Газдата на „Дурмо турс“ Дурмиш Белули конечно се пријавил во затворот „Идризово“ за да ја одслужи 10-годишната казна затвор за сообраќајната несреќа кај Ласкарци, во која загинаа 16 патници, а повеќе од 30 беа повредени. Веста ја потврдил директорот на установата Зоран Јовановски, кој изјавил дека Белули е примен и сместен според стандардна процедура.

По серија одлагања, најчесто оправдувани со медицински причини, Белули во декември 2025 конечно се појавил во затвор. На 1 декември имал уште едно одложување поради втора операција на тестис, а претходно во октомври тврдеше дека се оперирал од кила.

Судијата тогаш лично разговарал со хирургот во тетовската болница кој го потврдил специјалистичкото мислење дека операцијата е неопходна.

Неговиот соработник Ремзи Мифтари, одговорен за возниот парк на „Дурмо турс“, исчезна на крајот на ноември 2025 и по него е распишана потерница. И двајцата добија правосилни пресуди на 9 мај 2025, кога Апелациониот суд во Скопје им ги зголеми казните – на Белули од четири на десет години, а на Мифтари од шест на десет.

Трагедијата кај Ласкарци останува едно од најтешките сообраќајни страдања во поновата македонска историја, со длабоки последици за семејствата на загинатите и прашања за безбедноста на јавниот превоз.

The post ГАЗДАТА НА „ДУРМО ТУРС“ КОНЕЧНО СЕ ЈАВИ ВО ЗАТВОРОТ ИДРИЗОВО По 4 одлагања и 2 операции на тестиси, сам се пријавил во затворот appeared first on plusinfo.mk.

Дурмиш Белули, сопственикот на гостиварската транспортна компанија „Дурмо турс“, осуден на десет години затвор за автобуската трагедија кај Ласкарци во која загинаа 16 лица, повторно побара одложување на издржувањето на казната во КПУ „Идризово“, повикувајќи се на здравствени причини.

Барањето било доставено до Основниот суд во Гостивар заедно со лекарски извештај од доктор-специјалист, во кој се наведува дека по оперативен зафат извршен на 1 декември, на Белули му е потребно постоперативно мирување во траење од најмалку 20 до 30 дена.

Судијата Ќирко Михајлоски за „Телма“ изјави дека судот дополнително ќе побара мислење и изјава од докторот кој ја извршил операцијата во тетовската болница, по што ќе донесе одлука пред истекот на рокот. Според судската одлука, Белули требаше денеска до 15 часот да се јави во затворот „Идризово“ на издржување на казната.

Паралелно со ова, второобвинетиот во предметот, Ремзи Мифтари, шеф на возниот парк во „Дурмо турс“, и натаму е во бегство. Тој не се појави во затворот за издржување на десетгодишната затворска казна, поради што по него е распишана потерница.

И Мифтари претходно побара одложување на издржувањето на казната, исто така повикувајќи се на оперативен зафат, но по истекот на рокот не се појави во затвор, по што институциите го прогласија за недостапен за органите на прогонот.

Случајот со трагедијата кај Ласкарци и натаму предизвикува силни реакции во јавноста, особено поради повторливите одложувања и избегнувањето на издржување на правосилно изречените казни.

ТЕСТИСОТ ПАК ГО СПАСУВА ОД ИДРИЗОВО Газдата на „Дурмо турс“ ја одложи десетгодишната казна до 17 декември

The post ТРЕБАЛО ДА ОДМАРА 20-30 ДЕНА ПО ОПЕРИРАНИОТ ТЕСТИС Газдата на „Дурмо турс“ пак бара да му се одложи одењето во „Идризово“ appeared first on plusinfo.mk.

Газдата на „Дурмо турс“, Дурмиш Белули, повторно не се појавил во затворот „Идризово“ за да ја започне десетгодишната казна. Белули добил ново одложување, овојпат поради наводна операција на вториот тестис, откако првата ја извршил во октомври.

Судијата за извршување санкции за порталот „СДК“ изјавил дека лично го посетил хирургот во тетовската болница, кој стои зад специјалистичкото мислење дека Белули треба повторно да биде опериран. Новиот рок за започнување на казната е продолжен до 17 декември 2025 година.

Паралелно, и Ремзи Мифтари од „Дурмо турс“, кој исто така треба да одлежи 10 години затвор, исчезнал минатата недела. За него е распишана потерница.

И двајцата имаат правосилни пресуди од 9 мај, но нивното затворање постојано се одложува, иако несреќата кај Ласкарци зеде 16 животи и остави над 30 повредени.

The post ТЕСТИСОТ ПАК ГО СПАСУВА ОД ИДРИЗОВО Газдата на „Дурмо турс“ ја одложи десетгодишната казна до 17 декември appeared first on plusinfo.mk.