Првата причина е стратешка и политичка. Колку повеќе стратешки договори и вакви партнерства имаме со големи и значајни светски фактори, како што е Обединетото Кралство, толку подолгорочна ќе биде стабилноста и перспективата на Македонија како држава, но и на граѓаните. Јас на овој договор гледам како на чекор напред во таа насока. Убеден сум дека ваквиот вид пријателство и партнерство може да донесе само добри работи за граѓаните.

Ова денеска го изјави премиерот Христијан Мицкоски, во врска со, како што оцени, историскиот договор за стратешко партнерство со Обединетото Кралство.

-Во економска смисла- тоа е втората причина- веќе споменавме дека имаме рамка со која ни се ставаат на располагање околу 6 милијарди евра, или околу 5 милијарди фунти- рече Мицкоски.

Станува збор за два типа на проекти кои се договорени за работа – рече Мицкоски.

-Првиот е реконструкција, модернизација и изградба на уште еден колосек на пругата што е дел од Коридорот 10, на потегот од Табановце до Гевгелија. Втората група проекти се поврзани со здравството: конечно завршување на Клиничкиот центар Штип, заедно со Медицинскиот факултет и студентскиот дом со 200 легла, завршување на здравствената установа во Кичево и реконструкција на Клиничката болница во Тетово- додаде Мицкоски.

Тој најави дека продолжуваат и понатаму да ја искористуваат рамката што им стои на располагање. Тука, подвлече, секако, спаѓаат проекти од енергетиката, проекти особено од транспортот, како и проекти од областа на медицината и здравството.

– Можно е, во догледно време, доколку сè функционира на начинот на којшто очекуваме, да биде изграден и големиот клинички центар во Скопје. Така што, придобивките ќе се мултиплицираат, и јас сум убеден дека како држава сме на прагот на еден трансформационен период. Станува збор за трансформациони проекти кои што имаат за цел да додадат вредност- не само во квалитетот на живот на граѓаните тука, туку и генерално во македонската економија – дециден е премиерот Мицкоски.

Во претстојните денови ќе биде остварена и посета на Лондон каде високи делегации од двете влади ќе потпишат договор.

The post НАСКОРО ЌЕ СЕ ПОТПИШЕ СТРАТЕШКИОТ ДОГОВОР СО ВЕЛИКА БРИТАНИЈА ОД 6 МИЛИЈАРДИ ЕВРА Се стартува со модернизација на железницата и изградба на неколку проекти во здравството appeared first on plusinfo.mk.

– Три недели ја испитував ситуацијата и на жалост констатацијата е вистина. Јас сум длабоко уверен дека луѓето што користат вакви испади и навреди на национална основа не го мислат тоа. Медицинскиот директор и одредени лекари денеска и на Фејсбук имаат објавено навреди, не сакам да бидам нивни портпарол. Тврдам дека не може доктор да мисли така и да се служи со таков речник. Јас ќе преземам сериозни мерки. Медицинскиот директор денеска ќе го разрешам иако сме влезени во изборите – рече Демири одговарајќи на новинарски прашања на денешната прес-конференција.

Во однос на вчерашното писмо кое беше испратено до медиумите од страна на вработените во Токсикологија, а во кое велат дека со назначување на в.д. организациската директорка Бесија Иљази на Клиниката за токсикологија, на само еден ден пред формирањето на техничката влада се случува деорганизација, а не организација во оваа здравствена установа, Демири рече дека лекарите се служат со навреди.

– Стручниот колегиум комуницира со медиумите, лекарите што се служат со навреди комуницираат со навреди и денеска повикале на прес-конференција. Јас сум министер за здравство, сите неусогласувања треба да дојдат тука, а не да се искористат за дневни политички цели – рече тој.

Вработените на Токсикологија реагираат: В.д. директорката на работа останува по 4 часа, го зголеми долгот на клиниката и не ја осигура.

Демири рече и дека денеска потпишал решение за да се спроведе длабоко истражување од Државниот санитарен и здравствен инспекторат и од трудовиот инспекторат.

Според Демири, директорката Иљази е легално назначена и ги исполнувала критериумите за да биде на чело на таа Клиника, но не знаеше да каже точно какво високо образование поседува таа.

На прашањето зошто директорката Иљази денеска на прес-конференција давала изјави само на албански јазик, Демири рече дека ако има потреба со преведувач ќе даде и друга изјава.

Во однос на информациите дека организациската директорка доаѓала на работното место само по четири часа, Демири најави дека инспекциските служби ќе треба да го утврдат тоа и рече дека доколку е вистина ќе ја разреши Иљази.

– Секој еден вработен во државна институција, независно од позицијата, има обврска да го исполнува своето работно време и да се евидентира. Со тоа треба да се занимаваат инспекциските служби – рече Демири.

За по изборите, Демири обраќајќи се на сите оние што, како што рече не се дел од власта и не се чувствуваат така, а се на директорски функции, ги повика јавно да си дадат оставка.

Директорот на Клиниката за токсикологија Нико Беќаровски на денешната прес-конференција, којашто ја држеше заедно со останатите лекари на Клиниката, рече дека главен проблем со којшто во моментив се соочува клиниката е доекипирањето на лабораторијата, поради што пациентите трпат. Лекарите алармираа за хаосот што се случува на Клиниката, особено, како што велат, откако била назначена економската директорка.

– Секој кој малку разбира токсикологија, знае дека токсиколошка клиника без токсиколошка лабораторија не може да функционира. Во моментов таму функционира само еден лаборант, а за минимум да работи оваа лабораторија, потребни се барем двајца дипломирани биолози и уште еден техничар со средна медицинска спрема – појасни тој.

Истакна дека Клиниката веќе неколку години е на маргините, во рок за шест години се сменети пет директори, додавајќи дека од 12 февруари, клиниката има нова организациона директорка, дипломиран економист, со која се соочувале со отпор и несоработка.

Во неколку наврати, додаде, било барано да се вработат двајца лаборанти и еден болничар, за да може да се функционира.

– Од директорката се инсистира да бидат примени сите 18, кои претходно беа примени со договор на дело, а на кои им истече договорот. Ставот на лекарскиот колегиум, е, дека немаме потреба од толкав број нови примања – рече тој.

Дополнително, медицинскиот директор Данил Петровски одбива да ги потпише вработувањата бидејќи е предизборен период.

На новинарско прашање, тој одговори дека меѓу 18-те лица за кои директорката Бесија Иљази бара да се вработат со договор на дело, имало и болничар кој пред неполн месец вршел притисок кај лаборантот да замени урина во која имало наркотици, со чиста урина.

Беќаровски подвлече дека немаат комуникација со директорката, бидејќи, како што рече, таа не го знаела македонскиот јазик. Тој рече дека имал обиди со неа да разговара на англиски. Комуникацијата, додаде Беќаровски, била преку преведувач, кој бил дел од тие 18 лица, па докторот рече дека не знаат дали точно се пренесувало тоа што го зборувале и обратно, дали точно им се преведува нејзиното говорење.

Беќаровски се осврна и на резултатите од работењето во изминатиот период, рече дека државата нема акредитирана токсиколошка лабораторија, иако на сите министри им се укажувало тоа.

Нагласи дека ниту едно од присутните медицински лица на пресот, истакнати во својата професија, не е активен член на политичка партија, а сите се со долги години стаж.

По прес-конференцијата, надвор од клиниката, новинарите имаа можност да поразговараат и со дел од тие кои останале без работа по истекот на договорот на дело, меѓу кои и бочничарот за кој претходно беше кажано дека правел притисок за замена на урина. Тој ги негираше обвинувањата, нагласувајќи дека само бил прашан, дали може да помогне и одговорил дека не може и не смее, бидејќи е тоа кривично дело.

ДИРЕКТОРКАТА НА ТОКСИКОЛОГИЈА ОДБИ ДА ЗБОРУВА МАКЕДОНСКИ Новинарите демонстративно ја напуштија прес-конференцијата

The post ДЕМИРИ ЌЕ ГО РАЗРЕШИ САМО МЕДИЦИНСКИОТ ДИРЕКТОР НА ТОКСИКОЛОГИЈА Според министерот, економскиот директор работел добро иако не знае македонски appeared first on plusinfo.mk.

Според нашите извори се вршат претреси на неколку локации, со кои се опфатени и повеќе скопски фирми кои биле инволвирани во економски криминал, станува збор за неовластено тргување со културно наследство.

И специјалците се на терен, а како што дознаваме веќе уапсени се десетина лица. МВР потврдува дека во тек се претреси и апсења, а повеќе информации за целта на акцијата најавува подоцна во текот на денот.

The post ПОЛИЦИЈАТА УДРИ ПО АРХЕОЛОШКАТА МАФИЈА Уапсени се десетина лица за шверц на артефакти appeared first on plusinfo.mk.

Шефицата на Европската комисија Урсула фон дер Лајен денеска изјави дека не ја поддржува идејата за бојкот на самитот на Г-20 во Индонезија доколку на него учествува и рускиот лидер Владимир Путин.

Таа посочи дека форматот на Г-20 е од големо значење не само за развиените, туку и за земјите во развој и според неа, неопходно е да се водат широки разговори за актуелните состојби во светот.

Самитот на лидерите на Г-20, на кој се поканети лидерите на сите земји членки, меѓу кои и претседателот на Руската Федерација Владимир Путин, се очекува да се одржи на 15 и 16 ноември на Бали.

САД и другите сојузнички земји се обидоа да извршат притисок врз Индонезија, која претседава со Г-20 оваа година, да ја откаже поканата на Русија за учество на самитот.

Меѓутоа, официјална Џакарта одговори дека е испратена покана до Русија, дека на самитот ќе се разговара за економски прашања и дека политиката не може да влијае на агендата на тој собир.

На предлог на САД и нивните сојузници, индонезиската Влада ја покани и Украина на самитот.

Рускиот претседател Владимир Путин ја прифати поканата на Индонезија да учествува на самитот Г-20, но форматот на учество сè уште се разјаснува, изјави денеска советникот на Путин, Јуриј Ушаков, цитиран од Тасс.

– Да, потврдивме дека нашето учество е планирано – рече тој.

На Ушаков, меѓутоа, му беше тешко да одговори на прашањето дали рускиот претседател ќе учествува лично или преку видео врска.

– Не знам, засега е поканет за лично да учествува, но има уште многу време, се надевам дека пандемијата ќе дозволи овој важен форум да се одржи лично, но едноставно се плашам да нагаѓам – кажа советникот на Путин.

The post ФОН ДЕР ЛАЈЕН СЕ ПРОТИВИ Не треба Г-20 да се бојкотира зошто ќе дојде Путин appeared first on plusinfo.mk.

Како што информира организаторот на форумот се предвидени високи функционери од регионот и земјава и претставници на бизнис секторот и експертската јавност.

– Во изминатите неколку месеци се покажа дека меѓусебната поддршка помеѓу земјите во регионот значи многу во надминувањето на шоковите кои ги донесе ценовната криза. Исто така, на среден рок, поврзувањето на пазарите и намалувањето на трошоците за движењето на стоки и услуги во регионот, ќе придонесе за пристап до поголем број на потрошувачи од страна на компаниите. На тој начин полесно ќе можат да постигнат економија од обем и да ја зголемат конкурентноста – стои во соопштението од организаторот.

Оттаму велат дека во таа насока е и иницијативата „Отворен Балкан“, кон која Македонија се приклучи заедно со Србија и Албанија, а која има за цел да ги опфати и останатите земји од регионот на Западен Балкан.

– Економските и трговските бариери го намалуваат капацитетот за раст на регионот. „Отворен Балкан“ води кон бришење на границите како административни бариери и ги овозможува четирите европски слободи за движење на луѓето, стоките, услугите и капиталот. Во рамки на иницијативата склучени се договори со кои се укинуваат граничните контроли за да може стоката да поминува речиси без доцнење и кои им овозможуваат на граѓаните слободно да работат во другите земји – информира организаторот.

Како што се истакнува во соопштението, исто така, се преземаат и повеќе иницијативи за јакнењето на иновативноста и претприемништвото на компаниите, пред сè преку олеснување на пристапот до капитал.

– Во таа насока, креирани се повеќе фондови и линии кои ги таргетираат претприемачите и развојот на малите и средни бизниси, како најголеми креатори на работни места. Преку Фондот за иновации и технолошки развој, како и формирањето на Гарантата шема, целта е да подобри пристапот до капитал за претприемачите, кои ќе креираат додадена вредност и ќе придонесат за раст на конкурентноста и економскиот перформанс – велат од финансии.

The post ПОДДРШКА НА ГРАЃАНИТЕ И БИЗНИСОТ На СЕФФ ќе се дебатира за макроекономските предизвици appeared first on plusinfo.mk.

Заменик-претседателот на Советот за безбедност на Руската Федерација, Дмитри Медведев, на Твитер реагираше на изјавата на францускиот министер кој рече дека „на Русија ѝ е објавена економска војна“.

– Денес некој француски министер изјави дека ѝ објавиле економска војна на Русија. Внимавајте на јазикот, господа! И не заборавајте дека во историјата економските војни често се претворија во вистински – истакна Медведев.

Today, some French minister has said that they declared an economic war on Russia. Watch your tongue, gentlemen! And don’t forget that in human history, economic wars quite often turned into real ones

— Dmitry Medvedev (@MedvedevRussiaE) March 1, 2022

The post ВНИМАВАЈТЕ НА ЈАЗИКОТ ГОСПОДА! Медведев со порака дека економските војни најчесто стануваат вистински appeared first on plusinfo.mk.

Западните сојузници денеска се согласија на нови финансиски санкции против Русија поради нејзината инвазија врз Украина, вклучително и преземање на клучната акција за исклучување на голем број руски банки од меѓубанкарскиот систем СВИФТ за електронско плаќање.

„Тоа има за цел да ги отсече овие институции од меѓународните финансиски текови, што масовно ќе ги ограничи нивните глобални операции“, се вели во соопштението на портпаролот на германската влада.

Во соопштение Белата куќа соопшти дека, во соработка со Европската комисија, Франција, Германија, Италија, Велика Британија и Канада, САД го поддржуваат исклучувањето на „избрани руски банки“ од СВИФТ, високата безбедносна мрежа која поврзува илјадници финансиски институции ширум светот и вети напори за „колективно да се осигура дека оваа војна е стратешки неуспех за Путин“.

Ќе ја парализираме Руската централна банка

Шефицата на Европската комисија Урсула фон дер Лајен вечерва нагласи дека Брисел ќе предложи замрзнување на средствата на руската централна банка, како засилени санкции против Москва по инвазијата врз Украина.

Фон дер Лајен, исто така, рече дека ЕУ ќе отстрани „одредени“ руски банки од платниот систем СВИФТ, како одговор на клучното барање на Киев.

Таа зборуваше по видео-конференција со лидерите на САД, Германија, Франција, Италија и Канада, со цел да се координира одговорот на Западот на инвазијата.

Уште санкции од ЕУ

Министрите за надворешни работи на Европската унија денеска ќе одржат онлајн состанок со цел да се донесат дополнителни мерки за поддршка на Украина, најави шефот на дипломатијата на ЕУ, Жосеп Борел.

Борел на Твитер објави дека в недела во 18 часот свикал онлајн состанок „со цел да се усвојат дополнителни мерки за поддршка на Украина, против руската агресија“. Тој додаде дека ќе предложи пакет за брза помош на украинските вооружени сили со цел да ги поддржи во „нивната херојска борба“.

„За утре во 18 часот свикав виртуелен состанок на Советот на министри со цел да договорам дополнителни мерки за поддршка на Украина против руската агресија. Ќе предложам пакет за брза помош за украинските воени сили за да ги поддржам во нивната херојска борба“, напиша Борел на Твитер. Тоа че биде четврта средба на министрите за надворешни работи на ЕУ за само една недела.

The post ПАДНА ОДЛУКАТА ЗА СВИФТ Руските банки ќе бидат отсечени од Западот appeared first on plusinfo.mk.

Станува збор за прелиминарен пакет рестриктивни мерки кои Вашингтон ќе ги применува само во случај на руски напад врз Украина.

Според извештаите на западните медиуми, санкциите имаат за цел да и наштетат на руската економија преку нарушување на меѓубанкарските коресподентски односи, кои се во основата на глобалните парични текови.

Освен тоа, според изворите, САД имаат намера да стават на црна листа уште неколку руски поединци и компании. На нив ќе им биде забрането да тргуваат со Американци и ќе им бидат замрзнати средствата во САД.

САД постојано и се закануваат на Русија со построги санкции. Тие вклучуваат блокирање на Северен поток 2, мерки против рударската индустрија, финансиските институции, државниот долг, исклучувањето од SWIFT и ограничувања на рускиот лидер и неговото опкружување.

Изворите велат дека пакетот може да се промени до последен момент и не е јасно кои ќе бидат метите. Сепак, тие веруваат дека врвните руски финансиски институции, вклучително и ВТБ банка, Сбербанк и Газпромбанк се можни цели.

The post ПРВИ НА УДАР РУСКИТЕ БАНКИ Бајден подготвува економски санкции appeared first on plusinfo.mk.

– Путин никогаш не видел санкции какви што ветив дека ќе бидат наметнати доколку влезе во Украина – се наоштри американскиот претседател на пресконференција пред новинарите, додавајќи дека точното ниво на казна ќе зависи од обемот на окупацијата.

Русија учествува со 1,7 отсто во светскиот бруто производ, а секоја голема санкција, вклучително е запирање на свифт-плаќањето од и до руските банки може да биде „атомска бомба“ за остатокот од Европа и светот, неодамна предупреди Фридрих Мерц, лидерот на германската ЦДУ. Секако, Европа се грижи да не секне гасот, но според Маниш Раџ, главен финансиски директор во Velandera Energy Partners уште пострашно е што ова може да предизвика прекин на снабдувањето со нафта, пишува РусијаДенес.

Не им е лесно ни на Русите. Руската берза падна за 8 отсто во однос на долари во вторникот, што е најостриот еднодневен пад на пазарот од март 2020 година. Изгледа војната е штетна по бизнисот. Oсвен, можеби, ако земјите не прават бизнис преку војната.

Какви санкции беа најавени?

Вашингтон и неговите сојузници ветија „тешки последици“ за Москва. Тие вклучуваат санкции против водечките банки во земјата, забрана за тргување со државниот долг, исклучување од меѓубанкарскиот глобален платен систем SWIFT и импликации за гасоводот Северен тек 2.

Непријатно е, но ќе се справиме

САД и ЕУ претходно воведоа санкции на руски банки и компании поради Украина. Рускиот министер за финансии Антон Силуанов минатата недела рече дека дополнителните санкции би биле „непријатни“, но земјата ќе се справи.

– Мислам дека нашите финансиски институции можат да се справат со тоа доколку се појават овие ризици – рече тој.

Што ќе се случи со рубљата?

Пад на рубљата ќе значи заострување на политиката на Централната банка и девизните интервенции за да се обезбеди финансиска стабилност, велат аналитичарите на Renaissance Capital.

„Во овој случај, очекуваме дека одливот на средства од долгот и што е уште поважно од берзите може да се приближи до показателите од 2014-2015 година (кога и почна конфликтот во Украина), па рубљата да поевтини до 20 отсто, проширување на премијата за ризик на земјата за 200 базични поени и споредливо заострување на монетарната политика на Централната банка“, велат тие.

Што ќе биде со цената на нафтата и гасот?

Аналитичарите предупредуваат дека кризата може да биде „сеизмички настан“ за енергетскиот пазар. Цените на европскиот бензин веројатно ќе ги надминат рекордните максимални вредности од 180 евра за мегават час забележани кон крајот на минатата година, според Капитал економикс.

– Сепак, можноста за вооружен конфликт е сериозен развој и има широки геополитички последици, а со тоа ги зголемува премиите за цената на нафтата – изјави Маниш Раџ за Market Watch, мислејќи на цената од 90 долари за барел, која неделава ги кутна цените во последните седум години.

Санкции за Русија значат криза за Европа

Русија е главен трговски партнер за многу земји во ЕУ. Блокирањето на Русија ќе им наштети на европските економии кои имаат значителна трговија со Москва. Сегашните санкции веќе се покажаа неефикасни, при што европските бизниси трпат огромни загуби.

По неколку години како најголем трговски партнер на Русија, минатата година ЕУ падна на второто место по Кина. Околу една третина од увозот на Русија сè уште доаѓа од Европа и приближно истиот износ на извоз, главно енергија, оди во ЕУ. Вкупната трговија со стоки меѓу Русија и ЕУ изнесуваше 174,3 милијарди евра во 2020 година.

The post ШТО Ѝ ЗНАЧАТ САНКЦИИТЕ НА РУСИЈА? Путин има злато, резерви и контрола врз гасот appeared first on plusinfo.mk.

– Сегашните санкции против Русија се лесни. Ако санкциите за Иран се со интензитет 10 од 10, денешните санкции за Русија се можеби два или три. Ниту една голема руска компанија во државна сопственост не е под целосно блокирани санкции – изјави Едвард Фишман, висок соработник во Атлантскиот совет.

Од целосно блокирани сметки до откажување на „Северен тек 2“, цевката за гас со која Путин планира економски да ја уценува Европа оваа зима поради недостатокот од енергенси и кризата, еве ги петте најсилни мерки со кои Западот може да ја изолира Русија.

Нема електронско плаќање со „Свифт“

Најголемиот џокер во рацете на Бајден е да ја исклучи Русија од глобалниот систем за електронско плаќање, „Свифт“, кој е со седиште во Белгија. Тоа веќе беше една од најосакатувачките мерки кои се користеа против Иран. Целта е Русија да стане ризична за инвестирање во меѓународниот финансиски свет. Иако е најригорозна, оваа мерка може да биде применета последна, откако другите ќе бидат исцрпени.

Нема купување на руски обврзници

Во април, САД им забранија на своите финансиски институции да купуваат руски државни обврзници, но ефектот беше мал, речиси занемарлив. Сега, Вашингтон би можел да оди многу подалеку и да го санкционира секундарниот пазар на руски обврзници, каде тие се препродаваат и пакуваат со други инвестиции.

Германија може да го откаже „Северен тек 2“

Гасоводот од Русија до северна Европа е завршен, но не е сертифициран за употреба од германскиот енергетски регулатор. Членовите на новата германска владина коалиција изразија скептицизам во врска со проектот и можно е тој целосно да биде откажан во случај на руска инвазија на Украина. Европа можеби ќе се смрзнува оваа зима поради недостатокот од гас, но барем нема да ја гази руска чизма?

Санкции на руските корпорации и банки

– Администрацијата на Бајден би можела да воведе целосно блокирачки санкции за големите руски банки, енергетските компании или одбранбените фирми … или да воведе опсежни забрани за инвестиции и давање услуги на конвенционални руски нафтени проекти – рече Фишман.

Две можни цели се ВТБ банка и Газпромбанк, најголеми банки во Русија.

Санкции за олигарсите и нивните семејства

Американското Министерство за финансии се двоумеше да воведе санкции за руските олигарси, откако мерките преземени против Олег Дерипаска имаа влијание врз активностите на неговата компанија за алуминиум „Русал“ во Ирска, што предизвика голема кавга со Даблин.

Во пресрет на окупацијата на Украина, американскиот Конгрес најверојатно на црната список ќе додаде уште олигарси кои се пријателски настроени кон Путин. Членовите на семејството од кругот на Путин, исто така, би можеле да бидат на мета. За извршување на целта ќе биде одврзано ќесето на буџетот за одбрана на САД.

The post ПЕТ САНКЦИИ КОИ ЈА ЧЕКААТ РУСИЈА АКО ЈА НАПАДНЕ УКРАИНА Економски колапс и прекин на „Северен тек 2“ се дел од нив appeared first on plusinfo.mk.