Групата Г7 водечки индустриски развиени демократии денеска вети дека ќе ги засили напорите за сузбивање на епидемијата на ебола во Конго, повикувајќи се на зголемениот обем на меѓународни патувања поврзани со Светското првенство во фудбал на ФИФА.

„Милиони луѓе ќе патуваат ширум светот за бизнис и туризам, како и за да уживаат во Светското првенство чии домаќини се САД, Канада и Мексико во претстојните недели“, соопшти Г7 во заедничката изјава усвоена на самитот во Евијан, Франција. „Мораме да осигураме дека тие ќе можат да го направат тоа безбедно.“

Г7 наведе дека ќе ја засили координацијата меѓу националните власти, притоа „почитувајќи ги националните прерогативи“, и дека работи на усогласување на процедурите за патување, карантин и изолација за лицата кои неодамна престојувале во погодените региони.

Групата седум – Канада, Франција, Германија, Италија, Јапонија, Обединетото Кралство и Соединетите Држави – исто така ги повика организациите за одговор при кризи да ја подобрат координацијата и да избегнуваат дуплирање на напорите, со цел да се обезбеди најбрз и најефикасен можен одговор.

Покрај тоа, САД ќе свикаат состанок на министрите за надворешни работи на Г20 за да разговараат за дополнителни заеднички мерки и да обезбедат поширока финансиска поддршка за координиран глобален одговор, се вели во соопштението. Г20 вклучува поширока група на напредни економии и економии во развој во споредба со Г7.

Епидемијата на ебола во североисточниот дел на Конго влијаеше на Светското првенство на неколку начини, вклучувајќи го и барањето конгоанската фудбалска репрезентација да престојува надвор од својата земја 21 ден пред да отпатува за САД, со цел да ги исполни американските услови за карантин.

The post СВЕТСКОТО ПРВЕНСТВО ВО ФУДБАЛ ГО ЗГОЛЕМУВА РИЗИКОТ ОД ШИРЕЊЕ НА ЕБОЛАТА! Земјите од Г7 повикаа на засилени мерки за сузбивање на епидемијата appeared first on plusinfo.mk.

Во Демократска Република Конго се потврдени 344 случаи на ебола, а 60 пациенти починале од болеста, соопшти Светската здравствена организација.

Генералниот директор на СЗО, Тедрос Адханом Гебрејесус рече дека одговорот на епидемијата сè уште доцни, но дека здравствените служби „под водство на владата на ДР Конго, ја стасуваат епидемијата“.

Епидемијата на ебола од Конго се прошири и во соседна Уганда. Министерството за здравство на Уганда соопшти дека во земјата до вчера се потврдени 15 случаи на ебола.

Според податоците на Министерството за здравство на Уганда, од избувнувањето на епидемијата на ебола во земјата починал еден пациент.

The post 60 МРТВИ ОД ЕБОЛА ВО КОНГО, 344 ЗАРАЗЕНИ Одговорот на епидемијата сè уште доцни, предупреди СЗО appeared first on plusinfo.mk.

Првиот пациент кај кого беше потврден вирусот ебола во актуелната епидемија во ДР Конго е успешно излекуван и пуштен од болница, соопшти СЗО.

– ДР Конго соопшти дека еден пациент се опоравил и ја напуштил болницата – изјави Анаис Леганд, технички експерт на СЗО за вирусни хеморагични трески, на прес-конференција во Женева.

Таа појасни дека станува збор за првиот пациент со лабораториски потврдена ебола кој е отпуштен од центар за лекување, откако добил два последователни негативни теста.

– Ова е првиот пациент кој е отпуштен по два негативни теста – рече Леганд, додавајќи дека се очекува и други заразени лица успешно да закрепнат.

Светската здравствена организација и здравствените власти во Конго продолжуваат да ја следат состојбата со епидемијата и да преземаат мерки за спречување на ширењето на вирусот.

The post ПРВА ДОБРА ВЕСТ ОД КОНГО Излекуван пациент заразен со ебола appeared first on plusinfo.mk.

Демократска република Конго регистрираше 246 сомнителни случаи на ебола и 80 смртни случаи за кои се верува дека се предизвикани од варијанта позната како бундибугио, која се смета за многу смртоносна и за која нема вакцина ниту специфичен третман на заразените.

– Со овој сој, стапката на смртност е многу висока, може да достигне 50% – изјави министерот за здравство на Демократска Република Конго, Самуел-Роџер Камба.

Според него, тој сој на вирусот ебола што ја предизвика сегашната епидемија во Демократска Република Конго има многу висока стапка на смртност.

-Не постои вакцина ниту специфичен третман за сојот Бундибугио – рече Камба на прес-конференција во главниот град на Конго, Киншаса.

Еболата е тешка и често фатална вирусна болест што предизвикува висока температура, крварење и откажување на органите.

Земјата ја доживеа својата последна епидемија на ебола помеѓу август и декември 2024 година. Таа епидемија одзеде најмалку 34 животи во централниот дел од земјата.

Најсмртоносната епидемија во распространата централноафриканска земја со повеќе од 100 милиони луѓе резултираше со речиси 2.300 смртни случаи од вкупно 3.500 заразени помеѓу 2018 и 2020 година.

Еболата, која предизвикува многу заразна хеморагична треска, останува голема закана и покрај неодамна развиените вакцини и ефикасни третмани што постојат за еден вид на вирусот. Во Африка, однесе 15.000 животи во последните 50 години, а стапката на смртност за време на минатите епидемии се движеше помеѓу 25 и 90 проценти, според податоците од Светската здравствена организација (СЗО).

Ова е 17-та епидемија на ебола во ДР Конго откако болеста за прв пат беше идентификувана во 1976 година во Заир, тогашна Демократска Република Конго.

Други африкански земји, вклучувајќи ги Гвинеја и Сиера Леоне, беа погодени од ебола во последниве години.

The post НОВ СОЈ НА ВИРУСОТ ЕБОЛА ПРЕДИЗВИКУВА ВИСОКА СМРТНОСТ И СТРАВ Конго регистрираше 80 смртни случаи appeared first on plusinfo.mk.

Соседната држава на ДР Конго, Уганда, денеска потврди дека на територијата на земјата има жариште на смртоносниот вирус ебола, соопшти Министерството за здравство на африканската земја.

Надлежното министерство прецизираше дека станува збор за сојот бундибугјо.

Еден пациент починал од ебола на одделение за интензивна нега вчера, откако развил хеморагични симптоми.

Министерството за здравство на Уганда појасни дека заразата е пренесена од ДР Конго, каде се пријавени 246 сомнителни случаи и најмалку 65 смртни случаи.

ПОТВРДЕНА Е ЕПИДЕМИЈА НА ЕБОЛА ВО КОНГО Умреле најмалку 65 лица, 246 се заразени

The post И УГАНДА ПРОГЛАСИ ЖАРИШТЕ НА ЕБОЛА Опасната зараза е пренесена од Конго appeared first on plusinfo.mk.

Водечката африканска агенција за јавно здравје денеска потврди дека во покраината Итури, во Демократска Република Конго, избувнала епидемија на ебола.

Африканските центри за контрола и превенција на болести соопштија дека поради ситуацијата ќе одржат итен состанок, додека здравствените власти предупредуваат на ризик од понатамошно ширење.

Според првичните податоци, пријавени се околу 246 сомнителни случаи и најмалку 65 смртни случаи, најмногу во здравствените зони Монгбвалу и во Рвампара.

Не е најсмртоносниот сој

Агенцијата соопшти дека првичните анализи укажуваат на сој на вирусот што не припаѓа на Заир, најчестиот и најсмртоносен тип на ебола.

Во тек е дополнително секвенционирање за попрецизно утврдување на карактеристиките на вирусот.

– Постои ризик од понатамошно ширење поради урбаното опкружување и интензивното движење на населението – предупреди Африканскиот центар за контрола и превенција на болести.

Здравствените власти се особено загрижени поради мобилноста поврзана со рударските активности во регионот.

Смртоносен вирус

Еболата е тешка вирусна болест што често има фатален исход. Се пренесува преку директен контакт со телесни течности од заразени лица, контаминирани предмети или тела на починати пациенти.

Конго со години се соочува со периодични епидемии на ебола, а здравствените системи во делови од земјата остануваат под силен притисок.

The post ПОТВРДЕНА Е ЕПИДЕМИЈА НА ЕБОЛА ВО КОНГО Умреле најмалку 65 лица, 246 се заразени appeared first on plusinfo.mk.

Кинески научници создадоа смртоносен вирус користејќи гликопротеин пронајден во еболата. Новиот вирус што го создале уништил група хрчаци.

Истражувачите од Медицинскиот универзитет во Хебеј спроведоа студија на хрчаци, кои по добивањето на заразната болест и протеинот ебола што предизвикува ширење на вирусот, откриле дека развиле тешки системски заболувања слични на оние кои се забележани кај заболените од ебола, пишува Мирор.

Во студијата на кинеските научници објавена во „Science Direct“, откриен е особено непријатен симптом за хрчаците. Симптомот се манифестира во форма на красти на површината на очните јаболка, кои влијаат на нивниот вид.

Светската здравствена организација наведува дека еболата е ретка, но исклучително тешка болест која често е фатална кај луѓето. Се јавува кога вирусот влегува во телото преку исеченици на кожата или со допирање на очите, устата или носот.

Симптоми на еболата се треска, замор и главоболка. Истражувачите рекоа дека целта е да се репродуцираат симптомите на ебола во лабораторија за подобро да се разбере состојбата и да се спречи нејзиното ширење.

The post КИНЕЗИТЕ СОЗДАДОА НОВ СМРТОНОСЕН ВИРУС Mодифицираната ебола ja тестирале на животни appeared first on plusinfo.mk.

Светска здравствена организација денеска упати предупредување до шест африкански држави да бидат внимателни поради појавата на ебола во Гвинеја и во Демократска Републиак Конго.

– Веќе предупредивме шест околни држави, вклучително и Сиера Леоне и Либерија и тие брзо се подготвуваат и ги испитуваат потенцијалните инфекции – истакна портпаролката на СЗО, Маргарет Харис.

Но, таа не ги именува другите држави.

Харис посочи дека властите идентификувале речиси 300 контакти со заразени со ебола во ДР Конго и околу 110 во Гвинеја.

ДР Конго пријави избивање на болеста на 7 февруари, додека Гвинеја на 14 февруари пријави појава на болеста во југоисточниот дел на земјата.

– Не знаеме дали ова е последица на вирусот на ебола што опстојал кај луѓето или повторно имало трансмисија од животни – посочи Харис при тоа додавајќи дека се спроведува генетското секвенцирање за да се утврди потеклото на вирусот.

Во текот на последната епидемија на ебола во Западна Африка (2014 – 2016) во Гвинеја, во Либерија и во Сиера Леоне беа регистрирани 28.000 пациенти од кои 11.310 починаа. Минатата година во источниот дел на ДР Конго од ебола починаа 2.299 луѓе.

The post Шест африкански држави добија предупредување по појавата на ебола appeared first on plusinfo.mk.

Во Демократска Република Конго веќе има регистрирано 60 случаи на ебола, а погребите се посебна грижа за ширењето на болеста – објави денеска Светската здравствена организација (СЗО).

Извршниот директор на СЗО за итни програми, Мајкл Рајан, изјави дека во текот на викендот се откриени уште три случаи, што сочинуваат вкупно 56 потврдени и четири веројатни случаи во жариштето на заразата што избувна минатиот месец во провинцијата Екватор, јавија британските меидуми.

-Болеста е активна и не е под контрола, рече Рајан на виртуелниот брифинг во седиштето на СЗО во Женева, додавајќи дека погребните обичаи во земјата будат посебна загриженост.

The post Шеесетина случаи на ебола во Конго, опасност од пренесување на заразата од погребите appeared first on plusinfo.mk.

–  Во екот на пандемијата на коронавирусот важно е да не ги губиме предвид другите болести што се појавуваат – вели извршниот директор за операции на СЗО, Мајк Рајан.

Откако властите на 1 јуни ја прогласија епидемијата досега се потврдени 48 случаи во провинцијата Екватор, уште три се суспектни, а вкупно се умрени 20 лица – изјави Рајан.

–  Ова е многу активно жариште и јас би рекол дека имаме големи причини за загриженост, им изјави Рајан на новинарите, пренесува Хина.

Станува збор за голема географска област, која вклучува дел од реката Конго и во неа луѓето минуваат долги растојанија и заедниците се многу поврзани.

– Сите ги предупредувам дека сега, кога бројките се се уште мали, во екот на Ковид-19, многу е важно да не ги губиме предвид другите болести што се појавуваат –  рече Рајан.

Тој потсети на одделните жаришта во провинциите Северна Киву и Итури, во источно Конго, каде во мај што беше прогласен крајот на епидемијата на ебола. Во овие области досега се потврдени 3.463 случаи, а веројатно за две години починале 2.277 лица.

The post Покрај ковид-19 во Конго активна и ебола appeared first on plusinfo.mk.