Плакетата е за личности кои најмногу придонеле за регионална бизнис интеграција, а Комората ја доделува по повод 100 години од формирањето.

Со оваа награда на Заев му се оддава длабока почит за креирањето на регионалната иницијатива Отворен Балкан.

– Благодарам на Стопанската комора за честа што ни ја укажа на лидерите од овие три земји за Иницијативата „Отворен Балкан“, бидејќи само заедно сплотени регионално, можеме да направиме многу повеќе за економиите на сите земји дел од процесот, да обезбедиме поголема економска соработка, повеќекратно зголемување на размената што ќе придонесе за побрз развој на регионот и благосостојба за граѓаните – изјави Заев.

Тој порача дека како бизнисмен ќе продолжи да ги подржува сите иницијативи во рамки на процесот Отворен Балкан бидејќи истите влијаат на развојот на бизнисите, приходите во буџетите на државите и со тоа влијаат на економската перспектива на регионот на западен Балкан. Изрази и надеж дека и останатите земји од овие простори ќе се приклучат на Иницијативата за сите заедно да чекорат на зацртаниот пат кон Европската Унија.

„Зоран Заев во својот мандат како претседател на Владата на Република Северна Македонија во периодот 2017 – 2021 година, покренувајќи процеси од големо значење за нашата држава совршено добро разбра дека македонската економија без регионална димензија нема шанси за успех. Со тоа ги отвори видиците на нашите компании надвор од границите на државата, а пред се во соседните земји и остави аманет до сите нас, тој пристап да продолжи и понатаму водејќи сметка и за интересите на сопствената држава. Заев продолжува да ја развива и подржува иницијативата „Отворен Балкан“, сега од другата страна, од страната на бизнис секторот, како двигател на економијата кој води напред, се друго останува на историјата“, беше речено на доделувањето.

Стопанската комора – „комора на иднината и консултант на компаниите во бизнисот“, одлучи наградата на Заев да му ја додели на овој прв меѓународен саем за вино, храна и туризам, како дел од активностите кои редовно се одвиваат во рамки на иницијативата Отворен Балкан во насока на подигнување на степенот на регионална соработка и бизнис интеграција.

„ Досега имало повеќе иницијативи за натамошен регионален развој на овие простори, но сите завршиле неуспешно и се надворешни иницијативи. Отворен Балкан е концепт кој е подржан токму од внатре, од политичките лидери во земјите кои се дел од процесот, но уште повеќе од компаниите кои имаат нужна потреба за поблиска соработка, поврзување, заеднички настап на трети пазари, како интра-регионален процес од кој економски бенефит ќе има целиот регион. Искрените заложби како претседател на Владата на Република Северна Македонија со мандат од 2017 до 2021 година, заедно со претседателот на Република Србија Александар Вучиќ и премиерот на Република Албанија Еди Рама, за развивање и креирање на Иницијативата за единствен пазар преку создавање економска зона која дополнително ќе ги подобри политичките и економските односи и ќе ги зајакне врските меѓу народите и бизнисите, се препознаени и наградени од Стопанската комора и заслужуваат највисока почит“, нагласија од Комората.

Ваква награда во јуни, на самиот на Отворен Балкан во Охрид, им беше врачена и на српскиот претседател Александар Вучиќ, како и на македонскиот и на албанскиот премиер, Димитар Ковачевски и Еди Рама.

За присуството на Заев во српската претстолнина на Инстаграм се пофали српскиот претседател Александар Вучиќ, велејќи дека е горд што може да го угости поранешниот премиер кој е еден од основачите на Отворен Балкан.

„Посебно сум среќен што можев да го поздравам у угостам искрениот пријател и еден од основачите на Отворен Балкан, Зоран Заев, денеска во Белград“, напиша Вучиќ под заедничката фотографија со поранешниот премиер.

The post ЗАЕВ СЕ ПОЈАВИ НА САЕМОТ И ДОБИ НАГРАДА Стопанската комора му дава признание за креирањето на Отворен Балкан appeared first on plusinfo.mk.

Албанскиот премиер Еди Рама денеска изјави дека Северна Македонија треба без двоумење да го прифати новиот француски предлог, кој, според него, е исто така последен, а го отвора патот за отворање на преговори за Албанија и Северна Македонија.

На средба со новинарите, по Самитот на НАТО, што се одржа во Мадрид, Рама ги изнесе напорите вложени за постигнување договор со кој се отвора патот за официјалното отворање на преговорите.

Цело време, додаде тој, бев во контакт со францускиот претседател Емануел Макрон, кој, според него, заслужува голема благодарност и признание, затоа што тој лично го следел овој процес 48 часа, дури и по полноќ, разменил пораки со Рама.

– Според мое мислење, новиот предлог, кој е и последен, мора добро да го разберат во Северна Македонија, е целосно прифатлив предлог и владата, мнозинството, парламент, треба да го прифатат без двоумење. Општеството во Северна Македонија треба да се чувствува целосно ослободено затоа што ќор – сокакот е надминат и елиминирани се некои нијанси што го направија неприфатлив претходниот предлог – рече Рама.

Албанскиот премиер информираше дека водел конструктивен разговор со претседателот на Бугарија, Румен Радев.

– Многу е јасно за сите. Ние немаме проблем со Бугарија, нема загриженост за која било друга природа, освен загриженоста создадена од пристапот на Бугарија кон Северна Македонија и заложништвото на Северна Македонија и Албанија во процес што можеше да бидат многу повеќе цивилен и европски од Бугарија. Но, тоа е вода што помина под мостот и со затворање на процесот на разгледување од Северна Македонја на францускиот предлог, нема што да се додаде кога се однесува на Бугарија. Посакувам, во иднина да не минуваме патишта „Бугарија“, во други форми, како израз на искривување на духот за проширување – изјави Рама.

Албанскиот премиер вчера на социјалните мрежи објави дека и се дава можност на Северна Македонија за безусловен пристап и го отвора патот за официјален почеток на преговорите за членство на двете земји во Европската унија. Тој во објавата додаде: Им велам на браќата Македонци и Албанци во Северна Македонија: Прифатете!, напиша Рама.

The post НЕМА ПОТРЕБА ОД ДВОУМЕЊЕ Рама повика Скопје да го прифати францускиот предлог appeared first on plusinfo.mk.

Премиерот на Албанија, Еди Рама преку Твитер реагираше во врска со предлогот на француското претседателство за прашањето Бугарија-Северна Македонија.

Рама пишува дека и се дава можност на Северна Македонија за безусловен пристап и го отвора патот за официјален почеток на преговорите за членство на двете земји во Европската Унија.

– Последниот француски предлог, кој е и конечен, и дава можност на Северна Македонија за безусловен пристап и го отвора патот за официјален почеток на преговорите за членство на двете земји во Европската Унија! Им велам на браќата Македонци и Албанци во Северна Македонија: Прифатете! – напиша Рама.

The post РАМА СО ПОРАКА ПО ПРЕДЛОГОТ Браќа Македонци и Албанци во Македонија, прифатете! appeared first on plusinfo.mk.

Во интервју за Фајненшл Тајмс, албанскиот премиер Еди Рама рече дека демократијата во Албанија е во зародиш и додаде дека таа ќе достигне зрелост за многу кратко време, нагласувајќи дека Европската унија страда од амнезија, заборавајќи ја целта на своето постоење.

– Во Албанија владее тинејџерска демократија и, како и секој тинејџер, тој има проблеми, но расте и ќе достигне зрелост за кратко време. Но, ако Албанија е тинејџерка, Брисел страда од амнезија за тоа кој е, зошто постои, кои се целите и причината на нејзиното постоење. На крајот на краиштата, тоа е најголемата сила на добар дел од човештвото и се надевам дека брзо ќе се опорави, бидејќи без неа, светот би бил многу полошо место – рече Рама.

Тој ги отфрла обвинувањата од страна на опозицијата за нерегуларности на изборите и за заробена држава.

– Тие кои не знаат што да прават со слободата на говорот се жалат за недостиг на слобода, вели Рама.

Посочува дека одбивањето да се вклучат во политичките институции е оправдување за слабата перформанса на Демократската партија (ПД) и Движењето за социјалистичка интеграција (ЛСИ). Додава дека ПД ја подобрила својата позиција со гласови на грбот на ЛСИ.

– Опозицијата ја изгуби својата петта битка по ред- трипати на парламентарни и двапати на локални избори, бидејќи тие никогаш не биле добри губитници. Доколку сте еден лош губитник, не можеш да победиш – оценува Рама.

Нагласува дека сега е уште поодлучен да спроведе развоен план од 10 милијарди евра, со фокус на туризмот.

Планот опфаќа автопат покрај морското крајбрежје, туристичко пристаниште во Драч од две милијарди евра, што е највисока инвестиција во историјата на земјата, која ќе ја реализираат инвеститори од Дубаи, ОАЕ.

The post Рама: ЕУ страда од амнезија, се надевам брзо ќе се опорави appeared first on plusinfo.mk.

Нема „балканска рута“ на коронавирусот, исто како што не постои балканска мафија, ниту балкански земјотрес или балкански болести – ваквите изјави се за политички цели, изјави албанскиот премиер Еди Рама во интервју за германскиот весник „Билд“.

– Понекогаш политиката има потреба да користи вакви етикети за да ги стигне до луѓето, и, за жал, ова се случува се почесто. Секако, тоа нè растажува, но навикнати сме. Не е првпат. Мора да се справиме со тој стереотип и да вложиме напори да го надминеме, истакна Рама.

Во врска со зголемениот број на случаи на коронавирус во Германија и обвинувањата дека за тоа е виновна Албанија, Рама рече дека ниту една балканска земја не може да претставува закана, ниту за Германија, ниту за остатокот од ЕУ.

– Не е можно луѓето од овде да можат да влијаат врз бројот на заразени лица во голема земја како Германија, Франција или друга европска земја. Тоа е повеќе прашање на политика отколку реалност, затоа што бројките можат да се шпекулираат – оцени албанскиот премиер.

На прашањето, зошто во тој случај постои забрана за влез на балканските граѓани, Рама рече дека причината е постоењето на ЕУ и на не-ЕУ, пренесува БГНЕС.

– Тоа е едноставно. Во пракса, повторно се воспоставува поделба помеѓу ЕУ и не-ЕУ. Што се однесува до бројките, ќе повторам дека постојат природни причини за тоа и дека постои разумна претпазливост во Германија и во другите земји – заклучи албанскиот премиер.

The post Рама: Не постои „балкански“ коронавирус appeared first on plusinfo.mk.