Легализацијата на производство на канабис за медицински цели се злоупотребува. Повеќе од 70 фирми произведуваат канабис без ефикасна контрола од државните институции и производството се пласира на нелегалниот пазар, со што се шири нарко-бизнисот и злоупотребата на канабисот, реагира партијата Демократски сојуз.

„Присуството на експерти од странство за борба против нарко-бизнисот во Македонија, потврдува дека овој криминал поприма сериозни димензии и повлекува формирање на нарко-картели, меѓусебни пресметки и ликвидации, како и ширење на наркоманијата во големи размери и надвор од Македонија.

Досега се откриени над 10 „кражби“ на марихуана, обиди за нелегална продажба на канабис итн. Состојбите се загрижувачки и прашање е кога ке добиеме сериозна критика и одлука за забрана на прозводство на канабис и од Организацијата на обединетите нации.

Последната акција на МВР, во која се опфатени и партиски активисти, укажува на примамливоста и огромните нелегални профити од овој вид легализиран криминал.

Во овој „бизнис“ се вклучени и носители на високи државни и политички функции.

ДС по изборите ќе предложи укинување на законот за легализација на производство на канабис за натамошна продажба“ – се вели во соопштението на партијата.

The post ДА СЕ ЗАБРАНИ ПРОИЗВОДСТВОТО НА КАНАБИС ВО ЗЕМЈАВА! Наместо за медицински цели завршува на нарко-пазарот, обвинува Демократски сојуз appeared first on plusinfo.mk.

„Досега ДУИ и Алијансата на Албанците со 20 пратеници раководеа со 8 министерства, додека СДСМ со 41 пратеник имаше премиер и 8 министерства. Со номинацијата на Талат Џафери за премиер, како и вкупниот број пратеници од СДСМ и опозицијата (најмалку 86), неопходно е целосно рекомпонирање на составот на Владата, која најмалку четири месеци ќе владее со државата.

Ковачевски си оди, но зад него остава Влада која во голема мера ќе ги загрози стратешките, државните и националните интереси на Македонија, стабилноста и меѓуетничката кохезија“ – се вели во соопштението на Демократски сојуз.

The post ВО ТЕХНИЧКАТА ВЛАДА ТРЕБА ДА ИМА ПРАВИЧНА ЗАСТАПЕНОСТ Изгубен е балансот и по партиска и по етничка основа, укажува Демократски сојуз appeared first on plusinfo.mk.

Како што изјави вечерва во „Топ тема“ на телевизија Телма, оправдана е реакцијата и револтот кај граѓаните, кои, како што рече, не се чувствуваат сигурни и безбедни.

По убиството на 14-годишната Вања Ѓорчевска и на 74-годишниот Панче Жежовски, Трајанов нагласи дека граѓаните не треба да се плашат, но треба да бидат претпазливи.

– Апелирам до Владата, до државните институции, сето она што се пројавува како криминал, насилство, заплашување, рекет, нарко-бизнис, да дејствуваат без никаков страв. Не смее политиката да се меша во овие стручни институции и оперативци. Верувам деја таму има високостручни професионалци кои си ги извршуваат своите задачи. Треба метла, кадровско прочистување на сите државни институции, да не останат партиски неспособни кадри да работат на високи позиции. Затоа имаме слаба администрација, слаби институции, лоша безбедност – заклучи Трајанов.

The post НЕ СЕ ПЛАШЕТЕ, АМА БИДЕТЕ ПРЕТПАЗЛИВИ Трајанов со порака до граѓаните по убиствата на Вања и Панче appeared first on plusinfo.mk.

„Од 13 март 2024 година почнуваат уставните и законските рокови за одржување претседателски избори, при што парламентарните партии кои можат да формираат мнозинство за распуштање на Парламентот треба да го утврдат изборниот тајминг.

По катастрофалниот Извештај на Европската Комисија и колапсот на владините институции, дуизацијата и криминализацијата на државата, сосема е извесно дека Владата нема легитимитет и натаму да владее. Натамошното опстојување на Владата под водство на ДУИ го загрозува единството и националните интереси на Македонија.

Ја поздравуваме најавата на Алијансата на Албанците дека не сака и натаму да биде „патерица на ДУИ” и се приклучува на определбата на опозиционите партии за што е можно побрзо паѓање на актуелната Влада и организирање избори“ – се вели во соопштението на Демократски сојуз.

The post ИМА МНОЗИНСТВО ПРАТЕНИЦИ КОИ МОЖАТ ДА ИЗГЛАСААТ ДВОЈНИ ИЗБОРИ Демократски сојуз апелира што побргу да се распушти парламентот appeared first on plusinfo.mk.

Во иницијативата се укажува на обврската уставните одредби за владеење на правото и законите да важат подеднакво за сите, како и на потребата од заштита на државниот имот од злоупотреби на носителите на јавни функции.

Воедно, се очекува Уставниот суд по службена должност да донесе времена мерка за одложување на примена на измените во Кривичниот законик до донесување конечна одлука за Иницијативата.

The post ИЗМЕНИТЕ ВО КРИВИЧНИОТ ЗАКОНИК „ДАДЕНИ“ НА УСТАВЕН СУД Иницијативата ја поднесе Павле Трајанов appeared first on plusinfo.mk.

„Само алчни и неодговорни луѓе можат да учествуваат во местењето на тендер за адаптација на објект каде треба да се одржи конференција на министрите за надворешни работи, членки на ОБСЕ.

Во Макединија над 90% од тендерите се наместени и само луѓе без свест и совест можат да тврдат дека комисијата за јавни набавки и министерот не одлучуваат за ранг листата и изборот на „најдобриот понудувач”.

Демократскиот сојуз бара сите инволвирани во овој тендер да се проверат и да се иницира политичка и кривична одговорност. Криминалот и високата корупција ги блокираа сите институции и државата е во целосен колапс. Повикуваме не само ДКСК, туку и АНБ и МВР да се вклучат во истражните активности“ – се вели во соопштението на ДС.

The post ДА НЕ СЕ ЛАЖЕМЕ, МНОГУ КРАДЕМЕ! Во Македонија 90% од тендерите се наместени, тврди Демократски сојуз appeared first on plusinfo.mk.

Партијата предлага веднаш по констатирањето на оставките да започне постапка за избор на нови членови на Републичкиот судски совет.

Демократскиот сојуз инсистира и на ревизија на работата на сите судии, како и укинување на Уставниот амандман (Амандман XXVII) со кој судиите се изземаат од кривична одговорност при донесување судски одлуки и преиспитување на трајниот мандат на судиите.

Со оставките ќе се направи мал чекор кон започнување на неопходните коренити реформи во судството, но и во правосудниот систем во целина.

The post РЕПУБЛИЧКИ СУДСКИ СОВЕТ ДА СИ ДАДЕ ОСТАВКА Демократски сојуз оценува дека неговите членови не се веќе кредибилни appeared first on plusinfo.mk.

Партијата тврди дека огласот за ангажирање на помошник-координатор на проектот директно го заобиколува директорот на ЈПДП.

– Со тоа и Министерството за транспорт и врски, кое е надлежно за изградба на автопатите. Наместо нив, Артан Груби, кој е министер за политички систем и координатор за спроведување на договорот, кој го креираше како координатор на Комитетот за подготовка на договорот, директно ќе одлучува за ангажирање на лојални партиски кадри во Проектната единица, за легализација на дивоградби на теренот, за сеча на шуми и сл. и всушнот за исплата и распределба на финансиски средства од неколку стотини милиони евра – пишува ДС.

Според партијата на Павле Трајанов, најновиот развој на настаните само ги зголемува сомнежите за коруптивноста на овој проект, кој, како што велат, власта ќе го злоупотреби со легализација на криминалот преку донесување на девет закони во скратена постапка.

The post ГРУБИ СИ ФОРМИРА НОВО „МИНИСТЕРСТВО ЗА КОРУПЦИЈА“ Демократски сојуз обвинува дека се заобиколени надлежните институции appeared first on plusinfo.mk.

Според ДС, пред да почне постапка зa внесување на Бугарите во Уставот, неопходно е од Бугарија да се обезбеди реципроцитет, Македонците да бидат признаени и да можат да се организираат и здружуваат преку формирање културни центри, здруженија на граѓани, политички партии и други форми на асоцијации, заради негување и афирмација на културните, јазичните,  историските и другите обележја, права кои во Македонија ги имаат сите етнички заедници, вклучително и Бугарите – велат од ДС.

Оттаму додаваат и дека не треба да почнува постапката за промена на Уставот додека Бугарија го негира македонскиот јазик.

– Сѐ додека Бугарија го негира македонскиот народ, како и автентичноста на македонскиот јазик, Република Македонија не треба да почнува постапка за промена на Уставот. Поради тоа – веат од партијата.

Демократскиот сојуз бара Владата, како и со помош на ЕУ и САД, да инсистира на признавање на Македонците во Бугарија.

– Признавањето на Македонците во Бугарија ќе биде мал чекор на  официјална Софија, но со историски димензии и почеток на нормализација на односите помеѓу Македонците и Бугарите, како и помеѓу двете држави, Македонија и Бугарија – велат од ДС.

The post ДЕМОКРАТСКИ СОЈУЗ ИМА УСЛОВ ЗА УЧЕСТВО ВО КОМИСИЈАТА ЗА ПРОМЕНА НА УСТАВОТ Софија да ги признае Македонците во Бугарија appeared first on plusinfo.mk.

Во јавно упатеното писмо до премиерот димитар Ковачевски, Демократскиот сојуз подвлекува дека не е подготвен да поддржи нов партнер во Владата доколку тој се заканува со дестабилизација, радикализација и реорганизација на Македонија, делејќи ги граѓаните по етничка основа околу најавените уставни промени.

Партијата на Павле Трајанов во писмото потсетува на 7 приоритети, за кои како што наведува во соопштението, и досега имаше усогласени ставови со СДСМ, но за нивната реализација досега ништо не е направено:

1. Донесување на измени и дополнување на Изборниот законик, со кои Македонија ќе биде една изборна единица. Предлог-законот е разгледан и поддржан од Комисијата за политички систем и односи меѓу заедниците, како и од законодавно – правната комисија. Законот е ставен на дневен ред, но претседателот на Собранието го блокира и не ја закажува седницата за да започне расправа по истиот.
2. Започнување на робустна и неселективна борба против тешките облици на криминал преку целосна департизација на институциите надлежни за откривање и сузбивање на криминалот, како и донесување на Закон за Агенција за борба против тешки облици на организиран криминал и висока корупција. Ангажирање на најстручните кадри од постојните институции и алокација на средства од истите во Агенцијата.
3. Реформи на судскиот систем преку измени на Уставот со кои ќе се укине Уставниот амандман со кој се амнестираат судиите од кривична одговорност за донесена одлука, укинување на трајниот мандат на судиите, ревизија на работата на сите судии и утврдување на имотната состојба. Донесување на Закон за преиспитување на факти и докази користени во судска постапка, со кој ќе се преиспитаат монтираните судско-полициски случаи, преку обезбедување услови за фер судење и можност да се користат и нови докази.
4. Транспарентност на СКРИНИНГ ПРОЦЕСОТ, вклучување на сите креативни и стручни кадри, континуирано информирање на Парламентот, а преку него и на опозицијата, за да се обезбеди и поголемо единство, поддршка и континуитет.
5. Формирање на ФОНД ЗА МЛАДИТЕ, 2% од Буџетот на РСМ за започнување на самостоен бизнис. Создавање на законски предуслови за секој студент по дипломирањето да може година дена да работи во јавниот или во приватниот сектор, со плата во висина од просечната плата, обезбедена од Буџетот на РМ. На овој начин поголем број од младите ќе останат да работат и да создаваат во Македонија.
6. При формирањето (избор или реконструкција) на Владата и покрај тоа што се работи за политичка Влада, да се води сметка за компетентноста на кандидатите, за соодветна и правична застапеност на сите етнички заедници, како и за имплементацијата на правилото на Бадентер и Балансерот при вработување. На правична застапеност на сите етнички заедници во изминатите 20 години инсистираше ДУИ, но со најавите за новиот состав на Владата нема гаранции дека тоа ќе се почитува.
7. За да се спречат партиските влијанија при вработување, да се предвиди казна затвор од 3 години, доколку се злоупотребува позицијата за влијание при вработување.

The post ТРАЈАНОВ ПОСТАВИ УСЛОВИ ЗА ПРИФАЌАЊЕ НА АЛИЈАНСА ВО ВЛАДА Не поддржуваме програма за дестабилизација, радикализација и реорганизација на државата appeared first on plusinfo.mk.