Известувачот во Европскиот парламент обвинува за кампања на оцрнување и закани од екстремни групи поради неговата улога во извештајот за земјава

Известувачот за Македонија во Европскиот парламент, Томас Вајц, откри дека бил мета на жестоки напади и закани по неговиот живот, поради извештајот за напредокот на земјава кој минатата недела беше изгласан во Европскиот парламент.

Во интервју за Канал 5, Вајц вели дека е задоволен од извештајот, но ја осудува кампањата на оцрнување што ја воделе против него, особено од бугарска страна.

– Да, бев под силен напад, тоа беше цела кампања за оцрнување против мене. Ме нарекуваа пристрасен, бев обвинет дека сум имал повеќе разговори со Македонија отколку со Бугарија. Ме обвинуваа дека сум корумпиран – изјави Вајц.

Тој посочува дека неговиот приватен телефонски број бил споделуван во екстремно десничарски групи на Телеграм, што резултирало со закани од сериозен карактер.

– Добив смртни закани и секакви закани, а ова продолжува и по гласањето. За жал, ова тотално ескалираше во Бугарија – нагласува Вајц.

Извештајот за напредокот на Македонија беше позитивно оценет во Брисел, но очигледно предизвика политички тензии и негативна реакција од одредени кругови, особено кај оние кои го сметаат за пристрасен во однос на бугарско-македонските односи.

The post 📽️ СМРТНИ ЗАКАНИ ЗА ВАЈЦ ОД БУГАРСКИ ЕКСТРЕМИСТИ Европратеникот под жестоки напади за поддршката на Македонија appeared first on plusinfo.mk.

Околу 160.000 луѓе учествуваа на демонстрациите во Берлин против екстремната десница и зближувањето меѓу конзервативната десница и екстремната десница во Германија, забележано претходно оваа недела во врска со законодавните мерки за ограничување на имиграцијата, изјави портпарол на берлинската полиција.

Според организаторите на демонстрациите, учествувале 200.000 луѓе.

Тие се одржаа пред зградата на германскиот Парламент во центарот на Берлин. Следуваше поворка, а на крајот демонстрантите завршија пред седиштето на Христијанско-демократската партија.

Претходно денеска лидерот на ЦДУ Фридрих Мерц увери дека евентуалната влада на чело со него по изборите нема да бара приближување со екстремно десничарската Алтернатива за Германија.

The post 160.000 ГРАЃАНИ ИЗЛЕГОА НА ПРОТЕСТ ВО БЕРЛИН Масовни демонстрации против екстремната десница appeared first on plusinfo.mk.

Партијата на Кикл го зазеде првото место на парламентарните избори во септември, со 28,8 отсто од гласовите, престигнувајќи ја конзервативната Австриска народна партија на канцеларот во заминување Карл Нехамер.

Во октомври, Ван дер Белен му даде на Нехамер мандат за формирање влада, откако неговата партија објави дека нема да влезе во влада со Партијата на слободата додека ја води Кикл, а другите партии ја отфрлија можноста за соработка со екстремната десница.

Обидите да се формира владејачка коалиција без екстремната десница пропаднаа во првите неколку дена од 2025 година, по што Нехамер завчера најави оставка. Партијата на Нехамер тогаш посочи дека може да биде отворена за соработка со Кикл.

По денешната средба со Кикл, која траеше околу еден час, Ван дер Белен изјави дека го задолжил лидерот на Партијата на слободата да разговара со Австриската народна партија за да се формира нова влада.

The post ЗА ПРВПАТ ОД ВТОРАТА СВЕТСКА ВОЈНА Екстремната десница во Австрија доби мандат да формира влада appeared first on plusinfo.mk.

The post ФРАНЦУЗИТЕ ИЗЛЕГОА НА УЛИЦА Демонстрации против растечката екстремна десница  appeared first on plusinfo.mk.

– Има ново зголемување на бројот на десничарски екстремисти склони кон насилство – истакна шефот на службата, Томас Халденванг.

Неговата канцеларија планира да го претстави својот годишен извештај за 2023 година следната недела.

Зголемувањето од околу 14,5% или 38.800 лица, пријавени за 2022 година, главно се должи на фактот што за првпат поединечни фракции на партијата Алтернатива за Германија се под надзор како екстремистички организации. Според службата, околу 10.200 членови на партијата и нејзиното младинско крило можат да бидат класифицирани како десничарски екстремисти.

Во март 2021 година, разузнавачката служба на Германија ја класифицираше Алтернатива за Германија како осомничена екстремистичка група. Оттогаш, „тенденциите за десничарски екстремизам во партијата станаа поинтензивни“, рече Халденванг.

Во источните германски покраини Саксонија, Саксонија-Анхалт и Тирингија, фракциите на партијата на ниво на провинција се класифицирани како екстремистички.

Клучна карактеристика на Алтернатива за Германија е нејзината екстремистичка линија против имигрантите, при што партијата ја капитализира зголемената загриженост на многу германски гласачи за зголемениот број луѓе кои бараат азил во земјата.

На изборите за Европскиот парламент во неделата, Алтернатива за Германија се најде на второто место со 15,9%, што е најдобар резултат на партијата досега на национално ниво – подобро отколку германската социјалдемократска партија на канцеларот Олаф Шолц.

The post ФРАКЦИИ НА „АЛТЕРНАТИВА ЗА ГЕРМАНИЈА“ ПОД СТРОГ НАДЗОР Бројот на насилни десничарски екстремисти расте во земјата appeared first on plusinfo.mk.

На претходните европски избори пред пет години, тинејџерите ширум Европа масовно излегоа на улиците, протестирајќи за политиките за заштита на климата. Немаа право на глас, но реагираа на одлуките кои ќе им го дефинираат животот со години.

Анкетите покажуваат дека младите луѓе (обично на возраст меѓу 18 и 24 години) во демократиите од двете страни на Атлантикот повеќе гласаат за левичарски, прогресивни партии отколку за оние од десницата. Поради ова, европските конзервативци долго време се противеа на тоа да им се даде глас на 16 и 17-годишници, иако на постарите тинејџери законски им е дозволено да работат и во некои случаи поседуваат возачка дозвола.

И навистина, на изборите за Европскиот парламент во 2019 година, најмладите гласачи излегоа во голем број, изразувајќи ја својата загриженост за глобалното затоплување и придонесувајќи за т.н. „зелен бран“. Третина од младите во Германија гласаа за Зелените.

Денес приказната е сосема поинаква. Многу млади луѓе во Германија го дадоа својот глас за екстремно десничарската Алтернатива за Германија (АфД). На овие избори за АфД гласаа 16% од гласачите во возрасната група од 16 до 24 години, што е за 11% повеќе од пред 5 години. Треба да се напомене дека мнозинството тинејџери не гласале за екстремната десница, но зголемувањето на бројот на оние кои гласале е сепак алармантно и застрашувачки, анализира Си-Ен-Ен.

Иако АфД претрпе серија скандали во последните месеци, од познатите обвинувања за флертување со неонацизмот, предлогот за депортации за германските граѓани кои не се родени во Германија, па до истрагите за членовите на партиите кои учествуваа во насилство и поттикнуваа омраза, АфД сепак освои огромен број гласови на изборите.

Но, ова свртување на германската младина надесно не доаѓа само така изненадно. Германските истражувања покажуваат општо незадоволство од економските и политичките услови по пандемијата.

– Се чини дека пандемијата на коронавирусот ги иритира младите поради неспособноста на владетелите да се справат со иднината, што се рефлектира со длабока несигурност – велат аналитичарите.

Најважните прашања за младите се личните финансии, наоѓањето квалитетно вработување, здравството, домувањето и општествено признание.

Младите, како и добар дел од нивните постари сограѓани, се разочарани од неуспехот на политиките на традиционалните партии на десниот и на левиот центар и се склони својот глас да го дадат за националистичките и десничарските опции, кои не нудат вистински решенија, но успеваат да разбудат емоции и револт кај гласачите, во што многу помогнаа и социјалните мрежи.

Растечкиот тренд на популарност на десницата кај младите не е присутен само во Германија. Регистриран е и во Португалија, Италија, Франција, Холандија и во Шведска.

Аналитичарите објаснуваат дека младите можат да бидат особено импулсивни и емотивни при изборот на политичките опции. Разбирливо е нивното незадоволство од бавното економско закрепнување, пандемијата што неправедно ги казни и глобалните кризи.

Сепак, очигледно е дека екстремно десничарските партии како АфД немаат решенија за тешки и сложени прашања, а гласањето за нив некако ја спречува демократијата да ги реши сопствените недостатоци. Гласањето во знак на протест за вакви партии може да биде опасно и да ја загрози иднината на младите луѓе кои со право се плашат во моментов.

The post ВО ГЕРМАНИЈА ПРВПАТ НА ИЗБОРИ ГЛАСАА 16-ГОДИШНИЦИТЕ Резултатите се загрижувачки appeared first on plusinfo.mk.

Весникот потсетува дека европските политички партии од секаков вид со децении ги здружуваа силите за да ја држат екстремната десница далеку од лостовите на моќта и тврди дека таа стратегија, позната во Франција како „cordon sante“ („заштитен ѕид“) паѓадодека популарноста на популистичките и националистичките партии расте низ целиот континент.

Пет земји од ЕУ: Италија, Финска, Словачка, Унгарија и Чешка имаат екстремно десничарски партии во владата.

Во Шведска, опстанокот на извршната власт зависи од договорот за доверба со националистичките шведски демократи, кои се втората по големина сила во парламентот.

Во Холандија, антиисламскиот политичар Герт Вилдерс е на работ на моќта, откако склучи историски договор за формирање на најдесничарската влада во поновата холандска историја.

Според анкетите спроведени од Политико во Франција „Националниот фронт“ на ултрадесничарката Марин Ле Пен ја доби довербата на околу 30 отсто од гласачите, што е далеку пред партијата „Преродба“ на францускиот претседател Емануел Макрон.

Од другата страна на Рајна, Алтернатива за Германија, партија под полициски надзор поради своите екстремистички ставови, е на второто место во анкетите, заедно со социјалдемократите.

Тие партии би можеле да го искористат моментот и да формираат моќен политички блок две недели пред изборите, но само доколку успеат да го задржат своето единство, пишува Политико.

The post „ЏАБЕ НАПОРИТЕ, ДЕСНИЦАТА Е ВЛАСТ ВО ЕУ“ Пет земји на континентот имаат екстремно десничарски влади, пишува Политико appeared first on plusinfo.mk.

Како одговор на владините планови да се намалат земјоделските субвенции, германските фармери во понеделникот на 8 јануари ги блокираа патиштата и градовите низ целата земја. Тие најавија една недела протести, што ќе кулминираат со голем протест во Берлин на 15 јануари, пренесува германската агенција ДПА.

Хаосот во сообраќајот е неизбежен, бидејќи работниците во железницата, возачите на камиони и рестораните ќе се приклучат кон штрајкот в среда.

Вистинските плати во Германија паѓаат уште од 2020 година, поради голем скок на цените на греењето, храната и на домувањето. Според податоците од германската федерална статистичка канцеларија, реалните плати се зголемиле во просек за 0,6 проценти минатата година.

Земјоделците штрајкуваа иако владата на Шолц претходно исполни дел од нивните барања, па се уште се ослободени од плаќање данок на возила, а даночниот кредит за земјоделскиот дизел треба целосно да се укине дури во 2026 година.  Демонстрантите, сепак, бараат владата да ги укине сите заштеди што ги планирала на нивна штета.

Симболиката што германските фармери ја избраа да го изразат своето незадоволство од владата во првите денови од новата година беше исто толку недвосмислена колку што беше и застрашувачка: импровизирани бесилки беа забележани покрај селските патишта низ земјата, кои висат на семафорите, повикувајќи се на боите на три владејачки партии.

Во источногерманските покраини оваа година претстојат важни избори, а дури и некои конзервативци го губат тлото под нозете и стравуваат дека новиот револуционерен дух може да биде ветер во грбот на енергичната екстремна десница.

Најавениот осумдневен протест на земјоделците ширум Германија, кој вклучува блокади на автопати и беше опишан од страна на шефот на синдикатот на земјоделците како „нешто што земјата никогаш досега не го доживеала“, ја фрла земјата во очај. Во меѓувреме, владата соопшти дека не размислува за промени во нејзините планови за постепено укинување на земјоделските субвенции, и покрај протестите на земјоделците.

Камионџиите велат дека ќе се приклучат на протестите на фармерите, за да го изразат своето незадоволство од зголемувањето на патарините за тешки товарни возила, што стапија на сила на почетокот на декември. Блокадите ќе почнат во регионалните центри и ќе кулминираат со собир на камиони во главниот град Берлин на 18 и на 19 јануари.

И железничките работници, обединети во германскиот синдикат на машиновозачите, ја објавија својата намера да продолжат со националните штрајкови за платите и за работното време во текот на Божиќ, од понеделник по примирјето.

Протестите на разните сектори засега не се се координирани и се фокусирани на различни барања. Но, нивното истовремено одржување ѝ даде на крајната десница совршена можност да ги поттикнат популистичките фантазии за пуч во Германија.

На своите канали на социјалните мрежи, екстремно десничарската партија Алтернатива за Германија (АФД) наслика слика на обични луѓе кои се „водени во пропаст како во средниот век од неодговорно политичко раководство“ и ги повика граѓаните да се приклучат на она што го нарече „генерален штрајк“.

На каналите за пораки Телеграм, некои демонстранти споделија слики од запалениот Рајхстаг, опкружен со трактори, илустрации направени од вештачка интелигенција, со зборовите: „Дојдете во Берлин и избркајте ги семафорите! Германија станува сина“. А сини се боите на АФД.

Германското здружение на фармери се обиде да се огради од „насилните фантазии за државен удар“.

Зголемениот бирократски товар и зголемените трошоци во последните 10 години создадоа огромна фрустрација што сега се празни на улиците. Дополнително, АФД укажува на бесцаринскиот увоз на жито од Украина и им кажува на земјоделците дека владата се обидува да го спаси светот, но не се грижи за Германија.

Посматрачите велат дека идеите за пуч нема да успеат, но енергијата на екстремната десница не смее да се потцени.

Во меѓувреме, обичните луѓе се во очај, бидејќи не можат да се движат по патиштата, да стасаат на своите работни места. Сите се прашуваат – дали во средината на јануари земјата, едноставно, ќе запре?

Plus de 2 000 tracteurs paralysent la ville d’Erfurt en Allemagne. #bauern #B0801 #Bauernproteste pic.twitter.com/mYSY6tyt13

— Anonyme Citoyen (@AnonymeCitoyen) January 8, 2024

Farmers and truckers block Germany! They want to put end to socialist dictatorship which only brings poverty and new taxes. Germany answers to EU, and EU is destroying European families. It’s time for EU to be dissolved. pic.twitter.com/znd1JLyRxs

— RadioGenoa (@RadioGenoa) January 8, 2024

The post 📽 ГЕРМАНИЈА ВО ХАОС, ДЕСНИЧАРИТЕ ТРИЈАТ РАЦЕ Можат ли протестите да предизвикаат драматични политички промени? appeared first on plusinfo.mk.