Политичката ситуација во Македонија е стабилна, но аферата со прислушкувањето на политичари, бизнисмени и новинари е сериозен скандал кој опфаќа злоупотреба на државни ресурси за оперативно следење и претставува државен удар, вели пратеникот на ВМРО-ДПМНЕ, Бојан Стојановски.

– Се работи за тоа дека Агенцијата за национална безбедност и Агенцијата за разузнавање во периодот од 5 години помеѓу 2019 и 2024 злоупотребувала државни ресурси за оперативно следење и оперативна обработка на лидерот на опозицијата, на бизнисмени, на новинари, на медиуми. Јавното обвинителство одбива да даде повеќе информации, ние не знаеме дали ќе биде оформен предмет. Ваков сериозен скандал се граничи и со државен удар, бидејќи вие ако злоупотребите една ваква служба и ресурсите на државниот систем, за да правите опсервација на лидерот на опозицијата, бизнисмени, на новинари, без претходно да имате добиено дозвола согласно законите од Обвинителството, вие правите и државен удар. Треба тие лица кои тоа го дозволиле и коишто тоа го знаеле да бидат повикани на одговорност и да се запрашаат – рече Стојаноски во гостување на телевизијата Њузмакс Балканс.

Со целиот овој скандал се отвораат повеќе прашања, за тоа како и зошто тие лица се избрани за прислушкување, каде завршувале информациите и која била целта на наредбодавачот.

– Тука се отвораат и многу посериозни прашања, прво кој ја дал наредбата овие лица да бидат обработени, второ како токму тие лица биле избрани, трето каде овие информации завршувале, во чии раце, зошто било тоа направено и на крај која е главната цел на тој што бил наредбодавач. Сметам дека ова е еден од многу сериозните скандали што се случувале во режија на разузнавачките служби во оваа држава – вели Стојаноски.

The post „СКАНДАЛОТ СО ПРИСЛУШКУВАЊЕТО Е ДРЖАВЕН УДАР“ Кој ја дал наредбата и со која цел, прашува Стојановски appeared first on plusinfo.mk.

Рускиот претседател Владимир Путин денеска на Самитот на Шангајската организација за соработка (ШОС) во кинескиот мегалополис Тиенџин изјави дека „обидите на Западот да ја внесе Украина во НАТО се една од причините за украинската криза“.

Путин нагласи дека кризата во Украина не произлегла од „инвазија“, туку како резултат на државен удар во Киев, поддржан од западните сојузници на Украина. Тој додаде дека ги цени напорите на Кина и Индија за надминување на кризата.

Рускиот претседател соопшти дека со лидерите на земјите од ШОС разговарал и за неговата средба со американскиот претседател Доналд Трамп во Алјаска на 15 август.

Кинескиот претседател Си Џинпинг денеска ги собра лидерите на Русија, Индија, Турција и Иран, како и повеќе евроазиски лидери, на самит кој треба да ја позиционира Кина во центарот на геостратешката конкуренција.

Состанокот, кој се опишува како најзначаен од формирањето на ШОС во 2001 година, се одржува во услови на бројни кризи што директно ги засегаат нејзините членки: трговската конфронтација на САД со Кина и Индија, војната во Украина и иранскиот нуклеарен спор.

The post „ВОЈНАТА НЕ ПРОИЗЛЕЗЕ ОД OКУПАЦИЈА, ТУКУ ОД ДРЖАВЕН УДАР ВО КИЕВ“ Според Путин во Украина се случува криза, а не војна appeared first on plusinfo.mk.

Уапсен е поранешниот министер за внатрешна и надворешна трговија и за градежништво Томислав Момировиќ, објави Србија данас.

Во тек е масовен обид за државен удар кој, според српскиот портал Новости, „се спроведува по налог на Европејците, а го предводат специјалниот обвинител на Јавното обвинителство за организиран криминал Младен Ненадиќ, јавната обвинителка Јасмина Ганиќ, како и делови од полицијата од Управата за криминалистичка полиција (УКП) и Службата за борба против организиран криминал (СБПОК).

Во рамките на овој обид за удар, утрово бил уапсен поранешниот министер Томислав Момировиќ.

Повторно е издаден налог за апсење на поранешниот министер Горан Весиќ, иако веќе е обвинет.

Главниот уредник на „Информер“, Драган Ј. Вучиќевиќ, изјави дека „со апсењето на Момировиќ започна обвинителски државен удар“, дека „повторно е издаден налог за апсење на поранешниот министер Горан Весиќ, иако тој е обвинет“ и дека „целата оваа акција ја води Обвинителството за организиран криминал“.

„Ова е напад врз Србија“

Медиумите претходно јавија дека Горан Весиќ, поранешен министер за градежништво, сообраќај и инфраструктура, вчера итно бил примен во хируршка болница поради силни болки во стомакот, покачена температура, повраќање, малаксаност и дехидратација, и дека рано утрово бил опериран поради влошување на здравствената состојба.

Поранешната потпретседателка на Владата на Србија, Зорана Михајловиќ, денеска го коментираше апсењето на поранешниот министер Томислав Момировиќ и акцијата на Обвинителството за организиран криминал и СБПОК во врска со уривањето на надстрешницата на Железничката станица во Нови Сад, оценувајќи го целиот случај како „напад врз Србија“, објави српски Блиц.

– Во тек е напад врз Србија, напад врз српскиот народ. Ова што утрово се случи со апсењето на Томислав Момировиќ и со потерницата за Горан Весиќ е најсуровиот лов на глава на претседателот Александар Вучиќ. Веќе не бираат средства, прават што сакаат – изјави Михајловиќ во живо на ТВ Информер.

„Не успеаја со шарената револуција, па сега вршат притисок врз народот“

Михајловиќ додаде дека станува збор за вршење притисок врз целиот српски народ откако не успеала шарената револуција во Србија.

– Не успеаја со обоената револуција, ниту со блокадите, не успеаја да го растурат српскиот народ. Се надевам дека ќе дознаеме што понатаму треба да правиме, ова се притисоци врз целиот српски народ – рече Михајловиќ.

Во однос на денешната седница на Советот за национална безбедност, свикана од претседателот Вучиќ, таа изјави дека „во обвинителско-судскиот систем се случуваат многу подлабоки нешта“.

– Ова е најсуровиот лов на глава на претседателот и одмазда за сè што не успеаја да постигнат во изминативе 9 месеци. Апсењето на Момировиќ е одмазда и пресметка со сите што не се на нивна страна. Ова е нивниот последен чекор со кој се обидуваат нешто да докажат и да покажат. Нема потпишан комерцијален договор… па тоа не може да биде причина за апсење – нагласи Михајловиќ.

The post УАПСЕН Е ПОРАНЕШНИОТ СРПСКИ МИНИСТЕР ТОМИСЛАВ МОМИРОВИЌ Пуштена е потерница по ексминистерот Весиќ appeared first on plusinfo.mk.

Претседателот на Србија, Александар Вучиќ, денеска изјави дека нема да потпише помилувања или каква било аболиција за кривичното гонење на оние кои учествуваа во насилства.

Вучиќ додаде дека ќе има уште многу апсења поради нападите врз полицијата во саботатабеч по протестот на студентите што блокираат факултети.

– Ова не е крај, лицата се идентификуваат, на тоа работи БИА – рече Вучиќ.

„Најважно е што Србија победи“

„Неа (Србија) не можете да победите со насилства, таа не запре и нема да застане“.

Ова го рече Вучиќ и најави инфраструктурни проекти, патишта и отворање железнички делници. Според него, најавата „имате зелено светло“ на крајот од вчерашниот протест во Белград е директен повик за граѓански конфликти и за напади врз полицијата.

– Ги повикувам надлежните обвинителства да си ја работат својата работа, да не се преправаат дека се неспособни и наивни. Доаѓа време на одговорност, почитувани граѓани – рече српскиот претседател.

Приведени се 77 лица, а 38 луѓе се задржани

Министерот за внатрешни работи на Србија, Ивица Дачиќ, изјави дека синоќа по протестот се приведени 77 лица, од кои 38 се задржани. Меѓу приведените има и едно малолетно лице.

Против 35 лица ќе бидат поднесени кривични пријави, а против 26 лица ќе биде поднесено барање за прекршочна постапка. Во акцијата на полицијата се повредени 48 полицајци, изјави Дачиќ на прес-конференцијата.

– Еден припадник на полицијата има тешки телесни повреди на главата. Голем дел од заштитната опрема е уништена или оштетена – изјави Дачиќ на заедничката прес-конференција со српскиот претседател, Александар Вучиќ.

Мацут повика на смирување на тензиите

Премиерот на Србија, Ѓуро Мацут, го осуди насилството и нападите на хулиганите врз полицијата по протестот во Белград и ги повика сите да ги смират тензиите и да се однесуваат одговорно.

Како што соопшти Владата, Мацут изрази искрена благодарност до припадниците на МВР и до сите безбедносни служби што реагираа брзо и професионално, спречија поголеми инциденти и што ги заштитија граѓаните и нивниот имот.

– Србија е демократско општество во кое мислењата можат и мора да се изразуваат на мирен и на цивилизиран начин, без да се загрози безбедноста на граѓаните и да се наруши јавниот ред и мир. На Србија ѝ се потребни мир, стабилност и заедничка работа за подобра иднина – истакна Мацут.

„Студентите повикаа на граѓанска војна“

Претседателката на Собранието на Србија, Ана Брнабиќ, јавно реагираше дека студентите на вечервашниот протест во Белград на плоштадот Славија повикале на граѓанска војна.

„Блокаторите не го завршија својот митинг на Видовден со зборовите ‘Да живее Србија’. Завршија со морничав повик за убивање на Србија, монструозен и отворен повик за граѓанска војна. Памти Србијо“, напиша Брнабиќ на социјалната мрежа Икс.

Блокадери свој скуп на Видовдан нису завршили речима – Живела Србија. Завршили су језивим позивом на убиство Србије, монструозним и отвореним позивом на грађански рат. Памти Србијо. pic.twitter.com/IiOiU3A0Kl

— Ana Brnabic (@anabrnabic) June 28, 2025

Десетици хулигани се приведени доцна синоќа во инцидентите што се случија во центарот на Белград, додека 6 полицајци и двајца граѓани се повредени.

ТЕНЗИЧНО ПО ЗАВРШУВАЊЕ НА ПРОТЕСТОТ НА СТУДЕНТИТЕ ВО БЕЛГРАД Полицијата употреби солзавец за да ги растера младите кои фрлаа шишиња и камења кон неа

The post ВУЧИЌ ВЕТУВА СТРОГА КАЗНА БЕЗ ПОМИЛУВАЊЕ ЗА НАСИЛНИЦИТЕ Брнабиќ вели дека студентите повикале на граѓанска војна и на убивање на Србија appeared first on plusinfo.mk.

Ерменските власти соопштија дека осуетиле терористички заговор од страна на членови на протестно движење, предводено од архиепископот Баграт Галстанјан, објави ерменската агенција Арменпрес.

Ерменската истражна служба издаде соопштение во кое се наведува дека осомничените планирале терористички напади и државен удар од ноември минатата година.

Француските медиуми забележуваат дека Галстанјан ги предводеше минатогодишните протести со кои се бараше оставка од ерменскиот премиер, Никол Пашинјан, поради неговата политика кон Азербејџан.

Движењето, предводено од Галстанјан, е познато како „Сербазан Пајкар“ (Света борба), кое од средината на минатата година започна да ги организира антивладините демонстрации.

„Агенциите за спроведување на законот осуетија голем и подмолен ‘криминално-олигархско-свештенички’ план за дестабилизација на Република Ерменија и за узурпирање на власта“, рече Пашинјан на социјалните медиуми.

Властите соопштија дека Галстанјан самиот ги регрутирал своите следбеници за да формира „екипи за удар“ за извршување терористички акции, насочени кон соборување на владата и преземање на власта.

Осомничените биле регрутирани првенствено од поранешни воени лица и поранешни полицајци за да се приклучат на убиствените тимови од по 25 лица. Формирани се до 250 такви тимови, секој со специфични цели, како што се поттикнување судири, блокирање патишта, парализирање на сообраќајот низ целата земја, предизвикување експлозии и други кривични дела со цел создавање паника, нереди и преземање на власта.

Властите наведуваат дека групата од јануари досега регрутирала повеќе од 1.000 луѓе и веќе набавила експлозиви за своите акции.

Заговорот бил откриен од Националната безбедносна служба.

The post ЕРМЕНСКИОТ АРХИЕПИСКОП ПРЕДВОДЕЛ ТЕРОРИСТИЧКИ ЗАГОВОР ЗА ДРЖАВЕН УДАР Регрутирал над 1.000 следбеници за насилно преземање на власта appeared first on plusinfo.mk.

Серијата протести со наслов „Словачка е Европа“ ја организираше граѓанската иницијатива „Мир за Украина“, а словачката дијаспора организираше протестни собири во Полска, Германија, Чешка и во Ирска.

Според словачкиот претседател Петр Пелегрини, ситуацијата е сериозна, додека Фицо изјави дека тоа е обид за државен удар и „структура“ која сака да го наруши уставниот поредок.

Премиерот Фицо вчера откри дека тамошната разузнавачка служба го предупредила дека опозицијата има план да го собори со државен удар во стилот на „Мајдан“ и вети дека ќе преземе мерки за да се спречи тоа.

Словачката опозиција во вторникот го обвини премиерот дека ја поставува основата за излез на земјата од Европската Унија.

The post ОКОЛУ 60.000 ЛУЃЕ НА ПРОТЕСТ ВО БРАТИСЛАВА ПОБАРАА ОСТАВКА ОД ФИЦО „Словачка е Европа“ appeared first on plusinfo.mk.

Русија плаќала и обучувала група бунтовници со цел да ја собори прозападната влада на Ерменија претходно оваа година, изјавија ерменските обвинители, дополнувајќи дека локалните безбедносни служби ја предвиделе наводната завера навреме, пренесува порталот Политико.

Истражниот комитет на Република Ерменија соопшти дека 7 лица ќе бидат обвинети за „подготовка за узурпација на власта со употреба на насилство и закани за насилство за преземање на власта“.

Според официјалните изјави, шестмина Ерменци биле регрутирани на тримесечна обука во Русија, при што добивале месечна плата од 220.000 рубли (2.377 американски долари). Тие биле подложени на проверки и на полиграфски тестови, за да се утврди нивната лојалност, пред да бидат пренесени во воената база „Арбат“ во Ростов на Дон, јужна Русија.

Руското Министерство за одбрана не одговорило веднаш на барањата за коментар.

Односите меѓу Ерменија и нејзиниот историски сојузник Русија се влошија откако Москва ја нападна Украина во февруари 2022 година, при што јужнокавкаската земја го замрзна своето членство во воениот сојуз ЦСТО (Организација на Договорот за колективна безбедност), испрати хуманитарна помош во Киев и организираше заеднички вежби со американските сили.

Истовремено долгогодишниот ривал на Ерменија, Азербејџан, воспостави поблиски односи со Кремљ, а претседателот Илхам Алиев одржа пријателски разговори со претседателот Владимир Путин во Баку минатиот месец. Москва ја обвини ЕУ за мешање во нејзината сфера на влијание со потпишување партнерски договори со ерменската влада.

Руските граничари, кои беа стационирани во Ерменија од распадот на Советскиот Сојуз во 1991 година, беа замолени да се повлечат порано оваа година. Ерменскиот премиер, Никол Пашинјан, за „Политико“ изјави во септември 2023 година дека руската мировна мисија во Нагорно-Карабах не ја исполнила својата улога. Само неколку дена подоцна, руските сили не интервенираа кога Азербејџан започна нова офанзива во енклавата, што предизвика масовен егзодус на целото ерменско население.

Пашинјан денеска изјави дека ерменската ориентација кон Запад ќе продолжи.

– Ако видиме и најмала реална можност да станеме полноправна членка на Европската Унија, нема да го пропуштиме тој момент – рече тој.

The post ГИ РЕГРУТИРАЛЕ ВО РУСИЈА И ГИ ОБУЧУВАЛЕ Ерменија спречи државен напад планиран од Кремљ appeared first on plusinfo.mk.

Претседателот Александар Вучиќ вечерва потврди дека од Русија пристигнало предупредување за подготовки за немири и државен удар во Србија, јави дописникот на МИА од Белград.

– Денеска добивме официјални информации од Руската Федерација, информации пренесени и донесени преку официјални канали. Да, ја добивме таа информација и се занимаваме со неа. Одговорна е БИА, луѓето специјализирани за ова во Владата на Србија и на сите други места си ја вршат својата работа – рече српскиот претседател одговарајќи на новинарско прашање дали добил предупредување од руските безбедносни служби дека во Србија се подготвуваат масовни немири со цел државен удар.

Тој порача и дека граѓаните треба да бидат безгрижни.

Оние кои сонуваат дека нешто ќе направат, рече Вучиќ, нема, затоа што Србија неуморно оди напред.

– Не можат да ја сопрат. И нема да ја спречат и никој никогаш нема да ја спречи. Тоа е мојата порака до сите, луѓето не треба да се грижат. Утре можат мирно да ги гледаат нашите кошаркари (натпревар на Олимпијадата) дома – рече тој.

На највисоките претставници на српската влада, специјалните служби на Руската Федерација преку официјални канали им дале информации за подготовка на масовни немири и обид за државен удар и ликвидација на претседателот Александар Вучиќ и највисоките државни функционери, соопштија претходно денеска српските медиуми.

The post СЕ ПОДГОТВУВААТ НЕМИРИ И ДРЖАВЕН УДАР Вучиќ добил предупредување од руските служби за безбедност appeared first on plusinfo.mk.

Боливиската полиција го уапси генералот Хуан Хозе Зунига, што се обиде да направи воен удар синоќа во главниот град Ла Паз.

Би-би-си јавува дека апсењето на Зунига се случило неколку часа откако неговите војници упаднале во претседателската палата.

Армијата, опремена со оклопни возила, претходно зазеде позиции на плоштадот Муриљо, каде се наоѓаат клучните владини згради во Ла Паз.

Нема повеќе војници на плоштадот, а претседателот Луис Арсе го осуди обидот за државен удар.
Тој го повика населението да се „организира и мобилизира… во корист на демократијата“.

– Не можеме да дозволиме Боливијците повторно да умрат поради обид за државен удар – рече Арсе во телевизиското обраќање до нацијата што беше емитувано од претседателската палата.

Провладините демонстранти веднаш реагираа излегоа на улиците на Ла Паз за да го поддржат Арсе.

Тој најави дека ќе назначи нови воени команданти и потврди дека генералот Зунига бил сменет откако отворено го критикувал Ево Моралес, поранешниот претседател на Боливија.

Моралес, исто така, го осуди обидот за државен удар и побара генералот Зунига и неговите „помошници“ да бидат обвинети.

Канцеларијата на јавниот обвинител на Боливија соопшти дека е покрената кривична истрага.
Би-би-си објави дека Зунига планирал да ослободи „политички затвореници“, вклучувајќи ја и поранешната претседателка Жанин Анез, противник на поранешниот претседател Моралес, кој и понатаму е влијателен во земјата.

Генералот планирал и да го уапси Моралес во случај повторно да се кандидира за претседател, што нема уставно право да го прави.

САД рекоа дека внимателно ја следат ситуацијата и повикаа на смиреност и ненасилство.

Тензиите се зголемуваат во Боливија пред националните избори следната година, а левичарскиот поранешен претседател Ево Моралес ќе се кандидира против поранешниот сојузник Арсе.

Претседателката на Европската комисија, Урсула фон дер Лајен, пак, ја осуди боливиската војска која се обиде да го собори демократски избраниот претседател на земјата.

„Силно го осудувам обидот за соборување на демократски избраната влада на Боливија“, напиша Фон дер Лајен на Х.

– Европската унија стои зад демократиите. Ја изразуваме нашата силна поддршка за уставниот поредок и владеењето на правото во Боливија – изјави претседателот на Европскиот совет, Шарл Мишел.

Истиот став го искажа и високиот претставник на ЕУ за надворешна политика и безбедност, Жозеп Борел.

The post ОБИД ЗА ПУЧ ВО БОЛИВИЈА, ГЕНЕРАЛОТ Е УАПСЕН Планирал да ја ослободи од затвор поранешната претседателка Жанин Анез appeared first on plusinfo.mk.

Двајцата мажи, кои молеа за милост на теренот додека беа опколени од владините сили, се верува дека се американски државјани кои беа уапсени по пукањето во главниот град Киншаса во неделата. Извештаите на локалните медиуми сугерираат дека уапсените се оперативци на ЦИА, иако американскиот амбасадор во градот сакаше да ги оддалечи САД од каква било вмешаност.

„Шокирана сум од настаните утринава и многу сум загрижен од извештаите на американските граѓани кои наводно се вмешани“, објави на Икс Луси Тамлин, американската амбасадорка во Конго.

Притоа дополни:

„Ве молиме, бидете уверени дека соработуваме со конгоанските власти во најголема можна мера, бидејќи тие ги истражуваат овие злосторства“ и ги повика на одговорност сите инволвирани американски граѓани во главниот град Киншаса.

Мисијата за стабилизација на Обединетите нации во ДР Конго соопшти дека нејзиниот шеф, Бинту Кеита, ги осудува инцидентите на најсилно можно изразување и им понуди поддршка на властите во Конго во објавата на Икс.

Армијата на ДР Конго го именуваше водачот на пучот Кристијан Маланга (41), поранешен бегалец образован во САД, кој беше „натурализиран Американец“ и кој беше „дефинитивно неутрализиран“ од безбедносните сили. Неговиот син Марсел беше меѓу обвинетите за вмешаност и запленети од војската додека ја вратија контролата.

Снимките на социјалните мрежи покажуваат дека пасошот наводно му е одземен на еден од Американците, идентификуван како Бенџамин Залман-Полун, 36-годишен роден во Мериленд. Залман-Полун, наводно, има потекло како претприемач со канабис и претходно бил поврзан со Маланг.

Армијата соопшти дека спречила „обид за државен удар“ во кој учествувале „странци и Конгоанци“ во близина на канцелариите на претседателот Феликс Тшисекеди во Киншаса.

Тоа се случи во раните утрински часови пред резиденцијата на министерот за економија, Витал Камерхе, во областа Гомбе на северот на главниот град, во близина на Палатата на нацијата, каде што се наоѓа канцеларијата на претседателот, изјави портпаролот.

– Одбраната и безбедносните сили го запреа обидот за пуч – рече генералот Силвен Екенге во порака емитувана на националната телевизија.

– Околу 50, меѓу кои и тројца американски државјани, се уапсени и во моментов се сослушани од специјализираните служби на вооружените сили – изјави Екенге за Ројтерс. Според повеќе извори, во моментот на обидот за пуч се слушнале и истрели во близина на Палатата на нацијата.

BREAKING CIA Agents arrested in the CONGO!

The Democratic Republic of Congo’s (DRC) armed forces repelled an attempted coup d’etat involving Congolese and foreign fighters on Sunday morning, a DRC army spokesperson said in a televised address. The army announces the arrest of… pic.twitter.com/AB48ngn2D1

— Syrian Girl (@Partisangirl) May 19, 2024

Подоцна во неделата, армискиот портпарол генерал Силвен Екенге изјави дека еден Британец бил дел од групата вклучена во операцијата. Маланга се преселил во Солт Лејк Сити како 15-годишен бегалец со своето семејство во 1998 година, но се вратил во Конго во 2006 година каде служел во армијата и се кандидирал за парламент во 2011 година само за да биде уапсен два дена пред изборите.

Тој се обиде да ја изгради својата Обединета Конго партија во егзил, откако се врати во САД во 2012 година, и беше обвинет од конгоанското разузнавање за заговор за убиство на тогашниот претседател Џозеф Кабила.

Неговиот син Марсел поминал голем дел од своето детство во САД и објави на социјалните мрежи дури во март кога се сними како мавта со илјадници долари во готовина на ТикТок.

Тој се нарече себеси како крстоносец против корупцијата во земјата со речиси 100 милиони жители, а само неколку часа пред нападот објави видео на Фејсбук на кое се прикажува неговата група силно вооружени паравоени сили. Се слуша уште еден американски глас, а еден од мажите виден како моли за милост во подоцнежното видео е прикажан со американско знаме на неговата униформа.

Видеата на социјалните мрежи покажаа мажи во костуми како пристигнуваат во Палатата на нациите, веејќи знамиња на Заир – името на Демократска Република Конго под диктаторот Мобуту Сесе Секо, кој беше соборен во 1997 година.

– Дојде време, да живее Заир, да живеат децата на Мобуту – рече човек кој изгледаше како шеф на групата во Лингала, јазик што се зборува во делови на ДРК.

– Феликс падна… ние сме победниците – додаде тој.

Групата беше составена од „неколку националности“, рече Екенге, и дека четворица напаѓачи, меѓу кои и Маланга, се убиени. Имаме и натурализиран британски субјект, број два во групата“, додаде портпаролот.

Камерхе и неговото семејство не се повредени во нападот, но двајца полицајци кои се грижеле по нив се убиени, изјави извор близок до министерот. Групата наводно планирала да го нападне домот на новата премиерка Џудит Суминва и резиденцијата на министерот за одбрана Жан-Пјер Бемба.

Но, тие „не можеа да го идентификуваат домот“ на Суминва и не успеаја да го најдат Бемба во неговата резиденција. Францускиот амбасадор пријавил истрел од автоматско оружје во областа, апелирајќи до граѓаните да го избегнуваат.

Централноафриканската земја е потресена од насилство од паравоени групи кои се обидуваат да ги контролираат нејзините ресурси богати со минерали. Интересот на САД за земјата се зголеми поради нејзините огромни резерви на кобалт и други минерали кои се повеќе се сметаат за клучни за глобалната транзиција на зелената енергија.

Но, групите за човекови права ја опишаа хуманитарната ситуација во земјата како „тивок геноцид“, при што семејствата се принудени во брутални и робови услови од завојуваните милиции да вадат минерали. Во февруари, американскиот претставник во ОН го критикуваше Конго за соработката со милицијата ФДЛР, предупредувајќи дека таа се заканува со сеопфатен конфликт со соседна Руанда.

– Ја осудуваме секоја група која се залага за идеологија на геноцид и признаваме дека ФДЛР останува значајна безбедносна закана за Руанда – изјави Роберт Вуд пред Советот за безбедност на ОН. Нападот се случи само неколку часа пред САД да објават дека ќе ја исполнат наредбата на владата на Нигер да ги отстрани своите војници од западноафриканската земја до средината на септември.

Минатиот месец, соседен Чад се закани дека ќе ги протера американските трупи поради тревога поради опаѓањето на американското влијание на континентот соочени со агресивната кинеска и руска дипломатија. Но, САД имаат долга историја на тајни воени операции во Африка, вклучително и во Конго, каде што ЦИА заговараше да го убие Патрис Лумумба, првиот демократски избран лидер во земјата, кој беше убиен во 1961 година.

„Интерсепт“ објави во 2022 година дека офицери обучени од САД воделе седум обиди за државен удар во претходните 18 месеци, насочени кон земји вклучувајќи ги Буркина Фасо, Мали, Гвинеја, Мавританија и Гамбија. Пред четири години, поранешниот член на Зелената беретка, Џордан Гудро, му рекол на колегата дека Стејт департментот му дал договор за соборување на владата на Николас Мадуро, непосредно пред платеникот да биде уапсен во Венецуела.

Владата на Венецуела тврдеше дека Соединетите држави и нивната Администрација за борба против дрогата (ДЕА) се одговорни за операцијата, но тогашниот државен секретар Мајк Помпео се потсмеваше на идејата за вмешаност на американската влада. Во главниот град на Конго, одредени улици во близина на Палатата на народите останаа затворени за сообраќај во неделата, но ситуацијата изгледаше мирна, јавија новинарите на АФП.

The post 📽️ АГЕНТИ НА ЦИА МОЛАТ ЗА МИЛОСТ ВО КОНГО Кој планираше пуч во централната африканска република? appeared first on plusinfo.mk.