Пратеникот Бојан Стојановски од ВМРО-ДПМНЕ денеска на прес-конференција рече дека  е потребна јавна расправа за овие закони која ќе покаже дека тие се штететни за македонската економија и животниот стандард на граѓаните.

-Владата нема слух за апелите на ВМРО – ДПМНЕ дека ДДВ на храната треба да се намали на 0%, а ДДВ на струјата да биде 5% се додека инфлацијата не се врати во нормала. Напротив, очекувајте зголемено ДДВ од 10% за одредени прехранбени производи. Со месеци ја бараме листата на производи кои ќе ги поскапат, но  е недостапна за јавноста. Дополнителна честитка за граѓаните со законот за ДДВ е поскапувањето на пелетите кои ќе се даночат со стапка од 18% наместо моменталните 5%. –рече Стојановски.

– Со данокот на добивка се уништува спортот со укинувањето на спортските ваучери. Дополнително, покрај постојните казнени одредби од законот за данок на добивка, УЈП ќе има можност и за дополнителни пенали за фирмите кои ќе бидат петкратно поголеми од износот на инвестициите за кои инспекторот ќе смета дека се непотребни – рече пратеникот на ВМРО-ДПМНЕ.

Тој додаде дека третиот закон кој власта сака да го донесе е данокот на солидарност со кој како што вели „успешните ќе бидат казнети“.

-. Законот не ги зема предвид ефектите од инвестициите, истражувањето и развојот на компаниите во минатото кои вродиле со зголемени добивки, а пораката што власта ја праќа до стопанството гласи „успешните ќе бидат казнети“ – вели тој. .

Според него, трите закони не се реформа, туку зголемен даночен товар за граѓаните и стопанството.

– Во трите закони нема ништо европско за повторно да го злоупотребат европското знаменце. Сакаат на брзина да протнат закони од личен интерес, како и многупати досега. Оваа гарнитура на власт единствено нешто за што е способна е зголемувањето на даноци и репресија – рече Стојаноски.

The post ВМРО-ДПМНЕ НЕМА ДА ПОДДРЖИ ТРИ ЕКОНОМСКИ ЗАКОНИ Пратениците сметат дека се штетни за економијата и граѓаните appeared first on plusinfo.mk.

Како што соопштија од Комората, законите кои чекаат на одобрување во Собранието се поврзани со намалување на трошоците на извозните компании што директно влијае на нивната конкурентност во услови кога скапата цена на електрична енергија ги стави во исклучително неповолна позиција во регионот и пошироко и обезбедување заем во износ од 100 милиони евра со државна гаранција за финансирање на АД ЕСМ со цел обезбедување соодветно производство и набавка на струја за потребите на домашниот пазар.

„На средбата беше посочено дека покрај Законот за изменување и дополнување на Законот за градење со кој субјектите ќе можат на покривната  конструкција на објект да постават фотонапонска електроцентрала без решение за поставување, согласно членот 74 на овој закон, со што ќе се олесни процесот на поставување на фотоволтаици, како мерка за справување во услови на енергетска криза,  за бизнисот приоритет во моментов е итно да бидат изгласани уште две законски решенија, на собраниска седница на 25-26 октомври 2022 година, ако под услов се состанат Комисиите за надворешна политика и за финансирање и буџет“, се наведува во соопштението.

Од Комората наведуваат дека измените и дополнувањата на  Анекс 4 на ЦЕФТА 2006, е неопходно да се ратификува во земјите потписнички на овој договор за слободна трговија за да може да се применува.

– За извозно ориентираните компании, е од особено значење процесот на ратификација да заврши час поскоро. Ова ќе им овозможи на компаниите да ги користат привилегиите од ревидираната ПЕМ конвенција за извозот на пазарите на ЦЕФТА, со кој, меѓу другото, се укинува забраната за поврат на царина за суровини без потекло, со што се намалуваат трошоците на извозниците и со што стануваат поконкурентни на пазарите во регионот, а се олеснува и добивањето ЕУР 1 сертификат за потекло – велат од Комората.

За компаниите, според комората е исто така важено и одобрувањето државна гаранција на заемот од 100 милиони евра за ликвидност на ЕСМ.

– Ова е неопходно за да се надминат потешкотиите во снабдувањето со електрична енергија, што е клучен проблем во моментов. Најголем дел од заемот е наменет за оперативни трошоци во ХЕЦ Маврово, ХЕЦ Тиквеш, ХЕЦ Треска, ХЕЦ Црн Дрим и Дирекција, како и за набавка на електрична енергија од лиценцирани трговци со електрична енергија и набавка од операторот на електропреносниот систем, АД МЕПСО – велат од Комората.

Оттаму додаваат дека заеднички заклучок од средбата меѓу Џафери и Азески е дека контактите со пратениците, пратеничките групи и бизнис заедницата неопходно е да бидат почести во интерес на стопанството а со тоа и на економскиот развој.

The post АЗЕСКИ БАРА ЏАФЕРИ ДА ГИ ДЕБЛОКИРА ЕКОНОМСКИТЕ ЗАКОНИ Потребни се за надминување на енергетската криза appeared first on plusinfo.mk.

„Прво, да се донесе закон за борба против тешките облици на организиран криминал и висока корупција. Во законот да се предвиди да нема застареност за тешки кривични дела од организиран криминал и висока корупција доколку делата се поврзани со злоупотреба на власта. Натаму задолжително да се конфискува капиталот стекнат на криминален начин и да се изрекува заштитна мерка забрана на политичко дејствување од најмалку 10 години“, предлага Трајанов.

Тој додава дека со овој закон треба да се предвиди формирање Агенција за борба против организиран криминал, со надлежности да работи на откривање и спречување тешки облици на криминал и висока корупција, да го открива скриениот имот на носителите на високи државни и политички функции, како и на други лица инволвирани во тежок криминал, да ги координира активностите на сите институции надлежни за откривање и спречување тешки облици на криминал (МВР, АНБ, АР, Финансиска полиција, Финансиско разузнавање, УЈП и др.), да постапува по барања на ДКСК итн. Агенцијата треба да има законска обврска, оперативно да истражува и спречува злоупотреби при јавните набавки со вредност од над 300.000 евра.

„Директорот да го бира борд од 15 експерти, универзитетски професори, претставници од невладиниот сектор, медиумите и парламентот, со мандат од седум години. Вработените да имаат посебни права и овластувања, да се експерти и со силен интегритет и добро платени. Во Агенцијата да се вработат не повеќе од 40 експерти, а за тој број да се намалат работни места во другите институции и финансиски средства. Второ, поради целосна департизација и деполитизација на администрацијата, да се забрани членство во партии на вработените во МВР и другите безбедносни институции и други институции кои работат на сузбивање на криминалот. Вработувањето во државната и јавната администрација да се одвива врз основа на јасни цврсти критериуми, при што да се предвиди кривична одговорност, казна од најмалку три години затвор, за секој што ќе ја злоупотреби власта при вработување“, се наведува во предлогот на Демократскиот сојуз.

The post Трајанов: За тешки кривични дела од организиран криминал да нема застареност appeared first on plusinfo.mk.

Секое кочење на законите, напомена Азески, значи сериозен удар за стопанството и компаниите. Опозицијата и другите партии, порача, да имаат предвид дека за бизнисот е важен секој денар и секој ден, особено во ваква ситуација, како што е актуелната со ковид-19.

– За денеска е најавена седница на Собранието по подолго време на која треба да поминат некои закони. Сакам да упатам апел до сите парламентарни партии, да имаат предвид во каква ситуација се наоѓаме и да направат максимални напори економските закони да ги пропуштат. Иако има добра волја од страна на Владата, со кочењето се создаваат лоши импути врз економската позиција на компаниите. Опозицијата и другите партии да го имаат тоа предвид зашто секоја пара и секој ден ни се значјни во оваа ситуација во која се наоѓаме – рече Азески.

The post Азески: Пратениците да не ги кочат економските закони, за бизнисот се важни времето и парите appeared first on plusinfo.mk.