Тројцата македонски државјани кои загинаа во тешката сообраќајна несреќа во Словенија се од селото Житинени, Општина Центар Жупа. Семејството живеело во Равена, Италија.

Меѓу загинатите се две деца и едно возрасно лице. Во автомобилот биле родителите на децата и нивната баба, мајка на возачот, изјавил градоначалникот на Центар Жупа, Аријан Ибраим.

– Немам зборови со кои би ја искажал тагата од оваа страшна трагедија која ги потресе жителите на нашата општина. Семејството е по потекло од село Житинени, а живеат во Равена Италија. Се молиме, за закрепнување на другите две повредени лица – изјави Ибраим за МИА.

Министерството за надворешни работи и надворешна трговија претходно соопшти дека во несреќата загинале тројца македонски државјани и дека полицијата од Копер ја известила македонскаа амбасада во Љубљана дека станува збор за едно полнолетно и за две малолетни лица.

Тешката сообраќајна несреќа се случила на автопатот А1 во близина на Унец во Словенија. Уште две лица, македонски државјани, биле повредени.

The post ТРОЈЦАТА ЗАГИНАТИ ВО СЛОВЕНИЈА СЕ ОД ЦЕНТАР ЖУПА Семејството живеело во Италија, во автомобилот била и бабата appeared first on plusinfo.mk.