– Има фрапантни сметки од 20.000 евра за две ќебапчилници и неверојатни, секојдневни и огромни сметки за кафани и кафулиња- вели Стоилковиќ.

Според јавно достапните податоци за набавки во Министерството за политички систем и односи меѓу заедниците  во 2023 година на тендер за угостителски услуги биле избрани две компании.

– Вкупната зделка е 1 180 000 денари што е приближно на спомнатите 20 илјади евра. Поголем дел од таа зделка добила фирмата „Пчела Ш.Е.Љ.“ која раководи со истоимена ќепабчилница и барбекју бар во Старата скопска Чаршија. Од предвидените пари (944 илјади денари) „Пчела“ испорачала храна во вредност од 532 037 денари. Втората фирма која била избрана на тендерот е „Далма кетеринг“, но таа не реализирала ниту еден денар од предвидените 220.000 денари.

Тендерот бил заклучен како реализиран и пријавен во Бирото за јавни набавки на 18 април оваа година. Тоа е само на 6 дена пред првиот изборен круг. Тендерот бил склучен на 15 март 2023 година и требало да заврши најдоцна на 15 март оваа година, но всушност е пријавен како реализиран, еден месец подоцна. Во тоа време, на три дена пред избори, на 21.04.2024 година  на иста сума (1.180.000 денари) е склучен нов договор меѓу Министерството и „Пчела“.

На 14 јуни 2024, Министерството платило две сметки на „Пчела Ш.Е.Љ.“ во вредност од 41.660 денари и од
16.852 денари. Овие 58. 512 денари (околу 900 евра) биле за 150 порции телешки ќебапи.

Стоилковиќ изјави дека во моментот се прави ревизија на трошоците по што извештајот ќе се разгледа на затворена владина седница.

– Сметките за ќебапи и кафани се само врвот на ледениот брег – изјави тој, додавајќи дека извештајот ќе биде разгледан на затворена седница.

The post ГРУБИ НЕ ИГРАЛ САМО ФУДБАЛ ВО ДРЖАВНИ ПРОСТОРИИ, ЈАДЕЛ И ЌЕБАПИ НА ДРЖАВНА СМЕТКА Во две скопски ќебапчилници Министерството со кое раководеше платило 20.000 евра appeared first on plusinfo.mk.

На сметките на кои има и жолти ракии и висококвалитетни вина, тој плаќал со службената картичка, но и на фактури што угостителските објекти ги доставувале до Министерството за правда.

Само од податоците кои „А1он“ ги доби може да се заклучи дека за една година, од минатиот јануари до јануари оваа година, Маричиќ исплатил 313.603 денари или 5.000 евра за гоштевање.

Од порталот наведуваат дека сумата би била поголема ако во неа се пресметаат и трансакциите што се направени во евра.

Маричиќ за А1 он вели дека не гледа проблем и дека сите негови трошења се транспарентни.

The post БИФТЕЦИ, ЛОСОС И СКАПИ ВИНА За Маричиќ не е проблем што не штедел државни пари по ресторани appeared first on plusinfo.mk.

Како што дознаваме, за одреден број акредитирани новинари, сниматели и фоторепортери ќе биде обезбедено бесплатно хотелско сместување, како и превоз со комбе од Скопје до Охрид, за што ќе се знае поточно во наредните денови. Изворите на Плусинфо посочуваат дека поради големиот интерес за форумот, пред сè, на новинари од странство, само одреден број македонските новинари ќе може бесплатно да присуствуваат на Форумот.

Испративме прашања до Министерството за надворешни работи, обидувајќи се да добиеме официјална потврда на нашите информации, односно дали во организацијата на Преспа форумот за дијалог е предвидено да се носат новинари на сметка на Министерството за надворешни работи, но до моментот на објавувањето на текстот не добивме одговор.

Здружението на новинарите на Македонија (ЗНМ) пред некој ден реагираше на трендот новинари од приватни медиуми да се носат на патувања на државна сметка, како дел од државни делегации. Претседателот на ЗНМ, Младен Чадиковски, смета дека треба да се следи логиката на пазарот кога се во прашање приватните медиуми, односно редакциите сами да одлучуваат каде да испраќаат новинари, а тоа да биде платено од сметката на медиумот.

Плусинфо претходно пишуваше дека Владата го платила патувањето и сместувањето на 34 новинари, сниматели и на фоторепортери во Софија, за време на меѓувладината седница на владите на Бугарија и на Македонија, одржана на 25 јануари годинава. А по посетата на владината делегација на Рим и на Ватикан во која влегоа и избрани медиумски претставници, од ЗНМ реагираа дека не смее да се дозволи на еден настан да се носат новинари од одредени медиуми и така да се фаворизираат одредени редакции.

Ставот на Плусинфо е дека новинарите не смеат да патуваат на државен трошок и дека тоа претставува класичен пример на корупција на медиумите.

The post И БУЈАР ОСМАНИ ЌЕ ГИ ЧЕСТИ НОВИНАРИТЕ На Преспа форумот за дијалог ќе присуствуваат одбрани медиуми appeared first on plusinfo.mk.

Откако во јавноста беше обелоденето дека на меѓувладината седница во Софија, сметката за пат и за сместување на 34 новинари, сниматели и фоторепортери ја платила Владата на Република Македонија, Чадиковски е дециден дека тоа не смее да се повтори.

– Ако ја следиме логиката на пазарот, тогаш медиумите сами решаваат што ќе следат, каде ќе патуваат нивните новинари и потоа самите ќе си платат за тоа – вели првиот човек на ЗНМ.

Што се однесува до патувањето во Рим каде премиерот Димитар Ковачевски чествуваше на гробот на Св. Кирил и Методиј, за што покана добија само одредени медиуми, Чадиковски вели дека тоа е очигледен пример на фаворизирање.

– Што се однесува до Рим, тука имаме случај на фаворизирање на медиуми. Сепак, ставот на ЗНМ е дека не смее да се носат новинари од приватни медиуми на државна сметка – додава тој.

The post МЕДИУМИТЕ САМИ ДА РЕШАВААТ ШТО ЌЕ СЛЕДАТ Чадиковски е против „новинарски туризам“ на државна сметка appeared first on plusinfo.mk.