The post МУ ДОЗВОЛИВТЕ НА ПУТИН ПАРАДА НА 2 ЧАСА Руте се исмеа со Москва по нападот врз Санкт Петербург appeared first on plusinfo.mk.

Овогодишниот форум, кој се одржува под мотото „Во духот на дијалог“, обединува над 65 шефови на држави и влади, со цел изнаоѓање решенија за најгорливите глобални предизвици.

Мицкоски објави видео од Давос во кое најави дека ќе оствари серија билатерални средби со претставници на водечки светски корпорации и финансиски институции, презентирајќи ги поволностите за инвестирање во македонската економија, со посебен фокус на енергетиката и технологијата.

За време на самитот, премиерот Мицкоски е предвидено да учествува на затворени сесии за лидери, како и на јавни дебати фокусирани на вештачката интелигенција, енергетиката и новите патишта за економски раст во Европа.

Владината делегација во Давос ќе оствари средби и со високи државни претставници и претставници на меѓународните организации, со цел забрзување на реформските процеси и обезбедување поддршка за клучните национални проекти.

На панел дискусиите поврзани со одржливиот развој, во кои ќе учествува македонската делегација, како што информираат од владината прес-служба, ќе ги презентира стратешките планови за енергетска трансформација и инфраструктурно поврзување на регионот.

The post 🎥 МИЦКОСКИ СО ДЕЛЕГАЦИЈАТА ПРИСТИГНА ВО ДАВОС На Светскиот економски форум ќе ги презентира можностите за инвестирање во Македонија appeared first on plusinfo.mk.

Премиерот Христијан Мицкоски, придружуван од висока владина делегација, од утре ќе учествува на 56 годишен состанок на Светскиот економски форум (WEF) во Давос, Швајцарија.

Овогодишниот форум, кој се одржува под мотото „Во духот на дијалог“, обединува над 65 шефови на држави и влади, со цел изнаоѓање решенија за најгорливите глобални предизвици.

Мицкоски, како што е најавено, ќе оствари серија билатерални средби со претставници на водечки светски корпорации и финансиски институции, презентирајќи ги поволностите за инвестирање во македонската економија, со посебен фокус на енергетиката и технологијата.

На панел дискусиите поврзани со одржливиот развој, во кои ќе учествува македонската делегација, како што информираат од владината прес-служба, ќе ги презентира стратешките планови за енергетска трансформација и инфраструктурно поврзување на регионот.

За време на самитот, премиерот Мицкоски е предвидено да учествува на затворени сесии за лидери, како и на јавни дебати фокусирани на вештачката интелигенција, енергетиката и новите патишта за економски раст во Европа.

Владината делегација во Давос ќе оствари средби и со високи државни претставници и претставници на меѓународните организации, со цел забрзување на реформските процеси и обезбедување поддршка за клучните национални проекти.

The post МИЦКОСКИ НА СВЕТСКИОТ ЕКОНОМСКИ ФОРУМ ВО ДАВОС Предвидени се билатерални средби и затворени сесии со светски лидери appeared first on plusinfo.mk.

Официјалната програма вклучува разговори и панели за кибер криминалот, вештачката интелигенција и технолошките промени, под мотото „соработка за интелигентно доба“.

Се претпоставува дека овогодишниот состанок ќе биде обликуван од враќањето на Доналд Трамп во Белата куќа и прашањата за неговите постапки во неговиот втор мандат како претседател на САД.

Светскиот економски форум ќе трае до 24 јануари.

The post ПОЧНУВА СВЕТСКИОТ ЕКОНОМСКИ ФОРУМ ВО ДАВОС Трамп и вештачката интелигенција во фокусот appeared first on plusinfo.mk.

Се чини дека глобалната елита решавајќи проблеми разгорува други.

Придружничките во хотелските соби претходно се резервираат за петдневниот настан кој започна во понеделникот. Лијана, сексуална работничка која ја интервјуирале од Дејли мејл се облекува во деловна облека за да не се истакнува меѓу сите оние политичари и бизнисмени. Проституцијата е легална во Швајцарија, но овој настан се чини е посебен. Во прашање е угледот на светската елита.

Лијана наплаќа околу 700 евра за еден час и 2.300 евра за цела ноќ, плус патни трошоци.

Саломе Балтус е сексуална работничка и писателка која престојува во хотел во близина на Давос за време на самитот. Таа за Билд изјавила дека редовно се гледа со Американец кој ја посетува Швајцарија повеќе пати годишно и е меѓу 2.700-те присутни на конференцијата.

„Состанувањето во Швајцарија за време на светскиот форум значи да се гледаат врвовите на оружјата на чуварите во ходникот на хотелот во 2 часот по полноќ – и потоа да ги споделите со нив подарените чоколади од ресторанот и да ги озборувате богатите… #Давос #СЕФ“, напиша таа на Твитер.

Менаџерката пак, на една служба за придружба во местото Аргау, на 150 километри од самитот, вели дека веќе добила 11 резервации и 25 прашања и дека очекува уште многу такви оваа недела.

Таа за „20 Minuten“ изјавила:

– Некои резервираат и придружба за себе и за своите вработени за да се забавуваат во хотелскиот апартман.

Една 36-годишна сексуална работничка престојува во хотел во близина на Давос во текот на целиот самит. Таа одби да открие кои се влијателните клиенти.

Таа предупреди:

– Верувај, не сакаш да влегуваш во судски спор со нив.

Еден официјален возач на форумот рече дека собрал една сексуална работничка која тврдела дека била принудена од нејзиниот „шеф“ да спие со постар клиент во хотел на делегати.

Меѓу темите за дискусија на овогодинешниот самит во Давос се војната во Украина, глобалните стапки на инфлација, климатските промени и нееднаквоста. Првата дама на Украина Олена Зеленска денеска ќе има ретко меѓународно обраќање .

Десетици сесии во вторник ќе се фокусираат на различни прашања како што се родовата еднаквост, враќањето на производството, зелената транзиција, напорите за ставање крај на туберкулозата и пресекот на храна, вода и енергија, на кои ќе настапи актерот Идрис Елба.

The post ЦУТИ ПОБАРУВАЧКАТА ЗА ПРОСТИТУТКИ ВО ДАВОС? Самитот на светската елита има своја темна и проблематична страна appeared first on plusinfo.mk.

Перспективите и политиките на економскиот развој на регионот беа главните теми на форумот.

– За добра иднина потребна ни е соработка, заедништво. Иднината ќе биде светла ако се движиме сложно. Последните три години докажавме дека имаме волја за соработка заради бенефит на сите граѓани, особено во кризи како сега. Влегуваме во нова фаза на економски раст во регионот, нашата посветеност се темели на заеднички интерес, а тоа е зголемување на атрактивноста на регионот за инвестиции, бидејќи регионот има голем потенцијал – истакна вицепремиерот за економски прашања Фатмир Битиќи.

Според него, форумот е одлична можност за поттикнување на заеднички економски развој на Западен Балкан.

Претседателот на Одборот на директори на Балканскиот економиски форум Сашо Ќосев рече дека на регионот му е потребна меѓусебна економска поддршка.

– Сакаме на некој начин да го размрдаме Балканот, да создадеме една поинаква енергија и услови за прогрес, разбирање и поддршка, нешто што сметаме дека на регионот му е потребно и ќе го донесе во една следна повисока фаза на развој и благосостојба на граѓаните – потенцира Ќосев.

Според потпретседателката на Европската Комисија за демократија и демографија Дубравка Шуица, која се обрати онлајн, овој настан е прилика за заедничка анализа на импактите на демографските промени кои ќе дадат придонес при креирањето на политиките.

– Конференцијата испорача конкретни предлози, ова е добар начин да се истакнат различни препораки пред да се презентираат клучни решенија – рече Шуица.

Еврокомесарот задолжен за проширување Оливер Вархеи, кој имаше видео обраќање, оцени дека економските форуми претставуваат начин за заеднички економски развој на Западен Балкан кој ќе го приближи регионот до Европската Унија.

– Солидарноста и поддршката на Западен Балкан ја видовме при соочувањето со последиците од Руско-украинската војна особено кога станува збор за импактот врз енергетските ресурси. Може да сметате на нашата поддршка и посветеност и сигурен сум дека од овој форум ќе произлезат многу нови бизнис идеи за регионот – порача Вархеи.

На форумот се обратија и австрискиот амбасадор Георг Вуцас и други економски експерти.

The post КАКО ДО ПОГОЛЕМ ЕКОНОМСКИ РАЗВОЈ? Од Западен Балкан порачуваат дека тоа ќе го сторат со заедничка соработка и поддршка appeared first on plusinfo.mk.

Решението меѓу Северна Македонија и Бугарија, нагласи Заев, ќе биде силна порака за охрабрување за целиот Западен Балкан, бидејќи се што се случува во Црна Гора, Косово или било каде, има влијание врз сите други.

–  Верувам дека постои решение и имам искуство во изнаоѓање многу решенија во изминатите четири години. Лично верувам дека до крајот на оваа година е можно решение – изјави Заев.

Одговарајќи на прашање од регионалниот директор на „Економист“ за Европа Џоан Хоеј, за бугарското вето и дали добиле уверувања од ЕУ дека јазикот и историјата нема да бидат предмет на преговори, Заев рече дека по тоа прашање ЕУ ја потврдила важноста и вредноста дека и отворените прашања се билатерални прашања меѓу нас и Бугарија, и имајќи го на ум нашиот идентитет и јазик и ЕУ е многу јасна и прецизна по тоа прашање.

– Секој има право на самоопределување и тоа е многу добро. Се разбира, неодамна видов и многу позитивни сигнали од Бугарија. Тие го разбираат тоа и кога зборуваме едни со други, дури и заедно на прес-конференции тие велат македонски јазик и македонски луѓе, меѓутоа официјално не го признаваат и се надевам дека и тоа ќе го решиме набрзо – изјави Заев.

Разбирам, рече премиерот, зошто политичарите не може да ветат  решенија, на пример до крајот на годината, затоа што во меѓувреме се случуваат избори.

–   Но, продолжуваме да работиме. Продолжуваме по нашиот пат, прво со пријателство, преку кое што ќе добиеме многу. И двете земји сме членки на НАТО, а минатата година ЕУ донесе одлука за почеток на преговорите. Ние сме горди со се што се случува и покрај тоа што имаше пандемија – изјави Заев

The post ЗАЕВ СО МАТЕМАТИЧКА ПРЕЦИЗНОСТ ЗА СПОРОТ СО БУГАРИЈА За 50 отсто се зголемуваат шансите по изборите да се тргнат блокадите appeared first on plusinfo.mk.

На настанот ќе биде објавено новото име на регионалната иницијатива што досега беше неформално нарекувана како „Мал шенген“ и ќе бидат потпишани трилатерални договори што, според најавите, ќе го подобрат животот на граѓаните и на бизнис заедницата од Западен Балкан.

Програмата на форумот почнува со воведни обраќања на Заев, Вучиќ и Рама, кои потоа ќе учествуваат на економскиот панел на кој ќе говорат и Бранко Азески, претседател на Стопанската комора на Северна Македонија, Марко Чадеж, претседател на Стопанската комора на Србија и Инес Мукостепа, претседател на Унијата на трговско-индустриски комори на Албанија.

По економската дебата следи церемонија на потпишување на два меморандум за разбирање и еден меѓудржавен договор. Предвидено е да бидат потпишани Договор за соработка за заштита и спасување од катастрофи во Западен Балкан и Меморандум за разбирање за олеснување на увоз, извоз и движење на стоки во Западен Балкан, кои произлегуваат од иницијативата за напредна регионална економска соработка меѓу Македонија, Србија и Албанија. Тие претставуваат операционализирање на иницијативата за подобрување на условите во однос на размената на стоки и услуги, како и на иницијативата за соработка меѓу државите во однос на заштита и спасување од катастрофи.

Меморандумот за разбирање за олеснување на увоз, извоз и движење на стоки во Западен Балкан, како што појаснуваат од Владата, се темели на подготвеноста на политичките водства на трите држави за зајакнување на меѓусебните односи и разбирање, особено во областите на увозот, извозот и движењето на стоки, со цел отстранување на пречките во меѓусебната прекугранична трговија, придонес за напредок на економската соработка и за зголемување на обемот на меѓусебна трговска размена.

Меморандумот содржи одредби за поедноставување на формалностите поврзани со увоз, извоз и движење/транзит на стоки, соработката на царинските и другите надлежни органи, како и посебни одредби за безбедноста на храната, ветеринарни и фитосанитарни прашања и слободното движење на индустриски непрехранбени производи.

Со Договорот за соработка за заштита и спасување од катастрофи во Западен Балкан, пак, договорните страни ја регулираат рамката на условите за доброволно давање на помош во случај на катастрофи: планирање и спроведување на мерки за заштита од природни непогоди и несреќи од поплави, земјотреси, пожари, загадување на животната средина, несреќи на пловни објекти, радиолошки опасности, пандемии, како и индустриски и други катастрофи, заемно известување за заканите, настанувањето и последиците од катастрофи, едукација и обука на персоналот на службите, единиците за заштита и спасување и другите членови на спасувачките тимови, размена на научни и технички податоци и други документи релевантни за заштита од катастрофи и соработка во развој и производство на опрема за спасување и обезбедување помош.

Договорот, исто така, предвидува и обврска за известување за закани, процедури за поминување на границата за целите на спасување и давање помош, заштита и поддршка на работата на спасувачките тимови и индивидуални експерти, начин на надомест на штети, начин на обезбедување грижа и помош на евакуирани лица и користење на средства за комуникација.

Третиот меморандум, како што појаснуваат од Владата, е особено значаен за движењето на пазарот на трудот во регионот и со него договорните страни ја изразуваат својата волја да го олеснат движењето на луѓето со цел да обезбедат полесен и послободен пристап до пазарот на трудот со цел отстранување на работни дозволи и поедноставување на постапките во врска со дозволата за привремен престој. Овој меморандум е во насока на потврда на заложбата за спроведување на правото на ЕУ во областа на слободно движење на работниците и подготвување за поблиска интеграција на единствениот пазар на ЕУ.

The post Заев, Вучиќ и Рама по прошетката во Скопје, економски ќе го поврзуваат Балканот appeared first on plusinfo.mk.

За време на престојот во Скопје, Вучиќ ќе учествува со премиерите Заев и Рама на Економскиот форум за регионална соработка организиран од Стопанските комори на Србија, Македонија и на Албанија. Вучиќ минатата недела соопшти дека на регионалниот економски форум во Скопје ќе биде променето името на иницијативата „мини Шенген“, дека ќе бидат потпишани три договори и дека на граничните премини ќе се направат „брзи ленти“ за побрзо поминување на луѓето од регионот.

– Работевме на три документи и верувам дека ќе ги потпишеме во Скопје, тие се важни документи за трговија, работни дозволи и заемна поддршка во случај на пожари, поплави и други катастрофи, што е во интерес на нашите народи – изјави Вучиќ.

Скопскиот форум за регионална соработка на Западен Балкан ќе обедини компании од Србија, Албанија, Македонија и Босна и Херцеговина, како и други регионални и европски економии, како и претставници на влади, финансиски институции, универзитети и меѓународни делегации и здруженија. Меѓу 300 и 400 учесници се очекува да имаат билатерални Б2Б состаноци.

Повеќето компании доаѓаат од градежништвото, земјоделско-прехранбениот сектор, енергетиката, машинеријата, автомобилската и текстилната индустрија, туризмот, ИКТ и телекомуникациите, транспортот и логистиката …

Според Развојната агенција на Србија, Вучиќ, Рама и Заев ќе претстават политичка и економска визија на интегриран регион. Планирани се и бројни средби на бизнисмени од регионот, кои ќе се одржат по официјалниот дел на Форумот.

Ќе учествуваат речиси 400 компании од регионот. Повеќето од нив, над 200, аплицирале од Србија, потоа повеќе од 100 од Македонија, од Албанија околу 40, од ​​БиХ десетина и помал број или по една компанија од Австрија, Тајван, Израел, Полска, Романија, Бугарија, Франција и Грција.

The post Вучиќ и Рама на средба со Заев, ќе се потпишат три договори appeared first on plusinfo.mk.

Азески за „Танјуг“ проценува дека секогаш има премногу историја на Балканот, и премалку заеднички бизнис, додека новите генерации бараат тоа да се промени.

Говорејќи за можни теми на претстојниот форум, тој вели дека тие теми се добро познати на Балканот, но проблемот е во тоа што недостасуваше политичка волја за нивно решавање.

– Целта на сите досегашни иницијативи споменати и пред самитот се четири слободи, а тоа се слободниот проток на стоки, услуги, луѓе и капитал, но суштинското прашање е нивно спроведување, односно имплеменатцијата. Ова го покажа и последниот самит во Берлин, на кој не беше постигнат договор за каква било одлука во врска со операционализацијата на принципите на овие четири слободи, бидејќи секогаш имаше одредено надмудрување, блокада на администрацијата, одложување – објаснува Азески.

Како пример, тој наведува дека „One Stop Shop“ процесот на граничниот премин Табановце – Прешево, воспоставен во август 2019 година и денес, по две години, работи на стар начин.

Азески наведува дека, како човек со долго деловно искуство во регионот, смета дека бирократското опкружување ја попречува економијата и дава примат на формата, а не на содржината.

– Потребни ни се конкретни чекори кои едноставно ќе го решат прашањето за инфраструктурата меѓу нашите земји, ќе овозможат меѓусебно признавање на сертификати и други документи, заеднички настап на трети пазари, заеднички производи, елиминирање на сивата економија и корупција, намалување на државните трошоци и подобрување на животниот стандард – вели Азески.

Најавената иницијатива на претседателот на Србија, Александар Вучиќ, за формирање на т.н. „Брзите ленти“ за побрз премин на луѓето од регионот на граничните премини се оценуваат како добри.

Тој, сепак, додава дека приватниот сектор сака во време на дигитализацијата, најсофистицирани решенија за следење на нелегалните криминални активности, да ги елиминира граничните премини и долгите редици камиони, кои, како што наведува, постојат само уште кај нас.

Одговарајќи на прашањето што предлага Стопанската комора на Северна Македонија со цел да им се олесни бизнисот на стопанственици, тој вели дека Комората не само што има предлози, туку има и конкретни резултати на тоа поле.

– За 25 години од проблемот со името со Хеленската Република, економијата функционираше, Грција беше нашиот втор инвеститор и трет трговски партнер, а ние бевме мостот што ги одржуваше односите без никакви проблеми веќе четвртина век. Тоа е конкретен позитивен пример, кој е препознаен од сите, и се заснова на факти и бројки – наведува Азески.

Тој додава дека бизнисмените ја гледаат големата слика и градат мостови помеѓу, како што наведува, феудалните концепти на исфрустрираните земји на Балканот и вели дека поради тоа доста им е од затвореност, корупција, сива економија, ефтина работна сила.

– Не сакаме веќе понижувања дека сме неспособни да се интегрираме во меѓународната заедница и дека некој однадвор треба секогаш да ги решава нашите проблеми – посочува Азевски.

Затоа, потенцира претседателот на Стопанската комора на Северна Македонија, нивната порака од собирот ќе биде јасна и ќе бара „да се отвори Балканот, да се затвори историјата, да се обедини бизнисот и да се донесат одлуки за спроведување без оглед на отпорот на конзервативни сили“.

Во продолжение ви пренесуваме што рекоа балканските бизнис лидери за претседателот на Стопанската комора на Северна Македонија, Бранко Азески: 

Марко Чадеж – претседател на Стопанската комора на Србија и претседател на Коморскиот инвестициски форум:

– Бранко Азески според стажот и познавањето на балканските прилики е најискусен меѓу нас. Неговата отвореност за свежи идеи и за нови проекти често може да не засрами и нас помладите. Денес нашето заедништво во регионалното бизнис поврзување го уважуваат и бизнисмените и политичарите и во регионот и во Брисел, но и во Вашингтон.

Рифад Хисарчиоглу, заменик претседател на EUROCHAMBERS:

– Преку личната и институционалната поддршка на Азески, се овозможи подобро вклучување на бизнисот на европските пазари.

Сафет Ѓерѓелиу, бивш генерален секретар на Коморскиот инвестиционен форум:

– Ние го нарекуваме татко и му благодариме за сè.

Александар Влахович, претседател на Сојуз на економисти на Србија:

– Бранко е вистински лидер, чија сила на личноста значајно ја надминува формалната позиција на која се наоѓа. Фактот дека Бранко е мој пријател го доживувам како голема привилегија и лична сатисфакција.

The post Азески: Бизнисмените се за повеќе бизнис, а за помалку историја на Балканот appeared first on plusinfo.mk.