Министерството за енергетика, рударство и минерални суровини ја информира јавноста дека со одлукaта на Владата и постапувањето на надлежните институции, се потврди клучната цел – спречено е поскапување на горивата и постигната е нивна стабилизација.

Регулаторната комисија за енергетика донесе нова одлука за цените на нафтените деривати која ќе важи од полноќ до следниот вторник, при што цените изнесуваат:

– Моторен бензин – ЕУРОСУПЕР БС – 95 – 86,50 (денари/литар)

– Моторен бензин – ЕУРОСУПЕР БС – 98 – 88,50 (денари/литар)

– Дизел гориво – ЕУРОДИЗЕЛ БС (Д-Е V) – 95,50 (денари/литар)

– Масло за горење – Екстра лесно 1 (ЕЛ-1) – 92,00 (денари/литар)

– Мазут М-1 НС – 47,610 (денари/килограм)

Со ова, нагласуваат од Министерството за енергетика, се потврдува дека навремената и прецизна интервенција на државата го прекина трендот на раст на цените, кој во спротивно ќе значеше значително поскапување за граѓаните и стопанството.

– Едноставно: спречивме поскапување, ја стабилизиравме цената и ги заштитивме граѓаните – велат од Министерството.

Во услови на силен раст на цените на светските пазари во изминатиот период, Владата донесе клучна мерка – намалување на ДДВ за горивата од 18% на 10%. Оваа мерка, која ќе важи во наредните две недели со можност за продолжување, обезбеди директно намалување на цената за 6 до 7 денари по литар, како и спречување на дополнителен ценовен удар.

Според анализите, без интервенција, цената на бензините ќе се зголемеше за околу 6,5 денари по литар, а дизелот за над 10 денари, што ќе предизвикаше сериозен притисок врз транспортот, услугите и цените на основните производи.

– Ова е интервенција што го прекинува синџирот на поскапувања – од горивата до храната и услугите – нагласи министерката за енергетика Сања Божиновска.

Министерството нагласува дека изборот на мерката, намалување на ДДВ, е направен врз основа на нејзиниот директен и брз ефект врз крајната цена, за разлика од други инструменти кои бараат подолги процедури и имаат ограничен ефект.

Министерството за енергетика, рударство и минерални суровини, надоврзувајќи се на мерката од 13 март со која компанијата ОКТА овозможи попуст од 2 денари по литар за дизел и бензини за трговците, соопшти дека е во континуирана и интензивна комуникација со компанијата за можностите за дополнително зголемување на овој попуст. Имајќи предвид дека иницијалната мерка веќе создаде простор дел од олеснувањето да се пренесе кон крајните потрошувачи и придонесе за ублажување на ценовниот притисок, во тек се разговори за нов пакет на услови со кои би се постигнал уште посилен ефект врз стабилизацијата на цените на горивата, особено кај дизелот. Во таа насока, се очекува дополнителен придонес и од малопродажните трговци, со цел попустите во целост да се рефлектираат во цените за граѓаните. Паралелно, активно се работи и со сите економски оператори на пазарот, при што се очекува одговорно однесување и конкретни чекори за дополнително ублажување на ценовниот притисок.

– Во време на криза, одговорноста е заедничка – и на државата и на компаниите – потенцира Божиновска.

Министерката истакна дека државата успешно се справува со предизвиците од глобалната енергетска криза предизвикана од воените случувања во Заливот, при што снабдувањето со горива се одвива непречено и без прекини. Таа нагласи дека е во постојана комуникација со ресорните министри од регионот, а сите надлежни институции се координираат редовно со цел навремена и ефикасна реакција на секоја новонастаната ситуација.

Државните резерви се стабилни, пазарната инспекција врши засилени и редовни контроли, а според информациите, сите економски оператори располагаат со законски задолжителните петдневни резерви. Дополнително, непречено функционира и продуктоводот Скопје–Солун (ВАРДАКС), кој значително ја зајакнува сигурноста на снабдувањето и овозможува континуиран и стабилен дотур на горива на домашниот пазар.

Министерството за енергетика континуирано ја следи состојбата на домашниот и меѓународниот пазар и е подготвено да реагира навремено со дополнителни мерки, меѓу кои: дополнително намалување на ДДВ, доколку е потребно, интервенции во трговските маржи, користење на државните резерви, други фискални и регулаторни инструменти, согласно развојот на состојбата.

Во овој момент, Македонија останува меѓу земјите со најниски цени на горивата во регионот, што дополнително ја потврдува ефикасноста на преземените мерки и стабилноста на енергетскиот систем.

Министерството уверува дека приоритет останува заштитата на животниот стандард на граѓаните и стабилноста на економијата.

The post СТАБИЛИЗИРАНИ ЦЕНИТЕ НА ГОРИВАТА СО МЕРКИТЕ НА ВЛАДАТА Спречен е ценовен шок за граѓаните и за економијата appeared first on plusinfo.mk.

– Сигурноста и ликвидноста во управувањето со девизните резерви се обезбедуваа преку  пласмани во  финансиски инструменти со висок кредитен рејтинг коишто овозможуваат брза достапност до ликвидни средства, а балансираниот приод во инвестирањето придонесе за остварување поволни финансиски резултати – велат од банката.

Од банката додаваат дека макроекономската состојба кај нас е во согласност со октомвриските проекции, со годишен раст на БДП од 3% во третиот квартал од 2024 година и показатели за продолжен раст во четвртиот квартал.

Просечната годишна стапка на инфлација во 2024 година изнесува 3,5% и целосно е во согласност со последните проекции на Народната банка.

„Сепак, неизвесноста во однос на идната динамика на инфлацијата и натаму постои, а е поврзана со цените на примарните производи поради геополитичките и климатските фактори, како и поради одредени фактори од домашен карактер коишто можат да влијаат на агрегатната побарувачка- велат од Народна банка.

Во декември 2024 година, вкупните депозити и кредити пораснаа над очекувањата, со годишен раст од 11,4% односно 11,2%. Анкетните податоци укажуваат на олеснување на кредитните услови и зголемена побарувачка на кредити.

The post ДРЖАВАТА ЧУВА РЕЗЕРВИ ОД 5,03 МИЛИЈАРДИ ЕВРА Најмногу се во хартии од вредност appeared first on plusinfo.mk.

Се истакнува дека како резултат на тоа, земјата падна на петтото место меѓу економиите со најголеми меѓународни резерви.

Од друга страна, Кина, според објавените податоци, и понатаму останува на врвот кога се во прашање меѓународните златни резерви – на крајот на мај 2023 година, нејзините средства изнесуваа 3,371 трилиони долари.

Во март, Руската централна банка (РЦБ) го обнови објавувањето податоци за структурата на девизните резерви.

И додека Русија, Турција, Индија и Кина сочинуваат речиси 60% од нето-промената на златните резерви на глобално ниво од 2017 до 2022 година, малите земји од Блискиот Исток и Северна Африка се тие кои купуваат злато со најбрзи стапки. Мавританија, Катар и Обединетите Арапски Емирати повеќе од тројно ги зголемија своите златни резерви од 2017 до 2022 година, додека Оман ја зголеми својата некогаш скудна понуда на злато за повеќе од 100 пати.

The post ВОЈНАТА ГО ТОПИ РУСКОТО ЗЛАТО Државните резерви во мај намалени за 11,6 милиони долари appeared first on plusinfo.mk.

Пријавувањето напекарниците за овој тип на брашно, според јавниот оглас, трае до 24 ноември.

Максималните количини што ќе можат да ги откупат производителите на леб ќе се определат сразмерно на нивното производство на леб од тој вид брашно и по производна цена од 45,88 динари од август до декември, и предвиденото производство.

Граѓаните на србија изминатите месеци се преориентираа на купување на основниот леб „сава“ бидејќи е далеку поевтин од специјалните лебови, а тоап редизвика недостиг на овој леб во продавниците.

Цената на основниот леб е 53,50 динари, а специјалнните лебови се продаваат по цена од 120 до 180 динари.

The post СРБИЈА ГИ АКТИВИРА ДРЖАВНИТЕ РЕЗЕРВИ ЗА БРАШНО Пекарниците ќе го добијат по субвенционирана цена appeared first on plusinfo.mk.

– На состанокот ќе разговараме за детали, имајќи предвид дека ако има таков договор и ако деталите, условите, понудата генерално е прифатлива за ЕСМ, тоа треба да го направи ЕСМ со трговец со природен гас. За да се подготви состанокот, од наша страна се пратени и количините и потребите на Северна Македонија, вклучувајќи ги и потребите на ТЕ-ТО која произведува електрична енергија, а воедно како нуспроизвод произведува и топлинска енергија и тоа околу 60 отсто од топлинската енергија за потребите на град Скопје. Кога работи во базен режим ТЕ-ТО ги намалува трошоците на другите топлани, „Исток” и „Запад” – информира вчера министерот Бектеши.

Тој најави дека до крајот на неделава треба да се одржи состанок и со другата компанија посочена од опозицијата за набавка на мазут и апелираше граѓаните да не се грижат зашто, како што рече, ќе има доволно топлинска и електрична енергија.

Во исто време, група пратеници од владејачките партии до Собранието предложи Предлог-закон за дополнување на Законот за задолжителни нафтени резерви, по скратена постапка, со кој ќе се овозможи издавање на краткорочни позајмици или отстапување без надоместок на нафтени деривати од задолжителните резерви, на одредени корисници, односно на јавни претпријатија и други правни лица и институции основани од државата што вршат соодветна енергетска дејност, за извршување на нивните активности утврдени со закон, со што задолжителните нафтени резерви ќе може да се користат и во услови на прогласена енергетска кризна состојба.

На овој начин, задолжителните нафтени резерви се ставаат во функција на наведените корисници во услови на постоење на енергетска кризна состојба со цел полесно справување со актуелната енергетска кризна ситуација која од отпочнувањето на воениот конфликт во Украина во континуитет се повеќе се продлабочува и тоа не само кај нас, туку и секаде во светот, велат предлагачите.

The post АКО НЕ УПАЛАТ КОНТАКТИТЕ ОД МИЦКОСКИ, ЌЕ ТРОШИМЕ ДРЖАВНИ РЕЗЕРВИ!? Бектеши и Ковачевски на средба во странство со добавувачи на гас appeared first on plusinfo.mk.

Николовски информира дека се разговара за барањето и оризот да влезе во стоковните резерви.

– Разговараме кои дополнителни земјоделски производи бараме да влезат, како што е оризот и некои други. Макотрпно се работи на тој процес. Имавме средби со Министерството за финансии, но од она што го знам, резервите досега не се ставени во функција зашто Министерството за економија соопшти дека има доволно залихи и дека е направен увид во компаниите кои се дел од нивните регистри – објасни министерот по доделувањето на договорите за набавка на високопедигриран добиток.

The post И ОРИЗ ЌЕ СЕ ЧУВА ВО ДРЖАВНИТЕ РЕЗЕРВИ? Има барање и други продукти да влезат во списокот appeared first on plusinfo.mk.

– Имаме вкупна сума резерви од околу 640 милијарди долари. Во моментов не можеме да искористиме околу 300 милијарди долари од тие резерви – рече Силуанов, пренесе руската новинска агенција ТАСС.

Дел од девизните резерви на Русија се во кинеска валута, но западните земји сега вршат притисок врз Кина во смисла на ограничување на трговската соработка.

– Се разбира, постои притисок да се ограничи пристапот до тие резерви што ги имаме во јуани. Мислам дека нашето партнерство со Кина ќе ни овозможи да ја одржиме соработката што ја постигнавме и не само да ја одржуваме, туку и да ја подобриме во средина каде што се западните пазари се заворени – рече тој.

Благодарение на високите девизни резерви, се проценуваше дека Русија ќе може да ги издржи санкциите долго време.

Силуанов пред еден месец изјави дека Русија ќе може да ги издржи санкциите благодарение на изобилните резерви, па дури и размислува да понуди еврообврзници на странските инвеститори откако ќе се смири нестабилноста на пазарот.

The post НА РУСИЈА Ѝ СЕ ЗАМРЗНАТИ ПОЛОВИНА ОД РЕЗЕРВИТЕ Земјата има вкупно 640 милијарди долари appeared first on plusinfo.mk.