На земјите од Западен Балкан им е потребна силна економска соработка,  повеќе инвестиции, поголема трговска размена, повеќе бизниси и тоа е нешто што ќе придонесе кон поголема демократија, просперитет, владеење на правото и заедничка соработка меѓу нас.  Никој не веруваше дека во 21 век на европска почва ќе има војна, наместо да зборуваме за економија, зборуваме за војна. Ова е аларм за сите нас, истакна вицепремиерот Александар Николоски во своето експозе на отворањето на Виенскиот економски форум.

Тој рече дека перцепцијата од придобивките од членството во ЕУ е се уште голема, но ги кажа и проблемите со кои Македонија се соочува на патот кон ЕУ.

Сепак, рече тој, економската соработка е клучен фактор за стабилизација и соработка меѓу државите.

– Мислам дека никој не веруваше дека во 21-от век ќе има војна на европско тло и мислам дека таа перцепција дека само позитивни работи ќе се случуваат во Европа, дека ќе има постојан економски раст, дека ќе зборуваме само за прашања поврзани со храна, остави простор за Европската Унија да биде релаксирана, да остави процесот да тече сам, ако се случи – добро, ако не се случи – нема проблем, секако се дел од континентот, сега зборувам за целиот Западен Балкан, но она што се случи во 2021 година, сметам дека е аларм за сите нас, бидејќи мислевме дека нешто сме оставиле зад нас, а тоа ни се враќа. Повторно зборуваме нуклеарни проби, ракетни системи, за радари, дронови, анти-дронови, зборуваме за војна, за милиони изгубени животи – рече Николоски.

Тој смета дека Западен Балкан е најслабиот дел од европскиот континент, но земјите од регионот на секоја средба добиваат само убави зборови за проширување што влијае на позитивното јавно мислење за ЕУ.

-Така беше во 2000 на Самитот во Солун, потоа во 2007 кога се приклучија Бугарија и Романија, ни велеа дека ние сме следните, а да не ви ги кажам сите отворени прозорци за кои сме слушале и сите клучни моменти- рече Николоски.

Тој додаде дека она што е позитивно е што енергијата во регионот се’ уште е висока, јавното мислење е во полза на приклучување на Европската Унија и другите сили се’ уште не ѝ се конкуренција на ЕУ.

–   Но прашање е дали тоа ќе биде засекогаш и затоа сметам дека треба да бидеме мудри и храбри, но и да зборуваме отворено и директно и да бидеме фер: ако нема проширување, тогаш да видиме што ќе се случува, ако е пакет, тогаш да дискутираме дали може да функционира или не. Подобро е на луѓето да им се каже вистината отколку постојано да ги лажеме или да им даваме лажни ветувања или да подгреваат очекувања кои потоа нема да се остварат. И затоа сметам дека економската соработка е суштината на приоритетот во регионот – рече тој.

Николоски зборуваше и за иселувањето и инвестициите во земјава и регионот.

– Ќе ви кажам еден мал пример: пред еден месец имавме локални избори и некои општини немаат градоначалник бидејќи не можат да дојдат до цензус од 33% излезност. Зошто? Најголем дел од луѓето не се тука, преселени се во централна или западна Европа. Затоа мислам дека е важно да се фокусираме на економијата. Австрија игра огромна улога во регионот, многу австриски компании се присутни во регионот, работат добро, добредојдени се и мислам дека тоа е најдоброто што можеме да го направиме заедно – да носиме повеќе инвестиции, да имаме поголема размена, повеќе бизниси, што мислам дека потоа ќе придонесат кон други работи што ги споделуваме – демократија, просперитет, владеење на право и заедничка соработка меѓу нас – рече Николоски.

The post АКО НЕМА ПРОШИРУВАЊЕ, ТОГАШ ДА ВИДИМЕ ШТО ЌЕ СЕ СЛУЧУВА Николоски на Виенскиот економски форум побара јасен став на ЕУ за проширувањето appeared first on plusinfo.mk.

Овој феномен, позната на Запад како „продолжен престој со родителите“, станува сѐ почест во многу европски земји.

Младите во полоша економска состојба од претходните генерации

Една од главните причини за оваа промена е економската состојба. Високите цени на недвижностите, како и трошоците за живот, им отежнаа на младите да се одлучат да ја напуштат родителската куќа, како и да најдат свој имот или стан под кирија. Зголемувањето на невработеноста и несигурноста на пазарот на труд придонесуваат и младите да се одлучат да останат со родителите, за да ги намалат трошоците и да обезбедат финансиска стабилност, пишува Гардијан.

Повеќе за ова на порталот „Мајка и дете“.

The post МЛАДИТЕ ВО ЕВРОПА СЀ ПОДОЛГО ОСТАНУВААТ ДА ЖИВЕАТ СО РОДИТЕЛИТЕ Кои се главните причини за задоцнетото осамостојување на новите генерации? appeared first on plusinfo.mk.

За да се зајакне одговорното и транспарентно управување, Националниот демократски институт спроведе (НДИ) истражување на јавното мислење од 13 од 24 април 2023 година и ги сподели наодите со лидерите на јавното мислење, за да добијат информации за креирањето на јавните политики.

58% од анкетираните граѓани се многу загрижени за намалениот животен стандард, ниските плати и за ниските пензии. Четири од десет испитаници трошат најголем дел од семејниот буџет (над 60%) на храна. Речиси половина од населението (48%) велат дека често или повремено имаат тешкотии да ги платат сметките на крајот од месецот, при што граѓаните со понизок социо-економски статус (89%) и оние кои живееат во рурални населени места (53%) имаат поголеми потешкотии да ги покријат трошоците за живот.

Испитаниците се песимисти за иднината, речиси 40% веруваат дека економската состојба, животниот стандард и висината на платите и пензиите ќе се влошат во наредните 12 месеци.

Седум од десет анкетирани граѓани (71%) ги поддржуваат партиите кои имаат дефиниран план за подобрување на економската состојба.

„Граѓаните на Северна Македонија се загрижени за намалениот квалитет на живот, а мнозинството граѓани ќе ги поддржат политичките партии кои имаат економски план што ќе помогне да се подобри животниот стандард и да се понудат економски можности“, рече Роберт Скот Хејзлет, виш резидентен директор на НДИ во Северна Македонија.

Речиси една третина од граѓаните (28,7%) сметаат дека намалувањето на вкупната потрошувачка е решение за надминување на сегашната економска криза. Покрај тоа, огромно мнозинство граѓани (91%) сметаат дека зголемувањето на цените е најголемата закана за нивната финансиска состојба и предлагаат владата да даде приоритет на „ценовната стабилност“.

Граѓаните ги поддржуваат владините одлуки за зголемување на минималната нето плата (72%), замрзнувањето на цените (речиси 83%) и ограничувањето на профитот на основните прехранбени производи (68%). Мнозинството граѓани (67%) сметаат дека владата треба да продолжи со субвенциите за прехранбените производи и на сметките за електрична енергија (48%), како ефикасна мерка за ублажување на негативните ефекти од кризата.

Се смета дека неодамнешната антикризна кампања има ограничен досег, бидејќи значителен дел од граѓаните (39%) не се информирани за повеќето од мерките, особено граѓаните со понизок социо-економски статус. Додека повеќе од една третина од потрошувачите (38,7%) не се запознаени со нивните права како потрошувачи, 56% не се свесни дека постојат програми за заштита на потрошувачите.

Позагрижувачки е податокот дека над половина од потрошувачите (54%) не им веруваат на давателите на услуги, ниту на судството (71%) во случај на спор околу трансакција со компанија.

Националното репрезентативно теренско истражување лице в лице, нарачано од НДИ, со маргина на грешка +/- 3,09 процентни поени на 95% ниво на доверба, е извршено на примерок од 1003 испитаници на возраст од над 18 години. Истражувањето на јавното мислење било спроведено од ТИМ Институт и финансирано од Националната фондација за демократија.

The post ПОДДРШКА ЌЕ ДОБИЈАТ ПАРТИИТЕ ШТО ЌЕ ЈА ПОДОБРАТ ЕКОНОМИЈАТА Истражување на НДИ покажа дека граѓаните се загрижени поради намалениот животен стандард appeared first on plusinfo.mk.

Тој смета дека секое раздвојување на стапката на инфлација од нашата со таа од еврозоната врши пристисоци врз девизниот курс.

– Во прво време и на краток рок ја намалува конкурентската способност на македонската економија и нашите стоки стануваат поскапи во однос на конкурентите. Тоа може да има далекусежни последици- вели Славески.

Тој нема дилема дека владата задоцни со мерките.

– Се задоцни со мерките во монетарната политика и зголемување на благајничките записи. Тоа потпомага да се надувува меурот кај недвижностите во однос на цените. Оние што имаат средства да купат нов стан се задоволни, но што станува со младите луѓе кои онака не можеа да дојдат до стан а сега е уште полошо. Сега имаме прелевање на средства од штедачите и најсиромашните кај оние кои купуваат втор или трет стан да „затвореле” пари бидејќи прениски се каматите на депозитите – вели Славески.

Тој предупредува дека инфлацијата може да донесе хаос.

– Во услови на инфлација се губат оние рутини на нормално работење. Вие како бизнисмен или потрошувач треба да се плашите што ве чека во блиска иднина. Во тој хаос доаѓа нешто што јас го нарекувам потрага по вистинска цена. Еве јогуртот ќе одредат цена од 90 денари. Кога ќе видат дека рокот поминува ќе го симнат или ќе дадат попуст. Тоа се вика „откривање на цената” и кај нас е поврзано со високата стапка на инфлација – вели Славески.

Тој објаснува зошто цените на некои основни прехранбени производи во Германија да се пониски од оние во земјава.

– Тука влијаат два фактори. Тоа е растот на цената на импутите, но ќе кажете веднаш дека расте и за нив. Објаснувањето е што нашата инфлација е повеќе од двојно повисока од таа во Германија и со тек на време цените на основните продукти ќе ги достигнат цените таму. Ние се одржуваме како економија, како животен стандард со тоа што она што самите го произведуваме и цените се пониски. Сега со високата инфлација тоа е се нарушено. Високата инфлација ја брише средната класа. Кога ние сме стигнале цените на основните производи да се еднакви со Германија или пак цената на едно еспресо во Скопје да биде евро и половина а во Италија кога порасна од евро на евро и десет центи започнаа побуни. Ова е аргумент плус да се поводи сметка за инфлацијата и монетарната политика – вели Славески.

Со Славески се потсетивме и на ветувањето оваа власт дека кога ќе дојдат ќе држат лекции по економија.

– Нема кој да ги држи лекциите, исчезнаа предавачите. „Исчезнаа” заговарачите на овие тези-Тевдоски и Јовановиќ и сега во СДСМ нема економист туку сите економски ресори да ги отстапи на коалицискиот партнер. Треба да се бара одговорност од СДСМ зошто се амнестира од нудењето решенија и за тоа што се случува на економски план – вели тој.

Славески се сложува дека повеќе пари се даваат за оштета за нереализирани проекти отколку за изградба.

– За жал така е. Го имаме финансирањето на Европската банка за решавање на јавниот превоз во Скопје. Автопатот Кичево-Охрид стана европски феномен и резил за една влада. Сега имаме нов рок 2026 година – вели Славески.

The post КАДЕ ИСЧЕЗНАА ТЕВДОВСКИ И ЈОВАНОВИЌ? Славески вели инфлацијата им ја избриша средната класа appeared first on plusinfo.mk.

Предвидено е делегацијата да оствари средби со високи претставници на ММФ, СБ и Меѓународната финансиска корпорација (ИФЦ), како и со претставници на други меѓународни финансиски организации и институции.

Закажани се и одделни состаноци на делегацијата со директорот на ММФ за Европа, Алфред Камер, со извршниот директор на ММФ, Пол Хиберс и алтернативниот извршен директор Лук Дресе, како и со шефицата на мисијата на ММФ, Бергљот Баркбу.

Во фокусот на разговорите со претставниците на ММФ ќе бидат монетарната политика и економските состојби во земјава.

Гувернерката, како што информираат од Народната банка, има закажано одделни состаноци со директорот на Одделот за статистика Луј Марк Душарм, директорката на Правниот оддел Рода Викс-Браун и со заменик-директорот на Одделот за монетарни и капитални пазари Кристофер Ерцег, на кои ќе се разгледаат резултатите од тековната соработка меѓу Народната банка и ММФ.

Предвидено е делегацијата да оствари состаноци и со претставници на Светската банка,  заменик-претседателот на СБ за Европа и Централна Азија, Ана Бјерде, како и со извршниот директор на СБ за Конституенцата во која членува нашава земја, Кун Давидсе. Исто така, предвидена е средба и со потпретседателката на ИФЦ, Георгина Бејкер.

Пролетните средби на ММФ и СБ се одржуваат секоја година и на нив учествуваат гувернерите на централните банки и министрите за финансии на земјите членки. Средбите се место каде што носителите на политиките разговараат за актуелните случувања во светската економија, вклучително и за премостувањето на предизвиците, како економската криза предизвикана од пандемијата, тековната ценовна криза, последиците врз светската економија од војната во Украина итн. Целта на овие средби се заеднички политики и решенија кон поттикнување на економскиот раст, намалувањето на сиромаштијата и промовирањето одржлив и инклузивен економски развој. 

The post АНГЕЛОВСКА-БЕЖОСКА НА ПРОЛЕТНА СРЕДБА НА ММФ И СБ На средбите ќе се разговара и за монетарната политика и економските состојби во земјава appeared first on plusinfo.mk.