Сегашната ситуација на Блискиот Исток во оваа фаза ја спречи Русија да извлече каква било корист од последиците од израелско-американската воена операција против Иран, особено во енергетскиот сектор, изјави украинскиот претседател Володимир Зеленски.

– Ситуацијата во Иран не им дозволи на Русите да го постигнат она што го сакаа. Иранската помош и посилните и поконцентрирани напади врз енергетската инфраструктура ќе доведат до ограничувања на енергетскиот пазар и, следствено, до ублажување на санкциите против Русија поради глобалниот недостиг на енергија. Во овој случај, тие би можеле да продаваат повеќе и да заработуваат пари, но сега Русија се соочува со сериозни економски проблеми – истакна Зеленски.

Украинскиот претседател истакна дека војната во Иран влијае на енергетските пазари, го зголемува притисокот врз САД и Европа и создава дополнителни предизвици за Кина како можен посредник во конфликтот. Во исто време, сепак, Зеленски истакна дека продолжувањето на војната би можело да ја зајакне позицијата на Русија.

Зеленски рече дека Украина се соочува со акутен недостиг на ракети за системите за воздушна одбрана „Патриот“ и енергетски ресурси поради руските напади врз украинската инфраструктура.

Во исто време, тој прецизираше дека Украина преговара со земји како Норвешка и Романија за да обезбеди снабдување со природен гас, дизел и електрична енергија.

– Украина ќе има доволно резерви на природен гас за да обезбеди домашна потрошувачка, под услов да нема напади. Но, тие се спроведуваат и значителен дел од енергетската инфраструктура е веќе уништен. Затоа, алтернативата е со нашите партнери. Со Норвешка разговараме за природен гас, а со Романија за завршување на соодветната инфраструктура, како и за снабдување со природен гас и електрична енергија – објасни украинскиот претседател.

Тој додаде дека земјите од Блискиот Исток ќе можат целосно да го обезбедат недостигот на дизел за Украина.

The post РУСИЈА НЕ ИЗВЛЕЧЕ ГОЛЕМА КОРИСТ ОД ВОЈНАТА ВО ИРАН Зеленски тврди дека руската економија е на колена appeared first on plusinfo.mk.

Обединетите Арапски Емирати (ОАЕ) започнаа разговори со Соединетите Американски Држави за можноста за добивање финансиска поддршка во случај војната со Иран да предизвика огромна штета на нивната економија и позиција како глобален финансиски центар, пишува „Волстрит џурнал“.

Поради конфликтот, нафтената и гасната инфраструктура на Емиратите е оштетена, а продажбата на нафта на танкери преку Ормускиот теснец е спречена, лишувајќи ја земјата од клучен извор на приход во долари.

Според американските претставници, гувернерот на Централната банка на ОАЕ, Халед Мохамед Балама, ја претставил идејата за линија за размена на валута на секретарот за финансии Скот Бесент и на претставниците на Министерството за финансии и Федералните резерви на состаноците во Вашингтон минатата недела.

Емиратите нагласија дека досега ги избегнале најлошите економски последици од конфликтот, но дека можеби сè уште ќе им треба финансиска помош.

Разговорите ја одразуваат загриженоста на ОАЕ дека војната би можела да предизвика огромна штета на нивната економија и позиција како глобален финансиски центар. Главните ризици се осиромашувањето на девизните резерви и одливот на инвеститори кои некогаш ја сметале земјата за стабилно и безбедно засолниште за своите пари.

Официјалните лица на Емиратите сè уште не поднеле формално барање за таканаречената размена на валути, што би ѝ дало на Централната банка на ОАЕ евтин пристап до долари за поддршка на локалната валута или зајакнување на девизните резерви во случај на криза со ликвидноста. Во разговорите со американската страна, тој предлог бил опишан како прелиминарен и превентивен, според американските претставници.

Сепак, тие истакнаа дека одлуката на претседателот Трамп да го нападне Иран ја вовлекла нивната земја во разорен конфликт, чии последици можеби сè уште не се чувствуваат целосно.

Емиратите им кажале на своите американски колеги дека, во случај на недостиг на долари, може да бидат принудени да го користат кинескиот јуан или други валути за продажба на нафта и други трансакции.

The post ЕМИРАТИТЕ ОЧЕКУВААТ ФИНАНСИСКА ПОДДРШКА ОД САД Ако не ја добијат најавуваат свртување кон јуанот appeared first on plusinfo.mk.

Глобалната економија повторно влегува во период на сериозна неизвесност, а конфликтот во Иран веќе не е само геополитичко прашање, туку директен економски фактор. За разлика од претходните кризи, овој пат сигналите не се скриени. Тие се јасни: растечки енергетски ризици, нарушени синџири на снабдување и зголемен притисок врз цените.

Важно е да бидеме прецизни, цените на нафтата покажуваат нагорен притисок и висока волатилност, но не се во неконтролиран раст како во 2022 година (кризата во Украина) кога економиите биле доволно стабилни. Не станува збор за шок кој веќе експлодирал и треба да го регулираме, туку за шок што се акумулира постепено, додека економиите се веќе ослабени.

Тројниот притисок: енергија, инфлација, слаб раст

Следниот економски удар ќе дојде од комбинација на три фактори.

Прво, енергијата, доволно е да се наруши протокот низ клучни точки како Персискиот Залив за да се создаде нервоза на пазарите. Дури и без целосен прекин, самата неизвесност ги турка цените нагоре и ги прави нестабилни.

Второ, инфлацијата! Енергијата не останува како изолиран фактор, таа се прелева во транспорт, производство и на крај во храната. Ова значи нов инфлаторен бран, но овој пат во услови на веќе намалена куповна моќ (не како во 2022).

Трето, економскиот раст. Институции како Меѓународен монетарен фонд веќе предупредуваат на забавување. Комбинацијата од високи цени и слаб раст е најтешкото можно сценарио на стагфлација.

Европа: помеѓу реалноста и илузијата

Во ваков контекст, одговорот на Европа е, благо кажано, неуедначено (unevenly/not uniform). Наместо јасна стратегија, често се слушаат пораки кои звучат повеќе како кампања за штедење отколку како економска политика.

Претседателката на ЕУ, Урсула фон дер Лајен, изјави дека „најевтината енергија е онаа што не ја користите“. Во превод: останете дома, не возете, не трошете струја.

Ова можеби е порака за домаќинствата, но не и за економијата. Индустријата, фабриките и производствените сектори не можат да функционираат на принципот „не користете енергија“. Таквите пораки би требало да важат за владите да не трошат неефикасно а не за економските двигатели.

Дополнително, политичките сигнали од Брисел отвораат нови прашања. Дел од европските лидери, вклучително и Урсула фон дер Лајен и Каја Калас, отворено ја поздравуваат промената на политичката сцена во Унгарија, додека Володимир Зеленски исто така реагира позитивно.

Но за европските граѓани, прашањето е поинакво: дали ова значи уште поголем фискален товар, нови долгови и продолжување на скапи геополитички ангажмани? Сатирично кажано, ентузијазмот за политички победи не секогаш оди рамо до рамо со економска одговорност.

Енергетски ризик: сценарио што Европа не го контролира

Дополнителен удар доаѓа од глобалниот енергетски пазар. Катар, еден од најголемите извозници на течен природен гас, сигнализираше сериозни нарушувања, вклучително и суспензија на дел од испораките кон Европа.

Станува збор за околу 77 милиони тони LNG годишно, количина што не може лесно да се замени. Во ваков контекст, прашањето не е дали ќе има недостиг, туку кој и како ќе го покрие. Додека ЕУ прави проценка за алтернативно решение за обезбедување на течен природен гас (вклучувајќи купување повеќе гас од Русија), Русија воведува забрана за извоз на гас за наредните 4 месеци, почнувајќи од 1 април.

Во ваков случај, ЕУ ќе мора да купи 3 пати поскап течен природен гас од САД за да го компензира или за да го амортизира дефицитот.

Македонија: пасивен набљудувач на активна криза

Во оваа комплексна ситуација, Македонија останува во иста позиција, реагира, но не води.

Реалноста е:

– висока енергетска зависност

– ограничена индустриска база

– бавни институционални реакции

Наместо да се подготвува за следниот удар (за од прилика 14 дена од сега), економијата сѐ уште го апсорбира тековниот удар.

Што мора да се направи реално и веднаш?

Прво, потребно е итно намалување на изложеноста на енергетските пазари. Тоа значи долгорочни договори, зголемени резерви и минимизирање на зависноста од дневни ценовни шокови.

Второ, мора да се обезбеди ликвидност во економијата. Во криза, проблемот не е профитабилноста, туку преживувањето. Без брз пристап до финансии, компаниите стануваат први жртви.

Трето, социјалната заштита треба да биде таргетирана и прецизна. Поддршката мора да оди кон најранливите, без да се наруши функционирањето на пазарот.

Четврто, потребно е кратење на не-приоритетни јавни трошоци. Фискалниот простор мора да се зачува за моментот кога кризата ќе ескалира.

Петто, диверзификација на снабдувањето не смее да биде стратегија на хартија, туку итна акција особено за енергија, храна и суровини.

Шесто, домашното производство мора да се стимулира. Дури и ограничено зголемување може значително да го ублажи надворешниот шок.

И конечно, најважното, подготовка за најлошо сценарио. Енергетски прекини, ценовни скокови и нарушени синџири не се хипотези, туку реални ризици.

Прашањето е дали сме подготвени

Следниот економски шок веќе стигна, и се гради преку енергијата, инфлацијата и забавениот раст. Прашањето веќе не е дали ќе бидеме погодени, туку дали сме подготвени.

The post Следниот економски шок веќе започна: дали Македонија е подготвена? appeared first on plusinfo.mk.

Американскиот претседател Доналд Трамп изјави дека Куба е на работ на колапс, оти наскоро ќе падне и затоа бара договор со САД.

– Куба ќе падне наскоро – рече Трамп тој во телефонско интервју за американската телевизија Си Ен Ен во петокот.

Трамп додаде дека Хавана сака договор со Вашингтон.

– Тие сакаат да постигнат договор, па затоа ќе го испратам државниот секретар Марко Рубио таму и ќе видиме како тоа ќе функционира. Навистина сме фокусирани на ова во моментов. Имаме многу време, но Куба е подготвена, по 50 години – истакна Трамп.

Американскиот претседател и претходно има кажано дека Куба е пред колапс. На крајот на јануари, тој изјави дека „Куба е нација која е многу блиску до пропаст“.

Трамп тврдеше дека карипската држава добивала пари и нафта од Венецуела, но по интервенцијата на САД, тоа повеќе не е можно.

Тој најави и „пријателско преземање“ на Куба. Сепак, досега не се случила ниту анексија ниту колапс на земјата.

Односите меѓу Хавана и Вашингтон се затегнати со децении. Во моментов, карипскиот остров е во најлошата економска криза од револуцијата на Фидел Кастро во 1959 година. Меѓу другото, има недостиг на гориво, поради блокадата на испораките на нафта од Венецуела.

The post КУБА НАСКОРО ЌЕ ПАДНЕ Трамп тврди дека карипската држава бара договор со САД appeared first on plusinfo.mk.

Американскиот државен секретар Марко Рубио води тајни разговори со Раул Гилермо Родригез Кастро, внукот и старателот на остарениот поранешен кубански претседател Раул Кастро, додека САД вршат притисок врз режимот во Хавана со санкции и блокада за увоз на нафта, изјавија три извори запознаени со разговорите.

– Не би го нарекол ова ’преговори’ туку повеќе ’дискусии’ за иднината – изјави за Аксиос висок функционер од администрацијата на Трамп.

Фактот дека разговорите меѓу Рубио и внукот на Кастро ги заобиколуваат официјалните канали на кубанската Влада покажува дека администрацијата на Трамп го гледа 94-годишниот револуционер како вистинскиот носител на одлуки на комунистичкиот остров.

– Нашиот став, ставот на американската Влада, е дека режимот мора да си оди – рече изворот.

Извор запознаен со разговорите, исто така, рече дека како точно ќе изгледа заминувањето на кубанскиот режим зависи од американскиот претседател Доналд Трамп и дека тој „сè уште не одлучил“ за тоа и дека „Рубио сè уште е во преговори со внукот“.

Изворот, исто така, рече дека советниците на Трамп, покрај помладиот Кастро, разговарале и со други влијателни Кубанци, но дека тој се смета за најважната личност на островот со кого треба да се негуваат врските.

Еден извор рече за внукот на Кастро дека „тој е зеницата на окото на неговиот дедо“, додека ги опиша неговите разговори со Рубио како „изненадувачки“ пријателски.

Се проценува дека ако се постигне договор со САД, некои членови на семејството Кастро, вклучувајќи го и Раул Кастро, можеби нема да бидат принудени на егзил.

Досега, Рубио не разговарал со официјалниот лидер на Куба, претседателот Мигел Дијаз-Канел Бермудез, ниту со други високи функционери, бидејќи САД ги перцепираат како „апаратчици“ на Комунистичката партија кои не се во можност да предвидат и да преговараат за промени во Куба, изјави друг извор запознаен со размислувањето на тимот на Трамп.

Запрашан за разговорите меѓу помладиот Кастро и Рубио, кубанската Влада му соопшти на Аксиос дека „нема дијалог на високо ниво меѓу Владата на САД и Куба“.

„Нема ниту дијалог на средно ниво. Имаше размена на пораки. Она што постои се вообичаените разговори што се водеа во подолг временски период, или дури и помалку од тоа. До пред една година, имавме редовни дијалози на ниво на високи функционери со Стејт департментот. Денес, ова повеќе не постои“, се наведува во соопштението.

Стејт департментот не оспорува дека Рубио разговарал со внукот на Кастро, но портпаролот одби да разговара за таа тема или да даде коментира.

Американскиот претседател во понеделникот потврди дека има разговори со Куба.

– Куба е пропадната нација во моментов и тие дури немаат ни авионско гориво за летање. Во моментов разговараме со Куба… и тие апсолутно треба да постигнат договор – им рече Трамп на новинарите во претседателскиот авион.

Еден од изворите рече дека Трамп во моментов посветува повеќе внимание на решавањето на војните во Иран и Украина отколку на решавањето на проблемот со Куба, каде што Рубио сè уште разработува опции.

The post ТРАМП БАРА СМЕНА НА РЕЖИМОТ ВО КУБА Рубио во тајни преговори со внукот на Кастро appeared first on plusinfo.mk.

Америка влегувала во зона на тивка паника, предупредува милијардерот Илон Маск во ново подкаст-интервју. Еден од најбогатите луѓе на планетата тврди дека финансискиот колапс на САД станува неизбежен доколку вештачката интелигенција и роботиката не ја преземат улогата на економски мотор.

Во интервјуто пренесено од Форбс милијардерот отворено зборувал за експлозијата на јавниот долг и за ограничениот маневарски простор на федералната држава.

Долгот што јаде сè пред себе

Маск нагласува дека јавниот долг на САД достигнува околу 38,5 трилиони долари. Само каматата, според него, чини близу 1 трилион долари годишно. Таа сума веќе го надминува буџетот на американската армија и трошоците за клучни социјални програми.

Таквата динамика, според Маск, не може да се сопре со класични фискални алатки.

ДОГЕ и битката со расипништвото

Зборувајќи за својата улога во Одделот за владина ефикасност, познат како ДОГЕ, Маск објаснувал дека агресивното кратење трошоци не било идеолошка одлука, туку обид да се купи време. Тој признава дека процесот бил болен и дека имало грешки, вклучително и отпуштања по кои дел од клучниот кадар морал повторно да се вработи.

Сепак, суштината, според него, била спречување на фискална спирала без излез.

„Без АИ сме готови“

Во најостриот дел од разговорот, Маск директно вели дека без масовна примена на вештачка интелигенција и роботика, САД би „банкротирале 1.000 проценти“.

Според него, само овие технологии можат драматично да ја зголемат продуктивноста, да создадат нова вредност и да овозможат долго сервисирање на долгот без целосен колапс на државните финансии.

Американскиот претседател Доналд Трамп најави зголемување на воените трошоци на 1,5 трилиони долари годишно. Таквиот чекор, барем краткорочно, може повторно да го надмине износот на каматите по долгот. Маск, сепак, смета дека тоа било само одложување, не и решение.

Дeфлација е новата закана за САД?

Иако технолошкиот бум би можел да го зголеми производството, Маск предупредувал на сериозен ризик од дефлација. Брзиот раст на понудата на стоки и услуги, без соодветно зголемување на паричната маса, можел дополнително да го отежне сервисирањето на долгот во реални услови.

Експертите додаваат дека инфлацијата краткорочно помага, но потоа ги зголемува приносите на обврзниците и ги крева каматните трошоци.

Резервна валута – последен штит

Соединетите Американски Држави сè уште имаат предност бидејќи доларот останува светска резервна валута. Тоа ѝ овозможува на државата да позајмува по пониски каматни стапки и ѝ дава простор на централната банка да интервенира преку откуп на обврзници.

Сепак, Комитетот за одговорен федерален буџет предупредил дека земјата се движи кон повеќе можни фискални кризи доколку насоката не се смени.

The post 📽️ „БЕЗ АИ, АМЕРИКА 1.000% ЌЕ БАНКРОТИРА“ Според Маск, само роботите можат да ги спасат САД appeared first on plusinfo.mk.

Претседателот на САД, Доналд Трамп, оцени дека Куба се движела кон пропаст, откако останала без клучната финансиска и енергетска поддршка од Венецуела.

При посетата на сојузната држава Ајова, Трамп изјавил дека социјалистичката карипска држава порано добивала пари и нафта од Венецуела, но дека таа поддршка веќе пресушила.

– Куба навистина е нација која е многу блиску до пропаст. Социјалистичката карипска држава порано ги добиваше своите пари и нафта од Венецуела. Но, повеќе не ги добива – изјави Трамп.

По настаните од почетокот на годината, кога американските сили го уапсија претседателот на Венецуела, Николас Мадуро, администрацијата на Трамп ја заостри реториката против комунистичката власт во Куба.

Трамп ја повика Куба да склучи договор „пред да биде предоцна“.

Односите меѓу Хавана и Вашингтон се тензични со децении. Куба сега се соочувала со најтешката економска криза од револуцијата на Фидел Кастро во 1959 година и се борела со сериозен недостиг на гориво.

Иако испораките на венецуелска нафта се намалувале со години и делумно се надополнувале од Русија и Мексико, кубанската економија би можела целосно да се распадне доколку САД целосно ја стопираат венецуелската нафта за Куба.

The post СОЦИЈАЛИСТИЧКА КУБА ДА ПОТПИШЕ ПРЕД ДА БИДЕ ПРЕДОЦНА Трамп вели дека Хавана останала без пари и без нафта appeared first on plusinfo.mk.

Американскиот воздушен сообраќај се соочува со најголемата криза во последната деценија. Поради блокадата на федералната влада и недостигот од финансирање, илјадници контролори на летови и службеници за безбедност работат без плата, што веќе предизвикува масовни доцнења и откажувања на летови низ земјата.

Министерот за сообраќај Џон Дафи изјави дека администрацијата на претседателот Доналд Трамп ќе го затвори целиот американски воздушен систем ако се процени дека ситуацијата станала небезбедна.

– Ќе го затвориме целиот воздушен простор ако процениме дека ситуацијата е ризична. Нема да дозволиме луѓето да патуваат додека не бидеме сигурни во безбедноста, рече Дафи за CNBC, додавајќи дека моментално има „значителни доцнења“ на летови и „зголемен ризик“ поради блокадата.

Блокадата, која трае повеќе од еден месец, ги остави без редовни примања околу 13.000 контролори на воздушен сообраќај и над 50.000 службеници на Агенцијата за безбедност на транспортот (TSA). Дел од нив не доаѓаат на работа поради замор, боледувања или финансиски притисок, што доведе до сериозен недостиг на кадар во најпрометните аеродроми, меѓу кои Њујорк, Атланта и Лос Анџелес.

Извршниот директор на „United Airlines“, Скот Кирби, предупреди дека блокадата веќе влијае врз резервациите и патничкиот сообраќај, особено со приближувањето на празничната сезона.

Според податоците на американските медиуми, доцнењата на летови се дури десет пати почести отколку во нормални услови, а дел од контролните центри работат со само половина од потребниот број контролори.

Иако Меѓународната асоцијација за воздушен транспорт (IATA) уверува дека засега нема сериозни безбедносни инциденти, експертите предупредуваат дека системот работи на раб на издржливост и дека секое продолжување на блокадата може да доведе до целосен застој на авионскиот сообраќај.

Дафи нагласи дека нема намера да отпушта контролори кои се на боледување.
– Тие се обидуваат да ги издржуваат своите семејства. Ќе ги замолам сите да се вратат на работа, додаде тој.

Сојузните власти најавуваат дека приоритет ќе биде враќањето на стабилноста во воздушниот систем, но без политички договор за финансирање – ризикот за целосен застој на летовите останува реален.

The post НА ПОВИДОК Е ЦЕЛОСЕН КОЛАПС НА АВИОСООБРАЌАЈОТ ВО САД! Блокадата на федералната влада ги остави аеродромите без контролори appeared first on plusinfo.mk.

Како што предупредуваат група врвни економисти, големината на британските долгови, во комбинација со високата инфлација и даноци, значи дека земјата повеќе не може да ја зема здраво за готово својата финансиска стабилност, објави британски „Телеграф“.

Според весникот, Британија одамна тргна по погрешен пат. Маргарет Тачер се спротивставила на задавувачкиот консензус по Втората светска војна и на тој начин поставила основа за долг период на силен раст, и покрај бескрајните обиди на нејзините внатрепартиски противници да ја поткопаат. Но, вистинскиот распад започнал во 1997 година, кога Лабуристите дошле на власт, а наредните 28 години се одликувале со бавно, но сигурно поткопување на конкурентноста и на темелите на некогашната динамична пазарна економија, се вели во анализата на весникот.

Социјалната помош повеќе личи на прототип за универзален основен приход

Системот за социјална помош сè повеќе личи на прототип на универзален основен приход отколку на механизам за поддршка на најзагрозените. Сметките за социјални давачки за лица во работоспособна возраст надминаа 123 милијарди фунти годишно, при што еден од 10 луѓе прима директна парична помош од државата, според „Телеграф“.

Весникот коментира дека британскиот јавен сектор се соочува со сериозни проблеми. Националниот здравствен систем денеска има огромни финансиски побарувања без соодветни резултати, а продуктивноста се вратила на нивото од пред повеќе од една деценија.

Даночниот товар расте

Дополнително, даночниот товар постојано расте – најбогатите 10% граѓани плаќаат околу 60% од вкупниот данок на доход, што според анализите создава систем кој обесхрабрува работа, инвестиции и наследување. Тоа резултира со најниска стапка на капитални инвестиции меѓу земјите на Г7, коментира „Телеграф“.

Весникот наведува дека и планскиот систем го ограничува развојот, со години не се изградени нови резервоари или автопати, а бирократските процедури ја кочат изградбата на домови и на фабрики. Дополнителни слабости се гледаат во миграциските политики и во монетарното управување, кое не успеало да ја запре инфлацијата.

Анализата предупредува дека е потребна сериозна економска реформа – намалување на јавните трошоци, дерегулација, реформа на даночниот систем и поефикасно финансирање на здравството – со цел Британија да избегне сценарио слично на Аргентина која од некогаш богатa земја западна во хронична економска криза, тврди весникот.

Гардијан: Економската состојба на Велика Британија не може да се одржи на долг план

Економската состојба на Велика Британија е долгорочно неодржлива, предупредува британската Канцеларија за буџетска одговорност (ОБР), објави британски Гардијан.

Ако сегашната фискална политика остане непроменета, државниот долг може да се искачи на 270 % од БДП до 2070 година, значително од денешните состојби под 100 %. Во споредба со 36 развиени економии, Британија моментално има шести најголем долг, петти најголем дефицит и трети највисоки трошоци за задолжување

Главните ризици доаѓаат од 3 клучни извори: растечките трошоци за државните пензии, клучните трошоци поврзани со климатските промени и зголеменото задолжување, според податоците на ОБР.

The post БРИТАНИЈА НА РАБОТ НА СИРОМАШТИЈА?! Инфлацијата, долговите и лошата миграциска политика ја туркаат земјата во криза, тврди „Телеграф“ appeared first on plusinfo.mk.

Николоски потсети дека пратеничката група на ВМРО-ДПМНЕ поднесе сет закони и законски измени со кои предлагаме мерки за намалување на енергетската криза и економската сиромаштија.

– За жал не гледаме голема респонзивност и затоа најдобар начин да се реши оваа криза се брзи предвремени избори, најдоцна пролет 2023 година. Затоа што не смееме да заборавиме дека кризата ќе е малку подолга, и дека доаѓа уште потешка зима, а тоа е зимата во 2023 година.

Ако оваа година некои од земјите успеаја да ги наполнат резервите со гас и колку толку да има некакво производство на електрична енергија, со вакви високи цени сепак го има, големо прашање е што ќе се случува во текот на 2023 година и затоа не смее неспособна влада која нема одговори за економските проблеми на граѓаните да остане на власт цела година – рече Николоски.

Тој рече дека премиерот Димитар Ковачевски и владата на СДСМ и ДУИ знаат дека на сите анкети на испитување на јавното мислење, ВМРО-ДПМНЕ води со повеќе од два спрема еден, а го чувствува и разочарувањето на народот од владејачката гарнитура и затоа бегаат од распишување предвремени парламентарни избори.

Доколку Ковачевски и СДСМ, рече Николоски, се сигурни дека ќе победат на следните избори, еве да ги закажеме најдоцна на пролет 2023 година, може да бидат во месеците март или април, најдоцна во мај и да видиме кој ќе победи на тие избори.

За случајот со издадениот пасош на украинскиот бизнисмен Онишченко пратеникот Николоски рече дека е нарушена безбедноста на Македонија и загрозен е меѓународниот имиџ на земјата, па затоа треба да има одговорност на три нивоа, кај Димовски, Спасовски, како и кај премиерот Ковачевски

– Јас тврдам дека основна причина зошто овој пропуст се случи е неспособноста и корупцијата. Безбедносните служби се полни со луѓе кои се неспособни и луѓе кои се длабоко корумпирани. Наместо да се занимаваат со заштита на уставно-правниот поредок на Македонија, се занимаваат со криминал, со уценување бизнисмени и со следење на опозицијата. Затоа ги донесоа безбедносните служби да бидат на потсмев, но исто така и да ја загрозат безбедноста на Македонија и меѓународниот имиџ – изјави Николоски.

The post АКО СТЕ СИГУРНИ ВО ПОБЕДА, РАСПИШЕТЕ ГИ ИЗБОРИТЕ НАПРОЛЕТ! Николоски од ВМРО-ДПМНЕ го предизвикува премиерот Ковачевски appeared first on plusinfo.mk.