТ ЗА ГРАДСКИ ВОЗ ВЕЌЕ СЕ РЕАЛИЗИРА Скопје ќе добие нови електрични автобуси и „трамвај без шини“ appeared first on plusinfo.mk.

Министерството за транспорт ја поништи јавната набавка за избор на понудувач за набавка на 120 електрични еколошки автобуси за јавен превоз и станици за полнење.

На јавниот повик кој беше објавен на 17 јуни со краен рок за доставување на понудите до 24 јули 2025 година, само една компанија доставила понуда, соопшти Министерството.

По извршената евалуација, Комисијата надлежна за спроведување на јавната набавка, утврдила дека компанијата не ги исполнува критериумите согласно објавениот јавен повик.

Министерството за транспорт најави дека во следниот период ќе направи дополнителни анализи околу набавката на електрични еколошки автобуси и ќе ја информира јавноста.

The post ПОНИШТЕН ТЕНДЕРОТ ЗА НАБАВКА НА 120 ЕЛЕКТРИЧНИ АВТОБУСИ Се јавила само една фирма ама и таа не ги исполнувала условите appeared first on plusinfo.mk.

Според директорот на Јавното претпријатие „Струмица транспорт“, Драги Поп Стојанов, струмичани полека ги менуваат навиките и почнуваат да го користат јавниот електричен превоз.

– Од воведувањето на електричниот јавен превоз од ден на ден сѐ повеќе расте интересот на граѓаните за негово користење, посебно на тие од населените места во општината. Возниот ред е целосно воспоставен и досега нема доцнење кон населените места и дневно по осум пати секогаш во ист термин сообраќаме до нив – вели Поп-Стојанов.

Со одлука на Советот на Општината за субвенционирање на цената на возниот билет сите граѓани можат да се возат за 30 денари на дестинациите во градот и населените места.

– Правиме напори уште повеќе да го доближеме превозот до граѓаните. Тие можат преку специјални картички да го плаќаат возењето и тие можат да се надполнуваат на двата терминали во градот во општинската зграда и во нашето седиште, а во преговори сме со банки надополнувањето на картичките да може да се врши и со кредитна картичка на граѓаните – рече директорот Поп-Стојанов.

Постои можност билет да се купи и во автобусот, но таму тој чини 40 денари и цената е повисока за да се одвраќаат патниците од таквата можност и тоа да го прават преку специјалните картички.

Од „Струмица транспорт“ ги отфрлаат како тенденциозни и злонамерни шпекулациите дека автобусите не се одржуваат. Велат дека сите автобуси имаат гаранција две години, а гаранцијата на електричната батерија е 8 години.

The post СТРУМИЧАНИ СЕДНАА ВО ЕЛЕКТРИЧНИ АВТОБУСИ За 30 денари можат да се возат каде што сакаат appeared first on plusinfo.mk.