СДСМ ја манипулира јавноста ширејќи паника за инфлацијата, обвинува ВМРО-ДПМНЕ тврдејќи дека економските политиките на Владата даваат резултати во услови на глобална криза и дека инфлацијата се стабилизира.

Соопштението на ВМРО-ДПМНЕ е реакција на денешното соопштение за инфлацијата.

„Очигледно е дека СДСМ повторно се обидува да ја манипулира јавноста преку селективно користење статистики и ширење паника, свесно премолчувајќи го контекстот и причините за сезонските разлики во цените, притоа заборавајќи дека токму тие ја донесоа државата до економски колапс, рекордна инфлација и целосно урнат животен стандард.

Кога СДСМ зборува за инфлација, треба да се потсетат дека во нивно време инфлацијата достигна двоцифрени нивоа, а граѓанџите плаќаа најскапа храна и струја во историјата, односно живееја со 150 денари на ден. Денес инфлацијата постепено се стабилизира во услови на глобална економска криза, енергетски шокови и последици од војната во Европа“, велат од ВМРО-ДПМНЕ.

Од партијата додаваат дека инфлацијата во април, споредено со март, изнесува 1,3 проценти.

„Она што го премолчува СДСМ е дека годишната стапка од 5,7 проценти е резултат и на споредбената основа, бидејќи лани во овој период беа активни мерките за велигденската кошничка, кои привремено ги намалија цените на одредени производи“, наведуваат од ВМРО-ДПМНЕ.

Партијата тврди дека Владата презема мерки за заштита на стандардот на граѓаните и потсетува дека биле намалени акцизите на горивата.

„За разлика од СДСМ, кои оставаа кризи без решенија и ја туркаа државата во долгови без ефект, ВМРО-ДПМНЕ работи одговорно, домаќински и со конкретни политики за економска стабилност и поддршка на граѓаните“, се додава во реакцијата.

The post СДСМ МАНИПУЛИРА, ВО НИВНО ВРЕМЕ ИНФЛАЦИЈАТА БЕШЕ ДВОЦИФРЕНА Цените се стабилизираат со политиките на Владата appeared first on plusinfo.mk.

Државната субвенција на дизелот од 16 центи по литар во дистрибутивната мрежа; воведувањето на т.н. Дигитална картичка за гориво за околу три милиони сопственици на возила; поддршка на земјоделците со субвенција за ѓубривото; и компензација на поморските компании за да се избегне зголемување на цените на билетите за траектите – се четирите економски мерки за справување со последиците од војната на Блискиот Исток, во висина од околу 300 милиони евра, што ги соопшти грчкиот премиер Кирјакос Мицотакис, јави дописничката на МИА од Атина.

Мицотакис, во видеопораката до граѓаните, посочи дека потребна е поддршка на домаќинствата и бизнисите во услови на меѓународна економска нестабилност, дека „Грција веќе има водечка улога во формирањето на заеднички европски одговор“, но и дека „Владата е решена да дејствува и самостојно, на национално ниво“, во рамките на фискалните можности.

– Денеска најавувам пакет од четири насочени мерки, што ќе важат за месеците април и мај. Вредноста на програмата изнесува околу 300 милиони евра, додека поддршката што ја овозможуваат се однесува на речиси целиот население – рече Мицотакис.

Поконкретно, првата мерка е со цел „да се намали негативното влијание од светското зголемување на цената на нафтата врз синџирот на снабдување, дистрибуцијата на стоки, како и земјоделското производство“ и се однесува на дизелот.

– Државата ќе го субвенционира во дистрибутивната мрежа со 16 центи по литар. Ова значи дека потрошувачите и бизнисите, во конечната цена со ДДВ, ќе имаат корист што ќе достигне до 20 центи по литар. Повторувам: нашата цел е зголемувањето на трошоците за производство да не се пренесе врз цените на производите – објасни Мицотакис.

Втората мерка е за зајакнување на домаќинствата во справувањето со зголемувањето на цените на бензинот при што се воведува „посебна поддршка во форма на Дигитална картичка за гориво“, што ќе може да се користи на бензинските пумпи, во јавниот превоз, како и во такси-превозот.

– Поддршката, просечно пресметано, изнесува 36 центи по литар. Тоа значи дека со просечна месечна потрошувачка од 70 литри, мерката се претвора во 50 евра на два месеца за копнените делови на земјата и 60 евра за нашите острови. Критериумите за издавање на оваа картичка ќе бидат проширени, така што ќе бидат опфатени околу три од четирите милиони сопственици на возила – рече Мицотакис.

Третата мерка се однесува на земјоделците и нивната поддршка за наглото зголемување на цените на ѓубривата, а државата ќе субвенционира 15 отсто од износот на сметките за нивната набавка.

Додека четвртата мерка е за справување со последиците од високите цени на поморските горива, при што се воспоставува посебна компензација за поморските компании, што ќе биде поврзана со задолжителни намалувања на цените на билетите кои компаниите ќе треба да ги применуваат, се со цел цените на билетите за траектите да се задржат на нивото од минатата година.

– И уште нешто. Сметам дека трошокот на оваа иницијатива треба да се покрие не само од јавните фондови, туку и од секторите со зголемена профитабилност, кои имаат помало општествено влијание. Па така, се менува оданочувањето на добивките на играчите на онлајн игри на среќа од типот казино, со цел да се обезбедат 100 милиони евра. Сметам дека ова е праведна интервенција – посочи Мицотакис.

Објасни дека мерките се можни „благодарение на придобивките од позитивниот економски тренд и внимателното фискално управување“ и дека се работи за мерки кои го зајакнуваат општествениот „штит“ во турбулентни времиња.

– Нашата порака е една: Владата е и ќе остане на страната на секоја Гркинка и секој Грк, како што беше во секој тешки момент досега, а нашата татковина повторно ќе ги надмине сите бури предизвикани од настани вон нејзините граници, имајќи ги како секојдневно оружје единството и социјална кохезија. Во неизвесни времиња, татковината има потреба од стабилен компас за својата ориентација – порача грчкиот премиер.

Мерките, на прес-конференција детално ќе бидат објаснети од министерот за национална економија и финансии и од неговиот заменик.

The post ГРЦИЈА НАЈАВИ ПАКЕТ ОД 300 МИЛИОНИ ЕВРА Субвенции за дизел, дигитална картичка за гориво и поддршка за земјоделците appeared first on plusinfo.mk.

Протестите под мотото „Блокирајте сè“ продолжуваат низ Франција, со најавени собири во Париз, Нант, Лион, Марсеј, Ница и други големи градови, јавува Фигаро. Најмасовни демонстрации се очекуваат во западниот дел од земјата – Брест, Сен Брије, Оре, Ван, Гер, Рен и Фужер.

На 10 септември веќе беа одржани масовни собири против мерките за штедење предвидени во буџетот за 2026 година. Според Министерството за внатрешни работи, во протестите учествувале околу 200.000 луѓе на стотици локации, а редот го обезбедувале 80.000 полицајци.

Демонстрантите изразија незадоволство од социјалните и економските политики на претседателот Емануел Макрон.

„Овие протести се гласот на граѓаните кои чувствуваат дека нивниот живот станува сè потежок. Ние бараме правда и посветеност на потребите на народот, а не само економски штедења на хартија“, изјави еден од демонстрантите во Париз.

Во повеќе градови дојде до инциденти. Во Нант и Монпеље демонстрантите блокираа патишта и палеа гуми, по што полицијата употреби солзавец. Во Тулуз пожар на железничките пруги предизвика прекини во сообраќајот, додека во Бордо група маскирани лица се обидела да блокира сообраќајници.

Во Париз, кај училиштето „Елен-Буше“, демонстрантите превртуваа контејнери и палеле огнови, а во Лион група успеала накратко да ја заземе железничката станица.

Вчера полицијата уапси десетици лица кои се обиделе да блокираат универзитетски кампус во предградието Брон. Според полицијата, станува збор за група од 50 до 100 маскирани лица вооружени со железни шипки и други предмети.

Комесарот на полицијата во Париз истакна:
„Нашата приоритет е да се обезбеди безбедноста на граѓаните и јавниот ред. Инцидентите со насилство ќе бидат санкционирани, а сите маскирани лица кои извршуваат напади ќе бидат приведени.“

Протестите се очекува да продолжат и во наредните денови, со повици за блокади во нови градови, како дел од националната мобилизација против економските мерки.

The post „БЛОКИРАЈ СЀ“ ГИ ПАРАЛИЗИРА ПАРИЗ, ЛИОН И НАНТ Демонстранти ги затворија улиците во неколку француски градови appeared first on plusinfo.mk.

Американскиот претседател Доналд Трамп денеска предупреди дека неговото трпение со рускиот претседател Владимир Путин „истекува“ и најави нови и остри економски мерки против Москва, поради застојот во мировните преговори со Украина.

– Некако ми снемува трпение, и тоа со забрзано темпо. Ќе има тешки удари преку санкции кон банките, нафтениот сектор и преку царини –  изјави Трамп во интервју за Фокс њуз.

Претседателот додаде дека неговата администрација веќе презела неколку чекори, вклучително и воведување царини кон Индија поради набавката на руска енергија. Сепак, тој очекува поголем ангажман од европските земји.

– Ова повеќе е проблем на Европа отколку на САД – нагласи американскиот претседател.

Трамп истакна дека наредните економски мерки ќе бидат насочени кон ограничување на финансиските и енергетските ресурси на Русија, со цел да се забрзаат мировните преговори и да се притисне Москва да ја смени својата стратегија кон Украина.

The post ТРПЕНИЕТО КОН ПУТИН МУ Е ПРИ КРАЈ Трамп најави остри санкции кон Русија appeared first on plusinfo.mk.

– Нема место за страв – пари за пензии има и ќе има и во иднина, и тоа зголемени – порача вечерва заменик-министерот за социјална политика, демографија и млади, Ѓоко Велковски.

Гостувајќи на телевизија „Канал 5“, Велковски одговараше на прашања поврзани со иселувањето на младите и истакна дека економскиот сегмент е клучен фактор што најмногу влијае врз одлуката на едно семејство да остане или да замине од земјата. Тој нагласи дека Владата презема конкретни економски мерки, вклучувајќи намалување на инфлацијата, отворање нови работни места – особено во приватниот сектор со повисоки плати – како и пакет други мерки во здравството, образованието и системот на детски градинки.

– Преземаме сет мерки за да има мотив младите да останат и да не се иселуваат. Веќе има резултати. Имаме стратегија и за зголемување на наталитетот – изјави Велковски.

Во врска со проблемот со питачењето, особено кај децата, заменик-министерот откри дека постои план и конкретни чекори за негово решавање, кои вклучуваат работа и со семејствата и со самите деца.

Тој истакна и дека се решава проблемот со недостатокот на вработени во детските градинки. Криткувајќи го претходното работење, Велковски нагласи дека сега се постапува системски и се надминува проблемот со долгите листи на чекање при запишување деца во градинки. Притоа се инвестира во изградба на нови објекти и проширување на постојните капацитети.

Говорејќи за жалбите за работата во одделни центри за социјални работи, тој призна дека во минатото се констатирани недостатоци, но посочи дека инспекциите се засилени на терен за побрзо и поефикасно решавање на проблемите. Според него, во изминатите години имало сериозни затајувања на системот, но за една година е постигнато видливо придвижување.

The post ПЕНЗИИТЕ СЕ ЗАГАРАНТИРАНИ И ЗГОЛЕМЕНИ Владата подготвува и мерки за младите да останат дома, вели Велковски appeared first on plusinfo.mk.

Само 45 дена откако новиот претседател дојде на власт, Аргентинците, незадоволни од шокантните економски планови на новоизбраниот претседател Хавиер Милеи, излегоа на улиците на Буенос Аирес на повик на најголемиот и највлијателен опозициски синдикат во земјата.

Аргентинците се незадоволни од острите економски реформи и мерките за штедење што ги воведе претседателот Милеи, ветувајќи дека ќе ја стабилизира националната економија потресена од инфлација од 211% и големи долгови.

Штрајкот беше организиран во координација со моќниот синдикат Генералната конфедерација на трудот, во екот на разгледувањето на двата главни реформски чекори на претседателот Милеи – предлогот на омнибус законот и т.н. претседателски мега-указ за дерегулација на економијата.

-Првиот рез што го прави оваа влада е намалување на штета на работниците. Нивната работна реформа има за цел да ги укине работничките права – рече Пабло Мојано, лидер на синдикат на камионџии.

Иако штрајкот во Буенос Аирес директно влијае на секторите на транспортот, банкарството, здравството и јавните услуги, владата на Милеи вети дека нема да отстапува од своите реформски планови.

The post МИЛЕИ НЕ СЕ ОТКАЖУВА ОД РЕФОРМИТЕ Аргентинците излегоа на улиците незадоволни од рестриктивните мерки appeared first on plusinfo.mk.

„Апелираме да се размислува за изнаоѓање на системско решение за субвенционираниот студентски оброк, налик на моделот применуван во европските земји, конкретно Словенија. Освен финансиската, важна улога мора да играат и нутритивната и економската димензија.

Понатаму, скорешните настани ја покажуваат важноста на вклучувањето на засегнатите страни во процесите на одлучување уште кога ќе се работи на првиот нацрт. Државните институции мора да размислуваат стратешки, а не да чекаат да се создаде револт којшто ќе ги корегира нивните грешки“ – се вели во соопштението на Сојузот на средношколци.

Воедно, Сојузот ја поздрави предлог-мерката за дополнување на Законот за финансиска поддршка на граѓаните, која предвидува месечна финансиска поддршка од 3.000 денари за сите средношколци. Оваа предлог-мерка на прес-конференција ја образложи пратеникот и претседател на Собраниската комисијата за финансии и буџет, Бојан Стојаноски.

„Оваа приоритетна мерка е голем чекор во зголемување на средношколскиот стандард, а ќе им помогне на средношколците во ова време на криза. Сојузот на средношколци ги повикува сите пратеници во најкус можен рок да ја поддржат мерката, со што ќе нè поддржат и нас“ – се вели во соопштението.

The post СРЕДНОШКОЛЦИТЕ ИМ ЧЕСТИТАА НА СТУДЕНТИТЕ НА ПОБЕДАТА Државата мора да мисли стратешки appeared first on plusinfo.mk.

Компаниите кои што произведуваат основни прехранбени производи и се регистрирани со шифри на дејност 10.41, 10.51, 10.61, 10.71, во кои спаѓаат производителите на масло за јадење, леб и пекарски производи, брашно, млеко и млечни производи како и производители на јајца ќе имаат фиксна цена на електрична енергија. Оваа цена на струја, која што ќе ја обезбеди Владата ќе биде помала од 100 евра за мегават час, што е двојно пониска од цената на регулиран пазар – рече министерот за економија Крешник Бектеши по денешната средба со претставници од прехранбената индустрија.

Како што рече министерот, ова е една од мерките кои ги вети Владата за поддршка на прехранбената индустрија, а која ја реализира Министерството за економија.

– Како што најавивме и претходно и премиерот Димитар Ковачевски и ние како Министерство за економија, веќе ги подготвивме сите мерки со цел да им излеземе на пресрет на тие компании кои ги преизведуваат основните преханбени производи. Овие мерки се со цел компаниите, пред сè, производителите на основни прехранбени производи да имаат предвидливост и на таков начин да можеме да влијаеме и врз цените на финалните производи кои се произведуват и се продават од овие компании – изјави Бектеши.

Како што кажа министерот, предлогот е доставен до Стопанските комори, а со него е предвидено мерката за субвенционирање на цената на електричната енергија за прехранбената индустрија да трае до крајот на април

– ЕСМ Продажба ќе ги снабдува со електрична енергија овие компании, согласно разговорите со Министерството за финансии и финансискиот простор што го имаме. Според првичните пресметки тоа ќе биде најверојатно под 100 евра на мегават час, што значи дека ќе биде двојно пониска од тоа што во моемнтов е на регулиран пазар, а речиси тројно или повеќе од тоа што е на отворен пазар, што значи дека секако ќе се намалат оперативните трошоци на компаниите до крајот на април и на таков начин може да направат дополнителни калкулаци во делот на одредување на крајната цена – изјави Бектеши.

Министерот најави дека на ист начин и речиси слични одлуки веќе се подготвени од Министерството за економија во соработка со ЕСМ со другите енергетски компании и за основните и средни училишта, болници, јавни претрпијатија, а одлуката за нив ќе биде донесена до крајот на неделата.

– Овој е еден сериозен и добар исчекор напред во однос на тоа дека ќе добиеме пониска цена на електрична енергија која ќе овозможи цените на основните производи коишто се произведуваат со овие шифри на дејност да биде со цена која што ќе биде прифатлива за крајните консументи – рече Горан Ѓоргиевски од Сојузот на стопански комори.

Министерот Бектеши најави дека од 1 ноември ќе почне да со работа и централата ТЕ-ТО од каде ќе се обезбедат дополнителни количини струја, како и топлинска енергија за парното греење.

The post ЗА ПРОИЗВОДИТЕЛИТЕ НА ХРАНА НАПОЛА ПОЕВТИНА СТРУЈА! Целта на Владата е фирмите да ги намалат цените на своите производи appeared first on plusinfo.mk.

1. Предлагаме вишоците на произведена струја кои што ги произведува поранешно ЕЛЕМ, во текот на ноќта и викендот да бидат отстапени на стопанството по цена која што е производна за поранешна АД ЕЛЕМ.

2. Дополнително, секоја компанија која ќе плати цена на струја која е над цената на регулираниот пазар на електрична енергија, половина од разликата да ја преземе државата.

3. За граѓаните да се предвиди Викенд без ДДВ за основните прехранбени производи, за да можат да се снабдат по пониска цена за да се заштити стандардот на граѓаните.

4. Одложување на скалестото оданочување кое го планира власта бидејќи тоа ќе удри на стандардот на граѓаните, а ќе влијае и врз финансиската ликвидност на компаниите.

5. Исто така предлагаме да се дестерилизираат благајничките записи во Народната банка, што би значело средства на располагање на стопанството со што ќе ја помогнат ликвидноста на компаниите, а работните места ќе бидат сочувани .

„По правило пакет мерките кои ги предлага власта во време на криза или се задоцнети или се промашени или се обичен маркетиншки трик. И овој пакет мерки кој сега го преставуваат не ги решава суштинските проблеми на граѓаните и на стопанството, туку се само купување на мир за неколку емсеци. Вистината е дека реалната вредност на поддршката на владата не е 360 милиони евра, туку само 30 милиони евра. Како за споредба Хрватска во својот пакет есенски мерки предвиде реална поддршка од над 2,8 милијарди евра.

Како резултат на лошите економски политики на власта Македонија има убедливо најниско ниво на раст на БДП и според прогнозите ќе ја завршиме годината единствено подобро од Русија и Украина. Тоа е поразително. Во исто време македонските компании плаќаат најскапа цена за електрична енергија во регионот, а граѓаните се соочуваат со една од највисоките стапки на инфлација во Европа. Тоа значи дека стандардот тоне, а економијата умира“ – се вели во соопштението на ВМРО-ДПМНЕ.

The post ВМРО-ДПМНЕ ПОВТОРНО НУДИ ПАКЕТ ЕКОНОМСКИ МЕРКИ Ноќните вишоци струја да се дадат на стопанството по производна цена appeared first on plusinfo.mk.

На гостувањето во централниот дневник на телевизија „Сител“, Мицевски рече дека нема да присуствуваат на 32. седница, која е закажана пред 36. седница.

– Пратеничката група на ВМРО-ДПМНЕ ќе биде во Собранието и ќе учествува во работата на 36. седница. Доколку немаат пратеници, сите 44 пратеници на ВМРО-ДПМНЕ ќе бидат во пленарната сала. Нема да бидеме внатре на 32. седница. Работа на претседателот на Собранието е да констатира има или нема кворум за 32. седница. Доколку има кворум, работи по 32.седница и завршува со неа. Доколку нема кворум, не ја ни почнува или констатира и ја презакажува за некој нареден период – рече Мицевски.

The post Мицевски: Пратеничката група на ВМРО-ДПМНЕ ќе присуствува на седница за економскиот пакет мерки appeared first on plusinfo.mk.