– Позитивниот финансиски резултат и остварената добивка од 79.286.643 денари за првите девет месеци од 2021 година доаѓа како одраз на домаќинското работење во изминатиот период, стратешко планирање на инвестициите насочени кон подобрување и унапредување на работните процеси, како и вкупната делотворност на претпријатието. Тоа исто така е одраз и на професионалниот пристап и деталната финансиска анализа и план за приходите и расходите на претпријатието – изјави генералниот директор на ЈП „Водовод и канализација“ – Скопје Душко Весковски.

The post ВОДОВОД СО ДОБИВКА Заработиле 79,2 милиони денари за 9 месеци appeared first on plusinfo.mk.

Според информациите на Државната изборна комисија (ДИК), во моментов се обработени 7.6 отсто од гласовите во Општина Карпош, а Јакимовски има освоено 1.248 (53%), додека, пак, Весковски има освоено 948 гласови (41%).

Инаку, во Карпош гласањето беше продолжено на избирачкото место 2652 – два часа и 30 минути.

The post РАСТЕ ВОДСТВОТО НА СТЕВЧО ЈАКИМОВСКИ ВО КАРПОШ Разликата е 300 гласови appeared first on plusinfo.mk.

– Отвораме нов Младински центар, Креираме локална младинска стратегија, отвораме Канцеларија за млади, буџет за млади, субвенционираме еколошки превоз за млади, електронски уреди, Карпош ФИТ, стипендии за најдобрите ученици и поддршка на практичната работа, стипендии за ученици од семејства во социјален ризик и еднородителски семејства – вели Вескоски.

Тој наведува дека има проекти за децата од предучилишна и училишна возраст.

– Преку обезбедување и одржување здрава средина за раст, развој, отвораме можности за образование во современо опремени училишта и нивна подготовка за продолжување на средното образование според сопствен избор, квалитети и афинитети – вели тој.

Весковски ветува доследна примена на државните политики за родова еднаквост и верификација и признавање на квалитетите, заложбите и успесите на жените во Општина Карпош, преку формирање на Совет на жени и поддршка на жените од ризични групи, особено олеснување на секојдневниот живот на самохраните мајки со изготвување и спроведување проекти во соработка со НВО што се занимаваат со оваа проблематика.

Во неговата програма акко што изјави има проекти и за лица во социјален ризик и лица со попреченост.

– Обезбедуваме поддршка и помош за овие лица, во соработка со државните институции, Црвениот крст, невладини организации и други засегнати страни. Создаваме услови за Карпош да биде најинклузивната општина во Скопје и пошироко, како и можности за нивна интеграција и социјализација во сите општествени процеси- вели тој.

За пензионерите и ветераните ќе се формира Форум на пензионери пеко кој редовно ќе се комуницира со цел, дел од нивното  искуство да се примени во креирањето на политиките што ќе ги спроведува Општината.

– Обезбедуваме постојана финансиска поддршка на наставниците, за обезбедување нагледни материјали и дигитални алатки, за учество на обуки и семинари, за подготвување и поднесување апликации за грантови за реализација на проекти за унапредување на образовниот процес. А за културните работници кои се нашиот прозорец кон светот, креаторите на трајни вредности ќе формираме Општинскиот центар на културата – вели Весковски.

Тој најавува и проекти за претприемачи и бизнис-секторот.

– Мотото кое ја води оваа активност е „Бизнис од Карпош, за Карпош“, обезбедуваме широка платформа за поддршка на претприемачите и бизнис-секторот во Општината и нивно партнерско вклучување во креирањето и спроведувањето на нашите политики. Формираме Деловен развоен центар – вели Весковски.

The post ВО КАРПОШ СЕКОЈ Е ВАЖЕН Весковски ветува проекти за сите жители на општината appeared first on plusinfo.mk.

Владата на денешната седница донесе одлука за стопирање на изградбата на Прифатниот центар за странци во Бардовци и негово преместување на локација надвор од населено место, соопшти денеска Душко Весковски, кандидат за градоначалник на Општина Карпош од редовите на СДСМ.

– Ова доаѓа како одговор на барањето на граѓаните од Бардовци и од Волково кои со месеци протестираа против изградбата на центарот. Граѓаните имаа оправдани дилеми поради што неколку пати за ова се обраќаат до централните институции, Општина Карпош и до меѓународната заедница. Во директна комуникација со граѓаните на Бардовци, Владата ги уважува нивните аргументи и во транспарентна постапка ќе бара нова локација надвор од населено место со цел реализација на овој важен проект –
истакна Душко Весковски.

The post ПРОТЕСТОТ ИМ СЕ ИСПЛАТЕШЕ НА БАРДОВЧАНИ Стопирана е изградбата на Прифатниот центар за странци appeared first on plusinfo.mk.

– Новите детски градинки се предвидени на две локации – едната во зоната покрај реката Вардар и на просторот околу некогашна „Алуминка“. Двата објекти ќе бидат од по 1.480 квадратни метри, на два ката со можност за згрижување од 130 до 150 деца од предучилишна возраст во еден објект. Тоа, пред сѐ, ќе значи згрижување на сите дечиња од предучилишна возраст што се на листите на чекање, но и можност за отворање нови работни места – информира Весковски.

Тој рече дека новите детски градинки ќе бидат во согласност со најновите стандарди, енергетски ефикасни, со многу зеленило, и со површини за спроведување рекреативни и спортски активности за дечињата во текот на нивниот престој.

– Реализацијата на овие проекти значително ќе го подобри капацитетот и квалитетот на грижата за најмладите карпошани. Децата се најважни. Карпош може, Карпош мора да оди напред преку реализација на граѓанскиот концепт, на проевропскиот концепт со нови лица, нова енергија и нови
политики – рече Весковски.

The post ЌЕ СЕ ГРАДАТ 2 НОВИ ДЕТСКИ ГРАДИНКИ ВО КАРПОШ Ќе бидат згрижени уште 300 дечиња appeared first on plusinfo.mk.

– Нашата цел е веднаш да продолжиме со реализацијата на овој проект, со што на површина од 86.000 м2 ќе се изгради ботаничка градина и тематски содржини за сите генерации. Ќе се подобри квалитетот на урбаното живеење на карпошани, но и ќе придонесеме за зголемувањето на зелените површини во општината, за најмалку 20 % до крајот на 2025 година – порача Весковски.

Тој вели дека во ерата на дигитализацијата не смееме да заборавиме на природата.

– Живееме и работиме во време на дигитализација и брз напредок на технологијата, но во ниеден момент не смееме да заборавиме на спортските и рекреативни активности, маалскиот живот, дружбите, детската смеа по парковите, првите симпатии на некоја „наша клупа“ и пензионерските денови минати во дружба со пријателите на партија шах. Паркот во Карпош 4 ќе биде токму тоа место каде што секојдневието ќе добие поинаква димензија и каде што ќе дозволиме времето да застане,барем за еден миг. Карпошани го заслужуваат тоа. Карпош го заслужува најдоброто – додава кандидадот на СДСМ.

The post ВЕСКОВСКИ ВЕТУВА НОВ ПАРК ВО КАРПОШ Ботаничка градина од 86.000 м2 appeared first on plusinfo.mk.

– Чест ми е да Ве известам дека жителите на Општина Карпош, односно Жданец и Трнодол добиваат нова автобуска линија која почнувајќи од понеделник, 25 октомври ќе профункционира на барање на жителите на Жданец и Трнодол, за да им се олесни пристапот до централниот дел на општината и градот, а истовремено и како предлог решение за организиран јавен превоз од/до посочените населени места, имајќи го во предвид проектот за новата мрежа на линии од јавниот транспорт во градот Скопје – изјави Весковски.

Карпош може и мора да продолжи напред со цел пресретнување на потребите на сите карпошани.

The post ВЕСКОВСКИ ВЕЛИ ЗА НЕГО ПРИОРИТЕТ СЕ КАРПОШАНИ Од понеделник нова автобуска линија за Жданец и Трнодол appeared first on plusinfo.mk.

– Нашата политика во наредните четири години е развој на „Паметна општина“ преку дигитализација, односно употреба на ИКТ, што придонесува за зголемување на оперативната ефикасност, споделувањето и разменувањето информации со јавноста и го унапредува квалитетот на општинските јавни услуги и благосостојбата на граѓаните – рече тој.

Реализацијата на оваа политика вклучува поголема партиципативност на граѓаните во планирањето и креирањето на буџетот на Општината, поголема контрола на буџетските трошоци и нивно намалување, подобрување на услугите и интеракцијата со граѓаните, ефикасно планирање и одржување на инфраструктурата, како и ефикасно и подобро управување и наплата на даноците.

The post КАРПОШ ЌЕ БИДЕ ПАМЕТНА ОПШТИНА Весковски ја промовираше дигиталната програма appeared first on plusinfo.mk.

– Имаме два концепти. Едниот, кој во 2016 – 2017 нè сплоти против бетонизацијата на Карпош, за менување на демографскиот лик на Карпош. Период во кој сите политички партии, невладини организации, граѓански здруженија се здружија со нас против (Стевчо) Јакимовски и ВМРО-ДПМНЕ – изјави Весковски на неговото гостување на „Утрински брифинг“.

Тој посочи на јасниот концепт што го застапува за развојот на општината, темелена на проевропска, хумана и планска урбанизација на населбите Злокуќани и Бардовци.

– Нашиот концепт е отворен кон соработка и мобилизирање не само на членовите на СДСМ, коалиционите партнери, туку и на граѓанските здруженија кои оваа година, на овие избори веќе добија 2 советнички места во Општина Карпош – додаде тој.

Весковски е свесен за лошиот резултат на неговата партија остварен во првиот круг од локалните избори, но потенцира дека по направените анализи повеќе нема да се прават истите грешки.

– Даден е слободен простор за сите симпатезири, ја разбравме пораката што ни ја испорачаа граѓаните и која е насоката по која треба да се продолжи. Програмата која ја застапувам јас како кандидат за градоначалник на Општина Карпош, нуди реални проекти, нема празни ветувања. Можеме да ветиме многу, но колку од тоа е реално остварливо. Верувам дека граѓаните го препознаваат нашиот концепт за Карпош, со кој нема да се дозволи реприза на серијалот на Стевче Јакимовски и ВМРО-ДПМНЕ. Верувам дека ќе ги насочат своите гласови кон најдоброто за Карпош, за да можеме со нова енергија и многу вложен труд, прво да го вратиме останатиот долг на Општината и веднаш да пристапиме да работиме на реализацијата на поставените цели, задачи и поставени проекти – меѓу другото истакна Весковски.

The post ДУШКО ВЕСКОВСКИ Е ПРОТИВ БЕТОНИЗАЦИЈАТА НА КАРПОШ Повеќе нема да ги правиме истите грешки appeared first on plusinfo.mk.

– Нашата цел е да креираме соодветни платформи за редовна комуникација на наставниците во нашите основни училишта, која може да резултира со идентификација и последователна реализација на проекти за поддршка на нивната работа и за зголемување на квалитетот на работниот процес. Во рамките на можностите, ние ќе обезбедуваме постојана финансиска поддршка на наставниците, за обезбедување нагледни материјали и дигитални алатки, за учество на обуки и семинари, за подготвување и поднесување апликации за грантови за реализација на проекти за унапредување на образовниот процес. Клучниот проект за поддршка на оваа целна група е Подигање на материјално-техничката опременост на училиштата, особено во правец на дигитализацијата на образованието. Културните работници се нашиот прозорец кон културата, магијата на уметностите, пренесувањето на трајните вредности. Нашата поддршка на оваа фела, е приоритет, а главниот инструмент односно платформа за тоа, ќе биде Општинскиот центар на културата, со библиотека и циталница – рече Весковски.

Клучен проект за оваа целна група, додаде тој, е реконструкција и надградба на Амфитеатарот на кејот на Вардар, кој треба да прерасне во општински културно-забавен центар на отворено.

The post МОТИВАЦИЈАТА Е КЛУЧНА ВО ОБРАЗОВНИОТ ПРОЦЕС Весковски ќе ги праќа наставниците на обуки и на семинари appeared first on plusinfo.mk.