СДСМ целосно скршна од курсот заземен уште од своето формирање – партијата која некогаш себеси се прикажуваше како државотворна, оттогаш до денес го смени знамето кое државава го доби пред точно 34 години, а денес лицемерно лее солзи за уметничка инсталација каде што се прикажува рефлексија на сонцето, соопшти ВМРО-ДПМНЕ.

„Како партија, најмалку десетина пати излегоа со погрешно знаме, и тоа не како дел од уметничка инсталација, туку на сопствени партиски прослави“, се вели во реакцијата на ВМРО-ДПМНЕ.

Венко Филипче и СДСМ се против прославата за независноста и не им се допаѓа што таму ја има Македонија, додава партијата.

„Истиот тој талог го смени името на државата и, по испробан рецепт и шема на едни исти ликови, шири дефетизам, тагува за секој успех на Македонија и се радува на секоја потешкотија во државата. Го избришаа АСНОМ, го донесоа францускиот предлог, ја закочија државата и ја уценуваат иднината на секој еден граѓанин. Затоа Филипче ја промашува Македонија. Всушност, тој и Зоран Заев ја мразат и на нејзин грб сакаат само да печалат“, соопшти ВМРО-ДПМНЕ.

The post ФИЛИПЧЕ И ЗАЕВ ЈА МРАЗАТ МАКЕДОНИЈА Сакаат само да печалат на нејзин грб appeared first on plusinfo.mk.

Грчката аналитичка мрежа ИБНА во поставувањето на македонското државно знаме во кабинетот на Али Ахмети гледа редефинирање на политичкиот наратив и на ставот на ДУИ, премин од етничка мобилизација кон институционален кредибилитет и обид партијата повторно да се претстави како сериозен и кредибилен политички фактор.

Можеби анализата е точна. Можеби Ахмети навистина се обидува да му се приближи на премиерот Христијан Мицкоски. Можеби се подготвува за некоја идна коалициска комбинација. Можеби сака да испрати порака до странските амбасадори дека ДУИ повеќе не е само партија на етнички барања, туку политичка структура која го почитува државниот поредок.

Но постои и многу поедноставно објаснување. Знамето го поставил затоа што требало да биде таму. Затоа што така мора. Не затоа што Али Ахмети доживеал ненадејно политичко и државно просветлување. Не затоа што ДУИ преку ноќ се преобразила во граѓанска партија. Не затоа што државното знаме е новооткриен симбол на политичка умереност. Туку затоа што македонското знаме е знаме на државата во која Ахмети живее, дејствува, учествува во политичкиот живот, профитира од политиката и повеќе од две децении претендира да одлучува за нејзината сегашност и иднина.

Според објавените информации, државното знаме било поставено во неговиот кабинет дури по 24 години, и тоа по сугестија на странски амбасадори. Самиот Ахмети изјавил дека дипломатите му предложиле знамето да биде поставено во канцеларијата.

Токму тука се наоѓа вистинскиот проблем и големиот срам.

Зарем на лидер на политичка партија што толку долго учествувала во власта навистина му била потребна сугестија од странски дипломати за да го постави знамето на сопствената држава? Зарем амбасадорите требало да му објаснат дека, кога прима официјални претставници во партиско седиште, државното знаме не е непожелен декор, туку пред сè морална, политичка и државничка обврска? Зарем почитувањето на државата во која со години се користат државни функции, буџетски средства, институционални позиции и политичко влијание треба да зависи од дипломатско потсетување?

Ако е така, тогаш ова не е историски исчекор. Ова е крајно задоцнето исполнување на една основна морална, политичка и државничка обврска. Зарем треба да му се честита на човек затоа што по 24 години го поставил знамето на државата во која сака да владее? Како што не му се честита на министер затоа што дошол на работа, на пратеник затоа што се појавил во Собранието или на функционер затоа што ги почитува државата и институциите во кои дејствува. Тоа не е подвиг. Тоа е минимум почит кон сопствената држава и пред сè морална обврска.

Грчката анализа во овој потег гледа премин од етнички симболизам кон институционален кредибилитет. Но институционалниот кредибилитет не се стекнува со едно знаме поставено пред средба со амбасадор. Тој се стекнува со доследно почитување на државата, на нејзините институции и нејзиниот правен поредок, на грбот, знамето и химната, на службениот јазик на државата и на сите нејзини граѓани.

Знамето не смее да стане коалициски реквизит што се вади од плакарот кога партијата ќе остане надвор од власта. Овој случаен или изнуден „гест на добра волја“ не смее да биде сигнал упатен кон Мицкоски: еве, сега сме поприфатливи, сега сме подржавотворни, сега можеме повторно да разговараме за владина коалиција. Ако државното знаме се поставува само кога ДУИ треба политички да се репозиционира, тогаш не станува збор за почитување на државата, туку за користење на државниот симбол како средство за политичко пазарење.

Ахмети вели дека отсекогаш бил за унитарна држава. Добро е тоа конечно јавно да се слушне. Но унитарноста не се докажува со една изјава. Уште помалку со парче платно поставено зад работната маса. Унитарната држава се почитува така што нејзините институции не се третираат како етнички плен, партиски феуди или средство за лично богатење. Така што јавните функции не се делат како партиски и етнички привилегии. Така што граѓаните не се пребројуваат само според етничката припадност. Така што државата не се прикажува како механички договор меѓу две затворени етнички елити, туку како заеднички политички и правен дом на сите нејзини граѓани.

И тука неизбежно доаѓаме до македонскиот јазик.

Срамно е човек кој повеќе од две децении е еден од најмоќните политички актери во Македонија, кој учествувал во формирањето влади, поставувањето министри, креирањето закони и носењето одлуки од највисоко државно значење, упорно да не ѝ се обраќа на македонската јавност на македонски јазик. Особено ако јазикот го знае и го разбира.

Никој не му го оспорува правото да зборува албански. Албанскиот јазик е јазик на значаен дел од нашите сограѓани и неговата употреба е уставно и законски уредена. Почитувањето на македонскиот јазик не значи негирање на албанскиот, како што почитувањето на албанскиот не смее да значи потиснување на македонскиот јазик. Но правото да се зборува на сопствениот мајчин јазик не е оправдување за демонстративно избегнување на службениот јазик на државата во која се претендира на највисоко политичко влијание.

Уставниот поредок е јасен. На целата територија на државата и во нејзините меѓународни односи службен јазик е македонскиот јазик и неговото кирилско писмо. Друг јазик што го зборуваат најмалку 20 проценти од граѓаните, исто така, има службена употреба на начин утврден со закон. Законот за употреба на јазиците е во сила од 2019 година и ја уредува службената употреба на јазиците во институциите.

Да бидам правно прецизен: не постои одредба што го обврзува лидерот на една партија во секоја приватна или партиска изјава задолжително да зборува македонски. Но постои нешто што е подлабоко од заканата со парична казна. Постои уставна одговорност, политичка култура и елементарна почит кон граѓаните на кои им се обраќате и со кои сакате да владеете.

Политичар што сака да биде фактор на целата држава мора да биде способен директно да им се обрати на сите нејзини граѓани. Без преведувач. Без посредник. Без намерно создавање дистанца од соговорниците.

Јазикот не е само техничко средство за комуникација. Тој е порака за тоа кого го сметате за своја политичка јавност. Кога еден лидер со децении зборува исклучиво на јазикот на сопствениот етнички електорат, тој со тоа покажува дека првенствено се гледа како претставник на една заедница, а не како политичар кој претендира да ја води или да одлучува за целата држава. А уште помалку по она неговото „Pse jo за Скопје!’’ и по кампањата „Албанец за премиер’’, како премиерската функција да е етничка награда, а не државна должност и одговорност кон сите граѓани.

Затоа поставувањето на македонското знаме ќе добие вистинска тежина дури тогаш кога ќе биде проследено со промена во политичкото однесување. Кога Ахмети ќе ѝ се обрати на македонската јавност на македонски јазик. Кога ДУИ ќе престане секое прашање да го сведува на етничко пребројување. Кога државните институции ќе ги доживува како јавен сервис, а не како простор што треба да се освои и кадровски да се подели. Кога почитувањето на македонските државни симболи нема да зависи од тоа дали партијата е на власт или во опозиција. Кога Македонија нема да биде прифатлива само тогаш кога треба да обезбеди министерства, директори, тендери, вработувања и политичко влијание.

Ако ДУИ навистина го редефинира својот наратив и став, тоа треба да го покаже со дела. Со институционална одговорност. Со откажување од етничката ароганција. Со почитување на македонскиот јазик, македонското знаме и македонскиот грб. Со прифаќање дека државата не е привремена коалициска конструкција, туку траен политички дом. Во спротивно, знамето ќе остане само сценографија. Убаво наместено пред камерите, корисно за дипломатските средби и погодно за испраќање пораки до Мицкоски, но без вистинска промена во политичката суштина.

Македонското знаме не му припаѓа ниту на Мицкоски, ниту на Ахмети, ниту на која било партија. Тоа им припаѓа на граѓаните и на државата. Затоа неговото присуство во кабинетот на човек што сака да биде државник не смее да се толкува како великодушен гест. Тоа е обврска на секој граѓанин на оваа држава.

А на прашањето зошто Али Ахмети по 24 години го поставил македонското знаме во својот кабинет, одговорот може да се даде со една единствена реченица:

Затоа што така мора да биде.

The post Ахмети и 24-годишниот срам: Знамето го постави затоа што мора appeared first on plusinfo.mk.

Грчката независна новинска и аналитичка мрежа ИБНА (Independent Balkan News Agency) го анализира неодамнешното поставувањето на македонското државно знаме во канцеларите на лидерот на ДУИ Али Ахмети во Мала Речица и укажува дека одлуката е многу повеќе од симболичен протоколарен гест.

ИБНА која известува за политички, економски и геополитички случувања на Балканот, во Југоисточна Европа, Источниот Медитеран и Блискиот Исток и работи на повеќе јазици има уредничка независност и формално не е поврзана со политички партии или влади, но важи за аналитички центар кој внимателно ги следи процесите кои се критични за грчката држава и за регионот.

ИБНА во анализата говори за сотојбите во Македонија, но индиректно испраќа порака до грчките институции дека во Македонија се менуваат работите кои може да имаат влијание и кај јужниот сосед.

Лидерот на ДУИ, Али Ахмети, се сретна со австрискиот амбасадор Мартин Памер во седиштето на партијата во Тетово, при што знамињата на Македонија, Европската Унија и Албанија беа истакнати во канцеларијата.

ИБНА во својата анализа забележува дека тоа не се случило во последнве 24 години, и покрај укажувањата на бројни дипломати во таа насока.

„Одлуката на лидерот на Демократската унија за интеграција (ДУИ), Али Ахмети, да го истакне националното знаме на Македонија во својата канцеларија за прв пат во последните 24 години, е многу повеќе од симболичен протоколарен гест.

Во време кога партијата се соочува со својот најсериозен политички предизвик во последните години од коалицијата на етничките Албанци ВЛЕН, потегот носи јасна политичка порака. Тој го одразува напорот на ДУИ да ја редефинира својата улога како политичка сила што ја поврзува политичката застапеност на Албанците со функционирањето на самата држава, наместо да се фокусира исклучиво на одбраната на албанскиот национален идентитет.

ДУИ сега се соочува со нова политичка реалност во рамките на албанскиот политички пејзаж во Северна Македонија. Подемот на ВЛЕН и губењето на клучните локални упоришта ја еродираа политичката доминација што партијата ја одржуваше повеќе од две децении.

Во исто време, премиерот Христијан Мицкоски избра да формира владина коалиција со ВЛЕН, наместо со ДУИ, преобликувајќи го балансот на застапеноста на Албанците во рамките на управните институции на земјата.

Во оваа позадина, прифаќањето на посилниот државен симболизам од страна на Ахмети претставува обид за редефинирање на неговиот политички наратив. Од своето основање по Охридскиот рамковен договор, ДУИ ја комбинираше одбраната на колективните права на Албанците со учество во управувањето со Македонија.

Со јавно прикажување на националното знаме, партијата се обидува да го зајакне својот аргумент дека политичкото учество на Албанците е составен дел од функционирањето на државата, а не паралелна или конкурентска политичка реалност.

Потегот на Ахмети сугерира дека политичката конкуренција во рамките на албанскиот политички блок во Северна Македонија постепено се префрла од потрага по етничка застапеност кон потрага по институционален кредибилитет и управувачки капацитет. Присуството на националното знаме во канцеларијата на лидерот на ДУИ, само по себе, веројатно нема да ја промени политичката рамнотежа во земјата.

Сепак, тоа укажува на поширока трансформација: повеќе од две децении по Охридскиот рамковен договор, политичкиот систем на Македонија влегува во нова фаза во која конкуренцијата меѓу албанските политички партии сè повеќе се фокусира на институционалниот кредибилитет и нивната способност за управување.

Одлуката на Али Ахмети да го истакне националното знаме на Македонија го одразува напорот на ДУИ да се репозиционира како политичка сила центрирана на институционалното управување во време на интензивна политичка конкуренција. Потегот илустрира пошироко поместување во политичката конкуренција од етнички симболизам кон потрага по институционален кредибилитет“ – пишува меѓудругото во анализата на ИБНА.

The post ДУИ ГО РЕДЕФИНИРА СВОЈОТ НАРАТИВ ЗА ДА МУ СЕ ПРИБЛИЖИ НА МИЦКОСКИ? Грчка анализа гледа подлабока заднина во истакнувањето македонско знаме во кабинетот на Ахмети appeared first on plusinfo.mk.

Новиот градоначалник на Струга, Менди Ќура, заедно со Општината Струга ќе заработат прекршочна пријава поради неисполнување на законска обврска за истакнување на државното знаме. На 28 ноември 2025 година, за време на настан по повод Денот на албанското знаме на улицата „Маршал Тито“ во Струга, на бината и на дел од кејот на реката Црн Дрим, освен знамето на заедниците, не било поставено државното знаме на Македонија, како што го налага законот.

ОВР Струга поднесе барање за поведување прекршочна постапка против правното лице – Општина Струга, како и против одговорното лице М.Ќ. (65) од струшкото село Биџево. Казната е согласно член 11 од Законот за употреба на знамиња на заедниците, а прекршокот се однесува на член 6 од истиот закон.

Инаку, настанот привлече големо внимание поради високата присутност на граѓани и локални политичари, а отсуството на државното знаме предизвика реакции и кај граѓаните и кај дел од медиумите.

ЌУРА ЌЕ ГО ПРОДАВА СЛУЖБЕНОТО „АУДИ А6“ ШТО ГО КУПИ МЕРКО Отказ на сите што земаат плата, а не одат на работа

The post ГО СЛАВЕА АЛБАНСКОТО ЗНАМЕ, АМА ГО ЗАБОРАВИЈА МАКЕДОНСКОТО Казни за градоначалникот Менди Ќура и Општина Струга appeared first on plusinfo.mk.

Нивното известување вели: „За безбедност и пријатно искуство на сите посетители, ве молиме придржувајте се до следниве правила за внесување знамиња во салата“.

1. Максимални димензии на знамето: 200 cm x 150 cm (2 m x 1,5 m)

2. Забрането:

– Знамиња кои го покриваат погледот на другите гледачи.

– Знамиња со навредлива содржина или политички пораки.

3. Дозволени се само официјалните знамиња на земјите учеснички на првенството.

Објавено е точно кои знамиња смеат да бидат внесени во салата. Меѓу нив е официјалното државно знаме, но познато е дека навивачите често доаѓаат со знамето со сонцето од Кутлеш. Тоа сега е забрането.

Листата на предмети забранети за внесување во салите за време на натпреварите може да ја најдете ТУКА.

Деталите за внесувањето на знамињата може да ги прочитате ТУКА.

The post ХРВАТСКА ЗАБРАНИ СОНЦЕТО ОД КУТЛЕШ ДА БЛЕСКА НА ТРИБИНИТЕ „Фалангата“ ќе може да навива само со официјалното знаме appeared first on plusinfo.mk.

„По уредувањето на влезот и излезот во и од државата се проценува системот. Оттука, македонскиот е трул со самоуништување и непочит кон националните обележја. Државните симболи во континуитет се деградираат, со крајно непочитување и кршење на законите од страна на властите.

Прекршен е член 19 од Законот за употреба на грбот, знамето и химната на Република Македонија, според кој: „кога знамето е спуштено, ниеден негов дел не смее да го допира подот…” Знамето на сликиве не само што е фрлено на земја, туку е и извалкано со кал. Фотографиите ни ги пратија загрижени сограѓани, за кои, единствено, Левица е гласот на народот. Единствено, Левица се бори за националните интереси.

Левица апелира до техничкиот министер Панче Тошковски веднаш да реагира за ваквото кршење на законите и да утврди одговорност од лицата кои дозволиле вакво непочитување на државните симболи!“ – стои во реакцијата од Левица.

The post 📷 ЈАРБОЛОТ ПРАЗЕН, ДРЖАВНОТО ЗНАМЕ ФРЛЕНО НА ЗЕМЈА Левица регистрира скандал на граничниот премин Ќафасан appeared first on plusinfo.mk.

По реакциите, од владата попладнево на Твитер објавија дека на логото воопшто не се работело за сонцето од државното знаме.

– Логото за јубилејот „30 години независност“ е составено од повеќе елементи, меѓу кои и сонцето. Логото не го содржи државното знаме. Сонцето кое е употребено во логото е различно од сонцето од државното знаме. Користењето на државното знаме е јасно уредено со Закон – велат од Влада.

The post Го згрешија знамето на логото за 30 години независност, па владата се правда дека не било тоа сонце!? appeared first on plusinfo.mk.