За Македонија, приемот на индиски шеф на држава сигнализира желба за проширување на меѓународното влијание надвор од традиционалните регионални соперништва. Ангажирањето со петтата најголема економија во светот му дава на Скопјe дополнителна предност при преговарање за трговски услови со регионалните соседи и меѓународните финансиски тела – пишува во авторска анализа на австралиската политичка аналитичарка Пенелопе Расел за неодамнешната посета на индиската претседателка Друпади Мурму на Македонија.

Таа ги анализира стратешките приоритети што го движат ангажманот на Њу Делхи, ја скицира променливата геометрија на европското влијание и се замимава со мерење на фактичката имплементација на иницијативата.

Посетата на индиската претседателка Друпади Мурму на Македонија и нејзиното обраќање во Собранието претставуваат дел од пошироката стратегија на Њу Делхи за проширување на дипломатското и економското присуство во Југоисточна Европа, оценува Пенелопе Расел. Според неа, Индија преку филозофијата „Васудаива Кутумбакам“ („Светот е едно семејство“) настојува да се претстави како партнер кој гради мостови меѓу различни геополитички блокови, но зад оваа порака стојат јасни економски и стратешки интереси.

Посебно внимание авторката ѝ посветува на Македонија, која ја гледа како важна точка во индиската европска стратегија.

„Македонија претставува главна стратешка цел за овој стил на досег. Откако водеше низ сложени преговори за пристапување со Европската Унија и структурна безбедносна интеграција преку НАТО, Македонија постојано ги балансира надворешните влијанија. Кинеските инвестиции преку иницијативата „Еден појас, еден пат“ претходно нудеа брз капитал за инфраструктура, но тој капитал честопати доаѓаше со загриженост за долгот и политички триења.“ – пишува Пенелопе Расел.

Од друга страна, додава таа, западноевропската помош останува витална, но домашните законодавни тела честопати се заморуваат од долги бирократски условувања.

Таа оценува дека токму во овој простор Индија гледа можност да понуди поинаков модел на соработка.

„Понудата е различна: билатерални технолошки иницијативи, договори за синџир на снабдување со лекови и дипломатска поддршка без воени обврски или тешки структурни барања.“ – наведува Расел.

„Индиските фармацевтски и производствени фирми бараат директни точки за влез на европските пазари за да ги заобиколат високите тарифи и сложените регулаторни бариери во западноевропските пристаништа.

Индиските технолошки добавувачи нудат скалабилни модели на дигитална јавна инфраструктура што претставуваат економични алтернативи на сопственичките западни системи или силно следени алтернативи поддржани од државата“ – пишува Расел.

Авторката смета дека приоритетите на Скопје се совпаѓаат со она што Индија може да го понуди.

„Скопје се грижи за непосредните приоритети: економска стабилност, енергетска безбедност и странски директни инвестиции. Сегашната економска траекторија на Индија му овозможува да понуди опипливи економски партнерства, а не нејасни ветувања за добра волја.“ – оценува таа.

Расел смета дека посетата на Мурму е сигнал дека Македонија сака да ги прошири своите меѓународни партнерства и надвор од традиционалните центри на влијание.

„За Македонија, приемот на индиски шеф на држава сигнализира желба за проширување на меѓународното влијание надвор од традиционалните регионални соперништва. Ангажирањето со петтата најголема економија во светот му дава на Скопје дополнителна предност при преговарање за трговски услови со регионалните соседи и меѓународните финансиски тела.“ – пишува Пенелопе Расел.

Сепак, таа предупредува дека успехот нема да се мери според свечените говори, туку според конкретните резултати. Доколку по посетата следуваат нови инвестиции, олеснета трговија, подобри транспортни врски и поедноставени процедури за деловната заедница, дипломатската иницијатива ќе има вистинска тежина. Во спротивно, заклучува Расел, посетата ќе остане „вежба во меѓународните односи со јавноста“, без позначајно економско влијание.

„Предизвикот лежи во преведувањето на парламентарните говори во мерлив економски тек.

Државните посети на високо ниво честопати завршуваат со потпишани меморандуми за разбирање што собираат прашина во архивите на министерствата. Без конкретно следење – директни транспортни правци, поедноставени процедури за визи за трговски претставници и наменски комерцијални коридори – реториката за заедничка глобална судбина ризикува да испари штом дипломатските колони заминат“ – заклучува авторката.

The post АНАЛИЗА • ПОСЕТАТА НА МУРМУ МУ ДАВА СТРАТЕШКА ПРЕДНОСТ НА СКОПЈЕ ВО РЕГИОНОТ Индија бара присуство во Еропа, но успехот зависи од она што ќе следи по посетата appeared first on plusinfo.mk.

Зајакнување на економските врски, нови инвестиции и зголемување на трговската размена меѓу Северна Македонија и Индија беа главните пораки од Македонско-индискиот бизнис форум што се одржа во Скопје, на кој се обратија претседателките на двете држави, Гордана Сиљановска Давкова и Друпади Мурму.

Сиљановска Давкова оцени дека политичките односи меѓу двете земји не се доволно одразени во економската соработка и порача дека постои голем простор за развој.

– Моменталната трговска размена е скромна и достигнува помалку од 133 милиони долари годишно. Ова не ги одразува нашите одлични политички односи и големиот потенцијал за економска соработка – рече претседателката.

Таа предложи амбициозна цел во следните пет години трговската размена меѓу двете земји да достигне најмалку 400 милиони американски долари.

Според неа, најголем потенцијал за соработка има во автомобилската индустрија, фармацијата, металургијата, производството на храна, дигиталните технологии и енергетиката.

– Како европска земја, нашата стратешка цел е членството во Европската Унија. Сите што ќе инвестираат во нашата земја имаат отворени порти кон европскиот пазар – порача Сиљановска Давкова.

Претседателката на Индија, Друпади Мурму, оцени дека економското партнерство меѓу двете земји има голем неискористен потенцијал.

Таа посочи дека Индија веќе извезува органски хемикалии, електрични машини и текстил во Македонија, додека од земјава увезува висококвалитетен мермер кој е ценет на индискиот пазар.

Мурму најави можности за заеднички инвестиции во дигиталната трансформација, вештачката интелигенција, фармацевтската индустрија, здравството, земјоделството, производството на храна и зелените технологии.

– Нашиот фармацевтски сектор има желба да инвестира во Северна Македонија преку воспоставување заеднички производствени капацитети – рече индиската претседателка.

Таа ја покани Македонија да се вклучи во Меѓународната соларна алијанса и да ги искористи можностите за соработка во обновливите извори на енергија.

Претседателот на Здружението на трговски и индустриски комори на Индија (ASSOCHAM), Нирмал Кумар Минда, оцени дека Македонија има стратешка позиција, квалификувана работна сила и пристап до европскиот пазар.

Тој посочи дека најголеми можности за соработка гледа во производството, фармацевтската индустрија, здравството, земјоделството, преработката на храна и иновациите.

– Вистинската можност лежи во инвестициите, заедничките компании и производството кое ќе донесе иновации и раст – порача Минда.

На форумот учествуваа и повеќе министри од македонската влада, претставници на стопанските комори и бизнис заедници од двете земји.

The post МАКЕДОНИЈА И ИНДИЈА СО НОВА ЕКОНОМСКА АМБИЦИЈА Трговијата да достигне 400 милиони долари за пет години appeared first on plusinfo.mk.

Во периодот што следува односите меѓу нашата земја и Турција ќе продолжат да се развиваат со уште посилна динамика, напиша на социјалните мрежи претседателот на Владата Христијан Мицкоски по билатералната средба со турскиот претседател Реџеп Таип Ердоган. На средбата, како што наведува, била потврдена традиционално блиската, пријателска и стратешка соработка меѓу двете држави.

– На средбата беше изразено заедничко задоволство од одличните политички односи, кои се темелат на меѓусебна почит, доверба и искрено пријателство меѓу двата народа. Разговаравме за можностите за дополнително продлабочување на економската соработка, зголемување на трговската размена, нови инвестиции, како и за унапредување на соработката во областа на инфраструктурата, енергетиката, туризмот, образованието и одбраната – вели Мицкоски.

Премиерот посочува дека ја нагласил важноста на Турција како значаен економски и политички партнер, истакнувајќи дека Владата останува посветена на создавање поволна и предвидлива деловна клима за нови турски инвестиции и отворање нови работни места.

– Претседателот Ердоган ја потврди поддршката на Турција за развојот и просперитетот на Македонија, како и подготвеноста за понатамошно зајакнување на билатералните односи во сите области од заемен интерес. Во рамки на разговорите беа разменети мислења и за актуелните регионални и меѓународни предизвици, при што беше нагласена потребата од стабилност, соработка и економски развој на регионот. Изразивме уверување дека односите меѓу двете пријателски држави ќе продолжат да се развиваат со уште посилна динамика во периодот што следува – информира премиерот Мицкоски.

The post 📷 ЕКОНОМИЈА, ИНВЕСТИЦИИ И НОВИ РАБОТНИ МЕСТА Мицкоски и Ердоган разговараа за стратешкото пријателство appeared first on plusinfo.mk.

Успешните средби на заменик претседателот на Владата и министер за транспорт Александар Николоски со турскиот министер за трговија Омер Болат и министерот за транспорт Абдулкадир Уралоглу, резултураа со договори за воспоставување на директна авиолинија Анкара -Скопје и карго железничко поврзување меѓу двете земји, објави на својот фејсбук профил, заменик претседателот на Владата, Николоски.

Министерот за трговија на Турција на социјалната мрежа Икс ја објави информацијата за новата авиолинија и карго железничкото поврзување и напиша дека двете земји продолжуваат да работат кон остварување на целта за билатерална трговска размена од 2 милијарди долари.

„По повод Турско–Македонскиот бизнис форум, заедно со нашиот министер за транспорт и инфраструктура, г. Абдулкадир Уралоглу, остваривме средба со заменик-претседателот на Владата и министер за транспорт на Република Северна Македонија, г. Александар Николоски.

На средбата се согласивме дополнително да ја зајакнеме нашата соработка во областите на транспортот, логистиката, цивилното воздухопловство и железничкиот сообраќај. Веруваме дека директните летови на “AJet” на релација Анкара–Скопје, како и железничката соработка меѓу TЦДД и МЖ Инфраструктура ќе дадат значаен придонес за трговијата, инвестициите и поврзаноста меѓу нашите земји.

Во согласност со визијата на претседателот на Република Турција, г. Реџеп Таип Ердоган, за силна регионална соработка и економска интеграција, со решителност продолжуваме да работиме кон остварување на целта за билатерална трговска размена од 2 милијарди долари.

Во наредниот период ќе продолжиме да ги зајакнуваме транспортните коридори и да ги поддржуваме активностите на турските компании во Северна Македонија, придонесувајќи за поврзаноста, просперитетот и заедничкиот развој на Балканот.

Длабоките пријателски и братски врски меѓу нашите земји ќе стануваат уште посилни преку новите проекти што ќе се реализираат во областа на трговијата и инвестициите” , објави министерот за трговија, Омер Болат.

Средбата на министрите се реализира во рамки на турско -македонскиот бизнис форум што денеска се одржа во Истанбул.

The post АВИОЛИНИЈА СКОПЈЕ-АНКАРА И КАРГО ЖЕЛЕЗНИЧКО ПОВРЗУВАЊЕ Николоски со министри во Истанбул договори нов импулс за трговијата appeared first on plusinfo.mk.

The post 3.000 КОМПАНИИ И МИЛИЈАРДА ДОЛАРИ ТРГОВИЈА Муцунски предлага уште посилно економско поврзување со Турција appeared first on plusinfo.mk.

Зајакнувањето на економската соработка, зголемувањето на трговската размена и отворањето нови инвестициски можности беа во фокусот на Бизнис форумот Северна Македонија – Турција, кој денеска се одржа во Истанбул.

Македонската делегација, предводена од претседателот на Владата Христијан Мицкоски, учествуваше на форумот заедно со високи државни претставници, институциите и бизнис заедниците од двете земји, со цел продлабочување на економските односи и поттикнување нови партнерства меѓу македонските и турските компании. Дел од македонската делегација беше и генералниот секретар на Владата, Игор Јанушев.

Форумот беше отворен со обраќања на претставници на DEİK – Советот за надворешни економски односи и УНДП, по што пред присутните се обратија министерот за надворешни работи и надворешна трговија, Тимчо Муцунски, првиот заменик-претседател на Владата и министер за европски прашања, Беким Сали и министерот за трговија на Република Турција, Омер Болат. Во своите обраќања тие ја нагласија важноста од натамошно јакнење на економските врски меѓу Северна Македонија и Турција, како и потребата од создавање нови можности за инвестиции и деловна соработка.

Во рамки на панел-дискусиите, посветени на трговијата, индустријата, енергетиката, инфраструктурата и логистиката, посебен акцент беше ставен на регионалното поврзување и улогата на слободните економски зони во привлекувањето нови инвестиции. Во таа насока, генералниот секретар на Владата, Игор Јанушев, ја имаше улогата на модератор на втората панел-сесија, на која учествуваа заменик-претседателот на Владата и министер за транспорт, Александар Николоски, директорот на ТИРЗ, Гоце Димовски, извршниот директор на TAV Airports, Серкан Каптан, генералната директорка на турските слободни економски зони, Емел Емирлиоглу и министерот за транспорт и инфраструктура на Република Турција, Абдулкадир Уралоглу. Панелот беше оценет како значаен придонес кон унапредување на дијалогот за инфраструктурно и економско поврзување меѓу двете земји. Размената на ставови отвори дополнителни можности за соработка во клучни сектори од заемен интерес.

Во рамки на форумот беше презентирана и Мапата за инвестирање во Северна Македонија, која ја претстави советникот на претседателот на Владата и поранешен вицепремиер за економски прашања, Владимир Пешевски. Мапата нуди сеопфатен преглед на инвестициските потенцијали, развојните зони и можностите за вложување во земјата, со цел нивна промоција пред странските инвеститори.

Во завршниот дел од форумот се обратија претседателот на Владата, Христијан Мицкоски и министерот за трговија на Република Турција, Омер Болат, кои ја потврдија заедничката заложба за натамошно продлабочување на економската соработка, зголемување на трговската размена и поттикнување нови инвестиции меѓу двете земји.

По официјалниот дел следуваше Б2Б средба меѓу македонски и турски компании, на која беа остварени директни контакти и разговори за идни партнерства и нови инвестициски проекти.

Бизнис форумот уште еднаш ја потврди силната економска поврзаност меѓу Северна Македонија и Турција, како и заедничката определба за унапредување на економските односи и поттикнување одржлив економски развој.

Форумот беше организиран во рамки на проектот „Промоција на Мапа за инвестирање”, како дел од Програмата за поддршка на спроведувањето на Националната развојна стратегија, предводена од Владата на Република Северна Македонија и Генералниот секретаријат, а имплементирана во соработка со УНДП.

The post 📷 ЕКОНОМСКАТА СОРАБОТКА И ИНВЕСТИЦИИТЕ ВО ФОКУС НА ФОРУМОТ ВО ИСТАНБУЛ Македонија лови нов бран турски инвестиции appeared first on plusinfo.mk.

Министерката за енергетика, рударство и минерални суровини Сања Божиновска во Истанбул учествуваше на бизнис-форумот Северна Македонија – Турција, значаен економски настан посветен на продлабочување на билатералната соработка, привлекување инвестиции и отворање нови можности за партнерства меѓу компаниите и институциите од двете држави.

Форумот ги обедини претставниците на владите, институциите и бизнис-заедниците од Македонија и Турција, со цел унапредување на економските односи, зголемување на трговската размена и поттикнување нови инвестициски иницијативи. На форумот учествуваше висока македонска владина делегација, предводена од претседателот на Владата, Христијан Мицкоски, во чиј состав се и ресорни министри од економската, енергетската и инфраструктурната област.

Во рамките на форумот министерката Божиновска говореше на панел-дискусијата „Билатерална соработка во трговијата, индустријата, производството и синџирите на снабдување“, каде што ги претстави можностите што ги нуди Македонија во секторите енергетика, рударство и минерални суровини, како и реформските процеси насочени кон создавање стабилна, предвидлива и конкурентна инвестициска клима.

Министерката за енергетика, рударство и минерални суровини Сања Божиновска во рамките на Македонско-турскиот бизнис-форум во Истанбул оствари билатерална средба со министерот за трговија на Република Турција, проф. д-р Омер Болат.

На средбата беше потврдена заедничката заложба за натамошно продлабочување на соработката меѓу двете пријателски земји, со посебен акцент на енергетиката, рударството, минералните суровини и привлекувањето нови инвестиции.

Средбата претставува уште еден значаен чекор во зајакнувањето на македонско-турските односи и потврда на заедничката определба за продлабочување на економската соработка, привлекување инвестиции и создавање нови можности за одржлив развој и просперитет на двете земји.

The post ТУРСКИТЕ ИНВЕСТИТОРИ ГО МЕРКААТ МАКЕДОНСКИОТ ЕНЕРГЕТСКИ СЕКТОР Божиновска во Истанбул ги претстави новите можности appeared first on plusinfo.mk.

Премиерот Христијан Мицкоски, кој денеска престојува во работна посета на Турција и учествува на Бизнис-форумот Македонија – Турција во Истанбул, упати повик до турските компании да инвестираат во земјава и да станат дел од, како што рече, „развојната приказна на Македонија“.

Обраќајќи се пред претставници на турската бизнис-заедница, Мицкоски истакна дека Северна Македонија и Турција имаат традиционално добри и пријателски односи, кои претставуваат цврста основа за натамошно продлабочување на економската соработка.

– Македонија и Турција негуваат традиционално пријателски односи изградени врз доверба, почит и силни врски меѓу народите, а токму тие односи претставуваат цврста основа за продлабочување на економската соработка и нови инвестиции – истакна Мицкоски во своето обраќање на форумот.

Тој нагласи дека државата денес се позиционира како стабилна и конкурентна бизнис-дестинација, нудејќи поволни услови за инвестирање.

– Македонија денес се позиционира како стабилна и конкурентна бизнис-дестинација, со стратешка географска положба, поволна инвестициска клима, модерни индустриски зони и пристап до регионалните и европските пазари – посочи премиерот.

Според него, турските компании преку инвестиции во земјава ќе добијат можност да го прошират своето присуство и да се вклучат во европските синџири на снабдување.

– Турските компании преку инвестирање во Македонија добиваат можност да станат дел од европските синџири на снабдување и да го прошират своето присуство на пошироки пазари. Нагласив дека нашата цел е да градиме долгорочни партнерства, кои ќе создаваат нови работни места, поголем економски раст и заеднички успех. Ги поканив турските инвеститори да бидат дел од развојната приказна на Македонија, држава што има јасна визија за иднината, отворена врата за нови инвестиции и силна определба за економски развој – рече премиерот.

Бизнис-форумот во Истанбул има цел да ги поврзе институциите и компаниите од двете земји, да отвори нови можности за соработка и да ги промовира инвестициските потенцијали на Македонија пред турската деловна заедница.

Во изјава по настапот Мицкоски рече дека е во Истанбул заедно со владина, но и со бизнис делегација.

– Ја продолжуваме традицијата на организирање B2B настани и B2B средби, односно тоа што го отпочнавме во Унгарија и тоа што го продолживме во Австрија, потоа со хрватската бизнис заедница на билатералната средба во Охрид, го продолжуваме сега овде во Истанбул. Нашата цел е нашата македонска економија и нашите бизниси да се поврзат со бизнисите овдека во Истанбул, Турција.

Постои навистина голем интерес кај турските бизнисмени за инвестиции во Македонија, а она коешто ние ќе го правиме овие два дена овде во Истанбул е да ги презентираме можностите на македонската економија и сите оние можности и поддршка што ние како Влада ја даваме за привлекување на странски директни инвестиции.

Така што еве веќе првиот дел од овој настан заврши, очекувам многу успешни состаноци, очекувам силни пораки да бидат испратени и продолжуваме да информираме од нашата билатерална посета во Истанбул, Турција – рече Мицкоски.

The post 📷 ТУРСКИТЕ КОМПАНИИ ДОБИЈА ПОКАНА ОД ПРЕМИЕРОТ Македонија нуди партнерство и нови можности, вели Мицкоски appeared first on plusinfo.mk.

Министерот за економија и труд Бесар Дурмиши денеска се обрати на Бизнис форумот Македонија – Турција во Истанбул, каде ја истакна посветеноста на Владата за создавање предвидлива, конкурентна и инвестициски ориентирана деловна средина, насочена кон поттикнување на нови инвестиции, економски раст и продлабочување на економската соработка меѓу двете земји.

Како што соопшти Министерството за економија и труд, во своето обраќање Дурмиши нагласи дека Република Турција е еден од најзначајните економски партнери на Македонија, при што трговската размена континуирано расте, а турските компании со децении имаат значајна улога како инвеститори, работодавачи и партнери во развојот на македонската економија.

– Македонија е отворена за нови инвестиции и нови партнерства. Нудиме стабилна макроекономска политика, стратешка географска положба, пристап до регионалните пазари, квалификувана работна сила и силна институционална поддршка за инвеститорите. Уште поважно, нудиме партнерство засновано на доверба и долгорочна соработка – истакна министерот Дурмиши.

Во Истанбул денеска се одржува бизнис-форум посветен на јакнење на економските врски и промоција на инвестициските потенцијали на Македонија пред турската деловна заедница.

Форумот се организира во рамките на проектот „Промоција на мапа за инвестирање“ како дел од програмата за поддршка на спроведувањето на Националната развојна стратегија, предводена од Владата на Република Северна Македонија и Генералниот секретаријат, а имплементирана во соработка со УНДП. Форумот има цел да ги поврзе институциите и бизнис-секторот од двете земји преку директни контакти и разговори насочени кон отворање нови можности за соработка и заеднички инвестиции.

На настанот е најавено учество на претседателот на Владата Христијан Мицкоски, кој ќе предводи владина делегација составена од ресорни министри од економската, енергетската и инфраструктурната област.

Од турска страна домаќин на форумот е министерот за трговија на Република Турција Омер Болат, а организацијата ја спроведуваат Министерството за трговија на Турција и DEİK – Советот за надворешни економски односи.

Во рамките на програмата ќе бидат претставени инвестициските потенцијали на земјата, а настанот ќе вклучи официјални обраќања, тематски панели посветени на трговијата, енергетиката и инфраструктурата, како и Б2Б средби меѓу компании од двете земји, со фокус на размена на искуства и унапредување на соработката во клучните економски сектори.

Форумот е наменет за компании кои имаат интерес за проширување на своето присуство на меѓународните пазари и воспоставување нови деловни партнерства во рамките на регионалната економска соработка.

Во континуитет на ваквите активности, како дел од пошироката серија промотивни настани за позиционирање на Македонија како атрактивна инвестициска дестинација, сличен бизнис-форум неодамна се одржа и во Будимпешта. Овие настани претставуваат дел од пошироките напори за промоција на економските потенцијали на земјата и привлекување нови странски инвестиции преку директна комуникација со меѓународната бизнис-заедница.

The post ДУРМИШИ ОТВОРИ ВРАТА ЗА НОВИ ИНВЕСТИЦИИ Македонија се позиционира како сигурна дестинација за турските компании appeared first on plusinfo.mk.

Турција е еден од нашите најважни економски и трговски партнери. Трговската размена минатата година достигна една милијарда американски долари, што претставува значаен резултат, но и поттик за уште поамбициозни цели во иднина, објави на Фејсбук шефот на макеоднската дипломатија Тимчо Муцунски, кој денеска во Истанбул учествува на бизнис-форумот Северна Македонија – Турција.

Муцунски имаше обраќање на бизнис форумот, посветен на унапредување на економските врски, трговската размена и инвестициската соработка меѓу двете земји.

– Пораката што ја упатив е јасна: економската дипломатија не е дополнување на надворешната политика, туку нејзино јадро. Успешната дипломатија денес значи повеќе инвестиции, повеќе извоз, нови пазари и конкретни можности за компаниите и граѓаните. Владите ја создаваат рамката, институциите ги отвораат вратите, но компаниите се тие што создаваат вредност, работни места и резултати. Затоа е неопходно дополнително да ја зајакнеме директната соработка меѓу бизнис-заедниците и да поттикнеме нови партнерства во индустријата, ИКТ-секторот, логистиката, туризмот, агробизнисот, инфраструктурата и иновациите. Посилната економска соработка не е важна само за нашите две држави. Таа значи поголема поврзаност, поголема конкурентност и повеќе можности за развој на целиот регион, напиша министерот за надворешни работи и надворешна трговија Тимчо Муцунски.

The post СИЛНИТЕ ПОЛИТИЧКИ ОДНОСИ СО ТУРЦИЈА МОРА ДА СЕ ПРЕТОЧАТ ВО УШТЕ ПОСИЛНА ЕКОНОМСКА СОРАБОТКА Министерот Муцунски на форумот во Истанбул appeared first on plusinfo.mk.