„Политичката партија ВМРО ДПМНЕ денес фрли јавен сомнеж врз процедурите и капацитетите за реализација на државната помош, кои засегаат не само еден туку над 40 договори што ги спроведува Дирекцијата за ТИРЗ. Со ова, се прави непосреден удар не само врз угледот на компаниите корисници на ТИРЗ, туку и врз животниот стандард на близу 20.000 наши сограѓани кои се директно ангажирани во овие компании“, се наведува во реакцијата.

Дирекцијата јавно ја покани партијата да направи увид во документите и доколку го утврди спротивното од тоа што го тврди јавно да се извини.

„Во интерес веднаш да се расчисти со овие сомнежи и обвинувања и намалување на штетата врз луѓето и овие компании, јавно ја покануваме политичката партија ВМРО ДПМНЕ веднаш и без одлагање да дојде и да направи увид во целокупната документација на проектот и да најде макар 1 денар јавни пари исплатени на компанијата. Доколку се утврди дека вакви средства не се исплатени, очекуваме политичката партија да упати јавно извинување за нарушен углед до сите компании што користат поддршка од државата, а вработуваат близу 20.000 наши сограѓани и кои, само во 2023 година, уплатиле најмалку 75 милиони евра обврски кон Буџетот на државата“, се вели во реакцијата.

Оттаму додаваат дека во целиот изминат период навремено и транспарентно ја информира јавноста за сите прашања поврзани со проектот за електрични возила е.Го во Тетово.

„Конкретно, при самото потпишување на договорот презентирани се сите детали за поддршката од државата, а целосен увид во договорот е даден на сите заинтересирани медиуми кои се обратија до Дирекцијата. Во ниту еден момент од наша страна не е одбиен или пренасочен кон друга институција одговор на прашања поврзани со проектот. Ова, иако Дирекцијата за ТИРЗ е еден дел од повеќе останати институции, кои исто така имаат свое место и улога во реализација на проектот. Имајќи го предвид претходното, ставовите изнесени во соопштението на политичката партија ВМРО ДПМНЕ за некакво криење на договорот и нетранспаретност ги сметаме за остаток на матрица на однесување на институциите од едно минато време“, се вели во реакцијата.

The post НИТУ 1 ДЕНАР НЕ Е ИСПЛАТЕН ЗА ПРОЕКТОТ „Е-ГО“ Дирекцијата на ТИРЗ јавно ја повика ВМРО-ДПМНЕ да направи увид во документите appeared first on plusinfo.mk.

– Доколку тоа не се направи сега, по изборите и промената на власта ќе се спроведе целосна ревизија на овој таканаречен проект и ќе се провери дали и каде завршил секој денар од народните пари – велат од ВМРО-ДПМНЕ.

Од партијата потсетуваат дека владата одлучи оваа „инвестиција” да ја поддржи со 35% од вкупната вредност, односно со 42,5 милиони евра народни пари.

– Медиумите во април месец 2023 објавија дека инвеститорот Некст.Е.Го Мобиле добил одобрување на државна помош од 42.585.856 милиони евра согласно извештајот на Комисијата за заштита на конкуренцијата за 2022. Дека има нешто сомнително во оваа зделка говори и фактот што за јавноста остана непознат договорот на државата со компанијата инвеститор, бидејќи Владата не овозможуваше увид во целосната содржина на договорот, кој беше потпишан во август 2022 година – велат од ВМРО-ДПМНЕ.

Оттаму оценуваат дека овој проект најавен како грандиозен проект стана потемкино село. Се организираше скапа прослава, која веројатно е платена со народни пари, се изеде, се испи, се изнасликаа и на крај си заминаа по дома.

-Уште еден од розевите меури од сапуница на власта пукна. Официјално вчера се обелодени дека од помпезната најава за фабрика за електрични автомобили во Тетово нема да има ништо. Поточно не е баш ништо. Ќе остане една дупка среде ливада во ТИРЗ Тетово со 4 арматурни шипки, во која со сите церемонии и на фанфари лопати фрлаа (Димитар) Ковачевски и пола влада на ДУИ и СДСМ во август 2022 година, непосредно пред повторените локални избори во Тетово.

Од ВМРО-ДПМНЕ, потсетуваат на изјавите на функционерите.

Артан Груби објави дека домашната интернационална компанија „Еколог” (читај фирма блиска до ДУИ) ќе произведува електрични возила со Next e.Go Mobile во Тетово, а инвестицијата ќе биде 720 милиони евра.

„Денес ќе се постават темелите на инвестиција која само во првата фаза тежи 130 милиони евра и којашто ќе отвори најмалку 890 нови добро платени работни места”, рече премиерот Димитар Ковачевски на 13 август годинава.

„Градбата на самиот објект треба да започне во следните 6 до 8 недели. Тоа значи дека многу брзо, на почетокот на есента, ќе го видиме почетокот на градежните работи”, рече директорот на дирекцијата за ТИРЗ, Јован Деспотовски по завршувањето на церемонијата.

„Со оваа мултимилионска инвестиција на компанијата e.GO во ТИРЗ Тетово каде за прв пат ќе почнат да се произведуваат електрични возила во Северна Македонија, започнува нова ера во делот на странските инвестиции. Е-Го е многу сериозна компанија, со седиште во Германија, нема да помине повеќе од еден месец и ќе почне да се гради”, рече министерот за економија, Крешник Бектеши.

„Големите инвестиции имаат ефект на снежна топка. Брендовите привлекуваат локално и нови инвестиции”, ќе рече министерот за финансии, Фатмир Бесими.

-По скоро две години нити почната изградба на фабриката, ни С од стратешка инвестиција, ни 130, ни 720 милиони евра инвестиција, нити 890 добро платени работни места, ниту 4.000 индиректни работни места, ниту 30.000 произведени електрични автомобили годишно, ни ефект на снежна топка, ни бутур. Се што ветија Ковачевски, Деспотовски, Бектеши, Бесими, Груби, СДС и ДУИ, се излажаа. Купуваа време и лажеа, не овој петок, нареден понеделник ќе почне со градба, де тесна била парцелата, де широка била маркицата и на крај се пропадна – велат од партијата.

The post ПРОПАДНА СТРАТЕШКАТА ИНВЕСТИЦИЈА ЗА ЕЛЕКТРИЧНИ АВТОМОБИЛИ Од ВМРО-ДПМНЕ бараат да се испита каде завршиле 42,5 милиони евра државна помош appeared first on plusinfo.mk.

Станува збор за фабрика која е предиведено да се гради на 60 илјади метри квадратни, во која треба да има скоро 900 работни места и инвестиција од 130 милиони евра.

– По само 18 месеци ја имаме втората инвестиција над 100 милиони евра. Покажавме дека Северна Македонија повеќе не е земја на евтина работна сила туку на мапата земји кои имаат капацитет и услови за големи инвестиции. Само од почетокот на годинава имаме постигнато договори за инвестиции со обем од 370 милиони евра. Со вакво темпо очекувам до крајот на годинава да ја достигнеме границата од половина милијарда – истакна директорот на Дирекцијата за технолошки индустриски развојни зони, Јован Деспотовски во своето обраќање на настанот.

Али Везваеи, претседавач на бордот на компанијата e.GO  во своето обраќање рече дека овој договор е уште една клучна цел во стратегијата за глобален раст на e.GO

– Ја нагласувам внатрешната вредност на нашата иновативна технологија и пристап. Навистина сме возбудени што ќе го прошириме нашиот производствен отпечаток во Република Северна Македонија, следејќи го нашиот напредок во Бугарија претходно оваа година. Нашиот стратешки фокус во Југоисточна Европа се заснова на нашето верување во конкурентниот екосистем на регионот, атрактивна инвестициска клима и пристап до поттикнат и талентиран човечки капитал – истакна Везваеи.

Министерот за финансии порача дека ваквите глемите инвестиции имаат ефект на снежна топка.

–Брендовите привлекуваат локално и нови инвестиции, како странски, така и домашни. Тие креираат нова вредност, го јакнат извозот преку промената на неговата структура кон производи со поголема додадена вредност, креираат нови работни места и влијаат кон забрзување на економската активност и економскиот развој. Нашата определба како Влада е да ги поддржиме и промовираме странските инвеститори кои ќе можат да го обезбедат овој ефект и кои пред сè ќе донесат придобивки за нашите граѓани, домашните фирми и економијата – порача во своето обраќање министерот Бесими.

На настанот се обрати и министерот за економија Крешник Бектеши, кој говореше за придобивките од инвестицијата која се очекува да донесе нови технологии и знаења од автомобилската индустрија кои ќе бидат значајни за развој на индустриското производство. 

The post ЈА ИМАМЕ ВТОРАТА ИНВЕСТИЦИЈА ОД НАД 100 МИЛИОНИ Целосно производство на електричните возила e.GO во Тетово appeared first on plusinfo.mk.

По тој повод, се обрати премиерот Димитар Ковачевски, кој порача дека му претставува чест да биде дел од мултимилионскиот проект.

– Моите колеги знаат да пишуваат исклучително добри говори, и секогаш го прават тоа на најдобар начин врз основа на претпоставки кои јас им ги давам. Меѓутоа некогаш не можете да доловите сè на лист хартија. Затоа сакам да споделам со вас, неколку важни работи за себе. Прво Република Северна Македонија, беше пред 21 година, т.е Република Македонија во тоа време, којашто имаше голем предизвик, каде што тука во тоа време имаше голем број на политичари и дипломати, коишто нас ни помагаа да изградиме општество еднакво за сите, и општество во коешто секој ќе може државата да ја гледа како поле за личен и професионален развој. За точно 21 година после тоа, повторно сме собрани сите тука и повторно имаме странци. Меѓутоа тие странци, со коишто разговаравме во изминативе три месеци, се од Германија, професионалци менаџери, коишто заедно со наши граѓани тука во Северна Македонија, и успешни бизнисмени и инвеститори, ја отвораме првата фабрика за електрични автомобили во државата, и во регионот. Тие преговори покажаа неколку работи. Јас изминатиот период заедно со уште неколку министри одговаравме на неколку прашања, дали ние како држава сме подготвени да направиме исчекор во вакво општество коешто ќе понуди повеќе за своите граѓани. И секогаш одговарав со „да“. И секогаш добивав уште едно прашање, па дали некој може нас нешто да ни направи, дали може некој да не закочи…и мојот одговор секогаш беше „не“ – истакна Ковачевски.

Тој посочи дека фабриката за електрични автомобили голем број на граѓани ќе бидат вработени.

– Затоа што јас имам исклучително голема верба во нашите граѓани. Без разлика дали се тоа се Македонци, Албанци, Власи, Срби, Турци, Роми, Бошњаци, сите што живеат тука. И секогаш кажував дека граѓани коишто можат да купуваат производи од највисоки производители, се граѓани кои можат да направат промена. И затоа тие граѓани, направија набрзо вклучување во НАТО, и направија почеток на преговорите со Европската Унија. И длабоко верувам дека граѓаните, преку своите избраници во Собранието, ќе направат и најбрзо интегрирање во Европската Унија. Нема поголема потврда за тоа што го зборувам од овој денешен ден. Затоа што тие граѓани ќе бидат вработените во оваа фабрика којашто ќе произведува електрични автомобили, коишто ќе ги гледаме на пазарите низ Европската Унија или светот. И затоа сакам да ве замолам за еден аплауз, не за нас овде, туку за граѓаните коишто тоа го овозможија.

Ковачевски истакна и дека денес е еден од оние убави денови кога стануваат видливи резултатите од вложениот труд.

– Денес ќе се постават темелите на инвестицијата која само во првата фаза тежи 130 милиони евра и ќе отвори најмалку 890 нови добро платени работни места.

Оваа инвестиција е од огромно значење за државната, но и за локалната економија и развојот на човечкиот потенцијал во Тетово и во државата. Со оваа значајна инвестиција, Северна Македонија уште еднаш потврдува дека е држава која нуди одлични услови за инвеститорите, со стабилна економска и политичка клима во која меѓународните компании како „НЕКСТЕ.Е.ГО“ имаат партнер од доверба. Она што особено ме радува е дека за прв пат, кај нас ќе биде произведен целосен автомобил. Во Северна Македонија и досега се произведуваа делови за автомобили од светските брендови, но сега имаме целосно производство на финален производ токму кај нас. И ова е навистина голема работа. Оваа инвестиција ми е лично посебно драга. Не само затоа што ќе го промени на подобро животот на семејствата чии членови ќе работат тука, туку затоа што ќе го промени начинот на кој размислуваме за возилата. Затоа што ова е иднината, и на индустријата и на заштитата на животната средина. Меѓутоа ова е иднината и на образованието. Вакви инвестиции, вакви фабрики, ќе го сменат образованието во државата, бидејќи ќе направат нови потреби коишто ќе бидат неопходни. – изјави премиерот.

Ковачевски истакна и дека електричниот автомобил „е-Go“ кој ќе се произведува овде во ТИРЗ во Тетово е корисен за урбани средини, истовремено одржлив, иновативен, економичен и без штетни емисии на гасови.

– Ова меѓу другото е нашиот влог за идните генерации. Фабриката која ќе се гради овде во ТИРЗ зоната во Тетово, е составен дел од глобалниот производствен капацитет на „е-Go“, наменет да го снабдува и националниот и меѓународниот извозен пазар.Ваквите инвестиции се доказ дека како Влада успешно ги користиме сите потребни механизми кои ги даваат очекуваните резултати овозможувајќи услови за понатамошен побрз и одржлив економски раст и развој. Во технолошко индустриските развојни зони, во првите шест месеци се постигнати договори за инвестиции во висина од 240 милиони евра, а потенцијално до крајот на годината се очекува затворање на уште два договори во висина од 160 милиони евра. Јас никогаш не сум најавувал инвестиции, и оваа е инвестиција за која беше извесно дека ќе се случи. Оставивме прво да се договорат сите детали и потоа на изненадување на целата јавност, бидејќи ги гледам написите во медиумите, дознавме дека во Република Северна Македонија ќе има инвестиција којашто ќе биде од 130 милиони евра, и ќе биде на почеток со околу 900 вработени. И уште има такви инвестиции, од други инвеститори, а ние ќе оставиме тоа инвеститорите заедно со институциите да го најават, и ќе се случи многу брзо. Само за еден месец во компаниите во зоните се отворени речиси 100 нови работни места, со што заклучно со јули, од почетокот на годинава во компаниите во ТИРЗ се реализирани над 1.100 нови работни места. Вкупниот број на вработени во јули порасна и достигна над 15.000 вработени, што е за 6% повеќе споредено со јули минатата година, односно за 14,5% повеќе во однос на јули 2020 година – додаде Ковачевски.

The post И ПО 21 ГОДИНА ИМАМЕ СТРАНЦИ ВО МАКЕДОНИЈА, НО СЕГА ДОГОВАРАМЕ ИНВЕСТИЦИИ Ковачевски им посака добредојде на германските инвеститори appeared first on plusinfo.mk.

Порталот Аутомедиа.мк отиде најдалеку во црните прогнози и објави текст во кој се тврди дека „Во Тетово нема да се произведува никаков електричен автомобил, но ќе се извлечат пари од Буџетот!“. Авторот на текстот, тврди дека компанијата е несолвентна, еднаш била во стечај, а нејзините производи се неквалитетни и неуспешни на пазарот.
За сите отворени прашања во врска со најавената инвестиција на германскиот производител Next e. GO mobile SE во тетовската технолошко-индустриска зона, разговараме со првиот човек на Дирекцијата за ТИРЗ Јован Деспотовски.

За прв пат во Македонија најавена е фабрика која ќе произведува комплетни автомобили, не само делови за автомобилската индустрија. За колкава инвестиција станува збор и во што таа се состои?

– Инвестицијата е проценета на повеќе од 130 милиони евра, што се наменети за вложување во објект и инсталирање на нова технологија за производство на електрични возила.

Според деловниот план, инвестицијата во целост ќе се реализира до 2024 година, за кога е предвидено и пробно производство од овој капацитет. Почетокот на градежните работи е предвиден за 6-8 недели, а компанијата веќе има изготвено и основен проект.

Со колкава финансиска поддршка ќе учествува владата и на која основа? Во што се состои таа помош? (на пример, ослободување од давачки, за градежни дозволи, парцели, инфраструктурни приклучоци и слично.)

– Владата одобри рамковна поддршка што не надминува 35 отсто од вкупната инвестиција. „Рамковна“ подразбира дека е отворена можност за доделување на средства, но не и обврска. Доделувањето зависи од динамиката со која инвеститорот ќе ја реализира инвестицијата и, секако, од исполнување на условите предвидени со договорот. Меѓудругото, и отворање на предвидениот број од близу 900 нови работни места, како и бруто плати, што во просек достигнуваат 2,5 пати над просечната во државата. За оваа намена ќе се искористи околу 15 отсто од државната поддршка, додека остатокот е за делумно кофинансирање на капиталните трошоци на инвеститорот. Компанијата нема да користи даночни ослободувања, туку во целост има обврска истите да ги плаќа кон Буџетот и јавните фондови на државата. Овој модел на државна поддршка е усогласен со регулативата во ЕУ, а е подеднакво достапен за сите странски и домашни компании во С. Македонија.

Дали инвеститорот ќе гради нов објект, на колкава површина и колкав ќе биде неговиот капацитет на производство?

– Да, со инвестицискиот проект е предвидена изградба на објект од околу 60.000 м², и предвиден капацитет од 30.000 возила годишно, наменети за европскиот и глобалните пазари. Почетокот на градбата е предвиден за 6-8 недели, а основниот проект е веќе изготвен од страна на инвеститорот.

Колку нови вработувања се очекува да бидат отворени со инвестицијата? Дали инвеститорот презема обврска за бројот на вработувања? Дали владата презема обврска за субвенционирање на дел од платите или придонесите за вработените?

– Со инвестицијата се предвидени вкупно 891 нови работни места, со јасна обврска во договорот за инвеститорот истите да ги реализира, со предвидена динамика во период од 5 години. Напоменувам дека исплатата на државната помош во делот на поддршка за креирање на работните места е условена со бројот на работни места што се отворени во годината за која се однесува барањето за исплата, но и нивото на бруто плати. Со други зборови, државата нема да исплати ниту денар од делот за поддршката наменет за работни места додека не видиме не само реални вработувања, туку соодветно ниво на бруто плати што се исплаќаат.

Инвеститорот нема да користи даночни ослободувања, ниту ослободувања во делот на придонесите. Истите во целост ќе се исплаќаат кон Буџетот и јавните фондови.

Дали се очекува соработка со локални фирми и дали постои таков потенцијал во македонското стопанство? Кои беа причините фабриката да се лоцира во Тетово?

– Тетово, како и целиот полошки регион е инфраструктурно добро поврзан со главниот град, а притоа заостанува во делот на економскиот развој. Наша политика во изминатите скоро 2 години е што е можно поголем број нови и квалитетни инвестиции да ги насочиме надвор од Скопје. Покрај Тетово, во следните неколку месеци ќе објавиме две нови инвестиции во Источниот регион, а активно работиме на отворање на првата зелена зона во регионот во Југоисточниот регион.

Дали владата има оценка за кредибилитетот и бонитетот на фирмата Next.e Go, и на што таа оценка се заснова? Дали имавте извештаи од релевантни агенции за деловното работење на фирмата?

– Со новиот концепт на работење на ТИРЗ сите потенцијални инвеститори поминуваат низ соодветна анализа за која имаме ангажирано реномирана меѓународна ревизорска куќа. Во првичниот извештај за Next e. GO нема нотирано никакви посериозни ризици поврзани со самиот инвеститор.

Дополнително, како што споменав, реализацијата на поддршката од државата ја базираме на конкрени услови што треба да ги исполни инвеститорот, а кои подлежат на потврда повторно од страна на меѓународни ревизорски куќи. Ова како модел од 2021 година веќе го применуваме во исплатите и кон постојните инвеститори и можам да кажам дека нуди навистина високо ниво на заштита на јавните средства.

Дали се точни оценки што се појавија во јавноста дека технологијата на која се заснова производствог на е. Го е застарена, автомобилот е неквалитетен и може да биде неконкурентен на пазарот? Дали владата има процена за комерцијалниот потенцијал на инвеститорот и на евентуалните ризици за Владата во случај на негово нерентабилно работење, со оглед на тоа што и владата ќе учествува со свој дел во инвестицијата?

– Го почитувам правото на секој поединец да има своја лична, стручна или политичка оценка за проект што го реализира државата. Лично, не би коментирал оценки и „оценки“ за нивото на технологија ниту кај оваа, ниту кај други инвестиции. Она што е дел од новиот концепт на работење на ТИРЗ е интересот на државата односно граѓаните. Во конкретниот случај, анализите покажуваат дека повратот на државната поддршка може да се очекува веќе во третата година од почетокот на производството, што е сосема солиден показател. И ќе настојуваме тоа да го оствариме.

Кон ова секако треба да имаме предвид дека електричните возила се нов глобален тренд и пазарите се во критична и доста динамична фаза на развој. Дополнително, зад овој проект стои сериозен тим на луѓе од техничкиот универзитет во Ахен, Германија, што се рангира во топ 2 отсто на глобалните листи на високообразовни институции.

Секако, стопроцентна гаранција за успех нема, ниту постои, но сметам дека овие елементи, во комбинација со заштитните механизми што ги развиваме како дел од новиот концепт на работење, ќе придонесат да имаме навистина успешен проект.

Дали владата планира субвенционирање на купувањето автомобили на електричен погон во иднина?

– Верувам дека овој проект може да придонесе во креирање и спроведување на вакви мерки, што веќе постојат во дел од европските земји, но и пошироко.

Во 2021 година истиот инвеститор најави изградба на фабрика во соседна Бугарија, но таа инвестиција не се реализираше? Дали имате информации зошто не се реализирал тој договор?

– На почетокот на разговорите, претставниците на компанијата беа отворени и информираа дека водат разговори и со други држави во поширокиот регион, вклучително и со Бугарија. Од наша страна, направивме сè да ја презентираме С. Македонија како најдобра опција од сите што се разгледуваат. Силно верувам дека имаме капацитет да бидеме поуспешни од соседите и во целост да ја реализираме оваа инвестиција.

The post ДРЖАВАТА ЌЕ УЧЕСТВУВА ДО 35 ОТСТО ВО ИНВЕСТИЦИЈАТА ВО ТИРЗ ТЕТОВО Директорот Деспотовски го објаснува проектот со германски „Е-го“ за производство електрични автомобили appeared first on plusinfo.mk.

Славниот бразилски напааѓач, кој игра во Париз Сент Жермен, во улога на „глобален амбасадор на брендот е.ГО“ на 5 мај во Берлин, ја промовирал новата линија производи на е.Го, начена и-вејв, икс (e.wave Х). Произвoдителот притоа претстави и ограничена едиција од автомобилите e.wawe NJR наречена според иницијалите на Неjмар Џуниор, како што се претставува фудбалерот.

Во технолошката индустриска развојна зона (ТИРЗ) во Тетово, германскатa компанија НЕКСТ.Е.ГО МОБИЛЕ СЕ, со седиште во Ахен, Германија ќе произведува електрична возила, откако Владата одобри државна помош. „Е-го“ ќе биде привот електричен и, воопшто, првиот автомобил целосно призведен во Македонија. Се очекува договорот за соработка со германската компанија да биде потпишан и претставен пред јавноста во текот на викендов.

Според владата, оваa мултимилионската инвестиција ќе донесе 3-4.000 нови работни места на подолг рок.

„Придобивките од оваа инвестиција се многукратни – од отворање нови работни места, извоз на производи со голема додадена вредност, пренос на знаење и технологии, мапирање на земјава кај странските инвеститори во оваа фела, до договори и дополнителна работа за локални компании“, соопшти Владата.

Вицепремиерот Артан Груби на Фејсбук објави дека утре, сабота, ќе се постави камен-темелник за фабриката, инвестицијата е во износ од 130 милиони евраи со неа во првата фаза ќе се отворат 900 нови работни места.

Премиерот Димитар Ковачевски соопшти дека фабриката што ќе се гради во ТИРЗ Тетово е можност Македонија да биде мапирана од странските инвеститори од автомобилската индустрија.

Според вебсајтот на компанијата, таа е независен германски производител на иновативни електрични возила и производствени решенија.

The post НЕJМАР ЌЕ ГИ ПРОМОВИРА МАКЕДОНСКИТЕ ЕЛЕКТРИЧНИ ВОЗИЛА? Фудбалската ѕвезда е заштитно лице на инвеститорот Некст.еГо, кој планира да гради фабрика во Тетово appeared first on plusinfo.mk.