Денеска сме сведоци, не само ние, туку и нашите гости, дека кога ве оценуваат според конкретни високи стандарди, не може да има импровизации и вие или ќе ги поминете или – не, изјави претседателката на Македонија Гордана Сиљановска Давкова која денеска присуствуваше на армискиот полигон „Криволак“ каде се реализира Ден за високи гости во рамки на вежбата „Блесок 26“.

– Мојата порака е: Она што го прави НАТО со стандардите, да го прави Европската Унија со Копенхашките критериуми. Ако нас нѐ оценуваат според исполнувањето на Копенхашките критериуми, мислам дека ќе добиеме поинакви оценки. Ако не се почитувааат високи стандарди и ако се воведуваат нови двојни стандарди и ако исполнувањето не е според исполнувањето на стандардите, туку според барањата и потребите на соседите, тогаш имаме сериозен проблем со почитувањето. Не е лошо стандардите да важат во сите можни институции, вклучувајќи ја и Европската Унија – рече Сиљановска Давкова.

The post 🎥 НЕ Е ЛОШО СТАНДАРДИТЕ ДА ВАЖАТ И ВО ЕВРОПСКАТА УНИЈА Сиљановска Давкова со остра забелешка за двојните аршини на Унијата appeared first on plusinfo.mk.

Поранешниот градоначалник на Струга Рамиз Мерко од ДУИ ја обвини својата матична партија дека врз него применува двојни стандарди бидејќи не застанала во негова одбрана за кривичните пријави како што сега ги брани ексградоначалниците на Сарај и на Кичево, Блерим Беџети и Фатмир Дехари.

„Како некој што е дел од политичкиот живот повеќе од две децении, кој има институционални одговорности и придонесе за важни изборни победи во Струга и во Изборната единица 5, директно го искусив овој двоен стандард. Во неколку изборни циклуси, токму нашата Изборна единица направи разлика во рамнотежата на мандатите. Но, во моментот кога се соочив со судски постапки, недостасуваше поддршка. Напротив, отворено се дистанциравте. Тука се појавува главниот проблем – двојниот стандард“, напиша Мерко во објава на Фејсбук.

Мерко ѝ замера на ДУИ што застанала во одбрана на високи функционери како поранешниот вицепремиер Артан Груби, кон кого, како што вели, и покрај сериозните обвинувања за корупција, реакциите на партијата биле претпазливи, воздржани, па дури и дефанзивни.

„Сериозните обвинувања за корупција се релативизираат, а се молчи за процесите поврзани со административни одлуки. Обвинувањата против мене не беа за докажана корупција или финансиски криминал, туку за административни прашања и носење одлуки како што се назначување директори или поставување симболи поврзани со албанската историја и идентитет. Сепак, тие беа третирани како проблеми, додека во пракса се дел од институционалниот секојдневен живот во земјата“, додава Мерко.

Не може, вели тој, да има политичка поддршка за едни, а молк за други.

The post МЕРКО Ѝ ЗАМЕРИ НА ДУИ ЗА ДВОЈНИТЕ АРШИНИ Партијата ги брани Беџети и Дехари, но не застанала зад него appeared first on plusinfo.mk.

Премиерот Христијан Мицкоски одговарајќи на пратеничко прашање во врска со извештајот на Европската комисија за напредокот на државата и во однос на преземените чекори кон евроинтеграциите, ги потенцираше специфичните условувања кон Македонија, билатерализацијата на патот кон членство во Унијата, се наврати на однесувањето на минатите влади и неколкупати прифатените условувања вон Копенхашките критериуми, но и посочи на конкретни преземени мерки во овој период наведени во извештајот на ЕК.

Притоа напомена дека ваквиот однос и оценување од страна на ЕК во извештајот не треба да биде причина за евроскептицизам, ниту пак да биде модел за исполнување на сè што е ставено на маса, а притоа да се нема гаранции дека друго, освен зацртаните критериуми нема да го попречат патот.

– Не треба да имаме дилема ниеден во Собранието дека иднината на Македонија е во рамките на ЕУ. Се разбира дека пристапот до реализирање на таа цел е поинаков. Претходната влада имаше пристап дека со тоа што ќе потпишуваат и прифаќаат сè што ќе им е ставено на маса ќе им бидат простени криминалот и корупцијата и сето она што беше заштитен знак за нивната влада и дека ако стават потпис на секој од документите ставен на маса, некој од таму на магичен начин ќе ги остави на власт и ќе продолжат сложно да ги крадат граѓаните и државата. Но, граѓаните избраа лани на изборите, по која патека и траекторија ќе се движи државата, а тоа е траекторијата на правичност многу работа правичност, чесна работа согласно законите и работа којашто дава испорака за граѓаните. И тука оваа влада не ги двои граѓаните, ниту по етничка, ниту по верска или политичка припадност и така ќе продолжи да функционира – изјави Мицкоски.

Премиерот потсетува дека заедничка цел на сите нас е да бидеме дел од ЕУ.

– За тоа треба да ги завршиме преговорите, но пред да ги завршиме треба да ги започнеме. Многу пати до сега високи функционери на претходната влада, почнувајќи од претходните премиери, ни ја кажуваа невистината, дека сме ги почнале преговорите, дека преговараме, дека имаат добра вест, проследени со објавувани селфи-фотографии од авиончиња, од бротчиња, од понекоја јахта од Егејското Море итн. како еве патуваме кон Европа, возот е незапирлив само што не сме стигнале, а во суштина се наоѓаме на истото место каде што бевме за жал пред 25 години. На самиот почеток. И ние сме единствениот случај, во којшто не можеме да напредуваме, затоа што имаме активна блокада, активно вето, поради билатерални прашања. Прво тоа беше спорот со нашиот јужен сосед, спорот за името на државата, па на начин на којшто сите бевме сведоци се случи таа промена, а сега е повторно нова измена на Уставот, којашто претходната Влада го суспендираше Парламентот и прифати нешто коешто не успеа да го испорача и сега е дел од заклучоците на Европскиот совет дека ние треба тоа да го направиме без притоа да имаме јасна гаранција и предвидливост дека и тоа да се направи, дека ние ако ги завршиме преговорите и сето тоа што треба да го завршиме, бидеме дел од ЕУ, и дека нема да има дополнителни блокади поради билатерални прашања. Влегоа во таа авантура, реков кој беше мотивот на претходната Влада – истакна првиот човек на владата.

Тоа не е начин на размислување на оваа влада, напротив размислуваме сосема поинаку, вели премиерот.

– Сè ќе сториме во наша моќ за да стигнеме и да ја реализираме таа стратешка цел, но мора тоа да биде без двојни стандарди, да биде согласно Копенхашките критериуми и мора да имаме двонасочна улица. Не може улицата да биде еднонасочна, бидејќи за името на европската цел и за името на европските интеграции граѓаните на Македонија направија многу отстапки во минатото, ако тргнеме од промената на банкнотите, преку промената на знамето, потоа промената на името, Уставот неколку пати – дециден е Мицкоски.

The post СÈ ЌЕ СТОРИМЕ ЗА СТРАТЕШКАТА ЦЕЛ, НО ТОА МОРА ДА БИДЕ БЕЗ ДВОЈНИ СТАНДАРДИ Нема дилема, иднината на Македонија е во ЕУ appeared first on plusinfo.mk.

Унгарскиот министер за надворешни работи Петер Сијарто остро ја обвини Европската Унија за двојни стандарди во пристапниот процес кон ЕУ, истакнувајќи дека земји-членки како Грција и Бугарија со години блокирале преговори со Македонија и со Србија, без да бидат обвинети за поткопување на европското единство. Во интервју за РТС, тој нагласи дека Унгарија секогаш е посочувана како виновник кога го користи своето право на вето.

Сијарто потсети дека Европската комисија уште пред многу години предложила отворање на нови поглавја со Србија, но Европскиот совет не ја усвоил одлуката поради несогласување на одредени членки.

– Дали тогаш некој ги обвини тие земји за поткопување на европското единство? Секако не – истакна тој.

Како примери ги наведе Грција, која со речиси една деценија ги блокирала преговорите за пристапување на Македонија, како и Бугарија, која поставува предуслови во однос на Македонија.

– Никој не ги критикуваше нив, но Унгарија веднаш е мета на осуди – нагласи министерот.

Тој оцени дека причината за стигматизацијата е политичката независност на унгарската влада.

– Ние се спротивставуваме на војната, на миграцијата и на родовата пропаганда. Секогаш кога ќе имаме различно мислење, иако тоа е наше право според правилата на Унијата, веднаш сме обвинети – рече Сијарто.

Според унгарскиот министер, европските институции го нарушуваат принципот на едногласност кој е основна вредност на Унијата.

– ЕУ е создадена врз начелото дека секоја земја има право на вето. Но секогаш кога Унгарија ќе го искористи тоа право, стануваме жртва на политички напади – заврши Сијарто во интервјуто за РТС.

The post „ГРЦИЈА И БУГАРИЈА БЛОКИРАА, А НЀ ОБВИНУВААТ САМО НАС“ Сијарто ја обвини ЕУ за двојни аршини, особено кон Македонија appeared first on plusinfo.mk.

Процесот на пристапување кон ЕУ мора да се темели на заслуги и реформи, со јасни критериуми, ова не е услуга што се дава произволно, порача премиерот Христијан Мицкоски на Конгресот на Европската народна партија (ЕПП) во Валенсија. Во неговиот говор тој вели дека македонската влада останува длабоко посветена на конзервативните вредности и дека замислува заедничка европска иднина базирана на трајни вредности.

– Мојата Влада останува длабоко посветена на конзервативните вредности: вредностите на семејството, одговорноста, економската слобода и почитувањето на владеењето на правото. Од овие принципи сме водени дома и го инспирираат нашиот ангажман со Европа. Замислуваме заедничка европска иднина, цврсто стоиме на овие трајни вредности – почна Мицкоски.

Премиерот рече дека Македонија се соочува со двојни стандарди на патот кон ЕУ и дека тоа ја намалува довербата на македонските граѓаните во Унијата.

– Сепак, искреноста ме принудува отворено да се осврнам на предизвиците со кои се соочуваме. Европскиот проект ветува еднаквост, правичност и можности – но, понекогаш, ние доживуваме поинаква реалност. Нашиот народ, гордите македонски граѓани кои ги претставувам, од прва рака ја почувствуваа тежината на двојните стандарди. Стандарди кои ја поткопуваат довербата, го намалуваат ентузијазмот и ризикуваат да го ослабат самиот европски дух што го застапуваме – говореше Мицкоски.

Тој вели дека Македонија веќе направила многу жртви и реформи, но дека добила нови услови кои се применуваат селективно.

– Мојата нација направи значителни жртви и реформи, цврсто посветена на нашиот европски пат. Сепак, постојано бевме сведоци на менување на целите и дополнителни услови, кои се применуваат селективно, прикривајќи ја транспарентноста и правичноста што ги ветува Европа. Овој пристап не ја зајакнува Европа – го слабее нашиот колективен кредибилитет и ги намалува нашите заеднички цели – рече Мицкоски пред лидерите на ЕПП.

Македонскиот премиер пред присутните порача дека е од клучно значење лидерите на ЕПП, и во институциите на ЕУ и во земјите-членки, да станат движечка сила зад проширувањето на Западен Балкан во Европската унија.

– Вашето лидерство и проактивен ангажман значително ќе го подобрат кредибилитетот и ефективноста на процесот на проширување. Јасно да кажеме: интеграцијата на Западен Балкан во Европската унија не е само чин на добротворност – тоа е стратешки императив. Тоа обезбедува мир, стабилност и безбедност не само за нашиот регион, туку и за цела Европа. Процесот на пристапување мора да остане заснован на заслуги, воден од јасни критериуми и транспарентни проценки. Ова не е услуга што се дава произволно, туку е праведно признание за напорите и реформите – истакна премиерот.

Тој заклучи дека „македонскиот народ заслужува да види дека неговата посветеност и жртви вистински се почитуваат и се признаваат“ и уште еднаш ја повика ЕПП да се посвети на заедничка и обединета, силна Европа, како што рече, изградена на вредности, доследност и меѓусебно почитување.

The post ВО ЕУ САМО СО ЗАСЛУГИ, А НЕ СО ДВОЈНИ СТАНДАРДИ Мицкоски ги потсети лидерите на ЕПП дека Македонија даде многу жртви на европскиот пат appeared first on plusinfo.mk.

– Не сум изненаден од последните случувања и од најавите на американската администрација – рече Мицкоски.

Тој говореше за новите предизвици кои се исправаат пред НАТО, за плановите на Македонија во областа на енергетиката, како и за идните односи во Европа.

– Кога зборуваме за НАТО, не заборавајте дека мојата држава за да стане членка на НАТО го промени името. Кога се зборува за откажувања и за двојни стандарди, не треба да заборавиме на ова. Нашата посветеност за НАТО не може да се доведе во прашање, со многу страдање и понижувања станавме членка на НАТО – рече премиерот Мицкоски.

Тој посочи дека кога се говори за двојни стандарди во политкиката треба да се има предвид македонското прашање, затоа што две декади кандидатскиот статус не може да се претвори во членство во ЕУ поради вештачките прашања кои се отвораат.

– Ги слушнав гласините во Минхен, за мешање во внатрешните прашања, но, кога го менувавме нашето знаме, кога ја менувавме валутата или кога го менувавме нашето уставно име, што беше тоа? Нели беше тоа мешање во внатрешните работи и зошто тогаш никој гласно не говореше? Дури и сега се соочуваме со барање за менување на Уставот пак, доколку сакаме да почнеме преговори со ЕУ. Што е тоа? Зарем не е тоа мешање во внатрешните работи – праша Мицкоски.

Ние сме дел од Европа и сакаме да ги аплицираме европските вредности, додаде тој.

– Но, она што се случува е нешто што е комплетно различно. Ние сме сведоци на т.н. балканизација на Европа, наместо на европеизација на Балканот. Некои балкански земји членки ги донесоа балканските спорови и балканските вредности во Брисел, наместо да е обратно. Вие рековте дека Русија го негира украинскиот идентитет, јазик, црква, ужасна инвазија која беше многу погрешна во 21. век, но, во исто време парламентот на една од најмладите членки на ЕУ го негира македонскиот идентитет, македонскиот јазик кој е официјален јазик на ООН од 1945 година и е меѓународно кодификуван од 1977 година. Тогаш, за што зборуваме? Зошто сите молчат тогаш – потенцира Мицкоски.

Тој посочи дека Македонија мора да добие извесност на својот пат кон ЕУ.

Во врска со енергетските планови и Македонија како крстосница Мицкоски рече Македонија има огромен потенцијал.

– Коридорот 8, кој ги поврзува Црното Море со Јадранското Море, е критичен не само за економијата туку и за НАТО, бидејќи создава силна транспортна оска од Исток кон Запад. Истовремено, модернизацијата на Коридорот 10 може да го промени начинот на кој суровините и производите патуваат низ Европа, намалувајќи ја зависноста од далечни пристаништа како Ротердам и Хамбург. Ако пристаништето во Солун стане клучна точка за транспорт, Македонија ќе добие значителна економска и геополитичка предност – рече Мицкоски на панел дискусијата во Минхен.

The post ЗОШТО СИТЕ МОЛЧАТ КОГА НАЈМЛАДАТА ЕУ ЧЛЕНКА ГО НЕГИРА МАКЕДОНСКИОТ ИДЕНТИТЕТ? Се случи балканизација на Европа, наместо Балканот да се европеизира appeared first on plusinfo.mk.

Француските офицери за борба против измами го уапсија Павел Дуров во саботата вечерта откако тој со својот приватен авион полета на парискиот аеродром Бурже од Азербејџан.

Не е наведена официјална причина за неговото апсење иако француските медиуми објавија дека е поврзана со Телеграм, платформа која е нефилтрирана и е претежно на руски јазик, а служи за социјални пораки и како главен канал за вести и за видеа за војната во Украина.

Иако Дуров беше принуден да избега од Русија пред 10 години, откако одби да им ги предаде податоците за проукраинските демонстранти на безбедносните служби на ФСБ, Кремљ сепак ја обвини Франција за двојни стандарди во однос на содржината на Телеграм и на слободата на говорот.

– Дали мислите дека овој пат ќе се жалат до Париз и ќе бараат ослободување на Дуров или, пак, ќе си го голтнат јазикот? – изјави портпаролката на руското Министерство за надворешни работи, Марија Захарова.

Француските телевизиски канали TF1 и BFM цитираа извори кои велат дека истрагата била фокусирана на „недостаток на модератори“ на Телеграм што дозволува „криминална активност“.

Корпоративната веб-страница на Телеграм вели дека слободата на говорот е сржта на нејзината мисија и дека „играла истакната улога во продемократските движења ширум светот, вклучително и во Иран, Русија, Белорусија, Мјанмар и во Хонг Конг“.

Не е јасно зошто Дуров беше во посета на Азербејџан. Владимир Путин, исто така, ја посети земјата на средба со Илхам Алиев, нејзиниот претседател, оваа недела. Дуров претходно негираше дека има какви било врски со Кремљ.

Телеграм има околу една милијарда регистрирани корисници и е рангирана како една од најголемите платформи за социјални медиуми по Фејсбук, Јутјуб, Вотсап, Инстаграм, Тик-Ток и Ви-Чет. Таа е особено влијателна во делот од светот каде што се зборува руски.

Пропагандистите на Кремљ и западните поборници за слобода на говор го критикуваа апсењето на сопственикот на Телеграм.

– Трупите на руската армија активно го користат Телеграм во битките. Затоа, апсењето на Дуров веројатно е обид на француските и на специјалните служби на НАТО да воспостават контрола врз комуникацискиот и врз контролниот систем на руската армија во Североисточниот воен округ – рече поранешен пишувач на говори во Кремљ, Сергеј Марков.

На Телеграм, заменик-шефот на Советот за безбедност на Русија, Дмитриј Медведев, рече дека Дуров сакал да биде „брилијантен човек на светот“, но дека „погрешно пресметал“ со тоа што ја напуштил Русија и му верувал на Западот.

– За сите наши заеднички непријатели сега, тој е Русин и затоа е непредвидлив и опасен. Дуров конечно треба да сфати дека не може да се избере својата татковина – рече тој.

Телеграм е познат по својата нефилтрирана содржина, вклучително и по графичките видеа од ракетни напади и вооружени борби од војната во Украина кои се забранети од главните медиуми како премногу агресивни.

Платформата исто така е еден од единствените канали, достапни за Русите, за пристап до информации и вести релативно ослободени од силно цензурираните пропагандни преноси на некои медиуми контролирани од Кремљ.

Аналитичарите го опишаа Телеграм како виртуелно пропагандно бојно поле меѓу Украина и Русија. Кремљ, Володимир Зеленски и разни други високи профили на Руси и на Украинци редовно емитуваат преку апликацијата.

Според веб-страницата Баку пост (BakuPost), Дуров полета за Баку од Казахстан на 17 август, за да оствари средби со бизнисмени.

Путин пристигна во Баку следниот ден во својата прва посета на Азербејџан од 2018 година, на средби со претседателот Илхам Алиев. Набљудувачите шпекулираа дека Путин можеби се сретнал и со Дуров.

Сергеј Марков минатиот понеделник изјави дека Путин и Дуров можеби ќе имаат „случајна средба“. Каналот „Baza Telegram“, кој е поврзан со руските безбедносни сили, минатиот вторник напиша дека Путин одбил средба со Дуров.

„Причината не е јасна“, напишал каналот.

ФРАНЦИЈА МУ ГО ПРОДОЛЖИ ПРИТВОРОТ НА ДУРОВ Која е историјата на Телеграм и зошто оваа платформа е проблематична?

The post „НАТО САКА ДА ЈА КОНТРОЛИРА КОМУНИКАЦИЈАТА НА РУСКАТА АРМИЈА, ЗАТОА ГО УАПСИЈА ДУРОВ“ Кремљ ја обвини Франција за двојни стандарди appeared first on plusinfo.mk.

Доаѓа од земја со околу 1,3 милиони жители, што е голем успех – и нејзин личен и на земјата што ја претставува.

Естонија и самата Каја се одраз на двојните стандарди на ЕУ во однос на прашањата сврзани со демократските принципи, геополитиката и слично. Имено, во естонскиот Закон за државјанство, донесен во 1992 година врз основа на новиот Устав, веднаш по осамостојувањето од поранешниот СССР, беше предвидено дека по автоматизам естонско државјанство добиваат лицата кои живееле на територијата на денешна Естонија пред 1940 година.

Родените и доселени по 1940 гиодина требаше да аплицираат за државјанство. На овој начин, над 90% од етничките Естонци се стекнаа со државјанство уште пред првите демократски избори, додека само 8 -10% од не-Естонците добија државјанство.

За не-Естонците, претежно етнички Руси, процесот е комплициран, поради барањето за солидно познавање на естонскиот јазик. Се цени дека околу 14% од резидентите во Естонија немаат право на глас. Околу половина од овој контингент се без државјанство и им се заканува протерување од земјата, а другата половина се одлучиле за руско државјанство, само да не станат граѓани без државјанство.

Лицата без естонско државјанство не смеат да членуваат во политички партии и со тоа се дополнително исклучени од можноста на демократски начин да влијаат на развојот во земјата.

Со Законот за јазик од 2011 година, единствен официјален јазик во јавната администрација, државните агенции и локалните власти е естонскиот. Овие одредби важат за мнозинството државни компании, фондации основани од државата и непрофитни организации со државно учество. Исклучок се локалните заедници со над 50% население кое зборува јазик различен од естонскиот, но и тие целата комуникација со државните институции треба да ја водат на естонски јазик.

Ова значи дека за да се биде избран на каква било државна функција, услов е течно да се зборува естонскиот јазик.

Според некои проценки, околу една четвртина од населението во Естонија се етнички Руси, а нивната процентуална застапеност во поголемите градови е уште повисока.

Новиот комесар за надворешни работи на Европската комисија, г-ѓата Калас, постојано повикува на интервенција на НАТО на страната на Украина во руско-украинската војна, а неодамна се приклучи на повикот на претседателот на Полска, Анджеј Дуда, да се распарчи Русија.

Бог нека им е на помош и на двајцата – и на нам со нив!

The post Каја Калас и Естонија – олицетворение на двојните стандарди на Европската унија appeared first on plusinfo.mk.

Судирот меѓу двете страни останува непопуларен во Европа и општо на Западот.

Прво, затоа што се случува преку седум мориња, седум реки и седум планини.

Второ, ова од скоро, ЕУ не би сакала да се произнесува околу него, затоа што Азербејџан стана спасителот на Унијата и нејзините потреби за природен гас.

Тоа се тие двојни стандарди, другари. Тоа е таа правичност на „западните пријатели“. Медиумите леат крокодилски солзи за украинската трагедија, а ерменската е некаде на друга планета и не постои.

Оти нема грантови и европски пари ако се пљампа за Ерменија.

Гнило и непоправиливо е ова општество. Му треба мастер ресет и почнување од нула, со нов систем на вредности. Вакво какво што е, накриво е насадено.

(Фејсбук статус на авторот)

The post Зошто никој не лее крокодилски солзи за егзекуцијата на заробените ерменски војници? appeared first on plusinfo.mk.

Претседателот на најголемата светска хуманитарна мрежа ја обвини Европа за „двојни стандарди“ кога е во прашање миграциската политика.

– Брзиот прием на Украинците кои бегаат од руските напади го покренува прашањето за „двојниот стандард“ на Европа за мигрантите, што е спротивно на неприфаќањето на луѓето кои бегаат од насилството во Африка, Блискиот Исток и други земји – оцени Франческо Рока, претседател на Меѓународна федерација на Црвениот крст и на Црвената полумесечина.

На прес-конференција Рока рече дека не мисли дека има „некаква разлика“ меѓу маж кој бега од Донбас во источна Украина и човек кој бега од екстремистичката група Боко Харам во Нигерија.

– Оние кои бегаат од насилство, оние кои бараат заштита мора да бидат третирани подеднакво – потенцира Рока.

Тој истакна дека постои „морален императив“ да им се помогне на луѓето кои бегаат од насилство и превирања и дека „политичкиот, социјалниот и хуманитарниот одговор на кризата во Украина покажа што е можно кога хуманоста и достоинството се на прво место, кога постои глобална солидарност“.

– Се надевавме дека украинската криза ќе биде пресвртница во европската миграциска политика, но, за жал, тоа не се случи – рече Рока.

Според проценките на ОН, најмалку 3.668 луѓе се убиени, а 3.896 ранети во Украина од почетокот на руската инвазија на 24 февруари. Се верува дека реалниот број на жртви е многу поголем.

Според агенцијата за бегалци при ОН, повеќе од 6,2 милиони луѓе побегнале во други земји, а околу 7,7 милиони се внатрешно раселени.

The post ДВОЈНИ СТАНДАРДИ ВО ЕВРОПА ЗА БЕГАЛЦИТЕ Црвениот крст ги обвини владите од „стариот континент“ appeared first on plusinfo.mk.