ДУИ има едноставен рецепт две децении: кога доаѓаат локални избори, не зборува за општини, туку измислува референдуми, националистички теми и знамиња, само за да го скрие својот срамен неуспех, соопшти коалицијата Вреди.

„Фактот е јасен и не може да се негира: 20 години кадрите на ДУИ ја уништија секоја општина со која управуваа. Денес, по две децении нивна власт, многу албански општини сè уште немаат вода за пиење, канализација, основна инфраструктура, училишта со достоинствени услови или центри за деца и за стари лица. Граѓаните продолжуваат да живеат во беда, додека функционерите на ДУИ се збогатуваат на нивна сметка“, соопшти Вреди.

ДУИ точно знае: ако се зборува за општините, трката ќе ја изгуби, додава Вреди.

„Затоа бегаат од реалноста и измислуваат референдуми секој пат кога ќе се соочат со разочаран граѓанин. Во меѓувреме Вреди за само една и пол година влада одвои 80 милиони евра за албански општини, конкретни инвестиции, проекти што отвораат нови патишта, градат училишта, носат вода за пиење и подобри услови за секојдневниот живот. Разликата е голема и опиплива: ДУИ 20 години остави празнина, неуспех и сиромаштија во општините. Вреди за една и пол година обезбеди рекордни инвестиции и конкретни проекти“, соопшти коалицијата.

На 19 октомври граѓаните ќе стават крај на националистичката измама на ДУИ, се додава во соопштението.

„Нема знаме што ја покрива корупцијата, нема референдум што ги крие неуспесите. Општините ќе им се вратат на граѓаните, на услуга, транспарентност и развој. Вреди е клучот за повторно издигнување на албанските општини. Минатото на ДУИ е срамно, иднината со Вреди е сигурна“, се вели во соопштението на коалицијата Вреди.

The post ДУИ ИЗМИСЛУВА РЕФЕРЕНДУМИ И НАЦИОНАЛИСТИЧКИ ТЕМИ ЗА ДА ГО СКРИЕ СРАМНИОТ НЕУСПЕХ Не им се зборува за општините што ги уништија, обвини Вреди appeared first on plusinfo.mk.