Одмор на Халкидики завршил трагично за 84-годишна туристка од Србија, која починала по давење во морето на централната плажа во Ханиоти.

Според информациите што ги пренесуваат грчките медиуми, жената по давењето доживеала срцев застој.

Двајца спасители на плажата веднаш ѝ укажале прва помош и почнале кардиопулмонална реанимација. Биле употребени и дефибрилатор и медицински кислород.

На помош пристигнал и доброволниот спасувач Јоанис Колокитас, а набргу потоа и екипа на грчката Итна медицинска помош ЕКАБ.

Спасувачите и медицинските екипи продолжиле со обидите за реанимација користејќи ги достапните медицински средства.

И покрај интервенцијата, 84-годишната жена не дала знаци на живот и обидите да биде спасена биле безуспешни.

The post 84-ГОДИШНА СРБИНКА СЕ УДАВИ ВО ХАНИОТИ Спасувачите се обиделе да ја оживеат со дефибрилатор и со кислород appeared first on plusinfo.mk.