Како што е познато, Путин во своето интервју со Такер Карлсон на долго и на широко расправаше за руската и за европската историја, докажувајќи дека Украина е дел од историските граници на Русија.

На социјалната мрежа Икс (поранепшен Твитер) се огласи и Чахија Елбегдориј, поранешен претседател на Монголија и нејзин поранешен премиер, кој сподели мапи што покажуваат колку била голема Монголската империја, која некогаш контролирала делови од денешна Русија.

„Не се грижете. Ние сме мирна и слободна нација“, напиша иронично Елбегдориј.

Монголската империја некогаш била најголема во светот. Нејзината територија опфаќала поголем дел од Евроазија, како и денешна Кина и поголемиот дел од Русија, како и Украина.
Денес, меѓу Кина и Русија, Монголија е помала земја, но сепак е една од најголемите нации во светот во однос на вкупната површина на земјиштето.

Владата на Монголија не ја поддржа руската инвазија на Украина, иако директно не ја осуди. Сепак, Елбегдориј е гласен во својата поддршка за Украина.

Ова е неговиот пост во кој го исмева Путин:

After Putin’s talk. I found Mongolian historic map. Don’t worry. We are a peaceful and free nation pic.twitter.com/w5c2Hr0cQK

— Mongol Tsakhia ELBEGDORJ (@elbegdorj) February 11, 2024

The post БЕЗ ГРИЖА, МОНГОЛИЈА Е МИРОЉУБИВА И НЕМА ДА СЕ ОБИДЕ ДА СИ ЈА ВРАТИ РУСИЈА Бивши монголски претседател го исмева Путин appeared first on plusinfo.mk.