Разорни шумски пожари беснеат во делови од Канада, додека рекордна топлотна купола ги зафаќа областите долж границата со САД. Драматични снимки од местото Армстронг, во канадската провинција Онтарио, прикажуваат товарен воз опкружен со пламен, додека небото над Монтреал во средата наутро пожолте од густиот чад што се проширил од пожарите стотици километри северно, во Квебек и северозападен Онтарио, пренесува „Телеграф“.

На снимката од кабината на локомотивата се гледа како пламените јазици ја голтаат шумата од двете страни на железничката пруга, додека машиновозачот вознемирено вели:

„Ова може целосно да нè проголта. Станува навистина страшно. Опкружени сме со пламен“.

Canada’s #wildfire emergency

A freight train was caught in an advancing wildfire near Armstrong, Northern Ontario
-128 active wildfires across northwestern #Ontario
-Armstrong & multiple First Nations have been evacuated
-Highway closures
-Temperatures nearing 40°C#canada pic.twitter.com/YDEhmCFRLC

— GlobeUpdate (@Globupdate) July 15, 2026

За повеќе од 100 милиони луѓе се издадени предупредувања поради екстремно високите температури. Според прогнозите, температурата во Отава и Торонто ќе достигне до 38 степени Целзиусови, а поради високата влажност, чувството на топлина ќе биде уште поизразено.

Канадското Министерство за животна средина и климатски промени предупреди дека квалитетот на воздухот може дополнително да се влоши и да достигне ниво што претставува сериозен ризик за здравјето.

Метеоролозите очекуваат горештините во поголем дел од земјата постепено да ослабнат до крајот на неделата, но топлотната купола – област со висок воздушен притисок што го задржува жешкиот воздух и го спречува создавањето облаци и врнежи – би можела да се задржи до крајот на месецот.

Горештините не ја зафатија само Канада. Во Билингс, во американската сојузна држава Монтана, беа измерени 44 степени Целзиусови, додека во Солт Лејк Сити, во Јута, температурата достигна 43 степени.

Американската Национална метеоролошка служба соопшти дека најсилниот топлотен бран ќе го зафати североисточниот дел на земјата и ќе се прошири кон средноатлантскиот регион.

Се очекува градовите од Ричмонд во Вирџинија до Бостон во Масачусетс да се соочат со температури близу 38 степени, при што можно е да бидат урнати дневните температурни рекорди.

Научниците сметаат дека ваквите екстремни временски услови се последица на климатскиот систем кој со децении се менува под влијание на емисиите на стакленички гасови од согорувањето на фосилните горива.

Климатологот Марк Алеси од организацијата „Унија на загрижени научници“ изјави дека топлотните куполи се природна појава, но денес се многу поинтензивни поради значително потоплата атмосфера и океаните.

– Нашата атмосфера е многу потопла. Нашите океани се многу потопли и ослободуваат далеку повеќе топлина во атмосферата. Оваа топлотна купола е јасен пример како изгледаат климатските промени предизвикани од фосилните горива – изјави Алеси.

Дополнителна анализа на групата „World Weather Attribution“ покажала дека екстремните горештини и високата влажност што на почетокот од јули ја зафатија источната обала на САД би биле „практично невозможни“ без климатските промени предизвикани од човековата активност.

Во меѓувреме, метеоролозите внимателно го следат развојот на феноменот Ел Нињо во Тихиот Океан, кој својот максимум се очекува да го достигне меѓу октомври и декември и би можел да биде еден од најсилните досега забележани.

The post 📽️ АПОКАЛИПСА ВО КАНАДА Товарен воз остана заробен среде огнен ѕид, тревога за 100 милиони луѓе appeared first on plusinfo.mk.

Германија денеска постави апсолутен рекорд на температура со измерени 41,3 степени Целзиусови, кои беа забележани во западниот град Сарбрикен, полажуваат прелиминарните податоци од метеоролошката служба (DWD).

„Оваа вредност е достигната во Германија за првпат од почетокот на метеоролошките мерења“, соопшти мрежната служба Блускај.

Претходниот рекорд на температура од 41,2 степени Целзиусови беше забележан во Германија на 25 јули 2019 година.

– Сосема е можно оваа температура повторно да се достигне и утре , ако не и малку да се надмине – изјави Уве Баумгартен, метеоролог во DWD.

Германските метеоролози утринава издадоа предупредувања за силна до екстремна топлина низ целата земја.

Најжешкиот ден се очекува во недела, кога се прогнозираат температури до 42 степени Целзиусови. Метеоролозите предвидуваат дека топлотниот бран ќе трае до почетокот на следната недела.

Спортските и настаните на отворено се откажани во многу делови од земјата поради жештината.

Поради високите температури што ја оптоваруваат инфраструктурата на германските железници, тие предупредуваат на можни проблеми и советуваат да не се патува освен во случај на неопходност.

Покрај високите температури, веројатноста за бури од запад постепено ќе се зголемува од сабота со можност за обилни врнежи од дожд, град и силни налети на ветер.

The post ГЕРМАНИЈА ВО ПЕКОЛЕН ТОПЛОТЕН БРАН Температурите достигнаа 41,3 степени, следуваат бури и град appeared first on plusinfo.mk.