Легендарниот шведски атлетичар во скок со стап Арманд „Мондо“ Дуплантис постави нов светски рекорд, прескокнувајќи ја летвичката синоќа на домашен терен во Упсала на височина од 6,31 метри.

Дваесет и шестгодишниот Дуплантис го постави новиот светски рекорд при својот прв обид да ја прескокне оваа височина.

Ова е 15. пат во кариерата на Дуплантис да го собори светскиот рекорд.

Неговата серија започна во 2020 година кога го симна од тронот Французинот Рено Лавилени со скок од 6,17 метри.

The post ДУПЛАНТИС ПО 15. ПАТ СОБОРИ СВЕТСКИ РЕКОРД Од првпат прескокна 6,31 метри appeared first on plusinfo.mk.

Шведскиот атлетичар Арманд Дуплантис го собори светскиот рекорд во скок со стап по 14 пат во својата блескава кариера, откако денеска на Светското првенство во Токио прескокна 6,30 метри.

Дуплантис го обезбеди светското злато со скок од 6,15 метри, а потоа прескокна 6,30 метри во својот трет обид, поставувајќи нов светски рекорд по четврти пат оваа сезона.

Дваесетипетгодишниот Швеѓанец го држи светскиот рекорд од 2020 година, кога го собори остварувањето на Французинот Рено Лавилени со скок од 6,17 метри.

Французинот беше првиот што му го честиташе на Дуплантис денешниот подвиг во Токио, а за Лавилени ова Светско првенство беше последното големо натпреварување во кариерата.

Сребрениот медал во Токио го освои Гркот Емануил Каралис со скок од 6,00 метри, а Австралиецот Куртис Маршал освои бронза со скок од 5,95 метри.

The post 🎥 НА ДУПЛАНТИС МУ НЕМА РАМЕН Швеѓанецот постави нов светски рекорд – еве колку метри скокна! appeared first on plusinfo.mk.

Шведскиот атлетичар Арманд Дуплантис продолжува да го менува светот во скок со стап, поставувајќи нов светски рекорд и тоа по 12 пат во својата кариера. На домашен терен во Стокхолм, на престижната Дијамантска лига, 25-годишниот олимписки шампион го надмина сопствениот рекорд, прескокнувајќи неверојатни 6 метри и 28 сантиметри.

Но, покрај спортскиот успех, Дуплантис привлече внимание и со искрената и емотивна изјава по натпреварот.

– Баба ми сакаше да ветам дека ќе го соборам светскиот рекорд денес. И го направив тоа. Имаше голем притисок да победам пред баба ми. Затоа мило ми е што успеав да го направам тоа за неа – изјави Дуплантис за шведската телевизија „STV“.

Со овој резултат, Дуплантис го подобри претходниот светски рекорд од 6,27 метри, кој го постави во март годинава на натпревар во Клермон, Франција.

Дуплантис ја започна својата неверојатна серија на рекорди во 2020 година, кога како 20-годишен на Дијамантската лига во Рим прескокна 6,15 метри, со што го надмина легендарниот резултат на Сергеј Бубка (6,14 м), рекорд што траеше цели 26 години.

The post 📽️ НОВИОТ РЕКОРД ГО ПОСВЕТИ НА БАБА МУ Дуплантис по 12 пат со најдобра висина во скок со стап appeared first on plusinfo.mk.