„Минималната плата ќе порасне така како што ќе се договарат работодавачите и работниците, со оглед на тоа дека Владата во овој дијалог ги има испочитувано до крај своите права или обврски кон оние на коишто е работодавач, бидејќи 99% од државната управа има склучено колективни договори со Владата“.

Вака истакна Бојан Стојаноски, пратеник од редовите на ВМРО-ДПМНЕ во гостување во емисијата Топ Тема на Телма телевизија, се вели во соопштението од ВМРО-ДПМНЕ.

Стојаноски нагласи дека усогласувањето на минималната плата потребно е да се изврши преку социјален дијалог, да се договарат синдикатите и работодавачите на двопартитен дијалог, потенцирајќи дека Владата ќе ја поддржи одлуката.

– За нас, ете и за мене лично, оној став дека најдобрата плата е таа која што ќе биде реално исплатена, е едноставно најдобра плата, бидејќи на крајот од денот работниците треба таа плата и да ја примат. Ние можеме тука да лицитираме со бројки коишто сметаме дека можеби се примамливи, но на крајот од денот треба да гарантираме дека тоа коешто ќе го кажеме, носиме одговорност и дека ќе биде исплатено – рече пратеникот Стојаноски.

The post МИНИМАЛЕЦОТ ЌЕ ПОРАСНЕ КОЛКУ ШТО ЌЕ СЕ ДОГОВОРАТ РАБОТОДАВАЧИТЕ И РАБОТНИЦИТЕ Потребен e дијалог меѓу синдикатите и работодавачите, вели Стојановски appeared first on plusinfo.mk.