Полицијата поднесе кривична пријава против 45-годишен вработен во Управа за имотно-правни работи во Куманово, осомничен за злоупотреба на службената положба и фалсификување документи при приватизација на државно земјиште.

Според информациите од СВР Куманово, осомничениот, кој работел во подрачното одделение на Управата во Куманово, овозможил донесување и спроведување решенија за приватизација на градежно земјиште во државна сопственост на две лица, со што им било овозможено да стекнат имот без правен основ.

Полицијата утврдила дека во предметите бил направен недозволен пренос на идентитетот на подносителите, односно решенијата биле издадени на лица различни од оние заведени во службените книги. Дополнително, документацијата не била правилно евидентирана, содржела контрадикторни податоци, а дел од материјалите недостасувале.

Во решенијата биле наведени и непостоечки записници, внесувани биле невистинити податоци, а не било известено ни државното правобранителство, што е задолжително во вакви постапки. Со ваквото постапување, според полицијата, била нарушена законитоста на управната постапка и било овозможено противправно стекнување на државен имот.

The post СКАНДАЛОЗНА ПОДЕЛБА НА ДРЖАВЕН ИМОТ Службеник осомничен дека делел земјиште со фалсификувани документи appeared first on plusinfo.mk.

Советник-даночен извршител од општина Делчево е пријавен за сериозни злоупотреби на службената должност, откако бил откриен обид незаконски да се овозможи продажба на државно земјиште соопшти МВР во дневниот билтен.

Надворешната канцеларија за криминалистички работи Делчево поднесе кривична пријава против лицето Е.Т. за „злоупотреба на службената положба и овластување“ и за „фалсификување исправа“.

Според полицијата, на 21 декември 2021 година, во постапка поврзана со барање од жител на делчевско село, пријавениот не излегол на лице место, како што налага законот. Наместо тоа, формирал непостоечка комисија и изготвил лажен записник за излегување на лице место.

Документот потоа го употребил во понатамошната постапка, со што овозможил друго лице да отуѓи градежно земјиште во државна сопственост и да оформи градежна парцела.

Лицето кое поднело барање уплатило 450.712 денари во буџетот на општина Делчево, но поради лажната документација, било материјално оштетено и претрпело дополнителни трошоци.

The post ФОРМИРАЛ ЛАЖНА КОМИСИЈА ЗА ДА ПРОДАДЕ ДРЖАВЕН ИМОТ Злоупотреба во Делчево тешка 7.000 евра appeared first on plusinfo.mk.

Градоначалникот на Општина Центар, Горан Герасимовски, во гостување на Сител изјави дека во неговиот мандат не е продаден ниту еден квадратен метар државно земјиште, а сите донесени детални урбанистички планови (ДУП-ови) се насочени кон зголемување на зеленилото и намалување на бројот на градби.

– Со носење на секој Детален урбанистички план го зголемуваме бројот на зеленилото во општината. Вклучуваме пошироки улици, дополнителни пешачки и велосипедски патеки, намалување на катноста, отстранување на парцели за градба и нивно претворање во зелени појаси – изјави Герасимовски.

Тој потенцираше дека урбанизмот во Центар се води од принципи на заштита на јавниот интерес и дека општината преку ЗЕЛС поднела иницијатива до Министерството за транспорт и врски за измени на правилото „70-30“, кое овозможувало инвеститор со само 30% сопственост да оформи парцела за градба.

– Ние бараме да се поседува минимум 70% од парцелата за да може да се дооформат уште 30%. На тој начин директно го штитиме државното земјиште – истакна градоначалникот.

Како други примери на резултати во урбаното уредување, Герасимовски ги наведе: отстранување на дупли паркирања и импровизирани детски елементи што ја загрозувале безбедноста, уредување на парцели со обврзувачки стандарди за пристапни рампи, паркинг за велосипеди и садење високи дрвја, транспарентност во постапките за издавање одобренија за градба.

Во вториот дел од изјавата, градоначалникот остро одговори на тврдењата на неговиот противкандидат и, како што рече, неговиот ментор, кои, според него, шират дезинформации во јавноста.

– Вчера на ова столче седеше и неговиот ментор и изнесе многу лаги, почнувајќи од бројот на издадени дозволи, до тоа колку одобренија се во тек. Спомна 80 барања што наводно „седеле на маса“, вистината е дека во моментов има само осум барања во завршна фаза, и тие се јавно достапни преку системот на ЗЕЛС – објасни Герасимовски.

– Целата кампања се служи со лаги и невистини. Тоа е класична црна кампања, која граѓаните на Центар ја препознаваат. Тие се доволно мудри и во првиот круг веќе кажаа на кого му ја даваат довербата – заклучи Герасимовски.

Првата рампа за затворање на Дебар маало веќе е поставена, Центар добива и 30 мерачи за бучава

Општина Центар наскоро ќе стане првата општина во земјава со систем за мерење на бучава во реално време, најави градоначалникот Горан Герасимовски. Според него, јавната набавка е завршена, а веднаш по изборите ќе бидат поставени 30 мерни единици на различни локации.

– Заврши јавната набавка, чекаме да поминат изборите за да ги поставиме мерните единици, првично 30. Преку мобилна апликација, секој граѓанин ќе може да провери каква е фреквенцијата на бучава на одредена локација – изјави Герасимовски.

Системот, како што објасни, ќе им овозможи на граѓаните докази при пријавување во Министерството за внатрешни работи или до општинските инспекциски служби. Целта е брза и ефикасна реакција на прекршителите, особено во зони каде што постојат проблеми со прекумерна бучава од угостителски објекти и сообраќај.

Во вториот дел од изјавата, Герасимовски зборуваше за следниот голем проект на општината – постепено затворање на Дебар Маало за моторен сообраќај, со што ќе се намали хаосот со паркирањето и ќе се создаде подобар квалитет на живот за жителите.

– Имаме ревидиран проект за затворање на Дебар Маало. Тој е доставен до Министерството за внатрешни работи и веќе имавме два состанока со МВР за да го подобриме и да добиеме одобрување. Така и беше договорено на последниот состанок – рече Герасимовски.

Планот е Дебар Маало да се затвора дел по дел, почнувајќи веднаш по завршувањето на изборниот процес, а првата рампа веќе е поставена.

– Веќе поставивме рампа на почетокот на Боемска улица. Разговараме за начинот на кој таа зона ќе функционира, и тоа ќе биде пример за затворање и на други населби каде што сообраќајот и паркирањето се хаотични – додаде градоначалникот.

The post „НЕ ПРОДАДОВМЕ НИТУ МЕТАР ДРЖАВНО ЗЕМЈИШТЕ“ Герасимовски обвини дека противниците шират дезинформации за Центар appeared first on plusinfo.mk.

Синоќа во Свети Николе за малку ќе завршела трагично една роденденска забава, откако 17-годишно момче запалило прскалка на балкон, а од искрите настанал пожар кој зафатил сува трева на државно земјиште.

Како што информира СВР Штип, инцидентот бил пријавен во 22:20 часот во ОВР Свети Николе. Според првичните информации, малолетникот запалил прскалка на роденден кај другар, а неколку искри паднале на блиската сува површина, што резултирало со пожар.

За среќа, брза интервенција на Територијалната противпожарна единица од Свети Николе спречила поголема материјална штета. Пожарот е успешно изгаснат, а повредени лица нема.

Од полицијата информираат дека за случајот е известен јавен обвинител, а се преземаат соодветни мерки за целосно расчистување на настанот.

The post РОДЕНДЕН ЗАВРШИ СО ПОЖАР ВО СВЕТИ НИКОЛЕ Малолетник запалил прскалка на забава, интервенираа пожарникари appeared first on plusinfo.mk.

„СВР Тетово поднесе кривична пријава против Ј.Б.(54) од с.Желино, тетовско, поради постоење основи на сомнение за сторено кривично дело „узурпација на недвижности“, се вели во полицискиот билтен.

The post ОГРАДИЛ ДРЖАВНО ЗЕМЈИШТЕ СО БЕТОНСКИ СТОЛБОВИ Пријава за жител на Желино appeared first on plusinfo.mk.

Инспектор за животна средина на Град Скопје и надлежни служби од Општина Бутел извршиле контрола на диво создадена депонија на земјиште кое било дел во државна сопственост, а дел приватни парцели на ул.„Александар Урдаревски”.

При контролата било затекнато товарно возило, сопственост на правно лице, а управувано од првопријавениот, кој вршел истовар и депонирање на земја на барање и ангажман на второпријавениот, а на земјиште сопственост на третопријавениот, се вели во билтенот на МВР.

The post СИ ОТВОРИЛЕ ПРИВАТНА ДЕПОНИЈА НА ДРЖАВНО ЗЕМЈИШТЕ Кривични пријави за тројца Скопјани appeared first on plusinfo.mk.

– Наместо Ковачевски, потпишал Груби. Додека Ковачевски го брани Груби за криминалниот надзор од 22 милиони евра, Груби потпишува одлука за продажба на земјиште за фотоволтаична централа на сопругата на Ковачевски по цена од 70 денари за метар квадратен – наведе Лефков.

Пратеникот рече дека на 14 март на седница на владата, со која претседавал Груби, е донесена Одлука со која што се задолжува општина Радовиш да се продаде државно земјиште од 1.119 м2 на фирмата Сол Груп 5 ДОО Скопје, каде сопственик е сопругата на Ковачевски.

– Владата, во случајов Груби, прави непосредна спогодба со фирмата на сопругата на Ковачевски, и врз основа на таа непосредна спогодба е донесена Одлуката за продажба на 1.119 м2 државно земјиште по цена од 70 денари за м2. Фирмата на сопругата на Ковачевски ќе купи 1.119 м2 земјиште за вкупно 1.273 евра. Ова е последната сложувалка која е потребна за фирмата на сопругата на Ковачевски да ја дооформи парцелата и да пристапи кон вадење на дозволи од институциите за изградба на фотоволтаичната централа, и тоа е направено со потпис на Груби – рече Лефков.

The post ДРЖАВНО ЗЕМЈИШТЕ ПРОДАДЕНО ЗА 70 ДЕНАРИ ОД КВАДРАТ!? Пратеникот Лефков тврди дека купец е фирма на сопругата на премиерот appeared first on plusinfo.mk.

– Во земјава имаме 540 илади хектари земјоделско земјиште од кои моментно не се обработуваат 85 илајди хектари државно земјиште и дополнителни 90 илади хектари приватно земјиште. Сега ќе навлеземе во детални анализи и токму затоа ги подготвивме измените на Законот за земјоделско земјиште каде велиме и приватното необработливо земјиште или напуштено ќе може државата да го дава на користење. Фактот дека 1.500 договори се потпишаа оваа година говори за заинтересираноста на луѓето и земјоделците во целокупниот сектор, иако овие две години ќе бидат тешки, особено во делот на храната, затоа треба да бидеме целосно подготвени со сите мерки и политики – рече Николовски.

Тој додаде дека оние земјоделци кои егзистираат од земјоделство преку програмата за рурален развој ќе може да побараат и дополнителна подддршка.

– За оние кои постојано велат ама ние опстојуваме само од земјоделие, а субвенции земаат сите, секој може да земе, нив ги издвојуваме во посебна категорија преку програмата за рурален развој каде велиме нема да чекате оглас или повик за трактор, систем за наводнување и друго, туку во 2023 година сите кои се регистрирани по Законот за вршење земјоделска дејност и егзистираат од оваа работа, покрај субвенциите, целокупната подршка, ќе може да аплицираат и за 10.000 евра поддршка од Агенцијата. Со бизнис план без да чекаат рокови, отворен јавен повик за цела година било кој ден, кога ќе ја подготват апликацијата за она за што сметаа дека им е потребно дали за преработка, производство, маркетинг и финализирање на производите, и нив со овој модел ги издвојуваме и велиме овие се побитни, бидејќи егзистираат од земјоделството и нив ги сметаме за попривилегирани – појасни министерот.

Следната година Министерството ќе ги исплати сите долгови кон земјоделците, и ќе може ведаш да почне со авансни исплати кои се предвидени во новиот систем за субвенции кој ќе има за цел зголемување на домашното производство на храна.

Николовски очекува пратениците да ги изгласаат сите закони во делот на храната за како што рече да имаат инструмент да реагираат на пазарот.

– Нашето барање во делот на стоковите резерви, на пример, во однос на барањето на оризопроизводителите, оризот да влезе во Законот за стокови резерви, денеска проверив и е на второ читање во Собраниска седница. Јас очекувам пратениците сите закони во делот на храната да ги донесат со цел да имаме инструмент како да ја подобриме состојбата и кај оризопроизводителите. Треба да се користат механизмите. Со ребалансот беа издвоени 40 милиони евра за набавка на стоковите резерви и секако дека Владата во одреден период треба да реагира и преку стоковите резерви, и тие се една од алатките кои ги имаме на располагање – рече министерот за земјоделство Николовски.

The post НЕ ЈА РАБОТИШ ЗЕМЈАТА, ДРЖАВАТА ЌЕ ТИ ЈА ЗЕМЕ! Министерот Николовски најави големи измени во законот appeared first on plusinfo.mk.

„ДУП-от – централно градско подрачје на Град Скопје – Мал Ринг, планот за локацијата од интерес на јавноста, со измените и дополнувањата од 21.12.2012, на градежната парцела бр. 5.9.1. во чии рамки се наоѓа катастарската парцела 11842/1, од која дел е во државна сопственост, предвидува градби од категорија А2, односно Домување во станбени згради. Градежната парцела бр.5.9.1. е во сопственост на државата, каде трајно право на користење има Општина Центар, е со вкупна големина од 413 м2. (Од три расположливи катастарски парцели, оние кои се во сопственост на РМ се со површина од 22 квадратни метри и 90 квадратни метри, а најголема е парцелата која во Катастарот се води како државен имот врз кој право на користење има Општина Центар. Таа е со површина од 301 квадратен метар, но приватизација Управата за имотно правни работи ја одобрува на 185 квадратни метри). Општина Центар повторно информира дека е затекната од Решението донесено од Управата за имотно-правни работи, Подрачно одделение за првостепена управна постапка во Центар-Скопје при Министерството за финансии, со кое престанува правото на користење со градежното земјиште. Зачудува фактот што Управата воопшто не ја исконсултирала општината на било кој начин – се вели во соопштението.

Во соопштението се додава и дека Општина Центар во овој случај ќе ги искористи сите правни средства и лекови за да се поништи донесеното решение од Управата за имотно правни работи.

„Повторуваме, ставот на градоначалникот на Општина Центар, Горан Герасимовски е јасен – општината нема да дозволи злоупотреба на ниту една педа државно земјиште“, додаваат од општината.

The post ОПШТИНА ЦЕНТАР ЌЕ ЈА ОБЖАЛИ ПРИВАТИЗАЦИЈАТА НА ПАРЦЕЛИТЕ КАЈ „ТИФАНИ“ Герасимовски нема да дозволи злоупотреба на државно земјиште appeared first on plusinfo.mk.

„Општина Центар ги отфрла тврдењата искажани на прес-конференцијата од страна на „Шанса за Центар“ која по секоја цена се обидува да ја дефокусира јавноста обвинувајќи дека дел од земјиштето на поранешната фабрика „Треска“ било продавано во четири очи. Општина Центар ниту има продадено земјиште надвор од законските прописи, ниту вакво нешто ќе се случи во иднина. Градоначалникот на Општина Центар неколкупати досега изјави дека се залага за хуман урбанизам поради што веќе излегува на терен да ги види фактичките состојби, локацијата и местоположбата на објектите кои се предмет на поднесени барања за градба.

За конкретниот случај, со споменатите парцели кај „Треска“ до општината стигнати се 6 предмети за дооформување градежна парцела и 20 предмети за откуп на земјиште под објект и по овие постапки општината сè уште нема одговорено. Што се однесува на законските регулативи и зошто уредбите за дооформување парцели не се променети цели 5 години, „Шанса за Центар“ треба да знае дека општината воопшто нема надлежност ниту било каква можност да изврши било какви промени. Оттука, ја повикуваме „Шанса за Центар“ да не манипулира со јавноста дека ингеренциите по ова прашање се во рамки на локалната самоуправа.

Што се однесува до конкурсните решенија, просторот кај поранешната фабрика „Треска“ ќе се уредува заедно со Деталниот урбанистички план (ДУП) за Буњаковец 1 и 2, а не како посебна целина.

Општина Центар потенцира и дека тврдењата на „Шанса за Центар“ кои наведуваат дека 47 отсто од земјиштето е државно, не се точни затоа што всушност се работи за вкупно земјиште од околу 15 отсто кое треба да се дооформи, додека останатиот дел се јавни површини како пешачки патеки, улици и тротоари кои воопшто не се предмет на дооформување.

Општина Центар исто така порачува, „Шанса за Центар“ да не ја манипулираат јавноста дека градоначалникот Горан Герасимовски одбива соработка со Партиципативното тело за урбанизам, затоа што тој неколкупати досега лично иницираше средби со Комисијата за урбанизам, како и со архитекти и сопственици со цел да се слушнат сите засегнати страни.

На крајот, како општина уште еднаш повторуваме дека бараме начин како јавниот интерес да биде целосно заштитен, меѓутоа не можеме да бидеме над законот. Се работи за приватни имоти кои ние како општина законски не смееме да ги сопреме. Бараме решение во интерес на граѓаните, но кое во исто време ќе биде безболно и за општината, бидејќи Општина Центар не може да трпи милионски штети на грбот на граѓаните“.

The post ОПШТИНА ЦЕНТАР ИМ ОДГОВОРИ НА „ШАНСА ЗА ЦЕНТАР“ Демантираме дека се продавало државно земјиште кај поранешна „Треска“ appeared first on plusinfo.mk.