Тринаесетгодишно дете од Кичево се здобило со тешки телесни повреди откако електричен тротинет со кој управувал удрил во паркирано возило во градот.

Инцидентот се случил на 04.06.2026 година околу 11:15 часот на улицата Рудничка во Кичево.

Според информациите од полицијата, малолетникот управувал електричен тротинет кога удрил во паркирано патничко возило „опел астра“ со кичевски регистарски ознаки, сопственост на Г.Д. (47) од Кичево.

Во несреќата, детето се здобило со тешки телесни повреди, кои биле констатирани во Медицинскиот центар во Кичево.

На местото на настанот бил извршен увид од увидна екипа на ОВР Кичево, која работи на целосно расчистување на случајот.

The post 13-ГОДИШНО ДЕТЕ СО ТРОТИНЕТ УДРИ ВО ПАРКИРАНО ВОЗИЛО Малолетник од Кичево заврши во болница appeared first on plusinfo.mk.

Прошетка низ Гостивар завршила во болница за 67-годишен пешак, откако во него удрил електричен тротинет. Возачот веднаш потоа избегал од местото на несреќата, се вели во полицискиот билтен.

Настанот се случил во петокот околу 19 часот на улицата Браќа Ѓиноски.

Од ударот пешакот се здобил со тешки телесни повреди. Лекарите во Медицинскиот центар во Гостивар ја констатирале тежината на повредите.

Несреќата била пријавена во полиција, по што на местото излегла екипа од ОВР Гостивар. Увидот треба да ги утврди сите околности под кои се случил настанот.

Засега не е познат идентитетот на лицето кое го управувало тротинетот. Полицијата работи на негово пронаоѓање и расчистување на случајот.

The post УДРИЛ ПЕШАК СО ТРОТИНЕТ И ПОБЕГНАЛ Прошетка низ Гостивар за 67-годишник завршила во болница appeared first on plusinfo.mk.

Тринаесетгодишно дете од кумановското село Черкези загина синоќа во тешка сообраќајна несреќа што се случила на регионалниот пат Куманово–Скопје.

Како што соопшти СВР Куманово, несреќата се случила помеѓу патничко возило „мерцедес“ со кумановски регистарски ознаки, управувано од 24-годишниот Ф.С. од Куманово, и електричен тротинет на кој се наоѓало 13-годишното дете.

По судирот, малолетникот бил итно пренесен во Општата болница во Куманово, каде лекарите ја констатирале неговата смрт.

Возачот на автомобилот бил лишен од слобода во 21:20 часот во Полициската станица Куманово.

„По несреќата, малолетникот бил пренесен во болницата во Куманово каде лекар констатирал смрт. Возачот е лишен од слобода“, соопшти полицијата.

На местото на несреќата увид извршиле јавен обвинител од Основното јавно обвинителство и увидна екипа од СВР Куманово.

The post 13-ГОДИШНО ДЕТЕ ЗАГИНА ВОЗЕЈЌИ ТРОТИНЕТ Малолетник смртно повреден по удар од автомобил appeared first on plusinfo.mk.

59-годишна жена е тешко повредена откако била удрена од електричен тротинет на велосипедска патека во центарот на Скопје, по што возачот избегал од местото на несреќата.

Несреќата се случила во попладневните часови во близина на автобуска постојка на улицата „11 Октомври“. Според првичните информации, тротинетот го управувало женско лице, кое по ударот не застанало да помогне, туку веднаш го напуштило местото.

Повредената била пренесена во Градска општа болница „Св. Наум Охридски“, каде ѝ биле констатирани тешки телесни повреди.

Полицијата извршила увид и трага по лицето кое управувало со тротинетот, со цел да се расчисти случајот.

The post ЈА ПОКОСИЛА СО ТРОТИНЕТ И ПОБЕГНАЛА Жена заврши во болница со тешки повреди appeared first on plusinfo.mk.

Вчера околу 14:35 часот во СВР Тетово е пријавено дека на ул. Горна чаршија во Тетово, електричен тротинет удрил во пешакот И.Ф.(76) од Тетово, по што возачот со тротинетот го напуштил местото на настанот, информираше Министерството за внатрешни работи (МВР).

„Во несреќата со тешки телесни повреди се здобила И.Ф., констатирани во Клиничка болница Тетово. Извршен е увид од увидна екипа од СВР Тетово и се преземаат мерки за пронаоѓање на возачот и за расчистување на случајот“, се вели во полицискиот билтен.

The post ПРЕГАЗИЛ ЖЕНА И ПОБЕГНАЛ Полицијата трага по возач на електричен тротинет appeared first on plusinfo.mk.

Тринаесетгодишно девојче од Скопје е тешко повредено, а нејзината 12-годишна сопатничка добила телесни повреди, откако вчера на улицата Васил Ѓорѓов во Скопје во нив удрило патничко возило „Фолксваген голф“. Несреќата се случила околу 14:30 часот, а возачот веднаш по ударот го напуштил местото на настанот.

Од полицијата информираат дека малолетничките биле пренесени во Градската општа болница „Св. Наум Охридски“ во Скопје, каде што лекарите констатирале тешки телесни повреди кај 13-годишното девојче кое го управувало електричниот тротинет и полесни повреди кај нејзината 12-годишна сопатничка.

„Извршен е увид на местото на несреќата од страна на увидна екипа на СВР Скопје. Распишана е телеграма и се преземаат интензивни мерки за пронаоѓање на возачот и возилото, како и за целосно расчистување на случајот“, соопштија од МВР.

The post УДРИЛ ВО ДВЕ ДЕВОЈЧИЊА НА ТРОТИНЕТ И ИЗБЕГАЛ Две малолетнички завршија во болница, возачот во бегство appeared first on plusinfo.mk.

Градоначалниците во Романија бараат законски измени за електричните тротинети поради честите несреќи во земјата, пренесува телевизијата Диџи24.

За само 2 дена, полицијата во округот Тимиш изрече над 100 казни. Видеа со тинејџери кои возат со голема брзина се појавуваат секојдневно на социјалните мрежи, вклучително и на места каде што не се дозволени тротинети.

– Ова е феномен што излезе од контрола, по 2-3 деца се качуваат на еден тротинет. И кога им приоѓам да им дадам забелешка, ме пцујат – вели градоначалникот на Мошница Ноуа, Џералд Симонис.

Тој стравува дека ако не се преземат итни мерки во рок од неколку дена, може да се стигне до првата жртва.

Според локалните власти, понеодговорни од децата се нивните родители кои им купуваат такви превозни средства и им дозволуваат да возат без кациги, штитници за колена или за лакти.

– Во последниот месец, откако почна убавото време, имавме 12 случаи на несреќи предизвикани од електрични тротинети – рече Михаи Гафенцу, директор на Детската болница „Луис Цуркану“ во Темишвар.

Според сегашното законодавство, за да се вози електричен тротинет во Романија, мора да имате најмалку 16 години, да не превезувате други патници, да не возите по тротоар и да носите заштитен шлем.

The post ПО 2-3 ДЕЦА СЕ КАЧУВААТ НА ТРОТИНЕТ, ПА ЗАВРШУВААТ ВО БОЛНИЦА ПОРАДИ НЕСРЕЌИ Романските градоначалници бараат промена на законот за електричните тротинети appeared first on plusinfo.mk.

На 14 јули 2024 година, во 15.00 часот, во СВР Скопје било пријавено дека на бул. Св. Климент Охридски во Скопје 30-годишниот Б. Ј. од Скопје, управувајќи електричен тротинет, изгубил контрола и паднал на коловозот.

Возачот во несреќата се здобил со тешки телесни повреди констатирани во Комплексот клиники „Мајка Тереза“.

Извршен бил увид од увидна екипа од СВР Скопје.

The post СКОПЈАНЕЦ ХОСПИТАЛИЗИРАН СО ТЕШКИ ПОВРЕДИ Момчето падна на коловоз од електричен тротинет appeared first on plusinfo.mk.

На 3 јули 2024 година во 07.15 часот во СВР Скопје било пријавено дека на велосипедска патека на подрачјето на општина Аеродром во Скопје, 50-годишната О.К. од Скопје, која управувала електричен тротинет, паднала и се здобила со тешки телесни повреди.

Повредите се констатирани во Градската општа болница „Св.Наум Охридски“, информира МВР.

Извршен бил увид од увидна екипа од СВР Скопје.

The post СКОПЈАНКА СО ТЕШКИ ПОВРЕДИ Паднала од електричен тротинет appeared first on plusinfo.mk.

„На 16.09.2023 во 15.55 часот било пријавено дека во Тетово на бул.„Илинденска“, се случила сообраќајна несреќа во која учествувале патничко моторно возило „мерцедес“ со тетовски регистарски ознаки, управувано од А.М.(47) од Тетово и електричен тротинет управуван од малолетник од с.Гургурница, тетовско. По несреќата, малолетникот бил пренесен во Клиничка болница Тетово, каде од лекар му биле констатирани тешки телесни повреди. Увид на местото на настанот извршила увидна екипа од СВР Тетово.

На 16.09.2023 во 15.20 часот е пријавено дека на регионалниот пат Р1-206 во с.Врапчиште, гостиварско, малолетник од с.Врапчиште управувајќи електричен тротинет изгубил контрола и паднал на коловозот. По несреќата малолетникот е пренесен во Медицински центар Гостивар каде од лекар му се констатирани тешки телесни повреди. Увид на местото на настанот извршила екипа од Полициска станица Гостивар“ – стои во известувањето од МВР.

The post ЗАЧЕСТИЈА НЕСРЕЌИ СО ЕЛЕКТРИЧНИ ТРОТИНЕТИ Двајца малолетници тешко повредени appeared first on plusinfo.mk.