Матурантите кои не ја положија државната матура во јуни денеска ќе го полагаат првиот, задолжителен екстерен испит – мајчин јазик и литература. На 14 август (четврток), пак, е полагањето на вториот, изборен екстерен испит од државната матура во августовската испитна сесија.

Според податоците на Државниот испитен центар (ДИЦ), за двата испитни дена вкупно се пријавени 1.118 ученици. Тестот по мајчин јазик денеска ќе го полагаат:  352 –  македонски јазик, 225 – албански јазик и девет кандидати – турски јазик.

За полагањето задутре се пријавени: за англиски јазик –  779, еден ученик ќе полага француски јазик, двајца – германски јазик, 27 – математика и еден матурант е пријавен да го полага испитот по естетика.

Според видот на образование, од гимназиско ќе полагаат 265 ученици, средно стручно – 835 и 18 матуранти од средно уметничко образование. Испитите во августовскиот рок кандидатите ќе ги полагаат во простории на факултетите.

МОН и ДИЦ минатата недела ги соопштија резултатите од спроведената државна матура во јуни кои се подобри од минатата учебна година. Посечната оценка на успехот од полагањето на двата екстерни испита во јунската сесија е 3.69 и е повисок од минатата година кога средната оценка беше 3.26. Поголем успех е забележан кај мајчините јазици и кај други предмети, а особено по математика за кој средната оценка е 4.14.

Пријавени за полагање во јунскиот рок беа 15. 004 ученици. Поради обиди за препишување, употреба на електронски уреди и други неправилности, поништени биле тестовите на 172 ученици и тие  ќе може повторно да полагаат во августовскиот испитен рок.

The post 1.118 СРЕДНОШКОЛЦИ ЈА ПОЛАГААТ ДРЖАВНАТА МАТУРА Денеска се полага задолжителниот предмет appeared first on plusinfo.mk.

Сојузот на средношколци вчера објасни дека не се залагаат за укинување на државната матура, туку поради сегашната ситуација, таа да биде изменета.

Државната матура, според Сојузот, треба да се полага по скратени наставни програми и методологии. Но, како што велат, тие програми треба да се однесуваат на сите предмети, а не само на неколку.

Од Сојузот напоменуваат дека скратените наставни програми беа и продолжуваат да бидат дел од нивните барања упатени до институциите.

Според претседателот на Сојузот на средношколци, Бленди Ходаи, за ова нивно барање потребна е поддршка од сите пратеници и сите политички партии, бидејќи смета дека истото не смее да биде политизирано.

Сојузот на средношколци во сабота одржа состанок со пратеничката група на ВМРО-ДПМНЕ, каде се дискутирало на оваа тема, а во четврток Сојузот доставил и писмо за поддршка до сите пратеници во Собранието. Тие бараат поддршка за нивните барања да бидат дискутирани во јавна дебата во Собранието.

Од пратеничката група на ВМРО-ДПМНЕ сметаат дека средношколците имаат право да си ги бараат своите права поради сите овие околности коишто се настанати од ковид пандемијата.

Министерството за образование и наука, пак, вчера излезе со реакција дека бојкотирање на оваа суштинска должност и одговорност е неприфатлива.

Од Министерството појаснија дека заедно со Владата се должни и ќе ја спроведат матурата за да обезбедат можности за сите над 14.000 учениците кои ја пријавија да ја полагаат и да продолжат да учат и да се запишат на факултет.

Тие посочуваат дека е неодговорно да им се ускрати правото на оние кои решиле да продолжат на факултет.

Оние кои не планираат да продолжат на факултет, според МОН, имаат избор да полагаат само училишна матура и стручен испит.

Државната матура оваа година ќе се полага по скратена и променета методологија како што МОН уште на почетокот на учебната година одлучи, а со тоа беа сложни и матурантите и средношколските здруженија и наставниците и родителите, појаснуваат во соопштение.

Направени се измени и во постојната концепција, а од МОН појаснија дека се воведени и два дополнителни изборни предмети – географија и информатика, и е усогласена проектната задача за да биде интересна за матурантите.

Тие апелираат дека образованието мора да продолжи да тече дури и во услови на пандемија, бидејќи се работи за иднината на младите генераци

The post Матурантите во бојкот appeared first on plusinfo.mk.

До крајот на годинава матурантите треба да се пријават каков вид матура ќе полагаат – државна матура (за матуранти кои планираат да се запишат на факултет); училишна матура (за матуранти кои нема да продолжат во високото образование и ќе полагаат пред училишна комисија) и завршен испит (за матуранти од стручно образование кои нема да полагаат државна матура). Тие што ќе пријават државна матура треба да ги наведат и предметите што ќе ги полагаат.

Првиот екстерен испит е задолжителен – мајчин јазик (македонски, албански или турски јазик) и литертаура, и ќе се полага на 29 мај 2021. Вториот екстерен испит е избор помеѓу странски јазик и математика. Полагањето на странскиот јазик (англиски, француски, германски или руски) е закажано за 5 јуни, а за 14 јуни е тестот за тие што ќе изберат математика. На 11 јуни, пак, ќе се полага третиот екстерен испит за кој матурантите може да избираат меѓу 10 предмети (естетика, филозофија, хемија, физика, биологија, историја, социологија, бизнис и првпат за оваа државна матура – информатика и географија).

Државниот испитен центар (ДИЦ) минатата недела формирал комисии кои  ќе ги изготват прашањата за испитите од новите два изборни предмета. За да биде во листата на матурски испити, потребно е одреден предмет да се слуша најмалку две години со одреден фонд часови. Информатиката е воведена и затоа што е барана од учениците, бидејќи многу од нив во изминатите години се заинтересирани за факултетите од областа на информатичките технологии.

Директорката на ДИЦ Елизабета Наумовска за МИА изјави дека за испитниот материјал за екстерните испити од државната матура ќе се земат предвид скратените наставни програми што Бирото за развој на образованието ги направи поради тоа што учебната година почна еден месец подоцна. Наставните програми, посочи Наумовска, најчесто се скратени во делот на утврдување, повторување или спојување две лекции во една, со цел да се опфатат часовите загубени во септември – просечно околу осум наставни часови по предмет.

– Државниот испитен центар побара во прашањата за матурскиот испит да има помалку детали од лекциите, особено од оние за трета година од пролетниот период кога почна пандемијата. Матурантите што ќе полагаат државна матура тогаш беа трета година во второ полугодие. При изготвување на испитните прашања да се води сметка дека од трета година во второ полугодие имаа пропусти во знаењето – некои реализираа настава како што треба, меѓутоа некои ученици не. Да им олесниме на учениците и да не им даваме простор да реагираат, зашто сфаќаме во какви услови мораа да работат. Но, за оваа учебна година, сметам дека онлајн-наставата се одвива подобро и од очекуваното – истакна Наумовска.

Покрај трите екстерни испити, државната матура опфаќа и еден интерен испит за предмет по избор на учениците, како и проектна задача за која темата треба да ја најават до понеделник (30 ноември), а ќе ја предадат до крајот на март до училишна комисија. Според Правилникот за начинот на полагање и оценување на резултатите на учениците, темата за проектната треба да биде конечна и внесена во пријавата/апликацијата што кандидатот ќе ја поднесе до 31 декември 2020 во училиштето, заедно со наведените екстерни испити кои ќе ги полага во јунската испитна сесија.

Има новини и за проектната задача во гимназиското образование – матурантите повеќе нема да ја пишуваат како есеј, туку ќе треба да содржи истражувачки дел, како што во стручното образование проектната задача е  прозивод/продукт

The post Државна матура од 29 мај до 14 јуни, информатика и географија првпат во листата на изборни предмети appeared first on plusinfo.mk.