Денеска е регистриран најтоплиот ден во Франција од почетокот на систематските мерења во 1947 година, при што се соборени повеќе температурни рекорди во западниот дел на земјата, соопшти Француската национална метеоролошка служба.

Националниот термички индекс, кој ја претставува просечната вредност на дневните и ноќните температури во 30 референтни метеоролошки станици, достигна 29,8 степени, според прелиминарните податоци.

„Оваа вредност е повисока од претходните рекорди од 25 јули 2019 година и од 5 август 2003 година, кога индексот изнесуваше 29,4 степени“, соопшти метеоролошката служба.

Според експертите, ваквите температурни екстреми укажуваат на зголемена зачестеност на топлотни бранови во Европа во последните години, што дополнително го зголемува притисокот врз здравствениот систем и инфраструктурата.

The post ФРАНЦИЈА ГОРИ ОД ТОПЛИНА Срушен рекорд стар 78 години appeared first on plusinfo.mk.

Поради топлотниот бран и високите температури што од вчера ја зафатија Грција, археолошките локалитети во Атина, како и Акропол заклучно со петок, ќе бидат затворени за туристи во периодот од 12 до 17 часот, јави дописничката на МИА од Атина.

Од Министерството за култура на Грција и од Археолошката управа во Атина соопштија дека одлуката што важи до 25 јули е за заштита на вработените и посетителите од високите температури.

Новиот топлотен бран што ја зафати земјата, според најавите и прогнозите се очекува да трае до недела, а четврток и петок веројатно ќе бидат најтоплите денови.

Вчера, како што објави МИА, во централна Грција била измерена температура од 44,9 степени Целзиусови, што воедно е и највисоката регистрирана во текот на вчерашниот ден, додека пак според податоците на Националната опсерваторија во Атина и порталот Метео, 102 од 550 метеоролошки станици измериле температури над 40 степени.

Акропол и на почетокот на месецов, при првиот топлотен бран во земјата, беше затворен на неколку часа поради високите температури.

The post ЗАТВОРЕН АКРОПОЛ ВО АТИНА ПОРАДИ ЕКСТРЕМНИ ТЕМПЕРАТУРИ Вчера биле измерени 44,9 степени во централна Грција appeared first on plusinfo.mk.

Од сабота, Македонија влегува во нов топлотен бран кој, според најавите на Управата за хидрометеоролошки работи (УХМР), ќе трае во текот на целата идна недела. Очекувањата се за стабилно, сончево и исклучително топло време, со само слаба до умерена локална облачност.

Во сабота, утринските температури ќе бидат релативно пријатни – најниските ќе се движат околу 10 степени во Маврово и Берово, додека најтопло ќе биде во Гевгелија со 19 степени. Но, веќе преку денот температурите ќе пораснат драматично: во Маврово се очекуваат 26 степени, а во Гевгелија речиси тропски 39°C. Во главниот град, Скопје, ќе преовладува сончево време со мала до умерена облачност и слаб до умерен северен ветер. Температурите таму ќе се движат од утрински 17 до попладневни 37 степени Целзиусови.

„Од утре следува период на сончево и многу топло време со мала до умерена облачност. Особено топло време се очекува во текот на следната работна седмица, кога дневната температура насекаде ќе биде над 30°C, на повеќе места ќе надминува 35°C, а наместа ќе биде и над 40°C“, се наведува во соопштението на УХМР.

Во недела се продолжува со слична временска слика. Утринските температури ќе бидат нешто повисоки – од 11 степени во најпланинските предели до 20°C во југоисточниот дел на земјава. Максималните дневни температури ќе се движат од околу 31 степен во северозападниот дел, па сè до 39°C во најтоплите региони. Ќе биде сончево и многу топло со умерена облачност, а ветерот ќе се засили и ќе дува од западен правец. Попладне се очекува зголемување на облачноста, но без најавени врнежи.

УХМР апелира граѓаните да бидат внимателни, особено во периодот од 11 до 17 часот, да избегнуваат директна изложеност на сонце и да внесуваат доволно течности. Исто така, се препорачува заштита на постарите лица, хронично болните и малите деца, кои се најранливи на ваквите температурни екстреми.

The post НЕ ВЕРУВАВТЕ ДЕКА МОЖЕ ДА СТАНЕ ПОЖЕШКО? Погледнете што не’ чека од сабота, нов пеколен бран appeared first on plusinfo.mk.

Топлотниот бран ги принуди иранските власти да го намалат работното време денеска и да наредат сите владини и комерцијални институции да затворат утре, недела, откако повеќе од 200 луѓе беа примени во болниците поради топлотен удар, објави Гардијан.

Иранската новинска агенција ИРНА објави дека банките, канцелариите и јавните институции ширум земјата ќе бидат затворени во недела за да се заштити здравјето на луѓето и да се заштеди електрична енергија. Ќе работат само медицинските и итните служби.

Во главниот град на Иран, Техеран е забележана температура од 42 степени, а во 10 ирански провинции температурата денеска надмина 45 степени, додека во градот Делган на југоистокот од земјата е забележана рекордна температура од 49,7 степени.
Метеоролозите за во понеделник најавија пад на температурата.

На глобално ниво, екстремните горештини предизвикуваат речиси 19.000 смртни случаи годишно, како и речиси 23 милиони повреди на работните места ширум светот.

Генералниот секретар на Обединетите нации (ОН) Антонио Гутереш ги повика сите земји да се ангажираат на светско ниво во борбата против климатските промени откако беше забележана рекордна глобална температура, што е прв повик на светска организација за глобална акција поради екстремните горештини, пренесува Ал Џазира Балканс.

– Светот мора да се соочи со предизвикот на порастот на температурите – рече Гутереш.

Генералниот секретар на ОН истакна дека се потребни мерки за заштита на работниците од екстремните горештини, врз основа на човековите права.

ОН ги повика владите не само да ја елиминираат употребата на фосилни горива, туку и да ја зајакнат заштитата на најранливите делови од населението, вклучително и повозрасните, бремените жени и децата, како и да ги зајакнат мерките за заштита на работниците.

Меѓународната организација на трудот (МОТ) објави дека во моментов повеќе од 70 отсто од работната сила, односно 2,4 милијарди луѓе се изложени на висок ризик од екстремни горештини.

– Во Африка речиси 93 отсто од работната сила е изложена на екстремни температури, а во арапските земји 84 отсто – според МОТ.

Во светот поради климатските промени топлотните бранови се сѐ почести и тие стануваат поинтензивни и подолготрајни.

The post ПЕКОЛНО ЛЕТО ВО ИРАН Повеќе од 200 луѓе примени во болница поради топлотен удар appeared first on plusinfo.mk.

Смртните случаи биле регистрирани вчера во градот Бени Мелал, на околу 300 километри јужно од главниот град Рабат, јави државната новинска агенција на кралството МАП, цитирајќи ги локалните здравствени власти.

Починатите биле претежно стари лица со хронични заболувања чии здравствени состојби биле влошени од екстремните температури, соопшти агенцијата.

Мароко оваа недела го зафати топлотен бран со температури до 48 степени Целзиусови во некои делови од земјата, соопштија метеоролозите.

The post ЕКСТРЕМНИ ТЕМПЕРАТУРИ ВО МАРОКО Починаа најмалку 20 лица за 24 часа appeared first on plusinfo.mk.

The post ПЕКОЛОТ ЌЕ ТРАЕ УШТЕ 10 ДЕНА, ТЕМПЕРАТУРИ ДО 45 СТЕПЕНИ Нека се спасува кој може! appeared first on plusinfo.mk.

Во Скопје времето ќе биде сончево и многу топло со мала облачност. Ќе дува слаб до умерен ветер од северен правец. Минималната температура ќе се спушти до 19, а максималната ќе достигне до 39 степени.

Во наредните денови следува период на многу топло време со дневна температура која насекаде ќе биде над 30, а наместа ќе достигнува 40 степени. Во попладневните часови претежно во планинските подрачја ќе има изолирана појава на нестабилност со краткотраен дожд и ретки грмежи.

The post ДОАЃААТ ЕКСТРЕМНИ ТЕМПЕРАТУРИ Од денеска до 40 степени appeared first on plusinfo.mk.

Пред неколку дена Шпанија објави дека поради жештините ова лето починале 6.000 лица. Во Македонија ниту во Министерството за здравство, ниту во Институтот за јавно здравје, ниту во Државниот завод за статистика не се води евиденција колку лица биле жртви на топлотните бранови во нашата земја.

– Ние водиме статистика на починатите лица по причина на смртта. На пример, за топлото време може да биде срцев удар, мозочен удар или некои други заболувања од заболувањата коишто биле причина за смртта, но индиректно тешко дека може да се открие дали токму топлото време довело некое лице да почине – ни изјави директорот на Државниот завод за статистика, Апостол Симовски.

Тој посочи дека здравствените власти ги кодираат причините за смрт кај едно лице, но нема информација дали кога некој ќе почине како причина се одредува топлото време.

– Кај нас мислам дека се водат според тоа дали некое лице кое починало, на пример имало кардиоваскуларни проблеми, тоа се изложило на сонце, му се слошило и починало. Тука како причина за смрт се става хроничната болест, но не се знае дали топлото време е токму тоа што довело до тоа лицето да почине – вели Симовски.

Жешкото време го зоврива и телефонот на Итната помош

Поради високи температури во Итната медицинска помош во Скопје значително е зголемен бројот на повици на лица кои бараат помош, но оттаму велат доколку некое лице почине тие само констатираат смрт, а не ја наведуваат причината.

– Кога одиме да пружиме помош на некое лице и доколку тоа почине, ние во тој момент само констатираме смрт. Вообичаено кога е на јавно место се повикува полиција, а тие повикуваат дежурен јавен обвинител. Потоа телото на починатиот се носи во Судска медицина. Според нашето искуство, со сигурност не може да се каже дали причина за смртта е токму топлото време – изјави доктор Марина Сотировска, раководителка на смена во Итната медицинска помош во Скопје.

Таа информира дека во текот на летото во Итната медицинска помош се јавуваат лица да пријават колапси на јавни места, на работни места, а како причина за тоа го наведува топлото време, но и хроничните болести.

– Жешкото време предизвикува несвестица кај лицата со хронични болести, но и кај возачите (на автомобили, на тротинети, на велосипеди) кои губат концентрација и се случуваат сообраќајни незгоди. Поради тоа се препорачува лицата да избегнуваат движење кога е пикот на топлото време, да се почитуваат препораките од владата – додава докторката Сотировска.

Најголема смртност има од болести на циркулаторниот систем

Инаку според податоците на Државниот завод за статистика, во Република Северна Македонија бројот на умрени лица во 2022 година изнесува 22.459 и е намален за 21,2% во однос на претходната година. Од вкупно умрените лица, поголем број се од машки пол, и тоа 11.868 или 52,8%. Бројот на умрените доенчиња изнесува 58 и нивното учество во вкупниот број на умрените лица изнесува 0,3% на 100 умрени лица.

Според месецот на смртта, најголем број случаи има во месец јануари, 2.802.

Просечната возраст кај умрените од машки пол изнесува 71,5 година, односно 75,8 години кај лицата од женски пол, повисока просечна возраст за 4,3 години се бележи кај жените.

Најголемо учество имаат умрените лица од болести на циркулаторниот систем, според МКБ-10 (шифра I00-I99), и тоа 41,3% случаи од вкупно умрените, потоа се случаите кај кои причина за смртта се неоплазмите (шифра C00-D48) со 17%, со 6,8% се застапени случаите кај кои причина за смртта е вирусот ковид-19 (шифра U07), ендокрините, нутритивните и метаболичките болести (шифра Е00-Е90) се застапени со 6,7%, а умрените лица кај кои причина за смртта се болестите на респираторниот систем (шифра Ј00-Ј99) се застапени со 4,5%, по што се останатите, но со помала застапеност.

Топлотниот бран лани покосил повеќе од 60.000 Европејци

Научниците открија дека екстремните горештини убиле повеќе од 60.000 луѓе во Европа минатото лето, во катастрофата што стана посмртоносна поради стакленички гасови што ја изгореа планетата.

Статистичарите на ЕУ алармираат дека во август поради големата топлина, сушата и бесните пожари кои зафатија голем дел од континентот, е забележан невообичаено голем број луѓе кои умираат за време на најжешкото лето во Европа.

Топлотниот бран од 2003 година предизвика повеќе од 70.000 смртни случаи одвишок ширум Европа, главно во Франција, и доведе многу земји да спроведат мерки како што се системи за рано предупредување, отворање на климатизирани училишта и слично.

– Овој и слични акциски планови можеби делумно го ублажија влијанието на топлотниот бран во 2022 година, но бројот на смртни случаи е сè уште поголем од очекуваниот – наведува истражувачката Клои Бримкомб од Универзитетот во Грац во Австрија во студијата објавена годинава во Nature.

Експертите за јавно здравје ги зеле тие податоци и користеле епидемиолошки модели за да утврдат колку смртни случаи може да се следат со температурата. Тие открија дека 61.672 луѓе починале од причини поврзани со топлина во Европа помеѓу 30 мај и 4 септември 2022 година. Стапката на смртност е највисока во Италија, Грција, Шпанија и во Португалија.

– Има луѓе кои во секој случај би умреле, но тие не се бројат со оваа методологија – рече Џоан Балестер, вонреден професор по климатски и здравствени истражувања на Институтот за глобално здравје во Барселона и главен автор на студијата според која топлината предизвикала смрт.

Само мал дел од смртните случаи поврзани со топлина доаѓаат од топлотен удар. Во повеќето случаи, топлото време ги убива луѓето со тоа што го спречува телото да се справи со постоечките здравствени проблеми како што се болести на срцето и на белите дробови.

Студијата покажа дека секоја недела од летото 2022 година, просечните температури во Европа „континуирано“ ги надминувале почетните вредности од претходните три децении. Најтешките горештини беа од 18 до 24 јули 2022, кога од нив починаа 11.637 луѓе.

Како да се избегнат сончаницата и топлотниот удар?

При екстремно високи температури, регулаторниот систем на нашето тело брзо доаѓа до своите крајни граници. Дополнително, постарите луѓе честопати пијат премалку вода. Поради тоа, телото не може да продуцира доволно пот, што пак го отежнува ладењето на телото. Честопати, препорачливо и најсигурно е да се повика лекар.

Најдобриот начин да се избегне топлотна исцрпеност или топлотен удар е да не излегувате премногу на сонце и особено не околу пладне, да ја заштитите главата со светла капа, да избегнувате изложување на екстремна топлина и да пиете многу течности. Непишано правило е дека на возрасните им е потребно најмалку половина литар вода повеќе од вообичаеното на топли денови.

The post ТОПЛОТО ВРЕМЕ Е СКРИЕН УБИЕЦ Македонија не ги брои жртвите на екстремните горештини appeared first on plusinfo.mk.

– Вчера се бележи зголемен број на извршени интервенции за разлика од викендот. Имало седум сообраќајки и пет колапси. Денеска до попладнево се реализирани 36 интеревенции. Имало пациенти кои паднале во несвест, пожар во Маџари, има многу сообраќајни несреќи, покачен крвен притисок…, изјави за МИА д-р Милица Бубало, раководителка на Итната медицинска помош со домашно лекување при Здравствен дом – Скопје.

Препораките до граѓаните се вообичаени за вакво време, да се носи светла облека, да се консумира многу течности, да се избегнува извршување работи на отворено.

Имајќи предвид дека денеска и вчера е зголем бројот на сообраќајни несреќи, д-р Бубало апелира до возачите да ги почитуваат собраќајните правила и прописи. Топлото време, вели таа, влијае и на управувањето на возилата, велосипедите, мотоцицклите…, но возачите треба да се воздржуваат од нервоза и напнатост.

– Со оглед на тоа да внимаваат при управувањето на автомобилите, велосипедите, тротинетите…, изјави д-р Бубало за МИА.

Инаку,  пред викендот кога почна топлотниот бран, во просек до итната медицинска помош имало 250 до 350 повици.

The post ЕКСТРЕМНИТЕ ТЕМПЕРАТУРИ ВЛИЈААТ НА ЗДРАВЈЕТО Зголемен број на интервенции на Итната медицинска помош во Скопје appeared first on plusinfo.mk.