Системот за брза размена на информации за небезбедни производи што се пласирани на единствениот пазар на ЕУ (RAPEX)  издаде предупредување за неисправност на два производи и нивно итно повлекување од продажба поради хемиски ризик.

Станува збор за две серии фалсификувани  кадифени играчки од брендот Pop Mart – Labubu и Monster кои се фалсификувани. Играчките потекнуваат од Кина.

Пластичниот материјал вграден во играчката Лабубу – чудовиште има прекумерна концентрација на бис(2-етилхексил) фталат (DEHP) (измерена вредност: 16,55% по тежина).

Овој фталат може да му наштети на здравјето со предизвикување евентуално оштетување на репродуктивниот систем.

За овој производ пријавила Чешка.

Вториот производ е  Чудовиште со   КОКА-КОЛА, е  бела кадифена играчка, изработена од пластика и филц, со црвен капак и шише што личи на „кока кола“, пластично лице, раце и нозе.

И оваа играчка е фалсификат на  брендот Pop Mart . Број на серија: 410006-2P1,  број на модел: 12403190065. Баркод: 6931571047290

Пластичниот материјал на производот има прекумерна концентрација на бис(2-етилхексил) фталат (DEHP) (измерени вредности до 34,7% од тежината).

Фалсификатот е пријавен во Германија.

The post ВНИМАВАЈТЕ КОИ ИГРАЧКИ ГИ КУПУВАТЕ Фалсификатите на познатите играчки Лабубу се опасни по здравјето на децата appeared first on plusinfo.mk.