– Врз основа на утврдената состојба на терен изготвен е записник и решение со кои изведувачот е задолжен да ги врати дрвјата во првобитната состојба. Дополнително, на изведувачот (фирмата) е изречена казнета во висина од 1.500 евра, додека на одговорното лице е изречена казна во висина од 300 евра – велат за Плусинфо од Град Скопје.

Не добивме одговор дали поради оваа грешка фирмата изведувач ќе биде исклучена во натамошното уредување на Кејот, како и дали во иднина истата повеќе нема да биде вклчена во други градежни активности во Град Скопје, како што побараа повеќето невладини огранизации и здруженија.

Инаку за потсетување, на Кејот „13 Ноември“ во центарот на Скопје, неколку дрвја пред два дена беа забетонирани. Набрзо по бурните реакции на социјалните мрежи, градските служби излегоа на терен, со хилти го раскопаа бетонот и им ставија земја на стеблата.

Градоначалникот на Град Скопје, Петре Шилегов беше присутен на терен и ја координираше работата на службите што беа задолжени за експресната интервенција за ослободување на дрвјата. Со ослободувањето, сите дрвја на Кејот сега се целосно заштитени и нема да имаат последици при нивното растење и развивање. Шилегов вината ја префрли на изведувачот и дека станувало збор за нивна грешка.

Инаку, во тек е реконструкција на кејот од мостот „Слобода“ кај „Холидеј Ин“ до Камениот мост. Се уредува површина од околу 12.500 квадратни метри, а за тоа се одвоени 88.6 милиони денари.

Со реконструкцијата на кејот 13 Ноември е опфатено целосно ново поплочување, патека за лицата со инвалидитет, високо зеленило – дрворед, поставување клупи, смарт клупи, корпи за џебен отпад, нови жардиниери за дрворедот, канделабри, рефлектори за осветлување и нови бетонски и електрични столбови заради реализација на забраната за паркирање и движење по кејот.

На новиот кеј ќе биде ослободено повеќе место за велосипедистите и пешаците преку целосно спречување на можноста за нелегално паркирање на овој простор и сериозно ограничување на протокот на возила, информираат од Град Скопје.

The post Градот ги „репна“ по џебот оние што ги бетонираа дрвјата на Кејот appeared first on plusinfo.mk.

Иако од партиите велат дека е рано да се зборува за позиционирањето за локалните избори, сепак не кријат дека веќе се разработуваат стратегии за изборен настап кој ќе им обезбеди сигурна победа на изборите за градоначалници.

Ако СДСМ и ДУИ и на претстојните локални избори ја задржат коалицијата, можно е за противкандидати во некои градови да имаат заеднички кандидат од ВМРО-ДПМНЕ, Алијансата и Алтернатива.

– Тоа е една од можните опции што би се разгледувала во соодветно време – вели функционер од ВМРО-ДПМНЕ.

И од Алијансата потврдуваат дека е можна соработка со ВМРО-ДПМНЕ за локалните избори во одредени општини. Сепак, од Алијансата го издвојуваат Кичево за каде се калкулира и со единствен настап на албанскиот политички блок со натпартиски кандидат.

Тоа би значело дека за Скопје, Чаир, Куманово, Гостивар, Тетово, Кичево, Струга… наместо во трка да влезат 7 до 8 кандидати за градоначалници, битката да ја водат само по двајца кандидати.

Доколку дојде до предизборни коалиции помеѓу македонските и партиите на Албанците за овие градови тоа ќе значи дека првпат за локалните избори ќе има блоковска битка.

СДСМ и ДУИ веќе имаат пракса на поддршка во овие градови кога станува збор за локалните избори, дали тоа ќе биде клучно и опозицискиот македонско-албански блок да настапи заеднички, ќе се види допрва. Но, нема да биде изненадување, бидејќи ВМРО-ДПМНЕ и Алијансата веќe соработуваат, а таа соработка се официализира на конференцијата во организација на Конрад Аденауер.

Друга, помалку веројатна опција е за градовите каде речиси еднакви шанси за победа има и македонски и кандидат Албанец, како што се Кичево и Струга, партиите да настапат во етнички блокови, односно со заеднички кандидат да одат од една страна СДСМ и ВМРО-ДПМНЕ и од друга албанскиот политички блок.

Но клучно за ваков изборен настап е ако партиите се договорат за натпартиски кандидат, што е помалку веројатно.

Секогаш на маса е и моделот секоја од партиите самостојно да влезе во трката за избор на градоначалници.

Локалните избори ќе се оддржат во октомври догодина.

The post Ќе се одигра ли „блоковска“ битка за локалните избори – Заев, Ахмети и Касами од една, а Мицкоски, Села и Гаши од друга страна? appeared first on plusinfo.mk.

Основното јавно обвинителство има отворено два случаја за стечајот на Еуростандард банка, соопшти државниот обвинител Љубомир Јовевски за време на Надзорната расправа во Комисијата за финансирање и буџет како одговор на прашањето на пратеникот од ВМРО-ДПМНЕ Александар Николовски.

Јовевски не откри многу детали за истрагите, за да не го загрози истражниот процес и засегнатите.

Истакна дека ќе бидат истражени сите лица за кои доказите и фактите ќе покажат дека се вмешани во стечајот на банката.

The post Обвинителството има отворено два предмета за Еуростандард банка appeared first on plusinfo.mk.

Локалните власти во Република Нагорно-Карабах, како дел од Азербејџан, а во која доминира ерменското население, денеска соопштија дека уште 28 нејзини војници се убиени во судирите со азербејџанските сили што траат веќе два дена, со што вкупниот број на загинати сега изнесува 59 лица.

Ерменскиот амбасадор во Русија, Вардан Тогајан, денеска изјави дека околу 30 ерменски државјани се убиени во судирите меѓу ерменските и азербејџанските вооружени сили во Нагорно Карабах.

– Информациите за жртвите варираат, а според неодамнешните податоци, ерменската страна има околу 30 жртви и тие главно се припадници на армијата – рече ерменскиот амбасадор за радио „Ехо на Москва“.

Британските медиуми јавуваат дека ерменските и азербејџанските сили веќе два дена разменуваат жесток артилериски оган на повеќе позиции долж линијата на разграничување на територијата на Нагорно Карабах.

Двете страни меѓусебно се обвинуваат за употреба на тешка артилерија, а во спорот веќе од вчера се вклучи и меѓународната заедница со осуда на насилството и понуди за посредување за постигнување примирје и почеток на преговори.

The post Расте бројот на жртви во судирите во Нагорно-Карабах appeared first on plusinfo.mk.

– Не можам да кажам дека во Полска имаме остра антируска реторика. Меѓутоа постојат работи кои не ни се допаѓаат. На пример, Северен поток 2, истакна Моравјецки.

Според него, доколку Русија ја исклучи Украина од транзитот на гас кон Западна Европа, тогаш ќе има големо влијани врз таа земја.

– Затоа Северен поток и Северен поток 2 се многу опасни за нашиот регион и затоа поради нив ја критикуваме германија, нагласи полскиот премиер.

Полска смета дека Северен поток 2, кој двојно би го зголемил рускиот извоз на гас преку Балтичко Море, претставува закана за енергетската безбедност на Европа и со него ќе се зајакне доминацијата на Газпром на пазарот.

The post Моравјецки: Европа преку Северен поток 2 како да вложува во руско оружје appeared first on plusinfo.mk.

– Новите санкции би биле сериозно мешање во европската енергетска безбедност и суверенитетот на Европската унија – се наведува во соопштението на германското Министерство за надворешни работи.

Вашингтон воведе санкции кон крајот на минатата година, наменети за бродовите кои поставуваат цевки во Балтичкото Море и странските државјани кои се вклучени во тие работи. Мерките го одложија завршувањето на проектот, планирано за крајот на минатата година.

Овој месец, група американски сенатори претставија предлог-закон, со кој се предлага санкционирање на компаниите кои обезбедуваат бродови за други активности поврзани со проектот.

Вашингтон предупредува дека ЕУ ќе биде уште повеќе зависна од рускиот природен гас поради гасоводот, на што предупредија Украина и некои членки на ЕУ, како Полска.

Русија, пак, тврди дека САД се обидуваат да го урнат гасоводниот проект за да го отворат патот за американските снабдувачи на природен гас кој, како што тврди Москва, ќе се извезува во ЕУ по повисоки цени од руските.

The post Најавените нови американски санкции за Северен тек 2 наидоа на критики од Германија appeared first on plusinfo.mk.

– Одржувајте два метра растојание кога одите во маркет или комуницирате со луѓе. На овој начин го спречувате ширањето на коронавирусот и спасувате животи. Граѓаните во период на инкубација може да се преносители на болеста, а да не се свесни за тоа. Доколку имате симптоми, не се доближувајте до повозрасните, кои се во најголем ризик од овој вирус, напиша Филипче.

The post Филипче: Одржувајте два метра растојание appeared first on plusinfo.mk.