Премиерот Христијан Мицкоски денеска соопшти дека е објавен јавниот повик преку кој секој студент ќе може да добие 15.300 денари за набавка на електронски уред, мерка што, како што истакна, претставува исполнување на владиното предизборно ветување.

Мицкоски рече дека повикот е наменет за околу 55.000 студенти, кои од денеска можат да аплицираат.

– Ги повикувам сите студенти да се пријават. Она што го ветивме, тоа и го реализираме. Секој студент добива 15.300 денари за електронски уред – изјави премиерот, одговарајќи на новинарско прашање.

Тој појасни дека владата свесно чекала да завршат изборите пред да го активира повикот, за да избегне, како што рече, „неетички толкувања“.

– Не сакаме како претходните влади да отвораме вакви мерки пред избори. Се водевме од принципиелност и затоа го објавивме повикот дури по официјалната одлука на ДИК. Студентите имаат време да аплицираат до 1 јануари 2026 година – нагласи Мицкоски.

Повикот е веќе активен, а студентите ќе може да аплицираат онлајн во наредните недели.

The post ПО 15.300 ДЕНАРИ ЗА 55.000 СТУДЕНТИ Владата отвори повик за помош при купување лаптоп, таблет или друг електронски уред appeared first on plusinfo.mk.

Укинување на додатокот за државјанство, нови бонуси за електрични автомобили, како и дополнителни три милијарди за изградба на патишта и железнички мрежи се дел од реформите за кои по долги преговори се согласија претставниците на германските партии ЦДУ, ЦСУ и СПД се согласија .

Реформите е планирано да стапат на сила од јануари следната година.

– Додатокот за државјанство е минато – рече лидерот на ХСС, Маркус Седер.

Овој додаток во иднина ќе се нарекува „основен приход“.

Правилата за државна помош ќе бидат значително построги со цел побрзо да се санкционираат оние што одбиваат.

– Значително ќе ја зајакнеме обврската за соработка, а исто така значително ќе ги зголемиме можностите за санкции – рече канцеларот Фридрих Мерц.

Планирано е таканаречено „активното пензионирање“ со  цел да ги охрабри постарите работници да продолжат да работат. Оние што ќе го искористат тоа можат да заработат дополнителни 2.000 евра месечно без данок откако ќе ја достигнат возраста за пензионирање.

Според канцеларот, кабинетот ќе го одобри ова следната среда, а мерката ќе се применува од 1 јануари 2026 година. Сепак, само работниците кои се обврзани да плаќаат придонеси за социјално осигурување ќе имаат право на ова. Зголемувањето на нето-приходот ќе биде достапно не само по поднесувањето на даночната пријава, туку и кога ќе се одбие данокот на плата, објавуваат германските медиуми.

Коалицијата CDU/CSU, исто така, одобри нов бонус за електрични автомобили (стариот беше укинат во 2023 година) за домаќинства со ниски и средни приходи. Околу 3 милијарди евра од Фондот на ЕУ за климатски промени се наменети за програмата за финансирање до 2029 година. Целта е „опипливи придобивки за потрошувачите“, според документот за договор.

Но, партнерите во владата остануваат поделени околу постепеното укинување на моторите со внатрешно согорување од 2035 година. Кога станува збор за автомобили, тие се согласуваат само за желбата да се зачуваат работните места. Сепак, коалицијата сè уште не се согласува околу тоа како да се постигне ова.

– Верувањето дека сите мотори ќе бидат електрични до 2035 година е нереално – рече Седер.

Наместо 15 милијарди евра што ги побара министерот за транспорт Патрик Шнајдер (CDU) за проширување на патната и железничката мрежа, коалицијата одобри само дополнителни 3 милијарди евра, кои ќе бидат земени од фондот.

– Веќе нема причина да не се гради – изјави министерот за финансии Ларс Клингбеил.

Буџетот вклучува 166 милијарди евра за проширување и одржување на патната и железничката мрежа за целиот законодавен период.

The post ГЕРМАНИЈА ГО УКИНУВА ДОДАТОКОТ ЗА ДРЖАВЈАНСТВО Се предвидуваат построги правила за државната помош appeared first on plusinfo.mk.

Ирските власти кон крајот на јуни го обновија програмот „Нашите живи острови“ (Our Living Islands). Оваа иницијатива, започната во 2023 година, е предвидена да трае до 2033 година и има за цел да се бори против депопулацијата преку мерки како што се финансиски поттикнувања за лица што ќе се преселат на еден од 30-те слабо населени острови во земјата.

Не е неопходно кандидатот да биде ирски државјанин за да аплицира за поттикнувањето. Сепак, заинтересираните мора да имаат право на престој во земјата, согласно постојните визни правила.

Меѓу достапните острови се наоѓаат Аран, Клер, Дарси, Иништурк, Инишбофин и Бер, меѓу другите. Вкупно, 23-те острови, опфатени со програмата, имале заедничка популација од само 2.734 жители, според податоците од 2016 година. Овие места се познати по своите прекрасни и рустични крајбрежја, а некои од нив послужиле и како локации за снимање на филмот Духовите на островот (The Banshees of Inisherin), кој беше номиниран за Оскар.

Целта на програмата е да се обезбеди опстанок на „живи и одржливи заедници“ на островите. Исто така, програмата има културна и економска функција – придонесува за зачувување на културното наследство, разновидноста на локалните економии, како и за подобрување на инфраструктурата и на домувањето во тој дел на земјата.

Како функционира?

Финансиските поттикнувања се наменети за реновирање куќи што ќе се купат на островите. Како и кај програмите „куќи за 1 евро“ во Италија и во Франција, куќите на оддалечените ирски острови се во лоша состојба и бараат обнова.

Како дел од проектот, ирската влада ќе исплаќа над 80.000 евра на новите жители на овие островски заедници, објави Јуроњуз.

Великодушните парични грантови се нудат како начин за спасување и обновување на сè поголемиот број напуштени и запуштени недвижности на островите. Поради тоа, постојат неколку услови за добивање на овие пари.

Идните жители треба да купат и да поседуваат недвижност на еден од островите. Објектот мора да биде изграден пред 1993 година и да биде празен најмалку 2 години.

Постојат и правила за тоа како може да се искористат парите откако ќе бидат одобрени. Средствата може да се употребат за градежни зафати како поставување изолација, структурни подобрувања и реновирање.

Ако ги поминете сите овие чекори, би можеле да добиете до 84.000 евра за да спасите една куќа од распаѓање и да ја претворите во дом од соништата.

Секој бонус мора да биде вложен во станбени недвижности – не важи за викендички или за сезонски куќи. Купувачите на недвижности на островите мора да се обврзат дека ќе живеат во нив како во своето главно живеалиште или дека ќе ги стават на располагање за долгорочен наем во соработка со локалните власти…

За потсетување, тимот на порталот DiscoverCars.com спроведе истражување за да ги открие најубавите дестинации низ светот. Според тоа истражување, првото место го зазеде Ирска, со просечна оцена од 9,52 од 10 од страна на меѓународните посетители.

The post НАЈУБАВАТА ЗЕМЈА НА СВЕТОТ ПЛАЌА ДА СЕ ПРЕСЕЛИТЕ НЕЈЗИНИТЕ ОСТРОВИ Добивате пари за да реновирате куќа appeared first on plusinfo.mk.

– Според власта на СДСМ и ДУИ, уредбите со законска сила за финансиска поддршка на работодавачите од приватниот сектор требаше да биде погодна за 87 отсто од компаниите. Но каде завршуваа парите? Најверојатно се мислеше на ИГМ Еленица која беше едно од претпријатијата добитник на државна помош за исплата на минимални плати за време на кризата предизвикана од корона вирусот. Со акционерското друштво управува Трајче Заев, братучедот на Зоран Заев, додека Вице Заев, братот на тогаш актуелниот претседател беше член на Управниот одбор. Вака завршуваа парите од т.н. државна помош – рече Митева.

Дека мерките не вродија со плод, додаде таа, говори и фактот на бројот затворени фирми во пост ковид годините, 2021 и 2022 година. За овие две години вкупно се затвориле близу 14.000 фирми.

– Па тука сосема логично се поставува прашањето, каде завршија 100 милиони евра државна помош за компаниите ако имаме вакви статистики и бројки кои го покажуваат спротивното? СДСМ и ДУИ манипулирајќи на овој начин со години ја трошеа државната каса за свои приватни цели. Суровоста на математиката го потврдува тоа, а фактите се следни: наместо за народот, парите завршуваа кај фирми блиски до власта на СДСМ и ДУИ. За ова одговорност мора да има – порача Митева.

The post ФИРМА НА БРАТУЧЕДОТ НА ЗАЕВ ЗЕЛА ДРЖАВНА ПОМОШ Митева прашува каде завршиле 100 милиони евра за време на пандемијата appeared first on plusinfo.mk.

„Поаѓајќи од Вашите надлежности за спроведување на законодавството од областа на контролата на државната помош, заради заштита на слободната конкуренција помеѓу претпријатијата на пазарот, бидејќи слободната конкуренција е од пресудна важност за сите држави чии економии се темелат на начелото на слободен пазар, каде што распределбата на средствата е резултат на односите на понудата и побарувачката на пазарот, а не последица на мерките со кои државата интервенира во односите помеѓу претпријатијата. Истовремено ценејќи ја примената на правилата на конкуренција која има за цел воспоставување на пазар на кој претпријатијата учествуваат рамноправно и под еднакви услови и нивната позиција на пазарот се вреднува првенствено според квалитетот на производите односно услугите кои ги нудат и каде основната задача на правото на конкуренција е да ги спречи поединечните практики и деловни активности на пазарот кои одредени претпријатија можат да ги доведат во позиција која е неоправдано поповолна во однос на другите претпријатија, па со тоа да ја загрози слободната конкуренцијата помеѓу претпријатијата.

Вие, Комисијата за заштита на конкуренцијата, согласно член 48 став 1 од Законот за заштита на конкуренцијата да извршите истражување на околности кои укажуваат на можноста конкуренцијата да биде нарушена.  Односно, да извршите контрола на примената на одредбите и прописите кои се предложени во предлог – законот за реализација на стратешкиот инвестиционен проект МИТИЛИНЕОС когенеративна постројка Скопје по скратена постапка, вклучително и Договорот кој треба Владата да го потпише со стратешкиот инвеститор. Па врз основа на анализата на состојбите на пазарот, до степен потребен за развој на слободна и ефикасна конкуренција, согласно одредбите донесени врз основа на Законот за заштита на конкуренцијата и Законот за контрола на државната помош, со одлука да го превенирате доделувањето на предвидената државна помош“ – стои во реакцијата од Здружението на инженерите на Македонија.

Во образложението на ова барање се наведув:

„На Седница бр. 140 на Собранието на Република Македонија, покрај другите точки, на дневен ред пред пратениците беше поставена и точката број 30. „Предлог на закон за реализација на стратешкиот инвестиционен проект МИТИЛИНЕОС когенеративна постројка Скопје, по скратена постапка“. Покрај целосниот текст на материјалот, во кој е доставен предлог-законот за реализација на стратешкиот инвестиционен проект Митилинеос когенеративна постројка Скопје, до пратениците е доставен и прилог на договорот кој Владата треба да го потпише со стратешкиот инвеститор. Во доставеното образложение за Предлог законот, во деловите „Оцена на финансиските последици од предлогот на законот врз Буџетот и другите јавни финансиски средства“ и „Процена на финансиските средства потребни за спроведување на законот и начинот на нивно обезбедување, како и податоци за тоа дали спроведувањето на законот повлекува материјални обврски за одделни субјекти“, даден е услов, според кој доделувањето на државната помош зависи од испитувањето на известувањето за планот за доделување на државна помош според кој, доколку Вие, Комисијата за заштита на конкуренцијата, утврдите дека мерките содржани во известувањето претставуваат државна помош и доделувањето на истата ќе е дозволено, државна помош ќе му се додели на стратешкиот инвеститор Митилинеос. Со евентуалната таква Ваша одлука, во членот 9 од Предлог законот е предвидено Владата, како поттикнувачка мерка, да му додели на стратешкиот инвеститор државна помош во вид на финансиска поддршка во износ од 49.750.000 евра во денарска противвредност според средниот курс на Народната Банка на Република Македонија, (средства обезбедени од Буџетот на Република Македонија), на начин што Стратешкиот инвеститор и Владата, претставувана од Дирекцијата за технолошки индустриски развојни зони ќе склучат Договор за доделување на државна помош.

Вашето истражување, анализа и контрола, согласно одредбите на Законот за заштита на конкуренцијата, каде “пазар” е место каде што продавачите и купувачите остваруваат понуда и побарувачка на стоки и услуги, а “договори и одлуки” се правни дела со кои се уредуваат прашања што се однесуваат на условите на работењето, а чија што цел или последица е нарушување на конкуренцијата и се однесува и на поединечните одредби на договорите и одлуките, кои можат да бидат изрични или премолчни; истовремено имајќи предвид дека се забранети сите Договори склучени меѓу претпријатија, одлуките на здруженијата на претпријатија и усогласеното однесување чија цел или последица е нарушување на конкуренцијата – особено оние кои го условуваат склучувањето на договорите со прифаќање од другите договорни страни дополнителни обврски, што по својата природа или согласно со трговските обичаи не се во врска со предметот на договорот (член 7 став 1 точка 5 од Законот за заштита на конкуренцијата) и каде овие одредби како групни изземања се применуваат на вертикални договори за исклучиво право на дистрибуција, селективно право на дистрибуција, исклучиво право на купување и франшизинг (член 9 став 1 точка 1 од Законот за заштита на конкуренцијата), веруваме дека ќе резултира во сознанија дека се работи за склучување на забранет договор со кои се нарушува конкуренцијата во смисла на член 7, што е предвидено и како прекршок согласно членот 59 од Законот за заштита на конкуренцијата.

Ви ги истакнуваме само неколкуте елементи од Предлогот на законот за реализација на стратешкиот инвестиционен проект МИТИЛИНЕОС когенеративна постројка Скопје и Договорот кои го потврдуваат сето претходно наведено:

1. Стратешкиот инвеститор Митилинеос нема да плаќа такса за ЦО2 по 2030 година, поради што ќе биде поконкурентен на пазарот;

2. Стратешкиот инвеститор Митилинеос добива уредена индустриска зона, во вредност од 20 милиони евра, за која треба да плаќа неконкурентен месечен надоместок од 6 денари по метар квадратен – поволност која на ниту едно претпријатие од енергетскиот сектор претходно не му е дадено;

3. Спорни се речиси сите одредби од членот 6 на Предлогот на законот за реализација на стратешкиот инвестиционен проект МИТИЛИНЕОС когенеративна постројка Скопје;

4. Со договорот, Република Македонија се обврзува, дури и ако нема потреба, на стратешкиот инвеститор Митилинеос, да му плати за преземање на околу 1.000 MWh електрична енергија и 275 MWh топлинска енергија, на годишно ниво;

5. Договорот ја обврзува Република Македонија да купува електричната и топлинската енергија од стратешкиот инвеститор Митилинеос по цени од 15 % до 35 % повисоки од берзанските;

6. Предвиден е надомест за стратешкиот инвеститор Митилинеос во износ од 4 милиони евра годишно за старт на постројката;

7. Стратешкиот инвеститор Митилинеос добива загарантиран профит од над 40 милиони евра годишно, без да има никаков ризик од одлуките на нашиот правен систем, бидејќи со предложениот Закон сите одлуки на Врховниот суд ќе бидат неважечки за Стратешкиот инвеститор Митилинеос, а штетите од неговото работење ќе мора да ги плати Македонија;

8. Законот за јавни набавки не важи за стратешкиот инвеститор Митилинеос;

9. Во целост се исклучува влијанието на нашата судска власт, а надлежност за било каков евентуален спор се дава само на Арбитражниот суд во Париз;

10. Предвидени се бројни пенали што Македонија ќе треба да му ги плаќа на стратешкиот инвеститор Митилинеос во случај да не исполни некоја од обврските наведени во текстот на предложениот Закон за стратешка инвестиција;

11. Стратешкиот инвеститор Митилинеос ќе се стекне со профит од најмалку 1,2 милијарди евра за 30 години колку што е предвидено да трае Договорот за стратешко партнерство, а по 30 години стратешкиот инвеститор Митилинеос не мора да и ја врати електраната на Македонија…

Од Вас како надлежни органи, бараме веднаш да постапите по оваа наша претставка и да ги преземете сите потребни дејствија и мерки за да се спречи повредата на јавниот интерес“ – стои во барањето од Здружението на инженери на Македонија.

The post ПРЕТСТАВКА ДО КОМИСИЈАТА ЗА ЗАШТИТА НА КОНКУРЕНЦИЈАТА ВО СЛУЧАЈОТ „МИТИЛИНЕОС“ Да се испитаат околностите за доделување државна помош appeared first on plusinfo.mk.

Како што јави дописникот на МИА од Брисел, германската државна помош, која е во согласност со индустрискиот план од Европскиот зелен договор, е одобрена врз основа на мерките за поддршка на клучните сектори за забрзување на зелената транзиција и намалување на зависноста од фосилни горива.

Фабриката на „Нортволт“ ќе се наоѓа во градот Хајде во северната германска покраина Шлезвиг-Холштајн и годишно ќе произведува од 800.000 до 1 милион напредни и високоефикасни батерии за електрични возила со вкупен капацитет од 60 гигават часови. Предвидено е фабриката да започне со работа во 2026 година, а целосниот производствен капацитет да го достигне во 2029 година.

Според планот, од вкупната сума од помошта 700 милиони евра ќе бидат во форма на директен грант, а останатите 202 милиони евра ќе бидат наменети за гаранција.

Инаку, покрај во Хајде, шведската компанија ќе гради фабрика за батерии за електромобили и во САД, за што доби помош според американскиот Закон за намалување на инфлацијата.

The post ЌЕ ДОБИЕ ДРЖАВНА ПОМОШ ОД 900 МИЛИОНИ ЕВРА „Нортволт“ во Германија ќе гради фабрика за батерии за електрични автомобили appeared first on plusinfo.mk.

Битиќи рече дека годинава имаме рекордна исплата од вкупно 23 милиони евра, како и рекорден број на поддржани компании со државна помош – 410.

–   Од 2017 до 2022 имаме потпишано вкупно 630 договори од кои моментално активни се 546 договори, додека 84 се завршени договори по различни основи, од нив 69 комапнии ги завршиле инвестициските циклуси, додека 15 побарале спогоднено раскинување на потпишаните договори – рече Битиќи.

Тој рече и дека споредбено со 2017 година подршката годинава е драстично зголемена.

– Во 2017 имавме 3,2 милиони евра исплатено, годинава ја завршуваме на 23 милини евра исплатена државна помош. Годинава имаме зголемување од 79 отсто на исплатена финансиска поддршка, или во споредба во 2021 се 12,9 милиони евра, а оваа година 23 милиони евра. Годинава пристигнаа вкупно 436 барања за исплати од компании кои ги исполнуваат условите. Од нив 410 ги исполнија условите и им е одобрена финансиска поддршка за инвестиции согласно Законот – рече Битиќи.

Во 2022 година, како што рече, бројот на поддржани компании надвор од Скопје е зголемен за 150 отсто во однос на лани. Тогаш бројката била 93 компании, а годинава 232 компании се поддржуваат надвор од Скопје.

Според него, само по основ инвестиции во истражување и развој поддржани се 15 компании, со 1,9 милиони евра.

– Во оваа година вкупната државна финансиска поддршка по Законот на финансиска поддршка на инвестиции и Законот за контрола на државна помош се исплатени рекордни 45 милиони евра – рече тој.

Битиќи соопшти и дека нема разлика во помошта мешу странските и домашните компании.

-Ги избришавме разликите меѓу домашните и странски компании. Денес сите компании што работат во земјава се наши компании, домашни – рече тој.

The post 410 КОМПАНИИ ДОБИЛЕ ПОДДРШКА ЗА ИНВЕСТИЦИИ Државата за таа намена исплатила 23 милиони евра appeared first on plusinfo.mk.

Во продолжение го пренесуваме неговиот пост:

„Денеска покрај медалот по математика добивме и голем пораз од државата. Имено, пред неколку месеци кога Македон ги освои првите златни медали по математика бевме повикани во Министерството за образование на прием кај министерот. Таму бевме дочекани со сите почести, многу сликање, поклони, како ранец и книги за Македон и најважното многу ветувања.

– Прво дека ќе се среќаваме еднаш месечно за да видиме како напредува Македон и на кој начин тоа да се артикулира,

– Беше ветено од страна на министерот дека ќе стапи во контакт со сите големи амбасади за да и тие помогнат во процесите на едукација на Македон,

– Дека ќе се формира комисија што ќе направи програма за надарени деца за да може во иднина да ги едуцира овие деца,

– Ни беше кажано дека има потенцијални спонзори кои сакаат да останат анонимни да финансираат неограницени средства во школувањето на Македон.

И уште многу други работи …

И сега после неколку месеци покрај многу повици од наша страна до истото тоа министерство, конечно ни кажуваат дека сето тоа било една голем фарса и дека од сето тоа што го ветиле нема ништо.

Ни кажаа дека амбасадите не можеле да ги контактираат на соодветно ниво, туку во неформални контакти биле незаинтересирани, дека спонзорите одеднаш станаа незаинтересирани, а државата не може да инвестира во ваков тип на образование.

Со еден збор добивме едно големо НИШТО на денот кога Македон го доби третиот медал по математика замислете, на светско ниво.

Што треба едно дете со таков IQ и со такви успеси да направи за да добие поддршка од државата?

Засега една големо  0“, се вели во реакцијата на неговиот татко.

The post ДОБИВМЕ ЕДНО ГОЛЕМО НИШТО, А ОСВОИВМЕ ТРЕТ МЕДАЛ НА СВЕТСКО Таткото на генијалецот Македон револтиран од неисполнетите ветувања на МОН appeared first on plusinfo.mk.

Ако Владата не им помогне, оттаму предупредуваат дека е можно да дојде до целосно колабирање на дејноста и населението да остане без леб.

Како што истакнува за МИА претседателот на Групацијата на мелничко-пекарската индустрија при Стопанската комора, Горан Малишиќ, пекарниците се соочуваат со загуби и со недостиг на средства да ги обноват залихите навреме, а ќе бидат приморани да вршат и уште поголеми набавки од странство, по повисоки цени, зашто жетвата на домашната пченица потфрлила и во квантитет и во квалитет.

Малишиќ апелира до вицепремиерот за економски прашања Фатмир Битиќи и министерот за економија Крешник Бектеши, Владата да се потруди да ја изрегулира цената на електричната енергија за индустријата како што прават другите држави – со фиксирана цена или како во Србија – со загарантирана цена за индустријата со 72 евра за мегават час, како и да овозможат регулирани и евтини цени за гасот и другите енергенси.

Мелничарите имаат и уште еден предлог за кој засега, велат, немаат согласност од Владата – земјоделците да добијат плус два денара по килограм за предадено и платено производство на пченица во лиценциран откупувач-преработувач за жетвата 2022. Целта на ваквата мерка, објаснува Малишиќ, е поттик за земјоделците да посеат повеќе лебно жито во октомври и ноември, со поквалитетен семенски материјал и подобри ѓубрива, за следната жетва во 2023 година да биде со подобар и поквалитетен принос.

– Се додека како една од најважните индустрии за прехрана на населението сме оставени сами да се бориме со цените на електричната енергија и енергенсите, без помош од Владата, ние ќе одиме во загуби и ќе се соочиме со престанок на дејноста и што е најстрашно, ќе го оставиме населението без леб – потенцира Малишиќ.

Според него, поскапувањето на лебот и белите печива е неминовно во ситуација кога континуирано се зголемува цената на електричната енергија и природниот гас.

– Во август во однос на јули цената на гасот порасна 100 отсто, а на струјата го достигнува дневниот пик и до 500 евра за мегават час плус 10 отсто на отворениот пазар. Многу мали и микро пекарници кои беа на регулираниот пазар како домаќинствата, од јули годинава влегоа во блок тарифата од четврта група со највисоки цени со што им се зголемија сметките за струја за над 200 отсто. На сите овие поскапувања на енергенсите и електирчната енергија, цената на лебот е зголемена за околу 10 проценти од претходната цена во малопродажните објекти – истакнува Малишиќ.

Тој потсетува дека зголемувањата на цените почнаа од октомври лани поради наглото поскапување на пченицата, брашното, електричната енергија, нафтата и гасот.

-Пред оваа светска криза цената на пченицата се зголеми за 100 проценти, како и на брашното, на електричната енергија за 1 000 отсто, на нафтата за 90 проценти, а на гасот за 300 отсто. Ако лани пред октомври обичниот бел леб, сечен и несечен, се продаваше од 24 до 28 денари, денес, по сите овие зголемувања, истиот тој леб се продава за 45 до 55 денари или цената е зголемена за околу 100 отсто зависно од секоја компанија поединечно. Но, и оваа цена не е соодветна ако се земат предвид сите зголемени трошоци кои претходно ги наведов поради што пекарниците се соочуваат со загуби и најважно, со недостиг на средства да ги обноват своите залихи навреме за да продолжат со производството со исто темпо, подвлекува претседателот на Групацијата.

– Светската криза се продлабочува, а побарувачката на основни суровини за прехрана во светски рамки се повеќе се зголемува, поради што ќе се соочиме со идни проблеми околу цените на основните суровини. Жетвата на пченицата кај нас потфрли и во квантитет и во квалитет со што ќе бидеме приморани да вршиме уште поголеми набавки од странство со повисоки цени. Нашата економија не може да го издржи притисокот на цените на електричната енергија и енергенсите зашто ја става во несоодветна положба од истите производи од увоз каде што цените за струјата и енергенсите се поволни. Исто така, поради огромното и несоодветно зголемување на електричната енергија и енергенсите, компаниите воопшто не инвестираат во обнова или нови постројки само за да ги подмират долговите кон економските оператори за електрична енергија или енергенси. Истото се однесува и за странските инвестиции кои, ако не се реши овој проблем од страна на Владата соодветно, ќе ги напуштат зоните и ќе бараат соодветна земја каде што им се нуди евтина електрична енергија и субвенционирани енергенси – смета Малишиќ.

Тотално е погрешно, вели, да се регулираат цени или маржи на основните продукти, а да не се регулираат цените на електричната енергија и на енергенсите, барем за компаниите на кои им се регулираат цените.

– Нашиот предлог е ист како од октомври 2021 кога нагласивме дека следи криза со која тешко ќе се справуваме, односно кога предложивме да се изнајде начин за субвенционирање на индустријата во делот на енергенсите и електричната енергија за некако да се стабилизира производството со цените – напоменува претседателот на Групацијата.

Поради лошиот принос на пченицата во квалитет и квантитет кој е помал за 25 отсто од жетвата лани, додава Малишиќ, мелничарите се приморани на зголемен увоз.

– Во моментов се увезува пченица од Србија, Унгарија и Хрватска со цени од околу 21 денар за обичната меркантилна пченица и до 28 денари за премиум пченици кои се користат како подобрувачи или за специјално производство. Исто така, се прават напори да се увезе и од Украина, но во меѓувреме, откако се договорија со Русите за извоз, ги зголемија цените на пченицата. Увозот сега е слободен од горенаведените земји се додека тие сами не одлучат да стават забрана за извоз. Затоа, ние сме соочени како мелници со зголемена потреба од обртни средства како би набавиле што повеќе пченица од увоз, како би ги покриле потребите на граѓаните и индустријата во случај на повторно затворање на границите за пченицата, за кое затворање веќе некои држави најавија дека е можно од 30 септември, како на пример Србија -истакнува Малишиќ.

За досегашните мерки што ги реализира Владата, Малишиќ потврдува дека се донесени во координација со Потсекторската група за жита на Министерството за земјоделство во која членуваат и мелничарите.

– Сите мерки што се донесоа беа во координација со министерот и Владата. Мислам на оние како поддршката од 4.000 денари по хектар за ѓубрива и 5 760 денари по хектар без ограничување за принос над три тона за јачмен и четири тона за пченица. Беше побарано од наша страна да се доделат на земјоделците плус два денара по килограм за предадено и платено производство на пченица во лиценциран откупувач-преработувач за жетвата 2022 за тие земјоделци да посеат повеќе во октомври и ноември со поквалитетен семенски материјал и подоби ѓубрива, за следната жетва во 2023 година да биде  со подобар и поквалитетен принос. За ова барање не наидовме на согласност, а за него Владата би требало да одобри околу три милиони евра повеќе субвенции кон земјоделците. Па, еве уште еден апел, а има се уште и време, да се доделат овие два денара на земјоделците за предадената и продадена пченица, како поттик уште повеќе да насеат за да се намали зависноста од увозна пченица – вели тој.

Министерството за земјоделство на прашањето на МИА во врска со предлогот на мелничарите – земјоделците да добијат плус два денара по килограм за предадено и платено производство на пченица во лиценциран откупувач-преработувач за жетвата 2022, одговори дека „до овој момент нема никакви најави за дополнително субвенционирање од плус два денара за предадена и платена пченица во домашните капацитети“.

– МЗШВ презеде мерки за поддршка на производството на пченица преку Интервентниот фонд за набавка на вештачки ѓубрива за површини засеани со пченица и пченка на 4 000 денари, ако минимум се употреби 200 килограми ѓубриво по хектар. Воведовме и дополнителна субвенција од 5 760 денари по хектар за сите земјоделци кои имаат еден или повеќе хектари површина со пченица, јачмен, пченка, рж, овес и сончоглед, наведуваат од Министерството.

Оттаму додаваат и дека „просечната откупна цена на пченицата изнесува 17,60 денари по килограм што е многу повисоко во однос на претходните години“.

-Заклучно со 8.08.2022 година, пченицата е ожнеана на вкупна површина од околу 63 102 хектара, односно околу 84 отсто од вкупната жетвена површина која изнесува околу 71 953 хектари, а остварен е просечен принос од околу 3 460 килограми на хектар. Според податоците од Земјоделско-пазарниот информативен систем (ЗПИС), просечната месечна цена на пченицата за јули изнесува 17,60 денари за килограм, дополнуваат од МЗШВ.

Министерството потсетува и дека објави јавен повик за давање под закуп државно земјоделско земјиште во 14 региони за одгледување житни култури на 5 722 хектара, за што се веќе склучени 258 договори.

За да се заштити домашното производство, да се одржи снабдувањето на домашниот пазар и да се избегне раст на цените, на 20 јули на предлог на Министерството за економија, Владата донесе одлука до 31 декември 2022 да се ограничи извозот на пченица и наполица и брашно од пченица и наполица. Претходно, на 14 јуни, беше донесена и Одлука за замрзнување на маржата на основните прехранбени производи, вклучително на лебот и брашното. Согласно Одлуката, до крајот на годината е одредена највисока трговска маржа од пет отсто во трговијата на големо и трговијата на мало на бел леб сечен на парчиња или цел.

– За да се избегне раст на цените одредена е и највисока трговска маржа од 10 проценти во трговијата на големо и трговија на мало на брашно од пченица тип 400 и тип 500. Во тој процент се вклучени сите трошоци на трговците во продажната цена. Според Одлуката, за овие производи исто така до крајот на годината нема да се пресметуваат оперативни трошоци и не се одобрува рабат и надоместоци кои трговецот на мало ги наплаќа од трговецот на големо и тоа за рекламирање и изложување на стоките на рафтовите, односно полици и примарни и секундарни производи – наведува Министерството за економија.

The post БЕЗ ДРЖАВНА ПОМОШ, ОСТАНАВМЕ БЕЗ ЛЕБ Земјоделците бараат 2 денара повеќе за килограм пченица appeared first on plusinfo.mk.

Станува збор за компании кои во 2021 година инвестирале околу 50 милиони евра и креирале над 1.500 нови работни места.Годинава, повеќе од 70 отсто од компаниите се надвор од најразвиениот Скопски регион, а има и 22 компании кои аплицирале за финансиска поддршка за истражување и развој.

За првпат државната помош ќе се исплаќа во две транши со што им се помага на компаниите за зачувување на нивната ликвидност, а поголем процент од поддршката добиваат компании кои инвестираат во помалку развиените планиски региони.

Ова го соопшти денеска вицепремиерот за економски прашања Фатмир Битиќи.

Преку Законот за финансиска поддршка на инвестиции во изминатите пет години, колку што се спроведува ова законско решение, склучени се вкупно 633 договори. Околу 20 од догоорите се раскинати поради неисполнување на обврските.

– Договорите за финансиска поддршка кога се склучуваат, имаат договорни обврски. Секоја инвестиција има рок од инвестициски циклус од неколку години и процент на исполнетот. Ги следиме сите и соодветно на тоа постапуваме. Има инвеститори кои заради одредени причини, а една од причините може да биде и  Ковид, прекинуваат со своите инвестиции и бараат прекин на договорот и таму нема пенали. Има 15 договори во кои имаме побарано едностранпрекин од наша страна бидејќи инвеститорот не реализирал дел од инвестицијата –  појасни Битиќи.

Според министерот за економија Крешник Бектеши, како резултат на олеснетите критериуми и проширувањето на видовите на финансиска помош, денес се потпишуваат договори со 280 компании.

– Од 2018 година се до денес, ако правиме споредба со она што е направено претходно, може да видиме дека над 50 милиони евра се дадени само преку Законот за финансиска поддршка на инвестициите – рече Бектеши.

Во моментот се работи и на новата стратегија за паметна специјализација со која, според Бектеши, ќе се идентификуваат главните сектори кои можат да имаат додадена вредност.

The post 280 КОМПАНИИ ВЛЕГУВААТ ВО ИНВЕСТИЦИСКИ ЦИКЛУС Државата ќе им подели 145 милиони евра помош appeared first on plusinfo.mk.