Светскиот тенор Хозе Карерас заедно со македонските музички ѕвезди ја запеа „Едно име имаме“ пред преполниот Плоштад Македонија во Скопје, во еден од најемотивните моменти на големиот концерт по повод 35 години независност на Македонија.

Светски познатиот тенор застана заедно со македонските изведувачи, а кога започна изведбата на „Едно име имаме“, целиот плоштад се претвори во голем хор.

Публиката со овации ја проследи заедничката изведба, која беше еден од највпечатливите моменти на свечената вечер.

Карерас вечерва настапи на Плоштад Македонија во срцето на Скопје, пред илјадници граѓани, како главна ѕвезда на концертот организиран по повод 35-годишнината од независноста на државата.

Пред настапот на Карерас, публиката уживаше во настапите на голем број македонски музички имиња.

На сцената настапија Влатко Стефановски, Каролина Гочева, Калиопи, Ана Дурловски, Игор Дурловски, Наум Петрески и Сузана Спасовска, а дел од најавениот состав беа и Маја Оџаклиевска и Миле Кузмановски.

Македонските изведувачи настапија во придружба на Македонската филхармонија, со повеќе од 60 музичари.

Првиот дел од концертот беше специјално подготвен за одбележувањето на 35 години независност, со нови оркестрации и аранжмани на маестро Николче Мицевски.

Со Македонската филхармонија диригираше Сашо Татарчевски.

Потоа сцената му припадна на Карерас, кој пред скопската публика го претставува својот препознатлив репертоар.

Сепак, моментот кога светскиот тенор заедно со македонските ѕвезди ја запеа „Едно име имаме“ несомнено беше еден од моментите што ќе останат запаметени од вечерашниот концерт.

The post 📽️ КАРЕРАС ЈА ЗАПЕА „ЕДНО ИМЕ ИМАМЕ“ СО МАКЕДОНСКИТЕ ЅВЕЗДИ Плоштадот Македонија грмеше од овации, емотивен момент што ја крена публиката на нозе appeared first on plusinfo.mk.

Девојки од Грција не додржаа да ја слушнат македонската песна на Јанко Колумбиецот, пејач кој со својот бенд ја афирмира македонската култура.

Во последните денови, Јанко практикува да им се јавува на луѓе на интернет пеејќи песни од Македонија. Таа практика е позната кај повеќе инфлуенсери. Гостинот треба да погоди која е песната.

Но, девојките почнаа да покажуваат кисели лица штом Јанко ја запеа „Едно име имаме“ од познатиот Војо Стојановски.

Песната на покојниот Стојановски стана легендарна низ годините, откако дебитираше во 1999 година на Гоце Фест и беше наградена.

„Ние не сме Грци, Бугари ил Срби, чеда сме на Александар, гордост Македонска…“, почна Јанко.

Наскоро се појави црн екран од другата страна.

Јанко претходно имаше ваков видеоповик со група тинејџери од Грција на кои им рече дека „Дури и ние во Колумбија знаеме дека Македонија си е Македонија“.

• „ДУРИ И НИЕ ВО КОЛУМБИЈА ЗНАЕМЕ ДЕКА МАКЕДОНИЈА СИ Е МАКЕДОНИЈА“ Колумбиецот Јанко со песна им одржа лекција на Грците

Пејачот и неговиот бенд добија бројни пофалби од граѓаните на интернет, но и од фолк пејачи кај нас, повторно популаризирајќи народни или фолк песни кои се дел од македонската културна ризница.

The post 📽️ ГРКИНКИ НЕ ЈА ДОСЛУШАА ДО КРАЈ ПЕСНАТА НА ЈАНКО КОЛУМБИЕЦОТ „Едно име имаме, еден живот живееме…“ appeared first on plusinfo.mk.