Македонските граѓани лани во странство најчесто онлајн плаќале патување, односно купувале авиобилети и плаќале резервации во хотели, покажува анализата на Асоцијацијата за е-трговија која се темели на податоците на Народна банка.

Според оваа анализа, граѓаните во странство потрошиле 427,8 милиони евра и направиле 12,4  милиони трансакции, што е за 50% повеќе од претходната година по вредност и 69% повеќе по број на трансакции.

Просечната трансакција изнесува 34 евра и е помала за 11% во однос на 2024 година. При тоа, 74% од вредноста и 83% од бројот на направените трансакции се во Ирска, Холандија, Обединето Кралство, САД, Унгарија, Германија, Кипар и Луксембург.

Најголема вредност на е-трансакции во Ирска, во износ од 92,1 милиони евра, со пораст од 173% во однос на минатата година, додека во Холандија е остварена вредност од 62,4 милиони евра и пораст од 49% во однос на минатата година.

Во Ирска е направен и најголем број односно 4,8 милиони е-трансакции, а потоа 2,1 милиони во САД, додека најголем годишен пораст на бројот на е-трансакциите во 2025 година е забележан во Германија скоро 650% и  во Кипар 263%. Пад е забележан во Луксембург на бројот на е-трансакциите од скоро 50% и во Обединетото Кралство од скоро 9%.

Највисока просечна вредност на е-трансакција Македонците оствариле во Унгарија од 152,2 евра, иако помалку од лани за 2,1%, додека во Луксембург направиле најниска просечна трансакција и истата изнесува 14,1 евра. Во 2025 година се забележува драстичен пад на просечната трансакција во Германија од скоро 70% која минатата година беше највисока и изнесуваше 214,2 евра.

-Ирска има најголемо учество и во вредноста и во бројот на трансакции, пред сè зашто таму се лоцирани европските операции на глобални компании како Amazon, Google, Meta и Apple, но дополнително и таму оди наплатата за купувањата од Temu, како и бројни дигитални услуги, апликации и subscription платформи. Веднаш потоа следи Холандија, како значаен е-commerce и логистички хаб во Европа, но и седиште на платформи како Booking.com, што ја објаснува нејзината силна позиција, особено во сегментот на патувања и резервации. САД имаат значајно учество, што е очекувано имајќи предвид дека таму се седиштата на дел од најголемите глобални платформи како Amazon, eBay, Netflix и други дигитални сервиси. Обединетото Кралство останува важен пазар поради развиената онлајн малопродажба и големиот број е-трговци кои директно продаваат на европските пазари – вели претседателката на Асоцијацијата Нина Ангеловска Станков.

The post МАКЕДОНСКИТЕ ГРАЃАНИ ЗА КУПУВАЊЕ ОНЛАЈН ВО СТРАНСТВО ПОТРОШИЛЕ 428 МИЛИОНИ ЕВРА Најмногу плаќале авиобилети и резервации во хотели appeared first on plusinfo.mk.

Македонските граѓани лани 950 милиони евра за купување на интернет, што е раст од 36% во однос на 2024 година, покажуваат податоците од извештајот на Асоцијацијата за е-трговија.

Повеќе од половина од парите или 470 милиони евра завршиле во касите на македонските- е-трговци. Кај нив пазареле и странци кои потрошиле 52 милиони евра во македонски е-продавници. Оли вкупно 522 милиони евра.

Вкупно 428 милиони евра македонските граѓани, меѓутоа потрошиле кај странски е-трговци што е раст од 45% во однос на 2024 година.

Бројот на вкупните онлајн трансакции изнесува 28,9 милиони, односно е за 32% поголем  во однос на 2024 година. Најизразен пораст повторно се забележува кај домашните картички кон странски е-трговци, со раст од дури 61%, што укажува на зголемена фреквенција на онлајн купувања, најчесто со пониска поединечна вредност.

Бројот на трансакции кај домашните е-трговци исто така расте, но со поумерено темпо односно остварени се 15 милиони трансакции што претставува пораст од 14% во однос на истиот период минатата година, додека странските иматели на картички кон домашните е-трговци оствариле 2 милиона трансакции односно пораст од 39% во однос на минатата година.

Просечната вредност на направените онлајн трансакции во 2025 година изнесува речиси 33 евра и е еднаква како и во 2024 година.

Просечната вредност остварена за купување со македонски картички од странски е-трговци се намалила за 10% и изнесува 34 евра, додека кај имателите на домашни картички кон домашните е-трговци се зголемила за 6% и изнесува 32 евра, а странските иматели кон домашните е трговци исто така ја зголемиле вредноста за 1% и изнесува 31 евро.

-Податоците за 2025 година јасно потврдуваат дека е-трговијата во Северна Македонија продолжува да бележи силен и динамичен раст. Особено значаен е порастот од 32% во вкупната вредност на онлајн трансакциите, што укажува на зголемена доверба на граѓаните во дигиталните канали за купување, но и на постепена зрелост на пазарот – вели претседателката на Асоцијацијата за е-трговија. Нина Ангеловска Станков.

Во 2025 година, согласно подaтоците на Народната банка има вкупно 1.829 трговци со виртуелни места на продажба, но активни е-продажни места се 1.396 односно 84 повеќе во однос на минатата година.

The post МАКЕДОНСКИТЕ ГРАЃАНИ ЛАНИ ПОТРОШИЛЕ 950 МИЛИОНИ ЕВРА ЗА ОНЛАЈН КУПУВАЊЕ Повеќе од половина од парите завршиле кај домашните е-трговци appeared first on plusinfo.mk.

Македонските  граѓани онлајн-купувачи најмногу купуваат облека и плаќаат претплати за интернет и мобилни услуги, но мал дел од нив купува храна, електроника и апарати за домаќинство – покажува прегледот на е-трговијата во Западен Балкан за 2025 година, изработен од Асоцијацијата за е-трговија, во кој се споредуваат со податоците од Евростат, за првото тримесечје од 2024 година.

Според овие податоците, 63,2% од македонските интернет-корисници купуваат онлајн, што ја позиционира земјава подобро од другите балкански соседи, освен Србија (65%), но сепак е под европскиот просек од 76,6%.

Речиси 74% правеле нарачки за облека, обувки и модни додатоци, што ја прави модата убедливо најдоминантната категорија, со што државата е над европскиот просек.

Само 7,7% од македонските онлајн-купувачи нарачуваат лекови или додатоци во исхраната, како што се витамини, наспроти 48,3% во Шведска и 36,6% во Грција. Исто така, онлајн-купувањето електроника и апарати за домаќинство е исклучително ниско, само 2,3%, а храната и пијалаците ги купуваат онлајн само 7,6% од купувачите

За разлика од нарачките во категоријата мода, купувањето други производи од страна на македонските интернет-купувачи останува значително ограничено, односно 25,3% купиле спортска опрема, 21,8% козметика, убавина или велнес-роизводи, мебел, 12,4% домашни и градинарски производи, 11,4% купиле компјутери, таблети, мобилни телефони или додатоци, а 9,1% детски играчки и производи за нега на деца. Особено ниска е застапеноста на онлајн-купувањето кај средствата за чистење и лична хигиена (7,9%), лековите и додатоците во исхраната (7,7%), храната и пијалаците (7,6%), како и електрониката и апаратите за домаќинство (2,3%).

Во делот на услугите, 44,1% од онлајн-купувачите платиле интернет или мобилни услуги онлајн, речиси двојно повеќе од европскиот просек од 22,4%. Исто така 33,7% платиле комунални услуги, исто така надминувајќи го европскиот просек од 13,2%, 18,3% од интернет-купувачите направиле резервација за транспорт, 15,5% за хотели, а платените дигитални содржини остануваат слабо застапени, со само 1,4% претплати за музички стриминг.

The post ОНЛАЈН НАЈМНОГУ КУПУВАМЕ ОБЛЕКА Но, по онлајн плаќање мобилни услуги сме далеку над европскиот просек appeared first on plusinfo.mk.

Македонија чекори кон вистинска дигитална револуција. Само во последниот месец преку државната Платформа за интероперабилност се реализирале над 2,6 милиони дигитални трансакции, раст од 260 проценти во однос на минатата година, што ја позиционира земјата меѓу водечките во регионот.

Овие податоци денеска ги соопшти министерот за дигитална трансформација Стефан Андоновски на отворањето на осмата Регионална конференција за е-трговија, што се одржува во организација на Асоцијацијата за е-трговија на Македонија (АЕТСМ).

– Покажуваме дека со Дигиталниот самит на Западен Балкан 2025 и со оваа конференција, Скопје го поставуваме на мапата на градови во регионот каде што се дискутираат најважните теми за дигитализацијата во јавната администрација, приватниот сектор и поттикнување иновации – изјави Андоновски.

Тој истакна дека Владата веќе реализира видливи резултати.

– Повеќе од 76 институции и приватни компании се „закачени“ на Платформата за интероперабилност. Првпат се вклучени и над 10 приватни компании, најмногу од банкарскиот и „финтек“ секторот. На ред се и осигурителните компании. Со оваа услуга обезбедуваме полесна, побрза и бесплатна размена на податоци – објасни министерот.

Андоновски додаде дека Владата ја поддржала иницијативата со над еден милион евра преку формирање на првиот европски дигитален иновациски хаб во земјата, центар што обединува државни институции, академијата и приватниот сектор.

– Хабот нуди лаборатории, тестирања, обуки за употреба на вештачка интелигенција и услуги за дигитална трансформација на малите и средните компании. Апелирам што повеќе компании да ги искористат овие можности – порача Андоновски.

– Да продолжиме Скопје да го поставуваме на мапата на регионалниот развој – додава тој.

Претседателката на АЕТСМ, Нина Ангеловска Станков, најави дека годинава конференцијата бележи рекорден интерес.

– Имаме над 850 регистрирани учесници, од кои повеќе од 20 проценти се од Балканот. Темата оваа година е „Fasten The Future“, а во фокусот е вештачката интелигенција која е двигател на е-трговијата – рече Ангеловска Станков.

Таа додаде дека на конференцијата учествуваат 25 говорници од над 10 земји, меѓу кои претставници од познати глобални компании.

Со ваквиот динамичен развој, Македонија полека, но сигурно го зазема своето место на дигиталната мапа на регионот, а компаниите добиваат можности што досега ги имале само во развиените европски држави.

The post 2,6 МИЛИОНИ ДИГИТАЛНИ ТРАНСАКЦИИ ВО ЕДЕН МЕСЕЦ Македонија го забрзува влезот во дигиталната ера со рекорден раст на е-трговијата appeared first on plusinfo.mk.

Во првата половина од годинава вредноста на вкупните трансакции направени кон е-продажни места од Македонци дома и во странство, како и од иматели на странски картички изнесува 456 милиони евра, што претставува пораст од 34,3% во однос на истиот период минатата година, покажува анализата на Асоцијацијата за е-трговија (АЕТМ).

Кон македонските е-трговци биле направени онлајн трансакции во вредност од 255,1 милиони евра од домашни и странски иматели на платежни картички, односно остварен е пораст од 21,4%. При тоа од македонски иматели на платежни картички кон домашните е-трговци направена е вредност од 231 милиони евра, што претставува пораст од 19,7%, додека од странци направена е вредност од  24 милиони евра со пораст од 40,8% во однос на истиот период минатата година.

Од друга страна, Македонците во странство направиле онлајн трансакции во вредност од 201 милиони евра односно 55,1% пораст во однос на истиот период минатата година.

– Трендот на растот на трансакциите кон странските е-трговци најмногу се поврзува со појавата на Тему, кој за кратко време привлече голем број на купувачи со широка понуда, ниски цени и бесплатна достава дури и за најмали нарачки – вели претседателката на АЕТМ Нина Ангеловска Станков.

Вкупната вредност на онлајн трансакции е остварена со направени 13,8 милиони трансакции што претставува пораст од 33,8%. Најголем пораст на бројот на онлајн трансакции има кон странските е-трговци остварени од домашни платежни картички, односно направени се 6,1 милиони трансакции, или за 75% повеќе во однос на минатата година.

Просечната трансакција на вкупните онлајн трансакции изнесува 33,2 евра, скоро исто како и минатата година. Поголем раст на бројот на онлајн трансакциите во однос на вредноста на онлајн трансакциите е забележан кај купувањата од домашните иматели на платежни картички кон странски е-трговци, што доведува до пад на просечната трансакција од 11,3 %, со што оваа вредност е дури помала од просечната трансакција на домашните онлајн купувачи кон домашните е-трговци.

Во текот на првите 6 месеци од 2025 година, регистрирани се 120 новоотворени онлајн продажни места, што претставува значаен показател за зголемена понуда и заинтересираност на бизнисите да влезат во е-просторот и да започнат со онлајн продажба.

The post ТЕМУ ГО РАЗДВИЖИ Е-ПАЗАРОТ ВО МАКЕДОНИЈА Македонците потрошиле 456 милиони евра на онлајн купување appeared first on plusinfo.mk.

Просечната вредност на направените онлајн трансакции во 2024 година изнесува скоро 33 евра и е помала за 0,7 евро од 2023 година. При тоа, кон македонските е-трговци од иматели на домашни и странски даватели на платежни услуги направени се 425 милиони евра што преставува 60% од вкупната вредност на онлајн трансакции. Останатите 40% од вкупната вредност на онлајн трансакциите Македонците ја направиле во странство.

Што се однесува до структурата на бројот на направените онлајн трансакции според потеклото на картичката и местото на направената трансакција кон македонските е-трговци, Македонците и странците со своите картички оствариле скоро 66 отсто од трансакциите, додека во странство Македонците оствариле 34% од трансакциите.

Во 2024 година, согласно подaтоците на Народната банка има вкупно 1.666 трговци со виртуелни места на продажба, но активни е-продажни места се 1.312, односно 15 повеќе во однос на минатата година (активно работење подразбира извршување најмалку една трансакција на продажно место на трговецот во текот на календарската година за којашто се известува).

Асоцијацијата за е-трговија неодамна направи унпаредување на регистарот на е-трговци, кој претставува единствен регистар на онлајн продажни места кој се обновува во соработка со петте банки кои нудат процесирање на е-трансакции. Регистарот содржи и категоризација, односно може да се прегледаат сите активни е-трговци и може да се пребаруваат е-трговците.

The post МАКЕДОНЦИТЕ ЛАНИ ОНЛАЈН ПОТРОШИЛЕ 709 МИЛИОНИ ЕВРА Просечната трансакција е 33 евра appeared first on plusinfo.mk.

„Ефикасните логистички услуги се основата на е-трговијата, бидејќи ја поврзуваат онлајн трансакцијата со физичката достава на производите. Без добро организирана логистика, е-трговијата не може да напредува“, се вели во извештајот.

Во соопштението од Асоцијацијата за е-трговија се вели дека просецот на доставата вклучува повеќе чекори – обработка на нарачките, пакување, транспорт и испорака до крајната дестинација – и сите тие се од суштинско значење за обезбедување беспрекорно искуство за клиентите.

„Навремената и сигурна достава е клучна за исполнување на очекувањата на купувачите, додека транспарентноста и можноста за следење на пратките се високо ценети карактеристики на една достава. Како дел од Извештајот за е-трговија беше спроведена анкета на е-трговците од Западен Балкан, а резултатите покажуваат дека предизвиците се скоро исти за сите. Најголем предизвик е доставата и тоа во врска со брзината на доставата, високите цени, доверливоста на курирските услуги, ограничените опции за достава, како и ниското ниво на професионалност на кадарот на доставувачи. Нивото на професионалност е оценета со 3,92 за регионот, а македонските е-трговци го оцениле повисоко, со 4,55, на скала од 1 до 5“, соопшти Асоцијацијата за е-трговија.

И според податоците на Универзалната поштенска унија може да се види дека состојбата во оваа област во регионот е далеку од задоволителна, се додава во соопштението.

„Индексот за интегриран поштенски развој, кој ги мери факторите како поштена доверливост, опфатеност, релевантност и отпорност, покажува дека ниту една од земјите во регионот не достигнува високо ниво на поштенски развој. Во 2022 година, Србија се рангираше највисоко во регионот со оценка ПДЛ 7, додека Албанија, Северна Македонија и Црна Гора останаа под ПДЛ 5, што укажува на значителни недостатоци“, се вели во соопштението.

Податоците на Светска банка за Меѓународниот индекс за логистички перформанси ги рангира земјите од Западен Балкан меѓу најслабите во Европа. Македонија постигна најдобри резултати во областа „Царина“ (43-то место глобално) и „Следење на пратки“ (46-то место), но, останува ниско рангирана во „Квалитет на логистика и компетенции“ (53-то место) и „Инфраструктура“ (55-то место). Србија и Албанија се со уште пониски оценки, што дополнително ги истакнува предизвиците во логистичкиот сектор.

„Резултатите од спроведената анкетата со е-трговците од регионот ја истакнаа доставата како нивен најголем предизвик. Предизвиците со доствата не само што го ограничуваат развојот на е-трговијата, туку и го намалуваат задоволството на потрошувачите и конкурентноста на бизнисите во регионот. За е-трговијата да се развива со побрзо темпо неопходно е да се вложи во модернизација на логистичките услуги и во подобрување на нивната достапност и флексибилност. Србија е најнапредна во регионот во однос на развиена out-of-home мрежа за достава, но позитивно е што веќе и во Македонија почнува полека да се модернизира овој сектор. Ако до сега единствен достапен начин на достава на производите беше до врата (home delivery), од неодамна започна поставувањето на пакетомати, кое го најавуваат како услуга повеќе компании, што ќе придонесе за развивање на out-of-home мрежата, а со тоа и развивање на е-трговијата“, вели преседателката на Асоцијацијата за е-трговија, Нина Ангеловска.

Годишниот извештај од анализата за е-трговија беше традиционално презентиран на 7-та регионална конференција за е-трговија.

The post СО ПАКЕТОМАТИ ЌЕ СЕ ПОДОБРИ Е-ТРГОВИЈАТА Полека почнува модернизацијата на доставата и во Македонија appeared first on plusinfo.mk.

Како што рече денеска претседателката на Асоцијацијата за е-трговија Нина Ангеловска Станков, некои од причините за ваквите карактеристики се немањето доволно дигитални вештини, ниското ниво на користење е-банкарство, немањето навики за плаќање со картичка, како и немањето доверба дали ќе стигне производот.

Врз е-трговијата, оцени Ангеловска Станков, многу влијае и доставата. Според последната анкета која опфатила 40 компании од Западен Балкан, најголем предизвик се токму брзината на доставување, флексибилноста, доверливоста и недоволната професионалност на доставувачите кои многу влијаат врз креирањето на искуството кај граѓаните од онлајн купувањето.

Најновите податоци покажуваат дека во земјава над 86,6 отсто од домаќинствата имаат пристап до интернет, а 88,3 проценти од популацијата се активни интернет корисници.

– Регионот споредено со Европа има најниско ниво на иматели на сметки, на платежни картички и најмалку користи платежните картички. Кешот е се уште доминантен начин на плаќање. Денеска ќе видиме како да ги „отплеткаме“ другите платежни методи кои во развиените земји се норма и каде плаќање во готово не се ни нуди како опција – истакна Ангеловска Станков пред почетокот на регионална конференција за е-трговија.

Земјите од Западен Балкан имаат напредок во е-трговијата, но и покрај растот, се рангирани најниско во споредба со европските држави.

– Имаме прогрес, но далеку сме од фаќање чекор со европските земји. Имаме уште многу работа. Во однос на подготвеноста за е-трговија, секогаш ја гледаме и дигиталната подготвеност како предуслов. Тука се уште не сме на завидно ниво зашто во однос на дигитални вештини, регионот е многу ниско рангиран и потребно е забрзување. Албанија во однос на е-трговијата минатите пет години бележи раст од 370 проценти, а Србија како најголем пазар има најголем потенцијал – има 65 отсто онлајн купувачи од интернет корисниците, додека Македонија е на второ место со 54 проценти – рече Ангеловска Станков.

Македонскиот е-купувач, освен облека, купува и електроника, производи за домаќинство,…

– Имаме разлики со европскиот купувач кога се работи за електрониката. Албанија, на пример, купува повеќе од европскиот купувач, а Црногорците многу нарачуваат храна од ресторани за разлика од Европјаните. Во однос на зделките кои се најчесто до 50 евра, една од причините е купувната моќ. Сепак, дел од овие зделки се плаќаат во кеш при доставата. Во Европа нарачките просечно се од 100 – 500 евра. Битна е и колку често купувате, кај нас онлајн купувањето се уште не е навика – истакна претседателката на Асоцијацијата за е-трговија.

Нејзина оценка е и дека приватните пошти имаат значаен раст во работењето, но мора да применат помодерни технологии за да го оптимизираат работењето и да ги намалат трошоците, како и да го подобрат квалитетот. Недостигот на кадар, порача, може да се надмине со подобра технологија.

– Најновите податоци се охрабрувачки. Над 86,6 отсто од домаќинствата во земјава имаат пристап до интернет, а 88,3 проценти од популацијата се активни интернет корисници. Овие бројки ја поставуваат нашата држава на водечките позиции во регионот, но го отсликуваат и потенцијалот за развој. Охрабрувачки е да се види како нашите домашни платформи веќе имплементираат современи технолошки решенија од напредни системи базирани на вештачка интелигенција, иновативни платежни решенија, до нови начини на достава. Ова покажува дека имаме капацитет да развиваме решенија кои ги задоволуваат современите потрошувачки потреби и можат да се напредуваат со глобалните стандарди – смета министерот за дигитална трансформација Стефан Андоновски.

Тој најави дека во наредниот период ќе се посвети внимание на создавање поволна деловна клима која ќе поттикне претприемништво и во дигиталната сфера.

– Преку континуиран дијалог и соработка ќе продолжиме да работиме на создавање поконкурентен и динамичен екосистем кој ќе биде двигател на економскиот раст и на дигиталната трансформација. Со заедничка визија и координарани напори можеме да ги надминеме предизвиците и да го искористиме целосниот потенцијал на дигиталната економија во нашиот регион за да го достигнеме нивото на европските пазари. Нашата намера е да работиме и на олеснување на прекуграничната трговија, унапредување на системите за плаќање и модернизација на логистичката инфраструктура – рече министерот.

На 7. регионална конференција за е-трговија која се одржува во Скопје под мотото „E-commerce: Untangling Potential”, има над 700 учесници од дома и од регионот, претставници од водечки компании, меѓународни организации и академски институции.

Како што рече Ангеловска Станков, потенцијалот на регионот во однос на е-трговијата почнаа да го забележуваат и интернационални компании кои влегоа на овие пазари, а се забележува и ширење на регионални компании во повеќе земји од Западен Балкан.

The post МАКЕДОНЕЦОТ КУПУВА ДО 50 ЕВРА И НАЈЧЕСТО ТОА Е ОБЛЕКА Во земјава најмногу има „случајни купувачи“ кои тоа го прават еднаш до двапати на 3 месеци appeared first on plusinfo.mk.

Претседателката на Асоцијација за е-трговија на Македонија (АЕТМ), Нина Ангеловска Станков и директорот на Агенцијата за пошти Сретен Миладиноски, потпишаа Меморандум за соработка, преку кој двете страни заеднички ќе се залагаат и ќе придонесуваат кон намалување на сивата економија во е-трговијата и нерегистрираните онлајн продавачи во Македонија.

„Сивата економија во е-трговијата и нерегистрираните онлајн продавачи (кои најчесто ги продаваат своите производи преку социјални медиуми) претставуваат нелојална конкуренција на регистрираните е-трговци кои што работат согласно законските прописи, се штетни за репутацијата на целиот сектор со е-трговија и влијаат на губењето на довербата на потрошувачите во онлајн купувањето поради несигурните производи и услуги што ги продаваат, неиздавањето фискална сметка, како и неможноста секогаш да се остварат потрошувачките права за рефундација на средствата или замена за производите. Намалувањето на сивата економија во е-трговијата и на бројот на нерегистрираните онлајн продавачи се од клучно значење за обезбедување здрав и одржлив екосистем за е-трговија“, се наведува во соопштението од АЕТМ.

Оттаму додаваат дека оваа Асоцијација во последните години преку најразлични активности, меѓу кои и потпишување меморандуми за соработка со различни релевантни институции, активно придонесува кон намалување на сивата економија во е-трговијата и зголемувањето на дигиталната писменост на населението. Воедно, АЕТМ постојано се обидува да ги едуцира граѓаните да купуваат само од регистрирани е-трговци кои се достапни во бесплатниот Регистар на регистрирани е-трговци на кој што АЕТМ работеше изминатата година, а преку многу други активности ќе продолжи да го прави тоа и во иднина.

– Е-трговијата е комплексен екосистем кој го сочинуваат бројни страни кои треба да го дадат својот придонес за целокупен напредок на секторот. Давателите на поштенски услуги играат исклучително важна улога во тој синџир. Нивната услуга и квалитетот при обезбедувањето на услугите влијаат на целокупното задоволство на купувачот и успешното работење на е-продавачот. Во контекст на сивата економија нивната улога е исклучително важна од аспект и на детектирање на „нерегистрираните испраќачи“, односно тие имаат евиденција за податоците на испраќачот на пратката согласно насоките на Агенцијата за пошти. Има бројни предизвици кои заедно со Агенцијата за пошти сакаме да ги детектираме и ќе се стремиме да придонесеме за промени каде што се потребни и подобрувања во насока на развојот на е-трговијата и намалување на сивата економија во е-трговијата – рече Нина Ангеловска Станков.

Агенцијата за пошти, пак, најавува зголемени проверки врз работењето на давателите на поштенски услуги во однос на пратките со откуп, односно за пратките за кои се плаќа во готово при нивно преземање (cash on delivery) и препораки за охрабрување на зголемено безготовинско плаќање (банкарски трансфер при пратки со откуп) со цел намалување на готовинските плаќања, како и вршење увид за правилно пополнување на адресниците и подобрување на податоците кои се прибираат за пратките од е-трговијата, со цел подобрување на корисничкото искуство од онлајн пазарење.

– Агенцијата за пошти ја поздравува посветеноста на АЕТМ, и како и до сега ќе продолжи да презема активности и да ги реализира своите планови кои се во насока на спречување и намалување на сивата економија. Агенцијата е партнер на секоја институција која се бори против оваа појава. Наш приоритет е креирање, одржување и развој на амбиент кој овозможува обезбедување сигурни, квалитетни и модерни поштенски услуги за сите корисници – вели Сретен Миладиноски, директор на Агенција за пошти

Преку потпишувањето на овој Меморандум за соработка, АЕТМ и Агенцијата за пошти заеднички ќе работат креирајќи мерки и активности кои ќе помогнат во намалувањето на сивата економија, ќе се стремат кон развивање на способностите, дигиталната писменост на граѓаните и градење на капацитетен пазар на труд во секторот за е-трговија преку споделување релевантни информации од областа на е-трговија од заеднички интерес и споделување на тековни и нови искуства, релевантни за нивната област на дејствување. 

The post ЌЕ ИМ СЕ СТАВИ ЛИ КРАЈ НА СИВИТЕ ОНЛАЈН ПРОДАВАЧИ? Не плаќаат даноци, не можете да замените производ, не оставаат трага… appeared first on plusinfo.mk.

И во текот на првата половина од 2022 година, Македонците најмногу купуваат од домашните е-продавници, но темпото на пораст во однос на двете последни години е со помал интензитет. По порастот од 169 отсто во првата половина од 2020 година и 83 отсто во 2021 година, во првите шест месеци од 2022 година Македонците со домашни картички кон домашни е-продавници потрошиле речиси 195 милиони евра онлајн, што претставува пораст од 22 отсто во однос на истиот период претходната година.

– Не е обесхрабрувачки што порастот е значително помал споредено со претходните две години, ако имаме предвид дека е од значително повисока основа која е резултат на пандемијата и рестриктивните мерки. Позитивно е што во структурата со 70 осто и понатаму доминира вредноста со домашни картички кон домашни е-трговци. Во секој случај, неопходно е да напоменеме дека преку податоците од Народната банка ја следиме е-трговијата во потесна смисла на зборот, односно само трансацкиите реализирани онлајн, додека се повеќе растат онлајн нарачките за кои плаќањето се извршува при прием на пратката за кои отсуствуваат податоци – вели претседателката на АЕТМ, Нина Ангеловска.

Таа напоменува дека растот и развојот на е-трговијата е во интерес на сите и во интерес на развој на домашната економија, како и дека за да се креираат соодветни политики и промени потребно е да се носат одлуки кои ќе бидат базирани на точни и квалитетни податоци.

Бројот на трансакции кои што Македонците ги направиле кон домашните е-трговци изнесува 6,1 милион евра и претставува пораст од 15 отсто во однос на истиот период минатата година, па соодветно расте и вредноста на просечната трансакција која изнесува 32 евра и тоа кај физичките лица  – 30 евра, а кај правните субјекти – 37 евра.

Со странски картички кон домашните е-трговци во првото полугодие од 2022 година реализирани се скоро 11 милиони евра односно 43 отсто повеќе отколку во истиот период минатата година, во 292 илјади трансакции. Просечната трансакција на странците кон домашните интернет продавници изнесува 37,7 евра.

Македонците во странство направиле трансакции вредни 71 милиони евра во првите шест месеци од годинава што преставува 66 осто раст во однос на минатата година. При тоа правните лица имаат поголем пораст во вредноста на направените онлајн трансакции или скоро 70 проценти во однос на претходната година.

Со тоа се зголемува учеството на правните лица во вкупните трансакции на скоро 32 отсто. Бројот на направените трансакции од Македонци во странство изнесува 1,7 милиони евра  и расте со 31 проценти во однос на истиот период лани. Просечната трансакција изнесува 40,1 евра, и тоа 31,3 евра кај физичките лица и 118,3 евра кај правните лица.

Во првото полугодие од 2022 година вкупната вредност на онлајн трансакциите реализирани во земјата од Македонци и странци и во странство од македонци, изнесува скоро 277 милиони евра, што претставува пораст од 31,7 отсто во однос на истиот период минатата година. Бројот на вкупните онлајн трансакции во истиот период изнесува 8,1 милион и расте со помал интензитет (19 проценти)  од вредноста на вкупните онлајн транскации во истиот период минатата година, што значи дека е зголемена вредноста по трансакција т.е нарачка и таа изнесува 34,2 евра. При тоа просечната трансакција на правните лица е поголема (44,8 евра) во однос на физичките лица (30,9 евра).

Според податоците со кои располага АЕТМ во земјава заклучно со 30.06.2022 година активни се 1.762 витруелни или интернет продажни места. Во вториот квартал на 2022 година се отворени 110 нови виртуелни продавници.

The post ГРАЃАНИТЕ ПРОСЕЧНО ТРОШАТ ПО 30 ЕВРА ЗА КУПУВАЊЕ НА ИНТЕРНЕТ Кај домашните трговци потрошиле 195 милиони евра за половина година appeared first on plusinfo.mk.