Европската Унија ги повика српските власти да ја прекинат практиката на доделување државјанство по забрзана или поедноставена постапка на граѓани од земји што претставуваат ризик од нелегална миграција или безбедносна закана за ЕУ, меѓу кои е и Русија.

Ова го изјави портпаролот на Европската комисија за Радио Слободна Европа (РСЕ), коментирајќи ја неодамнешната посета на српскиот министер за внатрешни работи, Ивица Дачиќ, на Русија. Прашањето за доделување државјанство е во надлежност на Министерството за внатрешни работи на Србија.

Според портпаролот, Европската комисија е запознаена со официјалната посета на Дачиќ на Москва минатата недела, за време на која тој најави продолжување на интензивната соработка меѓу министерствата за внатрешни работи на двете земји.

Посетата се одржа само една недела пред вонредните парламентарни избори во Србија, закажани за 25 октомври.

Портпаролот на Европската комисија истакна дека ставот на Брисел кон партнерите, вклучително и кон земјите кандидати за членство во ЕУ, како што е Србија, отсекогаш бил јасен.

– Односите со Русија не можат да бидат нормални, ниту со режимот на Путин, ниту во сенка на неиспровоцираната и неоправдана војна на агресија на Русија против Украина – изјави портпаролот на ЕК.

Тој додаде дека Брисел сака да може да смета на Србија како на сигурен европски партнер во однос на заедничките принципи, вредности, безбедноста и просперитетот. Според него, Србија треба да ја убеди ЕУ во својата стратешка посветеност кон европскиот пат.

– Затоа, Србија треба, како приоритет, да ги засили напорите за постепено усогласување со ставовите на Заедничката надворешна и безбедносна политика на ЕУ, вклучително и со санкциите против Русија – рече портпаролот на Европската комисија.

Тој нагласи дека Србија треба да се воздржи и од постапки и изјави што се во спротивност со надворешнополитичките позиции на Европската Унија.

Преговорите за пристапување на Србија во ЕУ се во застој речиси пет години. Последниот кластер во преговорите за членство земјата го отвори во декември 2021 година, пренесе Бета.

The post ЕУ ЈА ПРЕДУПРЕДИ СРБИЈА ПОРАДИ РУСИЈА Брисел бара прекин на забрзаното доделување државјанства appeared first on plusinfo.mk.

Кандидатот на француската десничарска Републиканска партија на претседателските избори, Бруно Ретајо, денеска изјави дека сака да го укине државјанството по раѓање (право на тлото) по пат на референдум и додаде дека судството нема да прифати таква реформа доколку не биде директно одобрена од францускиот народ.

Лидерот на Републиканската партија веќе ја објави својата намера да го ревидира Уставот доколку победи на претседателските избори следната година, со цел да го прошири опсегот на прашања што можат да бидат ставени на референдум, како што е прашањето за мигрантите.

– Се обврзувам францускиот народ да ја дефинира имиграциската политика – изјави Ретајо за радио Европа 1.

Ретајо, кој веќе го спомена ова прашање на почетокот на летото, без да даде детали, рече дека ќе воведе закон за намалување на имиграцијата, бидејќи имиграцијата веќе не е добра за Франција, туку е товар.

Лидерот на десничарската партија, кој не ужива голема популарност во анкетите на јавното мислење, смета дека не треба секој да може автоматски да стане Французин ако е роден на француска почва.

Во Франција многу се зборува за претседателските избори закажани за следната година, а кандидатите веќе одржуваат митинзи низ целата земја.

Претседателските избори во Франција традиционално ќе се одржат во два круга, на 18 април и 2 мај 2027 година.

The post СЕКОЕ БЕБЕ РОДЕНО ВО ФРАНЦИЈА ДА НЕ БИДЕ ФРАНЦУЗИНЧЕ Претседателски кандидат од десницата бара со референдум да се укине државјанството по раѓање appeared first on plusinfo.mk.

„Само што имав средба со претседателот на Руската Федерација, Владимир Путин. Ова е наша 26-та средба“, напиша Додик на социјалната мрежа Х, каде што објави и видео од средбата со Путин.

Тој додаде дека Русија е многу важна земја за Република Српска, во рамките на Советот за безбедност на ОН. Нагласи дека Русија „отсекогаш била објективна“.

„Русија е гарант на Дејтонскиот мировен договор и тоа го кажа Путин на средбата. Тој додаде дека во тие рамки Русија ќе се залага за крај и прекин на работата на меѓународните институции, особено на лажниот висок претставник, односно, како што вели, нелегитимниот претставник“, објави Додик.

Тој напиша и дека „Путин ги знае деталите и севкупната ситуација што се случува во нашата земја“.

Судот на Босна и Херцеговина на 27 март побара од Интерпол да распише црвена потерница за Додик и за претседателот на Парламентот на РС, Ненад Стевандиќ, поради сомневање дека сториле кривично дело „напад на уставниот поредок на БиХ“.

Ваквото барање беше испратено откако и двајцата ја напуштија Босна и Херцеговина, избегнувајќи ги законски пропишаните процедури за гранична контрола, а по нив беше распишана централна потерница во Босна и Херцеговина.

Додик денеска демантираше дека побарал руско државјанство.

– Ниту побарав државјанство на Руската Федерација, ниту добив – изјави тој, откако некои медиуми објавија таква информација.

The post ДОДИК ВО МОСКВА НА 26. СРЕДБА СО РУСКИОТ ПРЕТСЕДАТЕЛ „Путин знае за сè што се случува во Српска“ appeared first on plusinfo.mk.

Министерството за внатрешни работи денеска ја промовираше надградената услуга за електронско издавање уверение за државјанство која е достапна преку националниот портал за е-услуги uslugi.gov.mk.

– Услугата и досега беше достапна на порталот, но иако можеше да се аплицира во секое време, сепак издавањето на е-државјанството беше можно само во работно време. Отсега услугата станува целосно дигитална и граѓаните може да аплицираат во секое време и за само една минута по поднесувањето на барањето, доколку е сѐ во ред, добиваат позитивен одговор и можат да го симнат документот од системот. Дигитализацијата на услугите и на процесите во Министерството е еден од нашите врвни приоритети како Влада и како Министерство. Граѓаните заслужуваат брзо и ефикасно да ги добиваат своите документи кои институциите се должни да им ги обезбедат. Дополнително процесите на дигитализација во огромен процент ја намалуваат можноста за корупција од којашто страда нашето општество, така што преку дигитализацијата се води и борбата со корупцијата – истакна министерот Тошковски.

Националниот портал uslugi.gov.mk минатата недела беше ребрендиран и редизајниран од Министерството за дигитална трансформација и е централен портал каде што се достапни сите електронски услуги на институциите во државата.

Тошковски потенцираше дека се Министерството за внатрешни работи забрзано работи и на дигитализација и на други услуги кои ќе бидат достапни за граѓаните во следниот период.

The post ОТСЕГА МОЖЕТЕ ДА ИЗВАДИТЕ УВЕРЕНИЕ ЗА ДРЖАВЈАНСТВО ЗА 1 МИНУТА, ВО СЕКОЕ ВРЕМЕ Надградена е услугата на националниот портал appeared first on plusinfo.mk.

– Вчера имаше многу шпекулации во однос на вашето прашање и каде се наоѓа или дали се откажал од македонското државјанство. Посоченото лице е во рамки на регистарот на државјани на Македонија ѝ е македонски државјанин. Не побарало отпуст, согласно информациите кои што ги имам. Не би сакал да шпекулирам околу неговата моментална локација – рече Тошковски одговарајќи на новинарско прашање.

Министерот додаде дека лицето не е достапно на органите на прогон и дека органите ќе сторат сè во рамки на нивната надлежност да постапат со цел Ковачевски да биде изведен пред лицето на правдата.

Тошковски изрази голема благодарност до полициските службеници кои работеле на овој случај.

– Се работеше интензивно, подолг временски период. Само во текот на вчерашниот имаме над 30 претреси извршено на домови и на други простории. Два претреси се извршени во рамки на отворање на сефови кои се поврзани со дел од приведените лица. Оваа акција беше сеопфатна и досега е најголема која е спроведена во Македонија од аспект на штета на државниот буџет која е сторена при една енергетска криза кога граѓаните крпеа крај со крај – нагласи министерот за внатрешни работи.

The post ВАСКО КОВАЧЕВСКИ СÈ УШТЕ Е МАКЕДОНСКИ ДРЖАВЈАНИН Тошковски вели дека екс-директорот на ЕСМ не побарал отпуст appeared first on plusinfo.mk.

Министерот за внатрешни работи, Панче Тошковски од собраниската говорница истакна дека голем е бројот на апликантите со турско потекло на кои не им е одговорено од 2022 година до сега за добивање на државјанство по основ на потекло по изменувањето и дополнувањето на Законот за државјанство донесен во 2021 година.

– Точни бројки на жал не можам да ви дадам во овој момент. Станува збор за поголем бројка на апликанти на кои што не е одговорено во минатото од 2022 година па досега. Огромен број на апликации во минатото не биле решавани, не само за нашите иселеници со турско потекло, туку и за нашите иселеници со албанско, со македонско потекло. Јас сум министер од 2024 година. И ќе ви одговориме соодветно во писмена форма, доколку тоа е во ред. Морам да потенцирам дека во текот на вчерашниот ден, имав чест да имам еден работен состанок со амбасадорот на Република Туркије и морам да констатирам дека истиот беше многу задоволен од тоа како сегашната Влада пристапува по сето она кое што е од значење за Република Туркије, а особено се и граѓаните кои се чувствуваат за Турци и живеат во Македонија. И многу ми е жал што морам да констатирам дека кога ја презедов да ја вршам оваа функција особено во рамки на техничката Влада, покрај многуте други проблеми кошто ги наследив, наследив и една фактичка состојба која во однос на турската заедница навистина беше разочарувачка. Зошто? Заради тоа што немаше дури ниту обрасци за издавање на патни исправи на турски јазик, коишто државата согласно закон е должна да ги издаде – рече Тошковски одговарајќи на прашањето на пратеникот Бејџан Иљас од Турската демократска партија за информација за процесот за реализација на апликациите за државјанство особено по изменување и дополнување на Законот за државјанство и по основ на потекло донесен во 2021 година.

Тошковски смета дека треба да се решаваат сите проблеми кои се од интерес за граѓаните. Посочи дека во иднина треба да фокусираат на системски решавања на проблемите, а не само ад хок решение.

The post ОГРОМЕН БРОЈ ТУРСКИ ГРАЃАНИ НЕ ДОБИЛЕ ОДГОВОР ЗА ДРЖАВЈАНСТВО Тошковски откри пропуст на претходната влада appeared first on plusinfo.mk.

Програмата ќе биде достапна за речиси 500.000 брачни партнери на американски државјани кои живееле во САД најмалку 10 години од 17 јуни, соопшти во вторникот Министерството за домашна безбедност.

Право на државјанство ќе имаат и речиси 50.000 деца под 21 година кои имаат родител кој има американско државјанство.

„Тоа ќе го промовира семејното единство и ќе ја зајакне нашата економија“, соопшти Белата куќа.

Бајден, кој бара реизбор во ноември, ја презеде функцијата ветувајќи дека ќе повлече многу од рестриктивните имиграциски политики воведени од неговиот претходник Трамп кој исто така бара враќање во Белата куќа. Но, соочен со рекорден број мигранти уапсени на границата со Мексико, Бајден го заостри својот пристап во последните месеци.

Бајден овој месец им забрани на повеќето мигранти кои ја преминуваат границата на САД со Мексико да бараат азил, што одговара на сличната забрана од ерата на Трамп што наиде на критики од застапниците за имиграција и некои демократи.

Новиот план на Бајден би можел да ја зајакне неговата предизборна порака дека поддржува похуман систем за имиграција и да покаже како тој се разликува од Трамп.

Програмата ќе им овозможи на сопружниците и на децата на државјаните на САД да аплицираат за постојан престој без да мора да ги напуштат САД, елиминирајќи го потенцијално долгиот процес и разделувањето на семејството. Доколку добијат зелени картони, би можеле да аплицираат за американско државјанство.

Луѓето, кои се сметаат за закана за јавната безбедност или, пак, имаат криминално минато, нема да имаат право на тоа.

Програмата ќе почне да се спроведува во наредните месеци, а повеќето од корисниците најверојатно ќе бидат Мексиканци, изјави висок претставник на администрацијата на Бајден.

The post ЗЕМИ АМЕРИКАНЕЦ ЗА ДА ВИДИШ ШТО Е ПАСОШ Бајден ќе им додели државјанства на речиси 500.000 имигранти appeared first on plusinfo.mk.

Одговорајќи на пратеничко прашање, Спасовски порача дека за државјанство не е доволно само да се поднесе барање, туку треба да се исполнат и сите услови, како и да се поминат сите предвидени постапки.

– Не е доволно само да поднесете барање и од утре да очекувате дека ќе добиете државјанство ако одредени услови не се исполнети. Мора сите да разбереме – ова е процес и ова е држава, не е драгстор во кој ќе влез некој, ќе плати и ќе добие државјанство. Мора да поминат постапките и само преку поминати постапки може да се добие државјанство. Тоа се условите кои треба да бидат исполнети – истакна Спасовски во одговор на пратеничката Илире Даути која се пожали дека се пробиени роковите за давање државјанство на некои лица.

Според министерот, факт е дека одреден број баратели на државјанство покренуваат постапка по еден член, а исполнуваат услови по некаков друг член.

– Пратеничке, за секоја постапка што се води, имате добиено одговор во моментот и ние не можеме да кажеме – утре ќе добиеме ако не е завршена целата постапка и ако не се обезбедени сите документи. Факт е дека голем дел од луѓето кои поднесоа барања, а ги исполнуваат условите за добивање државјанство, тоа го добиле. Факт е дека одреден број баратели на државјанство покренуваат постапка по еден член, а исполнуваат услови по некаков друг член, тоа е работа на самите странки и ќе треба во тој дел, таму каде што имаат основа, да ги поднесуваат барањата – објасни Спасовски.

The post ДРЖАВА Е ОВА, А НЕ ПРОДАВНИЦА ЗА ДРЖАВЈАНСТВО Министерот Спасовски одговори на пратеничко прашање appeared first on plusinfo.mk.

Тестот е еден од последните чекори кон добивање државјанство. Целиот процес трае неколку месеци, а потребно е лицето да има легален постојан престој во САД неколку години пред да се поднесе барањето.

Тестот претходно беше променет во 2020 година за време на мандатот на Доналд Трамп, а актуелниот претседател Џо Бајден со декрет го врати на претходната форма од 2008 година.

Во декември, американските власти потврдија дека тестот треба да се ажурира по 15 години. Новата верзија се очекува на крајот на следната година.

Службата за државјанство и имиграција на САД предлага да се додаде устен дел на новиот тест за да се процени владеењето на англискиот јазик.

Според сегашните правила, апликантот усно би одговарал само на лични прашања, на кои веќе одговорил. Меѓутоа, според новите правила, полицискиот службеник ќе му покаже на барателот фотографија и ќе побара од него да ја објасни и опише.

Се предлага и наместо устен одговор на прашањата од историјата на САД. Сега потребно е апликантот точно да одговори на шест од 10 прашања. Со измените се предвидува барателот да добие сто прашања, а ќе одговара на десет избрани по случаен избор.

The post УСНО ДОКАЖИ ДЕКА ЗБОРУВАШ АНГЛИСКИ САД ќе воведат поригорозни правила за државјанство appeared first on plusinfo.mk.

Пендаровски вели дека во разговорот го информирал Мисини дека го потпишал Указот на законот со кој се изменува Законот за матична евиденција на граѓаните.

„Со овие измени им се овозможува на над 600 наши граѓани да ги решат нивните проблеми и да добијат лични документи. Исто така со измените ќе се реши и проблемот со бездржавјанството и на секое дете кое ќе биде родено во земјата затоа што ќе добие извод при раѓање, без разлика дали неговите родители имаат или немаат лични документи“ – појасни претседателот Пендаровски.

Тој нагласи дека е потребно што е можно поскоро да се направат измени и во Законот за живеалиште и престојувалиште, со што ќе се овозможи на уште една ранлива категорија граѓани да извадат лични документи.

Пендаровски апелира до пратениците во македонското Собрание, кои веќе работат на овој процес, да го завршат час поскоро, затоа што, како што посочува, секој човек има право на достоинствен живот.

„На крајот на разговорот побарав од Суад Мисини да продолжи со неговиот активизам на начин на кој нема да биде загрозено неговото здравје“ – пишува Пендаровски.

The post ШТРАЈКУВАЈ, АМА И ЧУВАЈ ЗДРАВЈЕ! Пендаровски го посети Мисини кој штрајкува со жед appeared first on plusinfo.mk.