Билтенот на МВР за денеска (14 мај) изобилува со настани во кои малолетници се жртви или сторители на насилни деликти во и надвор од училиштата.

СВР Тетово поднесе известување против двајца малолетници од Тетово поради постоење основи на сомнение за сторено кривично дело „насилство”. 13.03.2026 во двор на средно училиште во Тетово, пријавените физички го нападнале М.А..

На 13.05.2026 во 20:00 часот во СВР Скопје, А.Ј.(43) од с.Студеничани, скопско, пријави дека на 12.05.2026 околу 09:30 часот пред основно училиште на подрачјето на општина Студеничани, неговиот 14-годишен син бил физички нападнат од неколку малолетници, кои ги познавал и кои го снимиле настанот со мобилен телефон, а потоа го објавиле на социјална мрежа. За настанот е известен јавен обвинител и инспектор за малолетници. Се преземат мерки за расчистување на случајот.

СВР Тетово поднесе известување против двајца малолетници од Тетово поради постоење основи на сомнение за сторено кривично дело „насилство над дете”. На 06.04.2026 во двор на основно училиште во с.Палатица, пријавените физички нападнале друг малолетник.

На 13.05.2026 во 12:30 часот во СВР Скопје, 35-годишна жена од Скопје пријави дека во периодот од март 2026 до денот на пријавата, нејзината 12-годишна ќерка, под закана преку мобилна апликација испраќала експлицитни фотографии и видеа на малолетник. Се преземаат мерки за расчистување на случајот.

The post МАЛОЛЕТНИЦИ KAKO ДА ЖИВЕАТ ВО ДЕВЕТТИОТ КРУГ Тепања, малтретирања, уцени… appeared first on plusinfo.mk.

Малолетно девојче од Скопје било жртва на уцена од поранешното момче, кое ѝ се заканувало дека ќе објави експлицитни фотографии доколку таа не ја продолжи врската.

Случајот бил пријавен на 21 април околу 19:40 часот во СВР Скопје од страна на родителот, кој алармирал дека неговата малолетна ќерка трпи притисоци и закани од друг малолетник со кого претходно била во емотивна врска.

Според пријавата, осомничениот се обидувал да ја принуди девојката повторно да биде со него, користејќи закани дека ќе објави компромитирачки материјал.

За случајот е известен јавен обвинител, а надлежните институции веќе преземаат мерки за негово целосно расчистување.

The post „АКО НЕ СЕ ВРАТИШ, ЌЕ ОБЈАВАМ СÈ“ Малолетник ја уценувал поранешната со интимни фотографии appeared first on plusinfo.mk.

СВР Велес поднесе кривична пријава против П.А. од Виница поради постоење основи на сомнение за сторено кривично дело „производство и дистрибуција на детска порнографија“.

На 20.11.2025, пријавениот од лажен профил на социјална мрежа испратил пораки кои содржеле експлицитни фотографии и видеоснимки на профил на малолетничка.

Со него е извршен службен разговор во полициска станица, при што го признал делото. Против него ќе биде поднесена соодветна пријава, информира СВР Велес.

The post ВИНИЧАНЕЦ ФАТЕН СО ДЕТСКА ПОРНОГРАФИЈА Од лажен профил испраќал експлицитни фотографии од малолетничка appeared first on plusinfo.mk.

Од Судот попладнево потврдија за МИА дека во предметот, како оштетени се деца-жртви.

– Децата со користење и навлегување во компјутерски информатички систем на лични податоци, во неколку наврати прибрале лични податоци-фотографии од оштетените деца-жртви. Преку апликацијата www. рогих.аї ги обработиле преземните фотографии, на начин што извршиле монтажа на нивните ликови и како монтирани ги испраќале и разменувале во група на социјалната мрежа Фејсбук. Co вака преземените дејствија децата во ризик ги исполниле елементите на кривичното дело кое им се става на товар, а со тоа на оштетените деца-жртви им нанеле штета – појаснија од Судот.

Во писменото известување до МИА се вели дека пред Основен суд Кавадарци, а по барање за поведување на подготвителна постапка, поведена била постапка спрема шест деца во ризик, за кривично дело „Злоупотреба на лични податоци”.

По завршување на подготвителната постапка, од страна на ОЈО Кавадарци поднесен бил предлог за изрекување на санкција спрема четири деца.

– Советот за деца на одржана главна, усна и нејавна расправа, изрече воспитна мерка Засилен надзор од страна на родителите, а спрема две деца постапката е запрена, од причина што за едното дете нема докази дека го сторило кривичното дело кое му се става на товар, а за другото дете постојат околности, кои согласно член 20 од Законот за правда за децата го исклучуваат кривичното гонење. Решението со кое е изречена воспитна мерка, како и решението за запирање на кривичната постапка, се правосилни – ни одговорија од Судот.

Во врска со побараните податоци од ваша страна како новинар за постапка која се водела пред Основен суд Кавадарци, најпрво укажуваме дека согласно Законот за правда за децата-децата во судир со закон и децата-жртви на кривични дела се заштитени по однос на јавни податоци за нив, јавноста при спроведување на постапката е исклучена согласно овој закон, подвлекоа од Судот.

На 13 октомври минатата година, МИА информираше дека малолетници од основно училиште се пријавени во кавадаречката полиција, злоупотребиле фотографии од малолетни девојчиња.

– Ве известуваме дека во ОВР Кавадарци, заедно со нивните родители, повикани се шест малолетници од Кавадарци и со нив бил извршен службен разговор во врска со претходна пријава од родители дека биле злоупотребени лични податоци, односно фотографии од нивните малолетни ќерки.

Според пријавеното, фотографии биле преземени од социјални мрежи и на нив биле измонтирани фотографии со недолична содржина, ни одговори тогаш портпаролката на СВР Велес, Биљана Ѓаковска.

Родител на едно од девојчињата, рече тогаш за МИА дека деветтоодделенците правеле монтажи, главите од фотографии преземени од Фејсбук на повеќе девојчиња, помлади и постари од нив, ги монтирање со апликација на експлицитни фотографии од голи тела и ги споделувале по групни чатови.

Настанот со злоупотребени фотографии на малолетни девојчиња од страна на деветтоодделенци во Кавадарци, се случил надвор од училиштето, потврдија околу средината на октомври, од ДПИ за МИА.

– Соред информациите што ги добивме од надлежен просветен инспектор, настанот се случил надвор од училиштето, а на случајот работи Министерството за внатрешни работи по пријава на родителите, ни напишаа тогаш во писмениот одговор од Државниот просветен инспекторат.

На 25 октомври, МИА информираше дека ОЈО Кавадарци оформи предмет за настанот со злоупотребени фотографии на малолетни девојчиња од страна на деветтоодделенци во Кавадарци. Тогаш,  ОВР Кавадарци до Основното јавно обвинителство Кавадарци достави известување против непознати лица.

– ОЈО Кавадарци веднаш оформи предмет и ќе даде насоки да се преземат дејствија за откривање на сторители – рекоа тогаш од ЈОРМ.

МИА информираше дека на 29 јануари годинава Обвинителството доби вештачење за настанот со злоупотребени фотографии на малолетни девојчиња од страна на деветтоодделенци во Кавадарци. Вештачењето било во врска со монтажите.

На први февруари, информиравме дека Обвинителството поведе постапка против шест деца во врска со настанот со злоупотребени фотографии на малолетни девојчиња од страна на деветтоодделенци во Кавадарци, за кој пишуваше МИА.

„Основното јавно обвинителство Кавадарци до надлежниот суд поднесе барање за поведување подготвителна постапка против шест деца во судир со законот за кои постои сомнение дека сториле продолжено кривично дело кое е санкционирано како – Злоупотреба на лични податоци“, ни соопштија тогаш од Обвинителството.

Како што додадоа оттаму, малолетниците, сите ученици во деветто одделение во основно училиште, како соизвршители, неовластено преземале приватни фотографии од нивни соученички, ги монтирале и меѓусебно ги споделувале со врсници, со цел да ги навредат и исмеваат и да нанесат штета на угледот на оштетените.

The post МОНТИРАЛЕ ФОТОГРАФИИ ОД ДРУГАРКИ СО НЕДОЛИЧНА СОДРЖИНА Шест деца од Кавадарци злоупотребувале лични податоци appeared first on plusinfo.mk.

Според информацијата, полицијата поднела кривична пријава против 28-годишниот И.Ј. од селото Велешта поради постоење основи на сомнение за сторено кривично дело „производство и дистрибуција на детска порнографија“.

– Тој, користејќи апликации за комуникација, на повеќе социјални мрежи се зачленувал во групи, во кои ширел содржина со детска порнографија. Потоа ги споделувал во други групни и лични профили со кои разменувале линкови од групи со таква и слична содржина – изјави портпаролот Стефан Димоски.

Полициски службеници, како што појасни, направиле претрес во неговиот дом во Велешта, при што биле пронајдени експлицитни фотографии кои биле одземени.

The post КРИВИЧНА ПРОТИВ ПЕДОФИЛ ОД ВЕЛЕШТА Произведувал детска порнографија appeared first on plusinfo.mk.

„На 02.11.2023 во 14.00 часот во Полициската станица Берово, жена од Берово пријавила дека од училиштето во кое учел нејзиниот малолетен син била информирана дека на социјална мрежа биле пуштени експлицитни фотографии од нејзиниот син. Се преземаат мерки за расчистување на случајот“ – стои во известувањето од МВР.

The post УЧИЛИШНО НАСИЛСТВО ВО БЕРОВО На интернет се објавувале експлицитни фотографии од ученик appeared first on plusinfo.mk.

Групата за еден ден брои 219 членови, а досега се споделени 61 фотографија и 14 видеа.

Скандалот со „Јавна соба“ беше обелоденет минатата година кога фотографии и видеа со девојки, од кои некои малолетни, се споделуваа во групата на социјалната мрежа Телеграм.

Тогаш групата беше затворена, но во јануари годинава повторно беше отворена нова група.

Јавното обвинителство во април по силни реакции во јавноста поднесе обвинение прототив две лица на возраст од 32 и 21 година, кои се товарат за кривично дело – Производство и дистрибуција на детска порнографија.

The post „ЈАВНА СОБА“ Е ПОВТОРНО АКТИВНА НА ТЕЛЕГРАМ Фрчат експлицитни фотографии и видеа appeared first on plusinfo.mk.

Лицата ги уценуваат и им се закануваат на жртвите, а упатуваат и повици за да ги обелоденат, како што велат тие, „нечесните жени“. Целта на тоа, според активистката за правата на жени, Салија Бекир Халим, е валкање на честа и репутацијата на жените. Откако таа го крена гласот, беше објавена и нејзина слика.

Од МВР се известени за случајот и работат на приведувања. Од таму велат дека во текот на пандемијата оваа појава видно се зголемила и додаваат дека најчести жртви се жените, а најмногу младите девојки.

За ова, македонската полицијата во соработка со полициите на Хрватска, Словенија, Србија, Црна Гора и на Босна и Херцеговина, ја почна кампањата „Кажи не“, која има за цел борба против сексуалната злоупотреба на интернет.

The post СЕ ОБЈАВУВААТ ЕКСПЛИЦИТНИ ФОТОГРАФИИ НА ЖЕНИ И ДЕВОЈКИ ОД МАКЕДОНИЈА Мажи повикуваат: „Пратете слики од нечесните“ appeared first on plusinfo.mk.

Со транспаренти во рацете тие им упатија порака на девојките дека не се сами, а на институциите им порачаа дека треба навремено да реагираат на ваквите појави.

Инаку, групата „Јавна соба“, во која се објавуваа експлицитни фотографии од девојки ширум земјава, засега е затворена, а полицијата трага по основачите.

The post Започна протестот против „Јавна соба“, девојките добија поддршка, а институциите – заушка (ФОТО) appeared first on plusinfo.mk.

Прва што го скрши мразот беше 28-годишната Ана која ја раскажува целата случка, како била земена нејзина фотографија од Инстаграм, како бил објавен нејзиниот телефонски број во групата „Јавна соба“…

Вечерва уште една девојка, која за разлика од Ана сакаше да остане анонимна, на социјалните мрежи го раскажа своето грдо искуство со групата „Јавна соба“ на Телеграм.

Таа објаснува дека одеднаш многу луѓе почнале да ѝ го испраќаат својот полов орган на социјалните мрежи, откако, како што вели, во „Јавна соба“ била објавена нејзина фотографија која таа лично пред четири години му ја испратила на тогашното момче. Откако дознала за тоа, девојката се затворила во себе и поради голем срам не излегувала од дома.

Но, работата излегла од контрола кога добила анонимен повик од човек кој ѝ рекол дека ќе ѝ го уништи животот со таа фотографија, па таа веднаш му кажала на својот татко и пријавила во полиција. Полицијата, како што вели, не успеала да му влезе во траг на заканувачот, па девојката сама решила да ја води битката. Со помош на апликација успеала да ја пронајде ИП адресата на заканувачот и сфатила дека се работи за поранешното момче на нејзина другарка.

Во продолжение ви го пренесуваме нејзиното сведоштво:

The post Ново сведоштво на девојка чија фотографија била објавена во „Јавна соба“: Ми се заканија дека ќе ми го уништат животот, морав да му кажам на татко ми appeared first on plusinfo.mk.