Пратеникот од коалицијата предводена од ВМРО-ДПМНЕ, Малиша Станковиќ, на денешната седница на Собранието изјави дека Буџетот за 2026 година е изграден врз реални економски показатели, а проектираните приходи се „целосно остварливи“.

Според него, очекуваното зголемување на приходите се должи на подобрената наплата на царини и концесии, како и на засилените активни мерки за вработување, кои бележат рекорден интерес кај граѓаните.

– Буџетот е поставен на 374,9 милијарди денари, што е за 6% повеќе од 2025 година. Овие средства се реални за собирање. Го земаме предвид зголемувањето на наплатата на царини и концесии и огромниот интерес за мерките за самовработување, дури 6.045 апликанти. Тоа значи дека во 2026 година ќе имаме повисоки приливи по основ на ново вработување – изјави Станковиќ.

Станковиќ посочи дека Владата веќе спроведува активности за намалување на сивата економија, која, како што рече, државата ја чини од 600 до 700 милиони евра годишно.

– Сивата економија мора да се сузбие. Воведувањето на е-фактурата е меѓу клучните мерки што овозможуваат подобра контрола и следење на нереализирани или скриени трансакции. Институциите започнаа да даваат резултати – истакна тој.

Пратеникот додаде дека заедно со другите реформи, овие мерки ќе обезбедат подобра финансиска дисциплина и повисоки буџетски приходи во наредната година.

The post БУЏЕТОТ ЗА 2026 Е РЕАЛЕН Ќе има мерки за самовработување и за сузбивање на сивата економија appeared first on plusinfo.mk.

Стратешката програма на Трамп во економијата предвидува осум точки кои треба да ја зајакнат американската економија, но и да им се спротивстави на надворешната конкуренција. Тие се :

• продолжување на даночните олеснувања за физички лица и компании воведени во 2017 година
• дополнителни даночни намалувања за корпорациите од 21% на 20% и на 15% за компаниите што произведуваат во САД
• стимулирање на производството на традиционални извори на енергија за намалување на цените
• елиминација на даноците за бакшиш, прекувремена работа, социјални бенефиции

• дерегулација, што подразбира олеснување на бизнисот за компаниите, банките, зголемени активности за спојување
• универзални тарифи од 10%
• 60% од тарифата насочена кон Кина.

Трамп оцени и дека нема да им се простат студентските кредити на оние кои не ги вратиле бидејќи не е фер кон оние кои веќе ги подмириле, а тоа би паднало на товар на даночните обврзници.

The post ОСУМ КЛУЧНИ ТОЧКИ НА ТРАМПОВАТА ЕКОНОМСКА ПОЛИТИКА Берзите поволно реагираа, а како ќе реагира конкурентската Кина appeared first on plusinfo.mk.

Ова го порачаа во своите дискусии економски експерти во дебатата за публикацијата „Нова ера, нова надеж” која нуди нов концепт на водење на економијата по соочувањето со најголемите здравствени, економски и воени шокови изминативе неколку години.

Во однос на прашањето што треба да направи Европската Унија за да го поддржи регионот, експертите сметаат дека Унијата треба да го промени својот сегашен пристап кон регионот, со тоа што ќе го сфати регионот многу посериозно. Ова треба да биде комбинација од побрза интеграција во ЕУ, поголема вклученост во решавањето на регионалните политички прашања, како и обезбедување на итна и соодветна финансиска поддршка.

– „Нова ера, нова надеж” предлага нов концепт на водење на економијата во кој подеднакво се води сметка и за социјалните и за еколошките предизвици. Продолжуваме и понатаму да се залагаме за економија која е праведна, а ќе продолжиме и со креирање простор за широк јавен дијалог кој ќе ги вклучи сите засегнати страни и ќе иницира понатамошни дискусии на овие значајни теми, кои се од голема важност за иднината на сите нас –  рече проектната координаторка во ФЕС Ивана Вучкова.

Професорот Драган  Тевдовски, смета дека фискалниот простор е клучен за да може државата да одговори на криза давајќи го примерот со ковид кризата којашто покажала колку е важен фискалниот простор на земјата. Тој посочи дека кај нас постои можност фискалниот капацитет да се зголеми со подобрување на приходите на државата. Вториот елемент на којшто треба да биде поставен фокусот е намалување на јавниот долг.

Академик Абдулменаф Беџети, рече дека историски гледано, најголемите промени во даночната сфера се случувале токму за време на најголемите кризи. Тој потенцираше дека државата треба да се биде се’ почесто присутна, да поддржува и да создава амбиент со системски решенија во сите сфери од општественото живеење.

Според професорот Ванчо Узунов, за намалување на негативното влијание од недостатокот на работна сила неопходно е преземање на повеќе мерки, меѓу кои пораст на просечната продуктивност, пораст на бројот на работоспособно население, како и променување на начинот на користење на времето. Узунов рече дека подобрувањето на квалитетот на образованието треба да биде во правец на воведување и широко изучување на сплет на знаења наречени „вештини за 21 век” кои недостасуваат во земјава, како критично мислење, креативно мислење, соработување, комуницирање, писменост за информации, медиумска писменост, технолошка писменост, флексибилност, ефикасност и ефективност, вештини за делување во општествена средина.

За професорот Глигор Бишев државата и домашниот приватен сектор потребно е да ги зголемат значително инвестициите во образование, истражување и развој. Тој потенцираше дека потребни ни се иновативни политики и идентификување на носители на промените, а во тој дел ја гледа и улогата на Фондацијата Фридрих Еберт и ги охрабри за понатамошни истражувања во јавноста.

Според професорот Драган Миновски, енергетската транзиција е процес кој е веќе присутен во земјава, меѓутоа за успешна енергетска транзиција потребна е стратегија која ќе има силен политички консензус и во која граѓаните ќе имаат централно место.

Олимпија Христова-Заевска посочи дека земјава треба да гради модел на привлекување на странски директни инвестиции заснован на сериозни инвестиции во основа и применета наука. На тој начин, државата ќе може да го апсорбира знаењето кое доаѓа од странските директни инвестиции, но и да создава ново знаење и да напредува технолошки.

Дебатата беше организирана од Фондацијата „Фридрих Еберт” – канцеларија Скопје (ФЕС).

The post ПОПРОГРЕСИВНИ ДАНОЦИ, ПОСИЛНИ ЈАВНИ И СТРАНСКИ ИНВЕСТИЦИИ Каква треба да биде економската политика по неколкуте кризи? appeared first on plusinfo.mk.