Претседателката на Европската комисија, Урсула фон дер Лајен, денеска во Европскиот парламент ја повика Европа да се обедини во услови на глобална нестабилност и закани за демократијата. Во обраќањето, таа нагласи дека единството е клучно за економската, безбедносната и општествената стабилност на Унијата.

Фон дер Лајен предупреди дека светот се наоѓа во најнесигурната фаза во последниве децении, а противниците на ЕУ се обидуваат да создадат поделби и да ги искористат тие конфликти против Унијата.

– Светот е во хаотичен и заканувачки пејзаж. Европските граѓани очекуваат од нас да испорачаме резултати, да ја заштитиме демократијата, индустријата и општествениот модел – рече претседателката.

Таа истакна дека руската пропаганда, како и дезинформациите во Европа, се насочени кон слабеење на решителноста на земјите-членки и нарушување на солидарноста.

Фон дер Лајен потсети дека ЕУ мора да реагира заедно на клучните прашања – од одбранбената подготвеност, преку економската конкурентност и создавањето работни места, до заштитата на демократијата и општествата.

– Нашата порака е јасна: Европа стои заедно и заедно испорачува. Ова е момент кога сите ние мораме да преземеме одговорност – рече таа.

Претседателката на Европската комисија истакна дека актуелната состојба бара внимание кон прашања како Украина, Газа, трговијата со САД, економската безбедност, трошоците за живот, климатските промени и безбедноста на храната. Таа ја потврди посветеноста на Комисијата да обезбеди одговори на сите овие прашања во координација со Европскиот парламент.

– Верувам дека ова е заедничка одговорност. Европските лидери и Комисијата мораат да работат заедно за да испорачаат конкретни резултати за граѓаните кога е најважно – додаде Фон дер Лајен.

Обраќањето на Урсула фон дер Лајен е во контекст на иницијативите за изгласување недоверба на Европската комисија, поднесени од групите „Патриоти за Европа“ и Левица, кои ја критикуваат Комисијата за дел од политиките и управувањето на ЕУ.

The post ЕВРОПА НА РАБОТ НА ХАОС, ПРЕДУПРЕДУВА ФОН ДЕР ЛАЈЕН Претседателката повикува на единство под притисок на недоверба appeared first on plusinfo.mk.

Според неименуван извор, новиот нацрт е речиси договорен и Украина чека одговор од САД.

„Ставот на САД ќе биде дека тие кои негативно дејствувале кон Украина во војната не би требале да имаат корист од нејзината обнова. Текстот на договорот не е финализиран и сè уште би можел да се менува“, вели неименуваниот извор.

Според него, САД наместо воени гаранции нудат „гаранција за економска безбедност“.

Украина инсистираше на официјални американски безбедносни гаранции во договорот за минералите и покрај тоа што Вашингтон ја отфрли таквата опција, наведе неименуваниот извор.

Администрацијата на Трамп неколку пати повтори дека за украинската безбедност првенствено треба да се грижи Европа.

The post НЕМА ГАРАНЦИИ ЗА ВОЕНА, ТУКУ ЗА ЕКОНОМСКА БЕЗБЕДНОСТ Објавени првите детали од новиот договор меѓу САД и Украина appeared first on plusinfo.mk.