Како што изјави претседателката на Организацијата на работодавачи Владанка Трајкоска, телото кое ќе ја дефинира официјална потрошувачка кошница најверојатно ќе се формира на следната седница на ЕСС.

-Нема договор за минималецот. Се дискутираше за минималната синдикална кошничка, но се официјализираше дека ќе има официјална потрошувачка кошница која ќе ја креираат. Сметаме дека ќе биде официјална и институционална која ќе ги дефинира сите точки и ќе ги земе предвид сите потрошувачки елементи релевантни за една кошничка. Се дискутираше на неколку теми, меѓу кои и минималната плата, но имаше само дискусија, без ставови и заклучоци. Сите се стремиме кон ЕУ и она што го истражувавме беше дека ЕК нема директива за потрошувачката кошница. Секоја држава во регионот и ЕУ има и синдикална и кошница што ја формираат институциите и тие се разликуваат драстично, синдикалните се дури двапати поголеми. Тоа се политички одлуки и елементи кои ги користи Синдикатот за свои придобивки и тоа е нивен метод за вршење притисок – изјави Трајкоска по седницата.

Пред седницата на ЕСС работодавачите рекоа дека е можно минималната плата да биде и повисока од 450 евра ако Владата субвенционира дел од придонесите.

The post ЌЕ СЕ ПРЕСМЕТУВА ОФИЦИЈАЛНА ПОТРОШУВАЧКА КОШНИЦА Газдите и владата не ѝ веруваат на синдикалната минимална кошничка appeared first on plusinfo.mk.

Двете компании на брендот „Бреинчајлд“ кои работат во земјава – Бреинчајлд продукција и Бреинчајлд производство планираат да инвестираат во адаптирање на лабораторија за истражување и развој и изградба на целосно нов објект во индустриската зона Жабени во Битола.

Двете инвестиции се во вкупна вредност од 11 милиони евра и ќе се реализираат во период од 5 години. Се планира да се вработат вкупно 240 лица.

– Бреинчајлд продукција поднесе писмо за намери и деловен план за реализација на инвестициски проект за индустриско истражување на почетокот на 2024 година. Инвестицискиот план вклучува вложувања во адаптирање на лабораторија за истражување и развој и набавка на нова современа опрема и машини. Согласно деловниот план и договорот за државна помош, предвидено е компанијата да инвестира вкупен износ од најмалку 2,5 милиони евра во период од 5 години, при што се планирани околу 40-тина висококвалификувани нови работни места – рече Мицкоски на прес конференцијата по потпишувањето на договорите.

Тој информира дека втората компанија „Бреинчајлд производство“ ќе гради целосно нов објект.

– Планот на сопствениците е да изградат целосно нов објект со големина од 3.000 м² во индустриската зона Жалбени кај Битола и да вработат околу 200 лица. Според инвестициските планови, почетокот на градбата се очекува да биде во 2025 година, а во текот на следните 5 години да се заокружи инвестициски циклус од околу 8,5 милиони евра. И покрај изградбата на новиот сопствен објект, целта на компанијата е да ја зачува и надградува постоечката лабораторија за развој на нови производи и производни процеси, како и за испитување и создавање одржливи материјали – рече Мицкоски.

„Бреинчајлд“ е компанија формирана како заедничко вложување на група инвеститори од Германија и Холандија кои креираат глобален производител на висококвалитетна спортска опрема за спортови на вода и ветер. Производите вклучуваат крила, едра и дополнителна опрема за летање и сурфање на вода.

Бреинчајлд е иновативна компанија која комбинира техничко знаење и практично искуство во целокупниот процес на производство, притоа посветувајќи сериозно време и фокус на одржливи производни практики и циркуларна економија во комплетниот производен циклус.

The post ДВЕ НОВИ ИНВЕСТИЦИИ ОД 11 МИЛИОНИ ЕВРА НА „БРЕИНЧАЈЛД“ Ќе обезбедат работа за 240 луѓе appeared first on plusinfo.mk.

На сите оние коишто добиваат државна помош и притоа рекламираат казина и обложувалници да им биде прекината помошта што ја земаат од државата, предлага министерот за спорт Борко Ристовски во интервју за Рес Публика.

– Се однесува и на рекламирањето на обложувалници, се однесува и на недостојно однесување, генерално, на сите претседатели коишто се однесуваат така, на нивното работно место и надвор од него. Мора да создадеме градација, да кажеме дека дотука е доволно, а на сите оние коишто добиваат државна помош и притоа рекламираат казина и обложувалници да им биде прекината помошта што ја земаат од државата. Мислам дека е недостојно за кој било спортист да рекламира спортски обложувалници – вели министерот Борко Ристовски во интервјуто за Рес Публика.

The post БОРКО РИСТОВСКИ ПРЕФЕРИРА ФЕР ПЛЕЈ Да се укине државната помош за тие што рекламираат казина и обложувалници, предлага министерот appeared first on plusinfo.mk.

Забавата започна, а празниците се ближат, па оттаму и името на кампањата „Празнично дарување“.

Симболиката на празниците и дарувањето, на страната www.megawin.mk е претставена со отворање подароци. Играчот сам избира подарок, го отвора со клик, а добиеното е изненадување што го води понатаму во уште поголема забава до поголеми изненадувања.

Новата интернет-платформа беше промовирана со наградната игра „Биди ин регистрирај се на мегавин“, којашто траеше од 18 до 29 ноември со вкупен фонд од награди и подароци од над 12 000 000 денари.

Извлекувањето на наградите се одвиваше во живо на 30 ноември на мегаконцертот МЕГАСТАРС во Скопје, каде што платформата www.megawin.mk беше и официјално отворена за игра. Добитниците на вредните награди: 10 гејминг лаптопи Lenovo; 10 iPhone 14 Pro и 5 луксузни патувања за двајца во Дубаи, веќе доаѓаат во просториите на  Државна лотарија во зградата на МТВ, секој по својата награда и ги запознаваме преку објавите на официјалните социјални медиуми на Државна лотарија.

„Возбудени сме пред средбата со добитникот на премијата автомобил BMW, којшто ќе гостува во следното издание на нашата нова шоу-емисија СЕДМО НЕБО“, велат од Државна лотарија.

„Државна лотарија − нова, свежа, динамична, позабавна, поблиску до народот, иновативна, со поголема и поразновидна понуда на игри на среќа и видови добивки, поактивен член на заедницата, поголема поддршка на општеството, цврста во ставот за промоција и заштита на одговорно и контролирано приредување игри на среќа − тоа е новата Државна лотарија, со нов слоган: СРЕЌАТА Е НАСЕКАДЕ!“

„Интернет-платформата www.megawin.mk ја потврди новата стратегија на Државна лотарија. Со неа ќе бидат поврзани многу нови изненадувања, подароци, награди добивки и многу забава, кампањата „Празнично дарување“ е едно од изненадувањата што ќе внесат мега адреналин и многу забава во овие празници, но и воопшто во светот на игрите на Државна лотарија“, стои во соопштението на Државна лотарија.

The post ЗАБАВАТА ЗАПОЧНА СО КАМПАЊАТА „ПРАЗНИЧНО ДАРУВАЊЕ“ Мега-интерес за игрите на интернет-платформата МЕГАВИН.МК на Државна лотарија appeared first on plusinfo.mk.

Од кабинетот на градоначалникот на општина Охрид за Пулсинфо велат дека иако Пецаков не е директно надлежен за одвивањето на воспитно-образовниот процес во кој влегува и полагањето на државната матура во образовните институции во општина Охрид, туку неговата надлежност е насочена кон обезбедување услови за одвивање на образовниот процес, со внимание ги следи случувањата во ОСУ „Св. Климент Охридски“ во врска со ускратената можност една матурантка да полага матура.

– Градоначалникот е во континуирана комуникација со раководниот тим на училиштето од каде добива информации за активностите кои се преземаат и дополнително ја координира комуникацијата помеѓу надлежните институции и директорот на училиштето во врска со решавање на овој проблем. Запознаен е и министерот за образование и наука Јетон Шаќири кој презема активности од аспект на неговите надлежности за решавање на проблемот – велат од кабинетот на градоначалникот за Плусинфо.

Оттаму додаваат дека ќе чекаат информација од надлежните за евентуална можност за решение на овој проблем. Откако ќе ги добие потребните информации од надлежните, градоначалникот на Охрид ќе донесе одлука за евентуална одговорност за овој пропуст.

– Веруваме дека ќе се најде соодветно решение од кое задоволни ќе бидат сите засегнати страни – посочуваат од кабинетот на Пецаков.

Случајот го привлече вниманието и кај политичките партии. Демократски сојуз на Павле Трајанов бара итно да ѝ се овозможи на Тијана да го полага пропуштениот испит, бидејќи тоа е грешка на училиштето.

„Јасно е дека пропустот го направиле одговорните во СОУ ‘Свети Климент Охридски’, тие треба да ја коригираат грешката и на ученичката да ѝ дозволат да полага веднаш, за да може да ги фати роковите за упис на некој од факултетите. Не е педагошки и човечки полагањето да го одлагаат за следната сесија и да даваат изјави и коментари несоодветни за образовна институција. Демократскиот сојуз го повикува министерот за образование да реагира соодветно и да води грижа за секој ученик посебно, доколку е обесправен“, велат од партијата.

Во случај кога државата најверојатно нема опција да ѝ помогне, училиштето најмалку што може да направи е на Тијана да ѝ дозволи да ги полага двата интерни предмета за кои тоа е задолжено.

– Малку се распрашував и разбрав дека училиштето ќе излезе во пресрет, па оние два предмети кои треба да ги полага во склоп на матурата во самото училиште ќе ѝ овозможат тоа да се стори, но понатаму ќе биде одлука на министерот. Нема законско решение кое ќе ѝ овозможи посебно полагање на матурата – вели за Сител, Весна Јаневска од ВМРО-ДПМНЕ.

Од Државниот испитен центар (ДИЦ) веднаш излегоа со соопштение во кое потврдија дека на матурантката Тијана Силјаноска ѝ било оневозможено да го полага првиот задолжителен испит од државната матура бидејќи таа не била пријавена од матурската комисија на училиштето.

Согласно законските процедури, учениците пополнуваат пријава во училиштето најдоцна до 31 декември. Списоците се доставуваат до ДИЦ најдоцна до 15 февруари, а потоа училишната матурска комисија ги проверува податоците и доколку има грешка, таа треба да направи корекција и да ги врати до ДИЦ.

„Во случајов од комисијата во ‘Свети Климент Охридски’ од Охрид така е и постапено, односно списоците се вратени со потпис и со печат, но немаат направено корекции дека ја имаат испуштено матурантката Тијана Силјаноска“, се наведува во соопштението на ДИЦ.

Откако на матурантката од Охрид Тијана Силјаноска не ѝ беше дозволено да полага државна матура оти нејзиното име не било на списокот меѓу матурантите од охридската гимназија „Свети Климент Охридски“, од училиштето соопштија дека ќе ѝ биде дозволено да ги полага двата интерни испита во училиштето во јунската испитна сесија. Мајчин јазик и литература што требаше да ги полага во саботата, како и другиот екстерен предмет закажан за јуни, девојката ќе ги полага во августовската испитна сесија, освен ако не се смени нешто под притисок на јавноста.

По оваа одлука на менаџментот на охридската гимназија Силјаноска била вратена дома без право да полага.

„Во врска со случувањата околу полагањето државна матура, како институција засегната во случајот со нашата ученичка сакаме да ја информираме јавноста дека искрено жалиме што се случува ваков несакан проблем и наша заложба е да помогнеме и да излеземе во интерес на матурантката и на родителите. Сакаме да потенцираме дека списоците за верификација на податоците за државна матура беа доставени на увид кај учениците уште на почетокот на второто полугодие, а потоа доставени до Државниот испитен центар. И покрај напорите на училиштето да се реши ситуацијата, сепак не се наиде на разбирање од страна на надлежните институции“, се наведува во соопштението од ОСУ „Св. Климент Охридски“.

Боби Силјаноски, татко на ученичката, претходно, побара одговорност од надлежните кои според него ѝ го скратиле правото за упис на факултет.

„Ќерка ми сакаше да студира во Љубљана, сега тоа право ѝ е спречено од толку агилната администрација и директорката во гимназијата. Нека сноси некој одговорност, нека се види кој е виновен“, побара Силјаноски.

АДМИНИСТРАТИВНА ГРЕШКА ЈА ОДДАЛЕЧИ ОД СОНОТ Матурантка не полагаше државна матура и остана без упис во Словенија

НА МАТУРАНТКАТА ВЕДНАШ ДА Ѝ СЕ ОВОЗМОЖИ ДА ПОЛАГА Демократски Сојуз смета дека пропустот е на училиштето

КОМИСИЈАТА ИМАЛА ШАНСА НО НЕ ГО КОРИГИРАЛА СПИСОКОТ За случајот со матурантката од Охрид се огласи Државниот испитен центар

The post ЌЕ „ПОЛОЖИ“ ЛИ МАТУРА ГРАДОНАЧАЛНИКОТ ПЕЦАКОВ? Матурантката Силјаноска заслужува да биде во чекор со својата генерација appeared first on plusinfo.mk.

Претседателката на ОДАС, Анисија Угриновска, за МИА изјави дека тоа се заклучоци од дискусијата што ја организирале во саботата и ќе бидат пратени до Собраниеро и до Владата, односно Министерството за образование и наука. Таа се огради од протестот што со вакво барање денеска го одржале матуранти пред МОН.

Угриновска рече дека тие не се организатори и, веројатно, протестот е самоиницијативен, но дека и ОДАС ќе организира предупредувачки протест, доколку надлежните не ги слушнат нивните барања.

– Како организација целиме прво работите да бидат решени преку дискусија, а дури потоа би следувале порадикалните мерки. Бараме намалување на обемот на материјалот предвиден за полагање на матурата или скратување на еден интернет предмет. Тоа се должи на два најголеми фактора во последните четири години – бевме зафатени со корона-кризата и имавме година и пол онлајн-настава  и дојавите за бомби. Во меѓувреме имаше и други фактори, така што ние матурантите сме најоштетена генерација и не сме имале една целосна непрекината учебна година – изјави Угриновска за МИА.

Со оглед дека првиот екстерен испит е закажан за 27 мај и, како што рече, времето ги ограничува, повратен одговор на нивното барање ќе очекуваат оваа недела.

– Матурата ни тропа на врата, учениците треба да се подготвуваат. Така што, оваа недела би очекувале одговор. Тоа е актуелен проблем и бара брзо решение. Доколку нашето барање не биде исполнето, во тој случај би најавиле протест – додаде Угриновска.

По однос на ова барање и во врска со денешниот протест, претседателот на Сојузот на средношколци на Република Северна Македонија, Лука Павиќевиќ, во одговор на новинарско прашање на прес-конференцијата што ја организираа денеска рече дека во моментов Генералното собрание на ССРСМ нема донесено одлука и дека треба да се разгледаат сите аспекти.

– За една до две недели, ќе имаме Генералното собрание кое ќе се произнесе по ова прашање и Сојузот ќе излезе со официјални барања на средношколците за државната матура. Нашите младински амбасадори контактираат секој ден со средношколците од нивните градови, собираме предлози и идеи и ги анализираме… Но, не е прашање само што би сакала една група на средношколци, туку треба да се размислува за сите, бидејќи има повеќе интереси на учениците што се во конфликт – тие што сакаат да се запишат во странство, тие што сакаат да се запишат на студии тука, тие што можеби не ни сакаат да се запишат на факултет. Така што, проблемот околу државната матура е повеќеназначен и повеќе аспекти што треба да се истражат – рече Павиќевиќ.

Според сегашното решение, матурантите полагаат два екстерни и два интерни предмета и проектна задача. Тестот по првиот екстерен испит – Мајчин јазик (македонски, албански или турски јазик) и литература е закажан за 27 мај, а на 10 јуни, според календарот на Државниот испитен центар, треба да го полагаат вториот екстерен испит – избор меѓу предметите математика, англиски јазик, француски, германски, руски јазик, филозофија или естетика.

The post МАТУРАНТИТЕ БАРААТ ДА СЕ СКРАТИ МАТЕРИЈАЛОТ ЗА ДРЖАВНАТА МАТУРА Велат дека се најоштетена генерација поради дојавите за бомби и короната appeared first on plusinfo.mk.

Ел Салвадор планира да ги издаде првите државни биткоин обврзници во светот и да го изгради Биткоин Сити, кој ќе биде ослободен од даноци на приход, имот и капитална добивка, најави претседателот Најиб Букеле во градот Мизата каде што беше опкружен со биткоин ентузијасти.

Државата планира да издаде 1 милијарда долари во токенизирани 10-годишни обврзници деноминирани во американски долари за плаќање 6,5% преку „Liquid Network“, изјави Самсон Моу, извршен директор на „Blockstream“.

– Половина од таканаречените средства за „вулкански обврзници“ ќе бидат претворени во биткоин, а другата половина ќе се користат за инфраструктура базирана на биткоин и ископување на геотермална енергија – изјави Моу.

– По петгодишен период на блокада, владата ќе почне да ги продава своите биткоини и да плаќа дополнителна дивиденда на инвеститорите, изјави Моу за Блумберг.

Блокстрим моделите покажуваат дека на крајот на 10-тата година на обврзницата, годишниот процент на принос ќе биде 146% поради проектираната апрецијација на биткоинот, рече Моу, предвидувајќи дека биткоинот ќе достигне 1 милион долари во рок од пет години.

Моу рече дека периодот на блокада на обврзниците е дизајниран да извади 500 милиони долари во биткоин од пазарот за пет години.

#ElSalvador to issue $1 BILLION in bonds on second layer #Bitcoin scaling solution #Liquid.

This is Massive! #Bitcoin city – who would have thought! @nayibbukele @PresidenciaSV @Excellion @Blockstream pic.twitter.com/jDw02Qychi

— Bitinning (@bitinning) November 21, 2021

Ова ќе го направи Ел Салвадор финансиски центар на светот

Биткоинот достигна рекордно високо претходно во ноември кога неговата вредност надмина 68.000 долари, а во неделите што следеа падна за речиси 20%. Букеле постојано реагираше на падот на цената на биткоинот со „купување на есента“. Од крајот на октомври, земјата поседува најмалку 1.100 токени.

Плановите ќе го направат Ел Салвадор „финансиски центар на светот“ и „Сингапур на Латинска Америка“, рече Моу, додавајќи дека очекува и другите земји да го следат примерот.

– Првите земји што ќе го сторат тоа ќе имаат голема предност. Ова е почеток на националната држава Биткоин ФОМО“ – вели Моу, мислејќи на терминот „страв од протекување“.

Единствен данок ќе биде ДДВ, кој ќе ги финансира градските градежни и услуги

– На инвеститорите ќе им биде одобрен и постојан престој и брзо стекнување државјанство – рече Моу, стоејќи до Букеле.

Биткоин Сити ќе биде изграден во близина на вулканот Кончагуа кој ќе обезбедува енергија за рударството, рече Букеле, додавајќи дека издавањето на обврзници за биткоин ќе започне во 2022 година. Единствениот данок во градот биткоин ќе биде данок на додадена вредност од 10% за финансирање на градбата и услуги.

Во септември, Ел Салвадор стана првата земја што го прифати биткоинот како законско средство за плаќање, што наиде на одобрување на дел од граѓаните но и негодување кај дел од жителите кои организираа протести.

The post ВО НАЈАВА Е БИТКОИН СИТИ Ел Салвадор сака да стане финансиски центар на светот appeared first on plusinfo.mk.

По овој повод, соопштија од Министерството за образование и наука, денеска министерката за образование и наука Мила го посети Државниот испитен центар, одговорен за организација на целиот процес и разговараше со раководството околу текот на подготвителните активности.

– Драго ми е што оваа учебна година продолжуваме со организирање на процесот на полагање државната матура, со што им овозможуваме право на средношколците кои имаат интерес да продолжат едукативно да се надградуваат, покрај на домашните, да можат да се запишат и на некој врвен универзитет во странство доколку тоа им е волја. На сите ни е јасно дека секаде во светот, за упис во високо се бара поседување на ваков документ кој значи формализација на средното образование. Лани беше направен исклучок и за жал, дел од нашите ученици имаа проблем со прифаќањето на апликациите на странски факултети, но оваа година нема да биде така – рекла Царовска, стои во соопштението.

Таа додала дека од страна на раководството на Државниот испитен центар е информирана оти сите подготвителни активности предвидени со планот за организирање на државната матура се спроведени и врз основа на тоа очекува процесот успешно да се реализира.

– Усвоени се сите неопходни протоколи врз основа на кои матурата треба да се спроведе во услови на пандемија, а со цел да се заштити здравјето на учениците, наставниците и сите други учесници во процесот. Предвидено е во училница да бидат присутни најмногу до 15 ученици, а некаде и помалку во зависност од просторните услови. Во меѓувреме над 2.000 тестатори се вакцинирани со двете дози кои значат стекнат имунитет -информирала Царовска.

Директорката на Државниот испитен центар, Елизабета Наумовска информирала дека вкупно 15.294 ученици се пријавиле за полагање државна матура, од кои 7.050 се од гимназиско образование, 7.983 од средно стручно образование и 261 од средно уметничко образование. Испитните програми за предметите што се опфатени со матурата оваа година, подвлекла таа, се скратени, а воедно и согласно договореното со средношколците, базените со можни прашања, стои во соопштението од МОН, им се достапни на три недели пред полагањето на секој испит.

По полагањето на првиот задолжителен екстерен испит по мајчин јазик на 5 јуни, ќе следи и полагање на вториот екстерен испит кој е изборен. Учениците кои можеа да одберат помеѓу математика или странски јазик,ќе полагаат на 11 јуни. Интерните ќе бидат организирани до крајот на јуни по распоред кој го креираат самите училишта. Проектната задача се реализираше од 15 март до 30 април. Резултатите ќе бидат објавени во рок од 30 дена од вториот екстерен испит.

– За матурантите кои на испитите на 5 и 11 јуни ќе бидат заболени од ковид 19, или ќе бидат во изолација, овозможени се дополнителни термини на 25 и 28 јуни, со приложување потврда до училишните комисии. Тие што нема да положат матура во јуни, дел или во целост, ќе имаат втора можност во августовската сесија – термините се 11 август за првиот и 13 август за вториот екстерен испит. стои во соопштението од МОН.

Во меѓувреме, Министерството за образование и наука и Државниот испитен центар започнале со подготвителни активности за изработка на целосно нова концепција за државна матура која ќе се применува од следната учебна година и ќе овозможи различни видови на матура за гимназиското, стручното и уметничкото образование. За оваа цел, информираат, е формирана посебна работна група составена од претставници на надлежните институции и претставници на средношколците, а воедно ангажиран е и експерт од Светска банка кој работеше и на актуелната концепција за полагање државна матура. 

The post На 5 јуни почнува полагањето на државна матура, најмногу 15 ученици во училници, 2.000 тестатори се вакцинирани appeared first on plusinfo.mk.

– Најголем дел од училиштата ги објавиле интерните испити, останатите се во рок да ги објават и повикувам да се исполнат договорените елементи од матурата – рече Царовска, одговарајќи на новинарски прашања по отворањето сензорна соба во ОУ „25 Мај“ во Гази Баба.

Соопшти дека од наредната учебна година во училиштата ќе бидат ангажирани повеќе од 400 образовни асистенти за работа со ученици со посебни потреби, кои ќе бидат платени директно од буџетот на МОН преку општините. Во Законот за наставници, кој е во процедура во Собрание, образовните асистенти добиваат звање соработник или можност за вработување во ресурсните центри т.е. специјални училишта кои треба да ги опслужуваат редовните. Во  моментов се спроведува обука за обучувачите на асистентите, а се направени и стандарди и правилникот за да почнат со работа од учебната 2021/2022 година.

Царовска информираше и дека интересот на наставниот кадар од прво до трето одделение за вакцинирање против ковид-19 е во согласност со очекувањата.

– Одѕивот воопшто не е лош – рече министерката одговарајќи на новинарско прашање. Додаде дека по завршувањето на оваа учебна година, во текот на летото ќе разговараат со Комисијата за заразни болести и Министерството за здравство за моделите на кои ќе се организира наставата од септември.

The post Царовска повика училиштата да ги исполнат обврските од договорот за државната матура appeared first on plusinfo.mk.

Дали накоро ќе бидат донесени законите што треба да овозможат реализација на мерките за работодавачите погодени од кризата да можат да им исплатат плати на вработените ќе се знае во вторник, 23 март, за кога е закажана собраниската седница на чиј дневен ред се и овие законски решенија.

Компаниите се жалат дека поради нефункционалноста на Собранието не можат навреме да ги добијат платите и најавуваат дека ако тоа не се случи наскоро, може да се најдат во состојба да отпуштаат работници. Власта уверува дека пари за февруарската плата ќе има навреме, но потенцираат дека тоа зависи од пратениците. Ако нема тактизирање и водење од политички, туку од интересите на граѓаните, потенцираат, законот може да биде донесен навреме.

Опозицијата пак, обвинува дека виновна за доцнење на носењето на овој закон е власта. Законот, велат, бил доставен во Собрание на 17 февруари, а ставен на седница за 23 март. Ова, појаснуваат, било со цел власта да има време да се задолжи за да може да ги исплати средствата предвидени со петтиот пакет мерки.

Ангел Димитров од Организацијата на работодавачи посочува дека ако не се најде политичка волја да се донесе законот за финансиска помош на компаниите, за исплата на платите за февруари и март, компаниите би можело да се соочат со сериозни проблеми, што би довеле и до отпуштање на работниците.

Според него, состојбата со пандемијата во европските земји, тамошните затворања и помала побарувачка на стока, може до доведе до затворање на голем број наши компании или отпуштање на работници, затоа што ако тие немаат финансиска поддршка од државата логично е да ги отпуштат вработените.

– Во услови кога здравствената криза е присутна овде, бројот на заразените никако да се намали, а истото се случува и кај нашите најголеми трговски партнери во Европа, стопанството е навистина ставено пред голем предизвик да се остане, да се напуштат работници или да останат, така што скоро сите работодавачи кои имаат проблеми во вработувањето на нивните капацитети со душа го чекаат овој петти пакет на мерки за да видат дали ќе добијат помош за да можат работниците да ги остават на работа. Без разлика тие што не одат на работа, ама да останат во работен однос – вели Димитров за МИА.

Во спротивно, тој потенцира, дека доколку не се донесе законот бројот на луѓето коишто ќе останат без работа, кои ќе добијат откази ќе биде многу голем, особено оние кои се на определено работно време каде што работодавачот нема некои обврски законски, ниту пак парични давачки, може едноставно да не го продолжи договорот за работа кој им истекол.

– Но, јас се надевам дека пратениците ќе покажат разум дека во овој случај не се работи за партиски интереси, овде треба да имаат ист интерес и власта и опозицијата да се донесе законот кој ќе го спаси стопанството од поголеми потреби, бидејќи една затворена компанија тешко или ќе треба многу време да се обнови и дали воопшто ќе се обнови, а еден отпуштен работник, исто така, е проблем дали воопшто следниот период ќе може пак да се врати на работа – вели претседателот на ОРМ.

Тој додаде дека во текстилната индустрија се правела анализа која покажала дека најмалку 20 отсто од бројот на вработените, или околу 6-7 илјади работници, ќе останат на улица ако не се изгласа законското решение за финансиска поддршка за исплата на плати.

– Бидејќи во овој момент скоро сите се без работа, некои работат скратено работно време, некои работат со пола од работните денови во неделата, така што проблемите се многу присутни заради тоа што стои робата од последните два производни циклуса во магацините на нашите партнери – потенцира Димитров.

Од ССМ за МИА велат дека сите политички субјекти треба да се охрабрат и да излезат во пресрет на работниците, да ги исполнат ветувањата кои ги имаа дадено на барањата на работниците, вклучително и обезбедување финансиска поддршка за исплата на платите, која во изминатиот период беше воведена на барање на ССМ, со што се покажа дека се зачуваа работните места на нашите колешки и колеги, особено во најпогодените сектори како што тоа е во угостителството, туризмот, текстилот, градежништвото и други дејности.

Потребно е, велат од ССМ и во наредниот период, сите да придонесеме и здружени со иста цел, да ги зачуваме работните места и да се обезбеди плата за најпогодените работници во оваа здравствена криза. Македонските работници, потенцираат, со секое одолговлекување можат да трпат сериозни штети и последици по нивната егзистенција и егзистенцијата на нивните семејства.

Власта вели дека февруари ќе биде покриен со плати, а оти за другото одговорoт треба да го дадат пратениците во Собранието.

– Јас знам како би постапил да сум на нивно место – рече вицепремиерот за економски прашања, Фатмир Битиќи.

Тој очекува дека наредната недела за кога е закажана собраниската седница, законите за економските мерки да бидат донесени и дека граѓаните и стопанствениците ќе ја добијат поддршката.

– Мислам дека тоа е научена лекција. Време за политика ќе има кога ќе живееме малку подобро, без притисок на здравствената криза. Затоа сметам дека за една недела или десет дена законите ќе бидат донесени и помошта ќе стигне до сите на кои им е потребна – нагласи вицепремиерот.

Од Опозициската ВМРО-ДПМНЕ негираат дека ги кочат законите за петтиот пакет мерки и најавуваат дека ќе гласаат за нив.

Потпретседателот на партијата Александар Николоски изјави дека ВМРО-ДПМНЕ ќе даде поддршка за овие закони пред се заради тоа што тие се во интерес на сите граѓани. Доцнењето во донесувањето, го стави на товар на власта.

– Мерките ги претстави Зоран Заев на почетокот на февруари, во Собранието се испратени на 17 февруари, Талат Џафери како претседател на Собранието избран од мнозинството закажа седница на која што ги стави на дневен ред овие мерки дури на 23. И тоа е во договор со владејачкото мнозинство за тоа што секогаш владејачкото мнозинство се координира помеѓу себе кои точки да бидат на дневен ред. Талат Џафери намерно ги закажа после месец и една недела, и ќе кажам зошто, за тоа што власта кога ги поднесе овие мерки немаше пари и доколку беа усвоени во Собранието што ќе беа ќе ги поддржеше и ВМРО-ДПМНЕ, ќе немаа утредента да исплатат поддршка за февруари и следствено за март. За тоа чекаа да помине еврообврзницата од енормни 700 милиони евра за го да го наполнат Буџетот, за тоа што во Буџетот имаа дупка бидејќи не знаат да го планираат истиот Буџет. Паралелно на тоа направија голема пропаганда дека ВМРО-ДПМНЕ го кочи процесот, јас кажувам можеби е наша грешка што порано не ги презентиравме овие факти – рече Николоски.

Во меѓувреме, не се знае дали албанската опозиција во Парламентот ќе даде поддршка за овие закони, затоа што претходно најави дека ќе блокира закони во Собранието се додека не добијат поддршка за законот за државјанство што тие го имаат предложено.

Помошта за плати е една од повеќето мерки од петтиот владин пакет, за кои е потребна законска регулатива. За некои законските решенија веќе се доставени во Парламентот, а некои се уште се подготвуваат.

The post Oд прaтениците зависи кога ќе пристигне државната помош до компаниите и работниците appeared first on plusinfo.mk.