Македонските граѓани и кога купуваат онлајн сакаат да плаќаат во готово. Само 43% од граѓаните ги користат платежните картички, а со мобилен телефон плаќаа 36% од нив. Појавата ја поттикнуваат и е-трговците кои ја имаат опција и за плаќање во кеш. Ова го покажува анализата што ја направи Асоцијацијата за е-трговија со наслов „Преглед на е-трговијата во Западен Балкан, 2024 година“.

Според ова анализа дури 47% од македонските онлајн купувачи се потпираат на плаќање во готово што се должи и на опцијата за користење готовина при достава на производи што ја имаат 72,5% од домашните е-трговци, која не се користи од странските е-трговци.

Слична е состојбата и во другите балкански земји. Во Косово во кеш се плаќаат 85% отсто од набавките на интернет, во Албанија 75% и Србија 71%.

За споредба, во земји како Австрија и Данска готовината речиси и да не се користи.

59% од Македонците имаат платежни картички, а 43% од нив ги користат. Уште полоша е состојбата во Албанија, каде што само 8% од популацијата ги користи платежните картички, како и во Косово (21%) и Босна и Херцеговина (23%). Во Србија состојбата е најдобра со 62% иматели на платежни картички и 47% нивно користење.

Анализата покажува и дека користењето на мобилните телефони за плаќање е на ниско ниво иако во балканските земји 95% од населението поседува мобилни телефони. Во Македонија само 36% од корисниците на финансиски услуги ги користат мобилните уреди за плаќања.

Според анкетата, спроведена за подготовка на анализата, 72,5% од е-трговците велат дека готовината при достава е доминантен метод на плаќање за нивните клиенти, а 82,5% одговориле дека токму клиентите ја претпочитаат оваа опција.

Клучни причини за оваа доминација, според анкетираните е-трговци се: недовербата во онлајн продавниците, стравот дека нарачаните производи нема да бидат доставени, како и чувство на сигурност при плаќање со готовина. Дополнително, навиките и недоволните дигитални вештини за користење на картички играат значајна улога во популарноста на ќеш плаќањата.

62,5% од е-трговците сметаат дека плаќањето со картички е покорисно за нивниот бизнис, но 45% од нив активно го промовираат нивното користење.

Плаќањето со готовина од друга страна, создава големи неефикасности за е-трговците, како што се неуспешни испораки, зголемени оперативни трошоци и ризик од неформални економски практики.

Вториот најголем предизвик, со кој се соочуваат е-трговците кои учествуваа во анкетата, е нелојалната конкуренција предизвикана од сивата економија.

– Плаќањето со готовина ја олеснува оваа нелегална практика, додека преминот кон дигитални плаќања може да придонесе за намалување на овој предизвик, зголемувајќи ја транспарентноста и формалноста на економијата. За да се намали доминацијата на готовината, потребни се насочени активности за подобрување на дигиталната писменост, намалување на трансакциските трошоци и зголемување на довербата во онлајн плаќањата. Преку овие чекори, македонската и регионалната е-трговија може да станат поконкурентни, поттикнувајќи раст и економска стабилност – вели претседателката на Асоцијацијата за е-трговија Нина Ангеловска Станков.

Вредноста на трансакциите на места на продажба за е-трговија во 2024 година изнесуваат 522,5 милиони евра и преставува 9,1% од вкупните трансакции и преставува раст од 7,5% во однос на истиот период од 2023 година. При тоа овој пораст се должи во главно на растот на вредноста на трансакциите направени во странство од домашни иматели на платежни картички кој изнесува 39,7%. Вредноста на направените трансакции кон домашни е-трговци забележува пад од 6,7%.

Податоците на Народна банка за  трите квартали од 2024 година покажуваат дека има значителен годишен раст кај бројот и вредноста на платежните трансакции на граѓаните во трговијата во земјата. Вкупните трансакции со картички во земјата и во странство издадени од домашните и странски даватели на платежните услуги, пораснале за 11,3% по број и за 13,6% по вредност.

The post ГРАЃАНИТЕ САКААТ ДА ПЛАТАТ ВО КЕШ И КОГА КУПУВААТ НА ИНТЕРНЕТ Повеќе од 72% од домашните е-трговци го дозволуваат тоа appeared first on plusinfo.mk.

Наградите имаа за цел да ја препознаат напорната работа, иновативноста, тимскиот дух и постојаните напори на е-трговците да бидат поттик за останатите за уште подобро темпо во сферата во 2023 година.

Наградите на компанијата се однесуваат на прво место за најпопуларна е-продавница од гласовите од публиката, трето место е-трговец на годината, победник во категорија е-продавница за облека и обувки, прво место во категорија е-продавница за модни додатоци, убавина, здравје и нега, победник во категоријата најдобар верификуван е-трговец, второ место во категоријата најдобро присуство на социјални медиуми, како и прво место во категорија е-трговец со најдобро искуство за е-плаќање за аутлет платформата.

Благодарение на исклучителната грижа кон корисниците, постојаните поволности за лојалните купувачи, грижата за брзата достава, навремените информации за сите промоции и останати активности, резултираа со вакво признание кое што е од големо значење за компанијата.

Истото е само мотив компанијата уште повеќе да се насочи кон подобрување на сите активности во иднина, на уште подобра грижа за корисниците и олеснување на начинот на купување.

„Ваквите награди се од особено значење за нашиот тим, бидејќи истите се потврда дека нашите клиенти се задоволни од сето она што го правиме ние како тим за нив, а истовремено е и мотивација за нас да продолжиме со уште посериозно темпо да работиме на новите предизвици. Во иднина, повеќе од сигурно е дека уште повеќе ќе им се посветиме на нашите клиенти сè со цел да доживеат неверојатно шопинг искуство какво што и заслужуваат, а уште повеќе ќе им го олесниме и начинот на купување и доставата“, велат од Fashion Group.

Компанијата останува да сведочи за исклучителните напори да ја подигне е-трговијата во земјава на уште повисоко ниво, заедно со сите останати победници во бројните категории на годинешните E-commerce Awards 2022.

The post ДОДЕЛЕНИ НАГРАДИТЕ НА E-COMMERCE AWARD 2022 „Fashion Group“ освои 7 награди appeared first on plusinfo.mk.

Предизвикот на овој хакатон е „Како да се намали сивата економија во е-трговија?“ и е поделен на две категории „Едуцирај и мотивирај“ и „Детектирај и сузбиј“. Студентите кои ќе бидат дел од хакатонот ќе имаат задача во текот на 48 часа да развијат иновативни решенија за намалување на сивата економија – одговарајќи на една од двете категории, со што преку категоријата „Едуцирај и мотивирај” ќе се креираат решенија кои ќе придонесат за подигнување на свеста за сивата економија и ќе мотивираат за нејзино избегнување, а преку категоријата „Детектирај и сузбиј” ќе се креираат решенија кои ќе придонесат за детектирање на сивата економија во е-трговијата и ќе делуваат корективно, преку вклучување на самите граѓани и е-купувачи.

Бројот на студентите кои може да учествуваат на хакатонот е ограничен на 50 студенти од овие факултети, кои со помош на врвни експерти од домашни компании и државни институции во улога на ментори на хакатонот, ќе развијат иновативни и практични решенија за борба против сивата економија во е-трговијата.

– За учесниците, овој хакатон претставува уникатна шанса да се информираат повеќе за сивата економија, да работат на решавање на реален општествен предизвик преку изработка на свое креативно решение, да добијат вреден фидбек од ментори од домашните компании и државни институции, да го поттикнат претприемачкото размислување и да бидат наградени. Победничките решенија, кои ќе бидат одбрани од комисијата за евалуација ќе бидат наградени со цел, во соработка и координација на АЕТМ, да ги имплементираат нивните решенија – велат организаторите.

Пријавувањето за учество на хакатонот започнува денеска, а сите заинтересирани студенти од Економски факултет – Скопје и ФИНКИ може да се пријавуваат преку веб страницата: https://hackathon.ecommerce.mk/, индивидуално или во тим, до 10-ти мај.

Асоцијацијата зе е-трговија на Македонија, неодамна на Годишното Собрание ја претстави годишната програма за 2021 година, во која се дава посебен фокус на сивата економија во е-трговија. Од Асоцијацијата велат дека сите активности кои ги преземаат се резултат на анализи и следење на потребите на пазарот, во насока на отстранување на бариерите кои стојат на патот на развојот и креирање на поволна клима за забрзан раст на е-трговијата.

The post „Хакирај ја сивата економија во е-трговија” прва хакатон на е-трговците appeared first on plusinfo.mk.