Светската музичка ѕвезда Дуа Липа повторно се најде во центарот на вниманието на социјалните мрежи, но овојпат причината е сендвичот со плескавица, кој во описот на фотографијата на која таа ужива во 4 наутро јадејќи го, е претставен како „косовски сендвич“. Објавата брзо предизвика лавина реакции, особено во Србија, каде дел од корисниците ја обвинија дека присвојува дел од српската гастрономска традиција.

Критичарите тврдат дека плескавицата е еден од најпрепознатливите симболи на српската скара и дека нејзиното поврзување исклучиво со Косово претставува искривување на историските и кулинарските факти. Од друга страна, бројни корисници потсетија дека слични јадења постојат низ целиот Балкан и дека различни варијанти на плескавица, ќебапи и сродни специјалитети со децении се дел од локалните кујни во повеќе земји од регионот.

Во одбрана на Дуа Липа се вклучија и нејзини обожаватели, кои нагласуваат дека таа често го промовира своето косовско-албанско потекло и локалната гастрономија со која пораснала. Според нив, означувањето на сендвичот како косовски не мора да значи негирање на неговата распространетост во другите балкански земји, туку претставува опис на верзијата што се подготвува и консумира на Косово.

Ова не е првпат храната да стане причина за национални расправи на Балканот. Во минатото слични дебати се водеа околу ајварот, баклавата, бурекот, сармата и други јадења кои низ вековите се ширеле преку различни културни влијанија и денес се сметаат за дел од традицијата на повеќе народи. Ваквите спорови често се разгоруваат на социјалните мрежи, каде прашањата за идентитетот и културното наследство лесно стануваат предмет на жестоки дискусии.

Dua Lipa is having an average Kosovar summer.

She was filmed eating a traditional Kosovar sandwich (pleskavica) at 4:28 am.pic.twitter.com/gbWCu11yDz

— kos_data (@kos_data) August 2, 2026

Слични расправи на Балканот не се водат само околу храната, туку и околу музиката. На оваа тема е посветен и познатиот документарен филм „Чија е таа песна?“ на бугарската режисерка Адела Пеева, кој беше снимен во 2003 година. Во филмот, Пеева патува низ повеќе балкански земји во обид да го открие потеклото на една популарна мелодија, а речиси сите луѓе во земјите што ги посетува тврдат дека песната е токму нивна. Она што започнува како потрага по потеклото на една песна прераснува во интересна студија за националниот идентитет и за потребата на балканските народи да присвојуваат делови од заедничкото културно наследство.

The post 🎥 ЧИЈА Е ТАА ПЛЕСКАВИЦА? Дуа Липа предизвика полемики за потеклото на „косовскиот сендвич“ appeared first on plusinfo.mk.

Ќебапите се неизбежен дел од балканската култура и гастрономија, но нивната сочност и вкус кријат нутритивна страна што многу луѓе ја занемаруваат. Ви донесуваме детална анализа за тоа што се случува со вашето тело откако ќе изедете порција од вашето омилено јадење на скара и како да го консумирате без грижа на совест.

Ќебапите, обожавани низ целиот регион, се калорична бомба чиј состав варира во зависност од рецептот и начинот на подготовка, но основните нутритивни факти остануваат исти. Порција од само 100 грама може да содржи помеѓу 250 и 350 калории, што ги прави храна со многу висока енергетска вредност. Главните извори на калории се мастите и протеините, додека процентот на јаглехидрати е традиционално занемарлив, освен ако во смесата не се додадат полнила како што се лебните трошки. Иако се богат извор на протеини, со просек од 15 до 20 грама на 100 грама, што е клучно за раст и обновување на мускулите, загрижувачка е високата содржина на масти, која се движи од 15 до дури 25 грама.

Прочитајте повеќе на порталот „Арт кујна“.

The post САКАТЕ ДЕСЕТКА СО КРОМИД? Кога малите слатки ќебапчиња стануваат тивки убијци на вашето здравје? appeared first on plusinfo.mk.

– Има фрапантни сметки од 20.000 евра за две ќебапчилници и неверојатни, секојдневни и огромни сметки за кафани и кафулиња- вели Стоилковиќ.

Според јавно достапните податоци за набавки во Министерството за политички систем и односи меѓу заедниците  во 2023 година на тендер за угостителски услуги биле избрани две компании.

– Вкупната зделка е 1 180 000 денари што е приближно на спомнатите 20 илјади евра. Поголем дел од таа зделка добила фирмата „Пчела Ш.Е.Љ.“ која раководи со истоимена ќепабчилница и барбекју бар во Старата скопска Чаршија. Од предвидените пари (944 илјади денари) „Пчела“ испорачала храна во вредност од 532 037 денари. Втората фирма која била избрана на тендерот е „Далма кетеринг“, но таа не реализирала ниту еден денар од предвидените 220.000 денари.

Тендерот бил заклучен како реализиран и пријавен во Бирото за јавни набавки на 18 април оваа година. Тоа е само на 6 дена пред првиот изборен круг. Тендерот бил склучен на 15 март 2023 година и требало да заврши најдоцна на 15 март оваа година, но всушност е пријавен како реализиран, еден месец подоцна. Во тоа време, на три дена пред избори, на 21.04.2024 година  на иста сума (1.180.000 денари) е склучен нов договор меѓу Министерството и „Пчела“.

На 14 јуни 2024, Министерството платило две сметки на „Пчела Ш.Е.Љ.“ во вредност од 41.660 денари и од
16.852 денари. Овие 58. 512 денари (околу 900 евра) биле за 150 порции телешки ќебапи.

Стоилковиќ изјави дека во моментот се прави ревизија на трошоците по што извештајот ќе се разгледа на затворена владина седница.

– Сметките за ќебапи и кафани се само врвот на ледениот брег – изјави тој, додавајќи дека извештајот ќе биде разгледан на затворена седница.

The post ГРУБИ НЕ ИГРАЛ САМО ФУДБАЛ ВО ДРЖАВНИ ПРОСТОРИИ, ЈАДЕЛ И ЌЕБАПИ НА ДРЖАВНА СМЕТКА Во две скопски ќебапчилници Министерството со кое раководеше платило 20.000 евра appeared first on plusinfo.mk.

Српски пензионери од Лесковац се удираа со чадорите и се туркаа за свинска плешка од 400 динари, која е на акција во маркетот Лидл, пренесува порталот Решетка.

Неодамна, слична ваква тепачка имаше и за ќебапи на акција во Лидл-от во населбата Борча во Белград.

(ВИДЕО) АКО Е СКАПО – ПЛАЧАТ, АКО Е ЕВТИНО – ГРАБААТ! Тепачка за ќебапи во „Лидл“ во Србија

The post (ВИДЕО) ТЕПАЧКА ЗА СВИНСКА ПЛЕШКА ВРЕДНА 400 ДИНАРИ Втор инцидент во Лидл, овојпат во Лесковац appeared first on plusinfo.mk.

Тепачката, како што пишуваат српските медиуми, наводно избила поради ќебапи, односно поради ниските цени на овој продукт.

На снимките се гледа како една повозрасна жена се обидува да земе пакет ќебапи додека во исто време ги спречува другите да дојдат до месото.

Во продолжение, погледнете го видеото:

The post (ВИДЕО) АКО Е СКАПО – ПЛАЧАТ, АКО Е ЕВТИНО – ГРАБААТ! Тепачка за ќебапи во „Лидл“ во Србија appeared first on plusinfo.mk.

– Слушнав дека си се ставил на некаква ригорозна диета.

– Да, да, веќе три месеци ја практикувам.

– Ама каква е таа диета кога само што изеде 15 ќебапи?

– Изедов 15, ама сакав да изедам 30.

The post Диета со ќебапи appeared first on plusinfo.mk.