Времето утре ќе биде сончево и многу топло, со мала до умерена локална облачност, најавува Управата за хидрометеоролошки работи. Ќе дува слаб до умерен ветер од јужен правец. Во Скопје, сончево и многу топло со слаб до умерен ветер од јужен правец.

И за утре УХМР издаде црвен аларм за екстремно топло време. Во препредувањето се наведува дека дневната температура во некои градови ќе стигне до 43 степени Целзиусови. Ова се однесува најмногу на Скопскиот, Вардарскиот и на Југоисточниот регион. Над 40 степени утре ќе биде во Скопје, Велес, Штип, Струмица, Демир Капија и во Гевгелија.

Денеска е измерена највисока температура од 43,1 степени, во Гевгелија. Ова е досега највисоката измерена температура ова лето.

Екстремно жешко беше и во Демир Капија со 42,8 и во Велес со 42,7 степени, како и во Скопје со 41,9 и во Кавадарви со максимална температура од 41,6. Во Струмица беша измерени 40,7, а во Штип 40,4 степени Целзиусови.

На горештините им се гледа крај, но дури од недела, кога се очекува промена на временската состојба и мало разладување. Во попладневните часови ќе има услови за локална појава на нестабилност, со пороен дожд и со грмежи. Ветерот ќе го промени правецот во северен, а дневната температурата ќе биде во опаѓање.

Алармите за предупредување на населението од временски непогоди се издаваат во жолта, портокалова и во црвена боја и се дел од системот за метеопредупредувања во Европа. Жолт аларм значи умерена опасност од временските прилики, со можност за умерени последици по околината, портокалов значи дека опасноста е голема, а црвениот аларм предупредува за екстремна опасност, со можност за катастрофални последици по луѓето, нивните имоти и по околината.

Алармите се издаваат за различни временски прилики и појави: за ветер, дожд, горештина, студ, снег, мраз, грмотевици, крајбрежни настани, шумски пожари, лавини, поплави, порои, опасности на море и за суша.

The post ГЕВГЕЛИЈА СЕ ИСПЕЧЕ НА 43,1 СТЕПЕН Екстремна топлина и врел ветер се очекуваат во Скопје, Велес и во Демир Капија appeared first on plusinfo.mk.

Највисоката температура во Грција денеска достигна 45,8 степени Целзиусови, измерени во Скала во општина Месиниа на Пелопонез, а околу 85 отсто од вкупното население на земјата искуси максимални температури над 39 степени, според податоците на Националната опсерваторија во Атина и порталот Метео.

Денеска температурата во многу делови од земјата надмина 42 степени, а највисоките температури се регистрирани во Епир, Тесалија, западна и северна Грција, Пелопонез и во јужниот дел на Крит. Просечната максимална температура денеска во Грција беше највисока во последните денови и достигнува 37,6 степени,. Дури 359 од 554 активни метеоролошки станици регистрирале температури од над 37 степени, 165 станици регистрирале над 40 степени, а термометарот покажал над 42 степени во 34 станици.

„Она што е карактеристично за денешниот ден е тоа што многу голема географска површина на земјата беше зафатена од екстремно високи температури. Се проценува дека околу 85 отсто од вкупното население на Грција искуси максимални температури над 39 степени“, пишува Метео.

Порталот појаснува дека демографските податоци се однесуваат на постојаните жители на секој регион, додека привремените промени во населението, на пример, поради летни одмори, не се земени предвид.

Во областа Атика, поширокиот регион на Атина, температурата беше над 40 степени.

Новиот топлински бран што од понеделникот ја зафати Грција, според најавите и прогнозите се очекува да трае до недела.

The post НА ПЕЛОПОНЕЗ ИЗМЕРЕНИ РЕЧИСИ 46 СТЕПЕНИ Над 85 отсто од Грците „се печат“ на над 39 appeared first on plusinfo.mk.

Северна Индија е погодена од екстремен топлотен бран со температури значително над вообичаените за сезоната, што го нарушува секојдневниот живот на луѓето.

Жегата предизвикува сериозни здравствени ризици. Во пустинскиот град Шри Ганганагар во северозападната држава Раџастан вчера беа измерени 47,3 степени Целзиусови, соопшти Индиската метеоролошка служба. Највисоката температура забележана во земјата останува 51 степен, измерена во мај 2016 година во градот Фалоди, исто така во Раџастан.

Екстремните горештини ги истакнуваат предизвиците пред преоптоварениот здравствен систем во Индија. Долготрајното изложување на високи температури предизвикува топлотни удари, особено кај ранливите групи, како луѓето со ниски примања, работниците на отворено, децата и постарите лица. Минатата година, долготрајните топлотни бранови одзеде над 100 животи и предизвика повеќе од 40.000 случаи на топлотен удар.

Вчера во Делхи беше регистриран првиот топлотен бран за сезоната, со температури над 45 степени во делови од градот, а високата влажност дополнително го засилуваше чувството на жега.

The post ЛУЃЕ СЕ „ПРЖАТ“ НА СОНЦЕ Екстремни 47,3 степени во Индија appeared first on plusinfo.mk.

Минималната температура ќе биде во интервал од 14 до 23, а максималната ќе достигне од 34 до 41 степен. УВ индексот ќе изнесува.

Во Скопје времето ќе биде сончево и многу топло со слаб до умерен ветер од северен правец.

Минималната температура ќе се спушти до 20, а максималната ќе достигне до 39 степени.

The post ЕКСТРЕМНО ТОПЛО, ДО 41 СТЕПЕН Тропскиот бран е на најсилно appeared first on plusinfo.mk.