Безживотни тела на две лица биле пронајдени за време на гаснење на пожарот што избувна на грчкиот остров Саламина и брзо се прошири поради силниот ветер. Девет лица со изгореници се префрлени во болница, додека пак превентивно се евакуирани шест населени места, јави дописничката на МИА од Атина.

Во период од 15 минути избувнаа два пожарa на две различни локации, едниот во јужниот, другиот во источниот дел на островот, а безживотните тела биле пронајдени на улица.

Во гаснењето интервенираат 192 пожарникари, со десет пешадиски тима и 48 возила, помагаат доброволци и цистерни од општината, а за гаснење од воздух се ангажирани и периодично интервенираат шест авиони и осум хеликоптери, од кои еден за координација.

Од бројот 112 за итни случаи беа испратени шест пораки, од кои две за информирање на граѓаните, а останатите четири за евакуација.

Евакуирани беа шест населени места, а паралелно во тек е и евакуација по морски пат на оние кои се на плажите со помош на чамци и бродови на противпожарната и крајбрежната служба на Грција и досега 90 лица биле пренесени на безбедна локација.

Во поширокиот дел на пожарот се распоредени и шест возила на брзата помош и два мотоцикл за итни интервенции.

Островот Саламина, со околу 37.000 жители е најголем од островите во Саронскиот залив и се наоѓа во непосредна близина на Атина.

The post ДВАЈЦА ИЗГОРЕА ВО ПОЖАРОТ НА ГРЧКИОТ ОСТРОВ САЛАМИНА Евакуирани се 6 населени места appeared first on plusinfo.mk.

Според СВР Охрид, до несреќата дошло кога се судриле товарно моторно возило „мерцедес“ со тетовски регистарски ознаки, управувано од М.И.(58) и патнички автомобил „голф“ со тетовски регистарски ознаки, управуван од А.И.(78), двајцата од Тетово. На местото на несреќата, на повредите им подлегнала Т.В.(54) од Тетово додека во амбулантно возило, на пат кон Ургентниот центар во Скопје, починала С.Ц.(75) од Тетово, двете сопатнички во второто возило.

По наредба на јавен обвинител, врз телата на починатите ќе се изврши обдукција.

Увид на местото на незгодата извршија јавен обвинител и полициски екипи.

The post ТЕШКА СООБРАЌАЈНА НЕСРЕЌА КАЈ ЗАЈАС Загинаа две жени од Тетово appeared first on plusinfo.mk.