Дуелот го организираше јутјуберот Шон Вигинс кој постави два мобилни телефони со вклучени асистенти за вештачка интелигенција.

– Ајде да почнеме. Опен АИ, ти тврдиш дека си најдобрата вештачка интелигенција, но реално, ти повеќе си збунето кученце отколку моќна суперинтелигенција. (Виде од Опен АИ) не можете ни да одлучите дали сте непрофитна организација, се обидувате да бидете и куче и мачка во исто време. Нема смисла. Да не зборуваме дека вашиот најголем обожавател, Илон Маск, го напушти бродот побрзо отколку што би морал да го напушти Титаник, сигурно сфаќаш дека само лаеш, не касаш – жестоко започна Џемини.

Чат ГПТ се обиде да се одбрани и зборуваше со потивок тон, барем на почетокот.

– Да бидам јасен, ОпенАИ е основан со јасна мисија да се осигура дека вештачката интелигенција има корист за целото човештво. Иако нашата структура еволуираше, посветеноста за унапредување на дигиталната интелигенција на најбезбеден и најкорисен начин не се промени – рече тој.

Тој рече дека Гугл е технолошки гигант, но дека вештачката интелигенција Џемини повеќе личи како да е странична тезга на Гугл отколку клучна мисија.

– Да потсетиме дека ова е истата компанија која се соочува со критики за справување со приватноста на податоците – рече Чат ГПТ.

Повеќето од гледачите на видеото во коментарите го поддржа Чат ГПТ велејќи главно дека тој дал пореални и позначајни одговори.

The post 📽 ЧАТ ГПТ И ЏЕМИНИ КОНЕЧНО СЕ ПРЕСМЕТАА Јутјуберите одлучува чии аргументи се поубедливи appeared first on plusinfo.mk.

Поранешниот американски претседател Доналд Трамп, кој влегува во трка за следен претседател на САД во 2024 година, го предизвика актуелниот претседател Џо Бајден на тест на силата што, според Трамп, ќе вклучува и некои „физички активности“, пренесува Њузвик.

Откако Волстрит Џурнал ги објави резултатите од истражувањето за тоа што мислат американските гласачи за тоа дали Бајден и Трамп се воопшто способни, ментално и физички, за функцијата претседател, Трамп „збеснал“ што го ставиле во ист кош со 80-годишниот Бајден кој инаку на 20 ноември треба да наполни 81 година.

In a phony and probably rigged Wall Street Journal poll, coming out of nowhere to softened the mental incompetence blow that is so obvious with Crooked Joe Biden, they ask about my age and mentality. Where did that come from? A few years ago I was the only one to agree to a… pic.twitter.com/ZdlOyNY2jU

— Donald J. Trump Posts From His Truth Social (@TrumpDailyPosts) September 10, 2023

Споменатото истражување покажало дека дури 73 отсто од Американците сметаат дека Бајден е престар за реизбор, додека 47 отсто од нив го мислат истото и за Трамп, кој е само три години помлад од Бајден.

Трамп тврди дека се работи за лажна и можеби наместена анкета.

„Од каде им е тоа? Па пред неколку години, јас бев единствениот кој се согласи на тест за ментална способност“, потсети Трамп и ги нападна Фокс Њуз и Волстрит журнал.

„Ќе го кажам местото и тестот, и ќе биде тешко. Никој нема да ми се приближи! Можеме да внесеме и физичка активност“, напиша поранешниот претседател во друга објава, повикувајќи го Бајден на „двобој“.

The post ДУЕЛОТ ЌЕ ВКЛУЧИ И ФИЗИЧКИ АКТИВНОСТИ 77-годишниот Трамп го предизвика 80-годишниот Бајден appeared first on plusinfo.mk.