Натпросечно високи температури, особено во Повардарието, Скопската Котлина, Пелагонија и во источните делови на Македонија се очекуваат во текот на летото, кое ќе се карактеризира со повеќекратни и интензивни топлински бранови и со повремени, локално интензивни невремиња.

Професорот по метеорологија на Природно-математичкиот факултет и член на Советот за безбедност, д-р Владо Спиридонов, во неговиот најнов осврт за летото 2026 година посочува дека во најтоплите периоди температурите локално би можеле да достигнат и над 40 степени Целзиусови, а во најизложените подрачја не се исклучени вредности и до 42 степени, па дури и повисоки.

Во урбаните средини, особено во Скопје, ефектот на високите температури ќе биде изразен и во ноќните часови поради асфалтните површини, намалената вегетација и урбаната густина. Тоа може да влијае врз здравјето на луѓето, особено кај оние со кардиоваскуларни и со респираторни заболувања, како и да предизвика нарушување на сонот и намалена работна способност и продуктивност.

Спиридонов појаснува дека ваквите случувања се резултат на Ел Нињо, кој е еден од најзначајните двигатели на климатската варијабилност на глобално ниво.

– Неговото влијание најчесто се поврзува со засилување на временските и на климатските екстреми, вклучувајќи поинтензивни топлински бранови, продолжени сушни периоди, но и појава на интензивни врнежи и поплави во одделни региони. Дополнително, ваквите климатски аномалии влијаат врз земјоделството, водните ресурси, енергетиката, екосистемите и здравјето на населението. Во поширок регионален контекст, Југоисточна Европа влегува во лето со зголемена веројатност за натпросечни температури, при што Copernicus Climate Change Service ја издвојува оваа област како една од најтоплите во Европа во летото 2026 година. Ова дополнително укажува на засилување на топлотните екстреми, подолги сушни периоди и поголема атмосферска нестабилност – посочува професорот Спиридонов за МИА.

Тој вели дека Македонија, поради својата специфична географска поставеност и комбинацијата на котлини, планински масиви и медитеранско-континентални влијанија, претставува подрачје каде што ефектите од екстремната топлина можеет дополнително да бидат изразени.

Светската метеоролошка организација (СМО) соопшти дека постои речиси 80 проценти веројатност за развој на Ел Нињо во периодот јуни-август, а за периодот септември-декември веројатноста е зголемена на приближно 90 проценти. Актуелните прогнози навестуваат дека најверојатно ќе достигне умерен до силен интензитет. Светската метеоролошка организација нагласува дека навремените прогнози и системите за рано предупредување се клучни за намалување на ризиците и заштита на населението, особено во секторите земјоделство, енергетика и јавно здравје.

Во тој контекст, професорот Спиридонов вели дека се очекува летото да биде обележано со подолги сушни периоди.

„Намалените врнежи и високите температури ќе доведат до намалена влага во почвата, зголемено испарување и засилен воден стрес. Според пресметките, средниот SPI (Standardized Percipitation Index) изнесува приближно -1,5, што укажува на умерена до интензивна суша“, се наведува во освртот на Спиридонов.

Во вакви атмосферски услови ризикот од шумски и вегетациски пожари значително се зголемува и може да премине во високо до екстремно ниво, особено во подрачјата каде што се совпаѓаат повеќе неповолни климатски фактори. Особено критични се Повардарието, Тиквешијата, Гевгелиско-Валандовската Котлина, Струмичкиот регион и делови од источна Македонија, каде што релјефните карактеристики дополнително ги отежнуваат пристапот и интервенцијата.

– Најранливи се регионите со изразена суша и негативни SPI-вредности, каде што почвата и вегетацијата се веќе долгорочно исцрпени од недостиг на врнежи и високи температури. Клучните фактори што ја зголемуваат опасноста од пожари вклучуваат продолжен дефицит на врнежи, екстремно високи температури и повторливи топлотни бранови, кои доведуваат до забрзано сушење на вегетацијата и намалување на нејзината влажност до критични нивоа. Дополнително, ниската релативна влажност на воздухот во комбинација со засилен локален ветер создава услови за брзо ширење на пламенот и неконтролирано движење на пожарните фронтови – појаснува професорот Спиридонов.

Иако предвидувањата се дека нè очекува сушно лето со натпросечни температури, сепак периодично се најавуваат и краткотрајни, но интензивни непогоди, кои наместа може да предизвикаат и поплави. Ваквите појави, како што објаснува Спиридонов, настануваат во услови на многу загреан приземен слој на атмосферата, акумулирана енергија и локална нестабилност.

„Овие системи најчесто се манифестираат како краткотрајни, но интензивни временски епизоди, проследени со обилни врнежи, град и со силни налети на ветер. Во географскиот контекст на Македонија, ваквите појави имаат зголемен потенцијал за брза ескалација во поројни поплави, особено поради релјефната структура и брзото собирање на водата од планинските и ридските подрачја кон котлините. При сув претходен период почвата ја намалува својата апсорпциска способност, што дополнително го зголемува површинскиот истек и ризикот од ненадејни водни бранови. Последиците од ваквите настани може да вклучуваат локални поплавувања на урбани и рурални подрачја, ерозивни процеси, свлечишта и оштетување на патна, водоводна и земјоделска инфраструктура. Иако овие појави се просторни ограничени, нивниот интензитет и брз развој бараат постојано следење на атмосферската нестабилност и навремени системи за рано предупредување“, се наведува во освртот на Спиридонов.

Ваквите атмосферски состојби претставуваат предизвик и за земјоделството и за енергетиката. Ќе има намалени приноси и стрес за земјоделските култури, како и поголема потреба од наводнување, што секако ќе резултира со оптоварување на водните ресурси. Поради сушниот период и намалените хидролошки дотоци, се очекува и зголемена потрошувачка на струја.

Научно-аналитичкиот осврт на професорот Спиридонов е изработен во согласност со најавите за развој на Ел Нињо во текот на летото.

Тој за оваа анализа вели дека е наменета, пред сè, за подобра информираност на граѓаните и на институциите, со цел да даде подлабока процена на можните временски и климатски услови и да се укаже на потенцијалните опасности и ризици што може да ја погодат Македонија во наредните месеци.

The post НЀ ЧЕКА ВРЕЛО ЛЕТО, ПОТОПЛО ОД ПРОСЕЧНИТЕ, СО ТЕМПЕРАТУРИ И НАД 42 СТЕПЕНИ Опасност од горештини, суши, пожари и интензивни невремиња appeared first on plusinfo.mk.

Обединетите нации предупредуваат дека нова фаза на природниот климатски феномен Ел Нињо би можела да започне во следните неколку недели, што потенцијално ќе доведе до дополнително зголемување на глобалните температури и засилување на екстремните временски појави низ светот.

Според Светската метеоролошка организација (WMO), овој Ел Нињо најверојатно ќе продолжи да се зајакнува во текот на 2026 година, со можност да прерасне во еден од најсилните регистрирани досега, таканаречен „супер Ел Нињо“.

Неколку национални метеоролошки служби веќе прогнозираат дека сценариото може да доведе до значителни климатски нарушувања на глобално ниво, иако точниот интензитет и времетраење сè уште не можат прецизно да се предвидат.

Ел Нињо настанува кога промените во ветровите овозможуваат натрупување и ширење на потопли океански води низ тропскиот дел на Тихиот Океан, што потоа влијае врз атмосферските процеси и временските обрасци ширум планетата.

– Многумина сме уверени дека доаѓа голем настан. Можеби дури ќе биде и рекорден настан – изјави Адам Скејф, раководител во Британската метеоролошка служба.

Научниците посочуваат дека загрижувачки сигнал доаѓа од длабочините на океанот, каде сателитски податоци, бови и океански мерења регистрираат масивен бран на невообичаено топла вода, со температури и до 6 степени Целзиусови над просекот во одредени области на Пацификот. Оваа топлина постепено се движи кон површината, што може дополнително да ја загрее атмосферата.

Иако секој Ел Нињо е различен, искуството покажува дека посилните настани најчесто носат суши и високи температури во делови од Јужна Америка, Југоисточна Азија и Австралија, со зголемен ризик од пожари и екстремно суви периоди.

Ел Нињо обично го достигнува својот врв околу крајот на годината, поради што научниците предупредуваат дека сè уште е рано со сигурност да се процени неговата конечна јачина.

Минатите силни Ел Нињо настани биле поврзани и со глобални економски последици, вклучително и зголемување на цените на храната и загуби кои се проценуваат на стотици милијарди, па дури и трилиони долари на светско ниво.

The post ЛЕТОВО ДОАЃА „СУПЕР ЕЛ НИЊО“ Предупредување за екстремни суши, поплави и врели топлински бранови appeared first on plusinfo.mk.

Пеколни температури, екстремни суши, пожари и разорни поплави би можеле да ја погодат планетата веќе од следната година, предупредуваат климатолозите и метеоролозите. Експертите стравуваат дека светот влегува во опасна фаза на „Супер Ел Нињо“, феномен што во минатото предизвикал една од најсмртоносните климатски катастрофи во модерната историја.

Според германски „Билд“, Светската метеоролошка организација предупредила дека нов Ел Нињо би можел силно да влијае врз температурите и врнежите во следните години.

Климатологот Даниел Свејн од Калифорнискиот институт за водни ресурси смета дека 2026 и 2027 година имаат потенцијал да ги урнат сите досегашни температурни рекорди.

Метеорологот Џеф Берардели за американската телевизија WFLA-TV предупредил дека човештвото можеби ќе се соочи со временски екстреми без преседан.

– Мислам дека ќе бидеме сведоци на временски феномени какви што модерната историја никогаш не видела – изјавил Берардели.

Дали ќе се повтори пеколот од 1877 година?

„Вашингтон пост“ потсетува на летото 1877 година, кога Индија горела од суши, монсунот не пристигнал, а во провинциите Мадрас и Бомбај луѓето јаделе кора од дрвја за да преживеат. Во Кина пресушиле реки што со векови не доживеале суша, додека во североисточен Бразил добитокот умирал покрај патиштата.

Гладот тивко се ширел низ целиот свет, додека европските метрополи ја живееле Бел Епок. Според историските проценки, зад катастрофата стоел екстремно силен Ел Нињо, кој однел повеќе од 50 милиони животи, односно околу 3 до 4 проценти од тогашната светска популација.

Весникот предупредува дека дел од научниците денес стравуваат од сценарио во кое нов „Супер Ел Нињо“ би можел да покаже сличен разорен темперамент.

1/ SUPER EL NINO e “bucket method”: Como era feita a pesquisa para medir a temperatura dos oceanos em 1877? A bolha anti-ciência começa a dizer que não havia medição da temperatura oceânica no século XIX. Afinal, Isso é verdade? Vem comigo, vou te contar… pic.twitter.com/vP7afOMy6R

— História com Palavrão (@damottaff) May 19, 2026

„Топлотна купола“ 

Метеоролошкиот портал Severe Weather Europe предупредува дека Европа веќе влегува во период на драматични временски промени.

По продорот на студен арктички воздух, над континентот почнува да се формира силна „топлотна купола“.

Овој феномен задржува топол воздух над големи области и создава услови за долготрајни топлотни бранови.

Според прогнозите, температурите во Шпанија и Португалија би можеле да надминат 35 степени, додека екстремно топлиот воздух постепено ќе се шири кон Франција, Германија, Велика Британија и Балканот.

Некои делови од Европа би можеле да бидат и до 15 степени потопли од просекот за крајот на мај.

Шумски пожари и колапс на екосистеми

Климатологот Тид Семлер од Ирската метеоролошка служба предупредил дека најсилните последици би можеле да се почувствуваат во 2027 година.

– Доколку Ел Нињо се развие во текот на втората половина од 2026 година, постои зголемен ризик 2027 година да стане рекордна година – изјавил Семлер.

Експертите предупредуваат и на зголемен ризик од катастрофални шумски пожари.

Теодор Кепинг од Империјал колеџ во Лондон смета дека силен Ел Нињо може да предизвика екстремни суши и топлотни бранови во Австралија, Канада, САД и Амазонија.

Што всушност е „Супер Ел Нињо“?

„Супер Ел Нињо“ е исклучително силна верзија на климатскиот феномен Ел Нињо. Тој се појавува кога температурите на површината на Тихиот Океан значително се зголемуваат над нормалата.

Кога отстапувањето ќе надмине два Целзиусови степени над просекот, научниците зборуваат за „супер“ Ел Нињо.

Таквите промени потоа предизвикуваат нарушување на временските модели низ целиот свет.

Последниот „Супер Ел Нињо“ ги урна рекордите

Последниот силен „Супер Ел Нињо“ беше регистриран во 2015 и 2016 година. Тој беше поврзан со рекордни урагани во Пацификот, суши во Етиопија, проблеми со вода во Порторико и рекордно високи глобални температури.

Климатологот Сара Ивасиќ од хрватскиот Завод за метеорологија објаснила дека Ел Нињо дополнително го засилува глобалното затоплување, пишува Јутарни Лист.

– Влијанието на затоплувањето од настаните на Ел Нињо се надополнува на веќе постоечкиот тренд на глобално затоплување, што би можело да доведе до нови температурни рекорди.

Таа потсетила дека последниот Ел Нињо од сезоната 2023/2024 придонел 2024 година да стане најтоплата година воопшто од кога почнало да се мерат температурите и климата со научни инструменти.

The post ДАЛИ ЌЕ СЕ ПОВТОРАТ ГОРЕШТИНИТЕ ОД 1877 ГОДИНА? Ел Нињо летово ќе прерасне во Супер Ел Нињо appeared first on plusinfo.mk.

Најновите ажурирања на прогностичките материјали од овој месец укажуваат дека ни започнува силен Ел Нињо, климатолошки феномен кој носи многу топли лета во Европа и на Балканот  со екстремно високи температури, суши и силни временски непогоди кои голема е веројатноста да прераснат во суперќелијски бури.

Во текот на летните месеци силно ќе бидеме под влијание на Ел Нињо кој во Македонија ќе ни донесе екстремно топло лето со температури повисоки за 1 до 2 степени од повеќе годишниот просек. Исто така ова лето не чекаат чести и екстремни топлотни бранови кога температури насекаде ќе надминуваат 30/35 степени а во Повардарието и во југоисточните предели од Македонија температурите ќе надминуваат 40 степени.

Повеќе за тоа што не чека ова лето од метеопрогнозерот Славчо Поповски на следниот ЛИНК

The post ПОЧНУВА СИЛНИОТ ЕЛ НИЊО Годинава ќе имаме екстремно топло лето со повремени суперќелијски бури appeared first on plusinfo.mk.

Ел Нињо е природен временски феномен поврзан со нарушување на шемите на ветерот што значи потопли температури на површината на океаните во источниот и централниот дел на Тихиот Океан, а Ла Ниња носи пониски температури во Тихиот Океан околу екваторот и е поврзан со поплави и суши.

СМО објави дека има 60% шанси условите во Ла Ниња да се појават помеѓу јули и септември и 70% шанса помеѓу август и ноември.

– Крајот на Ел Нињо не значи пауза во долгорочните климатски промени кои нашата планета ќе продолжи да ги доживува поради стакленички гасови- изјави Ко Барет, заменик генерален секретар на СМО.

Екстремно високите температури на површината на морето ќе продолжат да играат важна улога во наредните месеци.

Изминатите 9 години беа најтоплите досега, и покрај постуденото влијание на Ла Ниња кое траеше од 2020 до почетокот на 2023 година, соопшти СМО.

The post ЕЛ НИЊО ЌЕ СЕ ПРЕТВОРИ ВО ЛА НИЊА Доаѓаат поплави и суши appeared first on plusinfo.mk.

Прогнозерот Славчо Попоски вели дека тоа ќе влијае и на летото:

„Оваа година за разлика од минатите години, летото би можело да биде пократко, но и без некои долги екстремно топли бранови, но и со повеќе временски непогоди и врнежи. Топлиот феномен „Ел Нињо“ ќе започне да ја намалува својата сила уште во пролетните месеци, а значително ќе ослабне во текот на летото, со што ќе добива на сила ладниот феномен „Ла Ниња”, објави прогнозерот Славчо Поповски.

„Сестрата“ е дел од петгодишниот циклус на „Ел Нињо“, а ќе трае девет месеци. На кратко, менувањето на струите ќе направи цела вода од Океанија да се движи кон Јужна Америка. Ова во некои делови од светот ќе донесе бури, а во други суша.

Во земји како Колумбија, Еквадор, Перу и северен Чиле ќе се намали нивото на морето, а ќе се зголеми во Океанија.

Ладни води ќе потечат долж Екваторот, па температурите таму ќе бидат под просечните. Сето тоа ќе предизвика поплави и врнежи во Југоисточна Азија, делови од Африка, Бразил и Австралија. Поплавите во овие региони ќе станат вообичаени.

Во САД ќе зачестат ураганите и тропските бури, а во некои јужни делови од САД може изненадно да се појави снег.

Ла Ниња ќе донесе и суши во места како западна Америка, Мексико и североисточна Африка.

Во случајот на Шпанија и Европа воопшто, врнежите може да се зголемат значително.

Името Ла Ниња е избрано затоа што е спротивно на Ел Нињо.

The post СЕСТРАТА НА „ЕЛ НИЊО“ ЌЕ НИ ГО ОЛАДИ ЛЕТОТО? Бурата доаѓа побрзо одошто се прогнозираше appeared first on plusinfo.mk.

Според Попоски стабилното, суво, сончево и пролетно топлото време ќе се задржи до крајот на оваа работна недела. Веќе од викендов влегуваме во циклонален, влажен и нестабилен период.

– Под влијание на циклонска активност од запад, очекуваме почести врнежи кои ќе бидат претежно од дожд и тоа поради јужното воздушно струење и топлото време. Исто така очекуваме силен јужен ветер, како и Сахарска прашина и песок – вели Попоски.

Тој додава дека сето ова ќе предизвика особено кај метеопатите поголеми здравствени проблеми, што значи дека биометеото ќе биде доста неповолно.

– Следната седмица ќе биде многу променлива и со почести врнежи претежно од дожд. Снег барем засега нема на видик. Многу појасна слика околу циклоналниот период кој е пред нас ќе имаме во следните денови, тогаш очекувајте многу повеќе детали, и секако искористете го максимално ова сончево пролетно време во февруари – додава Попоски.

The post СТРАШЕН ЦИКЛОН Ѝ СЕ ПРИБЛИЖУВА НА МАКЕДОНИЈА Пустински песок ќе ни ги полни очите appeared first on plusinfo.mk.

Рекордот беше соборен во неделата во градот Арасуаи, во југоисточната бразилска држава Минас Жераис, соопштија официјални лица. Невидената жештина се припишува на феноменот Ел Нињо и климатските промени. Синоптичарите рекоа дека жештината веројатно ќе се намали оваа недела.

Официјални лица на Националниот институт за метеорологија (Инмет) соопштија дека во трите главни градови на бразилските држави ќе бидат забележани температури до 40 степени, пренесе Си-Ен-Ен Бразил. Претходниот температурен рекорд беше 44,7 степени и беше измерен во 2005 година.

Поради жештините, црвени предупредувања беа издадени во делови од земјата, еден месец пред почетокот на летото на јужната хемисфера. Потрошувачката на енергија во Бразил скокна на рекордно ниво, бидејќи луѓето се обидуваат да се разладат со клима уреди.

The post ВО БРАЗИЛ ИЗМЕРЕНИ СЕ 44,8 СТЕПЕНИ Земјата гори од жештина поради феноменот Ел Нињо appeared first on plusinfo.mk.

Глобалната просечна температура изнесувала 17 Целзиусови степени, што е повеќе од претходниот рекорд од 16,9 степени Целзиусови, поставен во август 2016 година, според податоци на британскиот Национален центар за предвидување на услови во животната средина.

– Ова не е пресвртница што треба да ја славиме, тоа е смртна казна за луѓето и екосистемите. Ова е загрижувачко бидејќи нема да биде најтопол ден уште долго време – изјави Фридерике Ото, виш предавач на Институтот за климатски промени и животна средина во Грантам, додавајќи дека временскиот феномен „Ел Нињо“ годинава ќе придонесе за соборување на повеќе топлотни рекорди.

The post „ЕЛ НИЊО“ ЌЕ ГО СОБОРИ РЕКОРДОТ Просечната температура во светот измерена вчера била рекордна appeared first on plusinfo.mk.

Со други зборови, идната 2024 година ќе биде најтопла досега во историјата, барем откако мериме температура, а ефектите на Ел Нињо ќе се почувствуваат по целата Земјина топка. Да, 2024 година ќе биде потопла и од 2016 година која го држи рекордот по „пеколност“.

El Nino has officially returned and is likely to yield extreme weather later this year. The phenomenon is a result of unusually warm waters in the Eastern Pacific plus a change in wind flow https://t.co/F9Fx8GAZDZ pic.twitter.com/HlsmZgDDcG

— Reuters (@Reuters) June 9, 2023

Настанот најверојатно ќе трае до следната пролет, по што неговите влијанија ќе се повлечат.

– Сега се зголемува, има сигнали во нашите предвидувања веќе неколку месеци, но навистина изгледа дека ќе го достигне својот врв на крајот на оваа година во однос на нејзиниот интензитет -рече Адам Скајф, шеф на долгорочни предвидувања во Обединетото Кралство.

Американските научници потврдија дека Ел Нињо започнал. „Детиштето“ може да донесе суша во Австралија, повеќе дождови во јужниот дел на САД и ќе го ослабне индискиот монсун.

Со месеци, истражувачите беа сè посигурни дека настанот Ел Нињо требаше да се појави во Тихиот Океан. Сега тоа е реалност.

Овој природен феномен е најмоќната флуктуација во климатскиот систем насекаде на Земјата.

Во некои варијанти на преводот од шпански, „Ел Нињо“, освен дете, значи и поконкретно, момче.

The post НЕМА БЕГАЊЕ ОД „ДЕТИШТЕТО“ ЕЛ НИЊО Следната година ќе биде најжешка во историјата и не можеме да сториме ништо за тоа! appeared first on plusinfo.mk.